Færsluflokkur: Menning og listir

RÉTT SKAL VERA RÉTT NEMA FJÁRRÉTT, HÁRRÉTT EÐA KÓRRÉTT SÉ - MYNDAGETRAUN!

Fjárinn hafi það ef hér koma ekki nokkrar kindalegar spurningar. Þær eru sauðmeinlausar og því marki brenndar að vera því miður ekki til fjár Í þetta skiptið.

Þar sem rétt skal vera rétt og að réttir eru á næsta leiti, þá væri gaman að sjá hvort lesendur bloggsins geti áttað sig á þessum myndum (kindum) og hvar þær eru teknar?

Til að byrja með verður engin tenging við myndirnar. Ef þetta verður of erfitt, þá mun ég linka þessar myndir áfram inn á fleiri myndir þegar líða tekur á keppnina. En það er óþarfi að verða kindalegur yfir þessum spurningum eða ... Please be kind, and rewind ... eða ... It´s hard to be kind!

Því óska ég ykkur velgengni Í þessari spurningakeppni og svo dugar engin linkind hér. Eða eins og einn af þekktari skemmtikröftum þjóðarinnar söng á sínum tíma:

„Þú hefur breyst þetta er engin mynd“. Er ég eitthvað kindarleg? „Nei eins og kind!“ ... ég er búinn að segja þér ég geri aldrei skyssu“ ...

En stafurinn "á" getur haft mismunandi þýðingu eins og á (lækur, fljót ...), á (að eiga eitthvað), á (að setja eitthvað ofan á eitthvað) og svo á (kind) en fyrir suma, þá getur það verið pínu flókið mál að finna út úr beygingum þessa orðs sem beygist svona:

Hér er ær, um á, frá á, til ær, eða í fleirtölu hér eru ær, um ær, frá ám, til áa. Önnur orð sem sem einnig mætti leggja á minnið í þessu sambandi eru gimbur, hrútur, lamb, lambhrútur, jarm, me, sauður, sauðfé, sauðkind, dilkur ...

En svo er hægt að leika sér aðeins með stafinn á:

11) Árni á Á á á á á sem heitir Á ..... :) Hvað þýðir þetta?

Fyrir stuttu, þá skrifaði ég jonas.is (Jónas Kristjánsson) smá bréf og kom þá m.a. inn á að hann hefði dregið stórlega úr neikvæðri umræðu í garð íslensku sauðkindarinnar (enda væri hann sjálfur orðin bóndi). Einnig skaut ég að honum í leiðinni að hross væru ekki minni skaðvaldur en blessuðu kindurnar. Hann svaraði að bragði og benti réttilega á að sauðfé í hans sveit (Hrunamannahreppur) hefði fækkað mikið eða úr 25.000 í 2.000 (sem færu á fjall). Einnig benti hann á að á Kaldbak, þar sem hann er nú óðalsbóndi að og hross skaði land á misjafnan hátt. var til skamms tíma á afréttum, sem eru viðkvæmari fyrir beit og uppblæstri. Hross eru núna eingöngu í heimahögum, þar sem bændur geta stjórnað beit. Síðan sauðfé var aflagt á Kaldbak og hrossum fjölgað hefur rótsterkur víðir og annar kvistur risið upp um alla jörðina.

:)

Farið verður vítt yfir sviðið eins og sjá má. En hér koma svo þessar sauðmeinlausu spurningar og afsakið þetta jarm í mér lömbin mín, er frekar vanur að láta myndirnar tala sínu máli, enda nóg til :) Eins og þið sjáið, þá er ég ekkert lamb að leika við og að sjálfsögðu mun ég launa ykkur lambið gráa að lokinni keppni og passa mig á því að draga ykkur ekki í dilkana þó svo að svörin verði mis góð. En reynið nú að svara þessu rétt áður en ég verð elliær!


1) Myndagetraun
a) Hvaða heita þessar fjárréttir?
b) Hvar eru þessar fjárréttir? Mývatn (Kristjana Bjarnadóttir 1)
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Mannvirkið tengist Kísilgúrverksmiðjunni (Kristjana Bjarnadóttir 2)


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


2) Myndagetraun
a) Hvaða heita þessar fjárréttir? Kaldárbakkarétt (Kristjana Bjarnadóttir 3)
b) Hvar eru þessar fjárréttir? Kolbeinsstaðahreppi (Kristjana Bjarnadóttir 4)
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Mótssvæði hestamannafélagsins Snæfellings (Kristjana Bjarnadóttir 5)


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


3) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Vaðafjöll (JEG 1)


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


4) Myndagetraun
a) Hvaða heita þessar fjárréttir? Miðfjarðarrétt (Kristjana Bjarnadóttir 6)
b) Hvar eru þessar fjárréttir? Miðfirði (Kristjana Bjarnadóttir 7)
c) Hvenær voru þessar fjárréttir byggðar? Byggingarár 19xx
d) Fyrir hvaða afrétt eru þessar fjárréttir notaðar? Afrétturinn er Tvídægruafréttur eða Núpsheiði (JEG 2)
e) Hver er fjallkóngurinn?
f) Hvað sést meira á myndinni? Bærinn er Uppsalir (JEG 3)
g) Hvaða nýlegt spillingarmál tengist þessari mynd?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


5) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


6) Myndagetraun
a) Hvaða heita þessar fjárréttir? Hraundalsrétt (Gummi 1)
b) Hvar eru þessar fjárréttir? Rétt vestan við Fagraskógafjall á Mýrum við jaðarinn á Barnaborgarhrauni þar sem eldstöðin Barnaborg er í Kolbeinsstaðahreppi, Snæfellsnessýslu. Hraunið er úfið apalhraun frá nútíma og lyngi og kjarri vaxið. Eldvarpi er í miðju hrauninu og þarna er kjörið útivistarsvæði. (KPS)
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Á og gömul þjóðleið


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


7) Myndagetraun
a) Hvaða heita þessar réttir? Áfangagilsrétt (JEG 4)
b) Hvar eru þessar réttir? á Landmannaafrétti. (JEG 5)
c) Hvenær voru þessar réttir byggðar?
d) Fyrir hvaða afrétt eru þessar réttir notaðar? Landmannafrétt (JEG 6)
e) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


8) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


9) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


10) Myndagetraun
a) Hvaða heita þessar fjárréttir? Reykjarétt. (JEG 7)
b) Hvar eru þessar fjárréttir? Á Skeiðum. (JEG 8)
c) Hvenær voru þessar fjárréttir byggðar? Réttirnar voru byggðar árið 1881 en endurbyggðar fyrir nokkrum árum. (JEG 9)
d) Fyrir hvaða afrétt eru þessar fjárréttir notaðar? Skeiða- og Flóamanna. (JEG 10)
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)



Ég veit ekki hvort að þessi listi yfir þær réttir þar sem réttað verður þetta árið hjálpi eitthvað, en ég læt hann þó fylgja. Þess ber þó að geta að sumar réttirnar eru ekki notaðar lengur.

Fjárréttir á Íslandi haustið 2008


Arnarhólsrétt í Helgafellssveit
Auðkúlurétt við Svínavatn, A.-Hún.
Áfangagilsrétt á Landmannaafrétti, Rang.
Árskógsrétt á Árskógsströnd, Eyf.
Baldursheimsrétt í Mývatnssveit, S.-Þing.
Brekkurétt í Norðurárdal, Mýr.
Fellsendarétt í Miðdölum
Fellsaxlarrétt í Hvalfjarðarsveit
Flekkudalsrétt á Fellsströnd, Dal.
Fljótshlíðarrétt í Fljótshlíð, Rang.
Fljótstungurétt í Hvítársíðu, Mýr.
Fossrétt á Síðu, V.-Skaft.
Fossvallarétt v/Lækjarbotna, (Rvík/Kóp)
Gillastaðarétt í Laxárdal, Dal.
Glerárrétt við Akureyri
Gljúfurárrétt í Höfðahverfi, S.-Þing.
Grafarrétt í Skaftártungu, V.-Skaft.
Grímsstaðarétt á Mýrum, Mýr.
Haldréttir í Holtamannaafrétti, Rang.
Hamarsrétt á Vatnsnesi, V.-Hún.
Heiðarbæjarrétt í Þingvallasveit, Árn.
Hítardalsrétt í Hítardal, Mýr.
Hlíðarrétt í Bólstaðarhl.hr. A.-Hún.
Hlíðarrétt í Mývatnssveit, S.-Þing
Holtsrétt í Fljótum, Skag.
Hólmarétt í Hörðudal
Hraðastaðarétt í Mosfellsdal
Hraungerðisrétt í Eyjafjarðarsveit
Hraunsrétt í Aðaldal, S.-Þing.
Hreppsrétt í Skorradal, Borg.
Hrunaréttir í Hrunamannahr., Árn.
Hrútatungurétt í Hrútafirði, V.-Hún.
Húsmúlarétt v/Kolviðarhól, Árn.
Hvalsárrétt í Hrútfirði, Strand.
Illugastaðarétt í Fnjóskadal S.-Þing.
Kaldárbakkarétt í Kolb., Hnapp.
Kirkjufellsrétt í Haukadal, Dal.
Kjósarrétt í Árneshreppi, Strand.
Kjósarrétt í Hækingsdal, Kjós.
Klausturhólarétt í Grímsnesi, Árn.
Laufskálarétt í Hjaltadal, Skagafirði
Ljárskógarétt í Laxárdal, Dal.
Lokastaðarétt í Fnjóskadal, S.-Þing.
Melarétt í Árneshreppi, Strand.
Melarétt í Fljótsdal, N.-Múl.
Miðfjarðarrétt í Miðfirði, V.-Hún.
Múlarétt í Saurbæ, Dal.
Mýrdalsrétt í Hnappadal
Mælifellsrétt í Skagafirði
Möðruvallarétt í Eyjafjarðarsveit
Nesmelsrétt í Hvítársíðu
Núparétt á Melasveit, Borg.
Oddsstaðarétt í Lundarreykjadal, Borg.
Rauðsgilsrétt í Hálsasveit, Borg.
Reistarárrétt í Arnarneshreppi, Eyf.
Reyðarvatnsréttir á Rangárvöllum
Reykjarrétt í Ólafsfirði
Reykjaréttir á Skeiðum, Árn.
Reynisrétt undir Akrafjalli, Borg.
Selflatarrétt í Grafningi, Árn.
Selnesrétt á Skaga, Skag.
Selvogsrétt í Selvogi
Silfrastaðarétt í Blönduhlíð, Skag.
Skaftárrétt í Skaftárhr., V.-Skaft.
Skaftholtsréttir í Gnúpverjahreppi, Árn.
Skarðarétt í Gönguskörðum, Skag.
Skarðsrétt á Skarðsströnd, Dal.
Skarðsrétt í Bjarnarfirði, Strand.
Skerðingsstaðarétt í Hvammsveit, Dal.
Skrapatungurétt í Vindhælishr., A.-Hún.
Staðarbakkarétt í Hörgárdal, Eyf.
Staðarrétt í Skagafirði
Staðarrétt í Steingrímsfirði, Strand.
Stafnsrétt í Svartárdal, A.-Hún.
Svarthamarsrétt á Hvalfj.str., Borg.
Svignaskarðsrétt, Svignaskarði, Mýr.
Tungnaréttir í Biskupstungum
Tungurétt í Svarfaðardal
Undirfellsrétt í Vatnsdal, A.-Hún.
Valdarásrétt í Víðidal, V.-Hún.
Víðidalstungurétt í Víðidal, V.-Hún.
Þorvaldsdalsrétt í Hörgárdal, Eyf.
Þórkötlustaðarétt í Grindavík
Þórustaðarétt í Hörgárdal, Eyf.
Þverárrétt í Vesturhópi, V.-Hún.
Þverárrétt í Þverárhlíð, Mýr.
Þverárrétt í Öxnadal, Eyf.
Ölfusréttir í Ölfusi, Árn.


Stóðréttir á Íslandi haustið 2008

Skarðarétt í Gönguskörðum, Skag.
Staðarrétt í Skagafirði.
Silfrastaðarétt í Blönduhlíð, Skag.
Hlíðarrétt við Bólstaðarhlíð, A.-Hún.
Skrapatungurétt í A.-Hún.
Unadalsrétt, Skag.
Laufskálarétt í Hjaltadal, Skag.
Þverárrétt í Vesturhópi, V.-Hún.
Tungurétt í Svarfaðardal, Eyf.
Víðidalstungurétt í Víðidal, V.-Hún.
Melgerðismelarétt í Eyjafjarðarsveit
Þverárrétt í Eyjafjarðarsveit


En nánari dagsetningar á þessum réttum má svo sjá hér: http://www.bondi.is/pages/55/newsid/380

HÉR MÁ SJÁ HVERNIG SAFNA MÁ SAMAN FÉ! http://photo.blog.is/blog/photo/entry/644332/

FUNDIÐ FÉ ER LAUSNIN http://photo.blog.is/blog/photo/entry/643140/

FJÁRREKSTUR Á ÍSLANDI http://photo.blog.is/blog/photo/entry/645931/

FÉ Á ÍSLANDI Í FJÁRHAGSKRÖGGUM http://photo.blog.is/blog/photo/entry/650158/

Kjartan
WWW.PHOTO.IS

p.s. var að spá í að koma með 2 blogg í svipuðum stíl til viðbótar ef áhugi reynist fyrir slíku. Á eitthvað um 40-50 svipaðar myndir af réttum til viðbótar.


mbl.is Bændasamtökin skila umsögn
Tilkynna um óviðeigandi tengingu við frétt

FULLT AF FLOTTU MYNDEFNI Í HÓLMINUM VIÐ KIRKJUBÆJARKLAUSTUR

Líklega hefur Lára Þórðardóttir tekið þessa mynd í túninu hjá honum Sverri Valdimarssyni í Hólminum sem er vinstra megin við veginn rétt áður en komið er inn á Kirkjubæjarklaustur.

Ég hef sjálfur farið nokkrar skemmtilegar ljósmyndaferðir á svipaðar slóðir og er myndefnið þarna óþrjótandi eins og sjá má.

Hér er ekið niður að bænum Hólminum þar sem Sverrir Valdimarsson býr. Hér hefur greinilega verið stórbýli á árum áður.

Húsin eins og Sverrir karlinn eru víst komin til ára sinna eins og sjá má á myndunum. Picture from Hólmur close to Kirkjubæjarklaustur, Iceland. (smellið á mynd til að sjá fleiri myndir)




Það sem vakti hvað mest athygli mína á staðnum var að sjálfsögðu Sverrir sjálfur, húsakosturinn, gömlu bílarnir, gamli iðnskólinn og svo vatnsaflrafstöðin og er greinilegt að þetta á sér allt langa og merkilega sögu.

Hjá Sverri má finna fullt af gömlum bílum og eru víst gullmolar þarna innan um sem mæti gjarna gera upp og þar á meðal einn sem falin er inni í skúr

við skulum vona að Hringrás eða önnur brotajárnsfyrirtæki nái nú ekki að læsa krumlum sínum í þá bíla sem þarna er að finna. Þessi mynd er tekin í Apríl 2007. Picture of old cars from Hólmur close to Kirkjubæjarklaustur, Iceland. (smellið á mynd til að sjá fleiri myndir)


Á staðnum má finna leifar af gömlum iðnskóla eða verkstæði þar sem kenndar voru smíðar hér áður fyrr. Þarna má finna stórt og mikið safn af upprunalegum verkfærum upp um alla veggi frá þeim tíma sem skólinn var starfandi

Ef myndirnar eru skoðaðar nána, þá kemur í ljós að þarna er stór rafmótor sem hefur haft það hlutverk að snúa mörgum verkfærum - sem voru reimdrifin á þessum tíma! Picture of old school in Hólmur close to Kirkjubæjarklaustur, Iceland. (smellið á mynd til að sjá fleiri myndir)


Það sem að mér þótti hvað merkilegast var lítil rafstöð sem er líklega búinn að keyra í meira en hálfa öld. Rafmagnið er fengið með lítilli virkjun þar sem fallhæðin á vatninu er varla meiri en 2-3 metrar

Ég var svo heppin að fá Sverrir til að sýna mér virkjunina og vélarnar sem hann notar til að framleiða rafmagn fyrir bæinn sinn. Picture of old home made small hydro plant power station from Hólmur close to Kirkjubæjarklaustur, Iceland. (smellið á mynd til að sjá fleiri myndir)


Þegar inn í stöðvarhúsið er komið, þá má sjá mikið af flottum og fornum rafbúnaði eins og rafmótor og stóra túrbínu

Ekki er ég nú viss um að reglugerðarruglið í Reykjavíkinni myndi nú sætta sig við öryggismálin á staðnum :) Picture of old home made small hydro plant power station from Hólmur close to Kirkjubæjarklaustur, Iceland. (smellið á mynd til að sjá fleiri myndir)


Ég hef löngum verið sérstakur áhugamaður um heimarafstöðvar og safnað myndum af slíku stöðvum út um allt land, bæði úr lofti og á jörðu niðri.

Hér er Sverrir að sýna einum af mínum gestum mannvirkin en umræddur aðili er þekktur túrbínuhönnuður og varð hann að vonum mjög áhugasamur um það sem þarna fór fram. Þess má geta að þessi heimsókn stóð upp úr í ferðinni hjá honum til íslands. Picture of old home made small hydro plant power station from Hólmur close to Kirkjubæjarklaustur, Iceland. (smellið á mynd til að sjá fleiri myndir)


Eins og sjá má á þessari mynd, þá þarf að smyrja vel allar legur svo að það fari ekki að leka vatn út um allt.

En Sverrir hefur viðhaldið rafstöðinni sjálfur enda verður svo að vera því að hún sér honum alfarið fyrir rafmagni. Hann sagði mér að það væri stundum mikið flökt á ljósinu hjá sér enda spennan ekki mjög stöðug sem kemur frá rafstöðinni. Picture of old home made small hydro plant power station from Hólmur close to Kirkjubæjarklaustur, Iceland. (smellið á mynd til að sjá fleiri myndir)


Það er óhætt að segja að það er margt "orginal" þarna á þessu "safni" sem Sverrir hefur umsjón með og væri óskandi að það væri hægt að varðveita eitthvað af þessu öllu.

Á þessari mynd má sjá rennibekk sem hefur verið reimdrifin. Picture of old tools from the school in Hólmur close to Kirkjubæjarklaustur, Iceland. (smellið á mynd til að sjá fleiri myndir)


Hér er heimasmíðuð standborvél sem heimamenn smíðuðu hér í gamladaga. Á þeim tíma var allt nýtt og rafstöðin var heimasmíði eins og margt annað á bænum. Enda bjuggu þarna merkir hagleiksmenn.

Margt að því sem þarna má sjá hefur verið smíðað úr "strandgóssi" frá fyrri tímum en það var vel þekkt að þeir sem bjuggu við suðurströndina notuðu og nýttu vel það sem rak á fjörur. Picture of old tools in Hólmur close to Kirkjubæjarklaustur, Iceland. (smellið á mynd til að sjá fleiri myndir)




Það er mikið til af flottu dóti í Hólminum hjá honum Sverri sem þarf að fara í gegnum og reyna að varðveita. Spurning hvort að sveitafélagið og fl. ættu að taka sig saman og reyna að koma honum til hjálpar.

Kjartan
WWW.PHOTO.IS

mbl.is Vann verðlaun í ljósmyndakeppni SÞ
Tilkynna um óviðeigandi tengingu við frétt

LISTAHÁSKÓLINN - EIN AF TILLÖGUNUM - MYNDIR

Ég ásamt vinkonu minni Heng Shi tókum þátt í samkeppninni um hönnun á Listaháskólanum sem miklar deilur standa um þessa dagana. Við höfðum bæði mjög gaman af því að taka þátt í þessari keppni þó svo að við næðum ekki að vinna í þetta skiptið. Tillögur okkar má svo sjá hér:

Hér má sjá unna ljósmynd þar sem byggingin er felld inn í myndina

Ljósmynd tekin á horni Laugavegs og Frakkastígs. Picture of the art school in Iceland Reykjavik made by Kjartan P. Sigurdsson and Heng Shi. (smellið á mynd til að sjá stærri mynd)


Hér er þversnið af austur hlið skólans sem snýr að Frakkastíg. Eins og sjá má, þá fer byggingin stighækkandi í þrepum frá Laugavegi í átt að Hverfisgötu. Byggingin er látin hækka til norðurs þannig að sólin eigi sem greiðasta leið inn í sem flest rými byggingarinnar ásamt því að veita skjól fyrir köldum norðanáttum, en mikið er um opin aðskilin svæði á milli hinna ýmsu deilda

Reynt er að hafa rýmin opin til suðurs og norðurs og myndast flottur útsýnisveggur til norðurs frá byggingunni út yfir sundin blá. Picture of the art school in Iceland Reykjavik made by Kjartan P. Sigurdsson and Heng Shi. (smellið á mynd til að sjá fleiri myndir)


Ef horft er á suðurhluta byggingarinnar sem snýr að Laugaveginum, þá er reynt að hafa lága framhlið með svölum og opnu svæði fyrir gesti og gangandi. Á opna svæðinu fyrir framan bygginguna er gert ráð fyrir hverskyns uppákomum og listviðburðum sem gæti þá laðað til sín þá umferð sem á leið um svæðið.

Einnig er gert ráð fyrir myndskjáum sem gætu sýnd þá viðburði sem væru í gangi á ýmsum hæðum byggingarinnar þar sem stuðst væri við nýjustu tækni. En þar sem byggingin er mjög opin og aðgengileg, þá er auðvelt að vera með marga listviðburði samtímis í byggingunni jafnt inni sem úti í björtum rýmum byggingarinnar. Picture of the art school in Iceland Reykjavik made by Kjartan P. Sigurdsson and Heng Shi. (smellið á mynd til að sjá fleiri myndir)


Hér er afstöðumynd sem sýnir byggingarreitinn ásamt nærliggjandi byggingum þar sem búið er að fella tillöguna inn í deiliskipulag svæðisins. Hægt er að vera með stærri sýningar á svæði C og D og var hugmyndin að útbúa hringleið fyrr gangandi umferð í gegnum bygginguna inn á svæði C og D og útbúa þannig lítinn "park" sem fólk hefði gaman að því að ganga í gegnum og skoða nánar.

Græna svæðið sýnir svo vinnusvæði sem hugsað var fyrir grófari vinnu og lokuð rými eins og upptökustudio fyrir hljóð og mynd. Picture of the artschool in Iceland Reykjavik made by Kjartan P. Sigurdsson and Heng Shi. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

1 hæð. Picture of the art school in Iceland Reykjavik, 1 floor. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

2 hæð. Picture of the art school in Iceland Reykjavik, 2 floor. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

3 hæð. Picture of the art school in Iceland Reykjavik, 3 floor. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

4 hæð. Picture of the art school in Iceland Reykjavik, 4 floor. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

5 hæð. Picture of the art school in Iceland Reykjavik, 5 floor. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

6 hæð. Picture of the art school in Iceland Reykjavik, 6 topfloor. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

Jarðhæðhæð (-1). Picture of the art school in Iceland Reykjavik, (-1) groundfloor. (smellið á mynd til að sjá fleiri myndir)


Hér má svo sjá hverja hæð fyrir sig ásamt hugmyndum að niðurröðum á hinum ýmsu rýmum fyrir mismunandi deildir skólans.

Jarðhæðhæð (-2). Picture of the art school in Iceland Reykjavik, (-2) groundfloor. (smellið á mynd til að sjá fleiri myndir)


Á þessari mynd má svo sjá hvernig ljósið dreifist um bygginguna ásamt því að vera með góðu útsýni yfir sundin, Esjuna og höfnina

Reynt er að hafa eins mörg opin svæði og mögulegt er svo að listamenn fá i sem mesta tengingu við náttúruna í listsköpun sinni. (smellið á mynd til að sjá fleiri myndir)


Hér er afstöðumynd sem sýnir svæðið í kvarða 1:1000

Afstöðumynd 1:1000 (smellið á mynd til að sjá fleiri myndir)


Hér er þversnið af austur hlið skólans sem snýr að Frakkastíg.

Sneiðingur 1:500 (smellið á mynd til að sjá fleiri myndir)


Hér er þversnið af suður hlið skólans sem snýr að Laugarvegi.

Sneiðingur 1:500 (smellið á mynd til að sjá fleiri myndir)


En svo við látum orð eða umsögn dómnefndar fljóta með, þá var þau á þessa leið:

"Höfundar setja fram tillögu að fyrirferðamiklum húskroppum sem liggja austur-vestur og hækka hver af öðrum eftir því sem norðar dregur. Inndregin hluti jarðhæðar er drungalegur. Myndir gefa ekki fyrirheit um að byggingin falli vel inn í umhverfið"

Svo mörg voru þau orð.

Það er annars gaman að bera saman tillöguna sem vann og svo þá sem að við lögðum inn í keppnina svona í lokin.

Samanburður á tillögum. (smellið á mynd til að sjá fleiri myndir)


Kjartan
WWW.PHOTO.IS

mbl.is Hús Listaháskóla fer yfir leyfileg mörk
Tilkynna um óviðeigandi tengingu við frétt

TEST - RISAMYND AF FOSS Á BLOGGIÐ - ÁHUGAVERÐ TILRAUN

Mbl bloggið hefur átt erfiða tíma núna síðustu dagana og vona ég að þessi tölvumál fari að komast í lag hjá þeim. En eins og sjá má, þá fer ég aðra leið en margir til að tengja mig inn á mínar myndir.

Ég notast við þá lausn að vista myndir á öðrum stað og í staðin vísa ég á myndirnar hjá mér í moggablogginu með svo kölluðum html skipunum. Á móti kemur að ég þarf sjálfur að passa upp á að myndasafnið og að allar tengingar við myndirnar séu í lagi.

Þar sem að ég er að blogga á fleiri stöðum, þá þarf ég ekki að vera að senda myndirnar inn á marga aðskilda netþjóna - Nóg að myndavefþjóninn sé á einum stað. Hér kemur smá tilraun sem gæti verið gaman að sjá hvort að virki.

Hér gefur að líta eina lengstu mynd sem birst hefur líklega á þessu bloggi. Myndin er af fossi sem er á leiðinni inn í Núpstaðarskóg. Fyrir framan fossinn stendur maður frá Indlandi eða Kanada. Hópurinn sem var á ferð með mér fékk sér að borða nesti undir fossinum. Til að skoða myndina þarf að færa bendilinn niður

Litadýrðin leynir sér ekki. Það eru ófáir fallegir fossar á Íslandi sem margir fara því miður fram hjá án þess að taka mikið eftir þeim. Fyrir þá sem langar til að skoða myndina útprentaða, geta farið niður í Prentlausnir Ármúla 1 og skoðað alla myndina nánar. (smellið á mynd til að sjá fleiri myndir)




Kjartan
WWW.PHOTO.IS

mbl.is Fossinn sem gleymdist
Tilkynna um óviðeigandi tengingu við frétt

STAÐARSKÁLI - HRÚTAFJÖRÐUR - MYNDIR

Hér er hinn "nýi" Staðarskáli að rísa í botni Hrútafjarðar þar sem búið er að leggja nýjan veg fyrir botn fjarðarins ásamt nýjum brúm

Þessi bygging mun kom í stað gamla Staðarskála sem er núna fyrir utan hefðbundna ökuleið og einnig verður skálinn á Brú lagður niður. N1 er búinn að kaupa báða staðina og er að byggja upp þann nýja. Picture of new Stadarskali in Hrutafjordur. (smellið á mynd til að sjá fleiri myndir)


Hér má svo sjá "gamla" Staðarskálann ásamt hótelinu sem reis á einni nóttu. En hótelið var flutt á staðinn yfir nótt.

Það hafa margir íslendingar stoppað við Staðarskála til að fá sér snæðing eða fá sér einn alvöru sveittan vegahamborgara. Picture of old Stadarskali in Hrutafjordur. (smellið á mynd til að sjá fleiri myndir)


En annars stóð til að leggja veginn yfir hér á milli þessara tveggja eyra eða frá Reykjatanga þar sem Reykjaskóli er að norðanverðu yfir á Kjörseyrartanga sem er sunnan megin og nær á myndinni (spurning hvar sú framkvæmd er stödd í kerfinu?).

Í síðari heimsstyrjöldinni var breski herinn með stóran herkamp eða um 100 bragga á Reykjatanga í Hrútafirði. Á sínum tíma varð alvarlegt slys þegar hermenn voru að sigla á bát yfir fjörðinn og dóu þá margir hermenn þegar báturinn sökk (ef einhver bloggari þekkir betur söguna, þá væri fróðlegt að fá alla ef hægt er). Picture of Reykjatangi and Kjorseyrartanga in Hrutafjordur. (smellið á mynd til að sjá fleiri myndir)


Gamla pósthúsið og símstöðin í Hrútafirði er núna orðið af gistiheimili. Þar er líka gömul rafstöð sem að ég held að sé enn í gangi. Virkjun var reist í Ormsá sem sá jafnframt stöðinni fyrir rafmagni

1950 – Póstur og sími byggir símstöðvarhús á Brú undir starfsemi sína. Picture of post office in Bru in Hrutafjordur. (smellið á mynd til að sjá fleiri myndir)


Eitthvað heyrði ég það að framkvæmdir á nýja staðnum hafi seinkað eitthvað

Fyrir þá sem geta ekki beðið eftir að sjá nýja staðinn, geta skoðað nánar þessar loftmyndir hér af Staðarskála í Hrútafirði. Picture of new Stadarskali in Hrutafjordur. (smellið á mynd til að sjá fleiri myndir)




Kjartan
WWW.PHOTO.IS

mbl.is Ekið á hross í Hrútafirði
Tilkynna um óviðeigandi tengingu við frétt

GAMLIR TRAKTORAR - MYNDIR

Hér má sjá mynd af gamalli þýskri Deutz dráttavél sem er líklega sömu gerðar og dráttavélin sem fjallað er um í fréttinni

Bóndinn Ólafur Eggertsson á Þorvaldseyri undir Eyjafjöllum er að byrja á því að gera upp þennan hér. Pictures of old Deutz traktor. (smellið á mynd til að sjá fleiri myndir)


Hér má sjá mynd af gamalli þýskri Deutz dráttavél sem er líklega sömu gerðar og dráttavélin sem fjallað er um í fréttinni

Bóndinn Ólafur Eggertsson á Þorvaldseyri undir Eyjafjöllum er að byrja á því að gera upp þennan hér. Pictures of old Deutz traktor. (smellið á mynd til að sjá fleiri myndir)


Hér má sjá mynd af gamalli þýskri Deutz dráttavél sem er líklega sömu gerðar og dráttavélin sem fjallað er um í fréttinni

Bóndinn Ólafur Eggertsson á Þorvaldseyri undir Eyjafjöllum er að byrja á því að gera upp þennan hér. Pictures of old Deutz traktor. (smellið á mynd til að sjá fleiri myndir)


Hér má sjá mynd af gamalli þýskri Deutz dráttavél sem er líklega sömu gerðar og dráttavélin sem fjallað er um í fréttinni

Bóndinn Ólafur Eggertsson á Þorvaldseyri undir Eyjafjöllum er að byrja á því að gera upp þennan hér. Pictures of old Deutz traktor. (smellið á mynd til að sjá fleiri myndir)


Farmall traktor var vinnsæll til sveita hér áður fyrri

Farmall kubbur. Pictures of old Farmall traktor. (smellið á mynd til að sjá fleiri myndir)


Hér er svo annar Farmal með stýrinu til hliðar á safninu á Skógum

Farmall kubbur. Pictures of old Farmall traktor from Skogar museum. (smellið á mynd til að sjá fleiri myndir)


Síðan tók við Massey Ferguson trakktorinn og enn má sjá þennan að störfum víða í sveitum landsins

Massey Ferguson traktor. Pictures of old Massey Ferguson traktor. (smellið á mynd til að sjá fleiri myndir)


Zetor var vinsæl á tímabili

Loftmynd af Zetor traktor. (smellið á mynd til að sjá fleiri myndir)


Hér er enn verið að nota gamlan Ferguson til að raka saman heyi.

Massey Ferguson traktor. Pictures of old Massey Ferguson traktor. (smellið á mynd til að sjá fleiri myndir)


En líklega á þessi traktor metið hvað frumleika varðar

Traktor úr rúlluböggum. Á myndinni má sjá Ómar Pétur Kjartansson, Grétar Má Kjartansson og Sigurstein Pálsson. (smellið á mynd til að sjá fleiri myndir)




Kjartan
WWW.PHOTO.IS

mbl.is Diggadigg gerður upp
Tilkynna um óviðeigandi tengingu við frétt

HRINGSDALUR Í ARNARFIRÐI - MYNDIR OG KORT

Á vef Fornleifaverndar ríkisins mátti finna eftirfarandi um Hringsdal og þar eru einnig fínar myndir af svæðinu.

http://www.fornleifavernd.is/index.php?pid=69

"Hilmar Einarsson forvörður og eigandi jarðarinnar Hringsdal í Arnarfirði hafði samband við Fornleifavernd ríkisins sumarið 2006 og tilkynnti að Eyjólfur bróðir hans hefði fundið mannabein í meintu kumli sem er að finna á landareign Hilmars og Kristínar konu hans. Í Hringsdal, er samkvæmt sögnum, haugur Hrings, norsks manns sem kom til Íslands með Erni landnámsmanni sem nam Arnarfjörð. Hringur var sagður veginn af Austmönnum sem höfðu elt hann til Íslands til að hefna fyrir víg. Hringur varðist vel og hryggbraut fjölda Austmanna á steini og eru þeir einnig heygðir í Hringsdal skv. sögnum. Fornleifavernd ríkisins fór vestur og kannaði aðstæður. Adolf Friðriksson, Fornleifastofnun Íslands ses tók að sér rannsókn á kumlateignum og minjunum í Hringsdal. Frumkönnun Adolfs leiddi í ljós kumlateig, mannabeinabrot, hluta kjálka með tönnum, kambbrot og leifar fleiri gripa. Verður spennandi að fylgjast með hvað rannsóknin leiðir í ljós."


Hótel Búðir eru með flottan vef og mátti þar lesa þennan texta:

http://www.budir.is/default2_is.asp?active_page_id=48

"Vestur í Arnarfjarðardölum er bær, sem nú á tímum jafnan er nefndur Hringsdalur, alkunnur bær, því að þar hefir löngum verið myndar- og rausnarheimili. Í Hringsdal hafa gengið munnmælasagnir um landnámsmanninn Hring, er bærinn sé við kenndur, og deilur hans við Austmann í Austmannsdal, er lyktuðu með því, að Hringur féll í bardaga í Hringsdal. Hringshaugur er sýndur enn í dag, og ýmis örnefni eru þar önnur, sem lúta að þessum sögnum, Víghella, Bardagagrund, efri og neðri, Ræningjalág eða Austmannalág. Er þetta í rauninni heil Íslendingasaga, sem þarna hefir gengið í munnmælum, og hafa þeir skráð inntak hennar hvor í sínu lagi, Sigurður Vigfússon 1) og Helgi Guðmundsson 2) en aldur sögu þessarar má ef til vill marka af því, að í eldri heimildum, allt niður á 18. öld, er bærinn jafnan nefndur Hrísdalur, og mun ekki vera að efa, að það sé hið upphaflega nafn hans."

Hringsdalur er um 10 km frá Bíldudal.

Á myndinni er horft til norðurs þar sem má sjá Arnarfjörð og þar sem glittir í gulan sandinn er Hvestudalur þar sem áin Vaðall rennur og næsti dalur til vinstri er Hringsdalur.

Hornið sem dökka skuggann ber á heitir Nónhorn og lengra til vinstri má sjá hvar Hringsdalur er (klikkið á mynd til að sjá fleiri myndir)


Hér er svo kort af Hringsdalur, Hvestudal, Arnarfirði, Nónhorni, Bíldudal

Hringsdalur, Hvestudalur, Arnarfjörður, Nónhorn, Bíldudalur (klikkið á mynd til að sjá fleiri myndir)


Í næsta firði, Hvestudal, hefur verð umræða um að byggja upp umdeilda olíuhreinsistöð.

Kjartan
WWW.PHOTO.IS

mbl.is Líklegt að haugurinn hafi verið rændur
Tilkynna um óviðeigandi tengingu við frétt

HALLGRÍMSKIRKJA ER GLÆSILEG KIRKJA - MYNDIR

Hér má sjá hina stórglæsilegu kirkju, Hallgrímskirkju

Kirkja er glæsileg í alla staði og mikil prýði fyrir Reykjavík og landsmenn alla (smellið á mynd til að sjá fleiri myndir)


Loftmynd af Hallgrímskirkju

Hallgrímskirkja, horft til suðvestur (smellið á mynd til að sjá fleiri myndir)


Loftmynd af Hallgrímskirkju. Horft upp eftir Skólavörðustíg

Hallgrímskirkja, horft til austurs (smellið á mynd til að sjá fleiri myndir)


Loftmynd af Hallgrímskirkju

Hallgrímskirkja, horft til norðurs (smellið á mynd til að sjá fleiri myndir)



mbl.is Myndasýning í leyfisleysi
Tilkynna um óviðeigandi tengingu við frétt

VELKOMIN Í SKAGAFJÖRÐINN - MYNDIR

Líklega koma Ólafur og Dorrit til með að gista á þessu fallega og fína uppgerða hóteli hér sem ber nafnið Hótel Tindastóll eins og eitt frægasta fjall Skagfirðinga gerir líka

Hótel Tindastóll er vel búið hótel með öllum þægindum (smellið á mynd til að sjá fleiri myndir)


Víðimýrakirkja er ein af af fallegri kirkjum á landinu og ein af mörgum endurbyggðu kirkjum á svæðinu

Víðimýrakirkja í Skagafirði (smellið á mynd til að sjá fleiri myndir)


Kirkjur í Skagafirði hlaðnar með torfi eru fjölmargar í Skagafirði. Það hefur sýnt sig að gömlu kirkjurnar höfðu mun meiri endingu á norðurlandi miða við suðurlandið. En það hefur með rakan og kuldann að gera. Einnig hafa varðveist mun mera af handritum frá norðurlandi vegna þessa.

Hér má sjá svo altaristöfluna sem er í Víðimýrakirkju

Gömul altaristafla í Víðimýrakirkju (smellið á mynd til að sjá fleiri myndir)


Ekki er ólíklegt að forsetahjónin líti við á hestabúgarði eins og þessum hér

Flugumýri er staðsett í “Mekka hestamennskunnar“ Skagafirði. Hjónin á Flugumýri bjóða upp á skipulagðar hestaferðir og sýningar fyrir ferðamenn (smellið á mynd til að sjá fleiri myndir)


Heimasíðan á Flugumýri er http://www.flugumyri.com/

Hér er danskur vinnumaður á Víðimýri að kynna fyrir samlöndum sínum Íslenska hestinn

Kynning á Íslenska hestinum fyrir dönskum ferðamönnum á Víðimýri í Skagafirði (smellið á mynd til að sjá fleiri myndir)


Við verðum bara að vona að Ólafur Ragnar Grímsson forseti láti það ógert að bregða sér á bak. En eins og margir muna eflaust, þá gekk það ekki vel á Snæfellsnesi hér um árið. Nema það hafi verið dulbúin aðferð til að næla sét í konu eins og sjá má

Safnið Glaumbær í Skagafirði er einn vinsælasti viðkomustaður ferðamann og má þar skoða burstabæ af stærri gerðinni sem hefur verið endurbyggður

Glaumbær í Skagafirði (smellið á mynd til að sjá fleiri myndir)


Ein skemmtilegasta uppákoma sem að ég hef orðið vitni af fyrir ferðamenn var leikrit sem flutt var fyrir ferðamenn á Hólum í Hjaltadal

Hér er verið að flytja verk um Galdraloft eftir fyrir danska ferðamenn við gríðarlegan fögnuð áhorfenda (smellið á mynd til að sjá fleiri myndir)


Hólakirkja er einstök og margan gersema þar að sjá

Spurning hvort einhver veit hvað þetta hér er, úr hverju það er smíðað og hvar (smellið á mynd til að sjá fleiri myndir)


Á Hólum í Hjaltadal er fiskasafn þar sem sjá má mörg furðuleg kvkind

Hvaða fiskur skildi þetta vera? (smellið á mynd til að sjá fleiri myndir)


Grafarkirkja í Skagafirði er fyrir margt merkileg og er meðal annar garðurinn í hring um kirkjuna

Í kirkjum íslands blandast saman tákn frá ýmsum trúarbrögðum allt frá heiðnum tíma til okkar dags. (smellið á mynd til að sjá fleiri myndir)


Hofsós er þorp á Höfðaströnd við Skagafjörð sem er vinsælt fyrir ferðamenn. Bærinn hefur verið byggður upp af miklum myndarbrag í gömlum stíl

Á Hofsósi er Vesturfarasetur sem er safn um burt flutta vestur íslendinga (smellið á mynd til að sjá fleiri myndir)


Spurning hvort að forsetahjónin hætti sér í siglingu út í Drangey til að skoða fuglalífið út í eyjunni

Drangeyjarferjan Víkingur sem er í eigu Jóns Eiríkssonar “Drangeyjarjarls” (smellið á mynd til að sjá fleiri myndir)


Að afloknu ströngu prógrami, þá er spurning hvort að forsetahjónin fái sér bað í sömu laug og Grettir Ásmundason gerði eftir Drangeyjarsundið fræga

Hlaðin náttúruleg laug (smellið á mynd til að sjá fleiri myndir)


Það er hægt að halda svona áfram lengi, en af nógu er að taka á svæðinu.


mbl.is Forsetahjónin heimsækja Skagafjörð
Tilkynna um óviðeigandi tengingu við frétt

MANNABEIN FINNAST VÍÐA

Einn er sá staður sem mér hefur þótt gaman að koma til. En það er í litla vík austur á landi sem Húsavík heitir. Húsavík liggur á milli Loðmundarfjarðar að sunnan og Breiðavíkur (Herjólfsvíkur) að norðan.

Á þessum stað er lítil kirkja sem hefur verið endurbyggð.

Lítil kirkja í Húsavík sem er á milli Loðmundarfjarðar að sunnan og Breiðavíkur (Herjólfsvíkur) að norðan (smellið á mynd til að sjá fleiri myndir)


Það sem merkilegt er við þennan stað er að þar liggur gamall kirkjugarður út við sjávarsíðuna. Vegna ágangs sjávar, þá hefur grafið svo mikið úr bakkanum að mannabein og og leifar af líkkistum standa út úr bakkanum. Þetta er staður sem er ekki fyrir viðkvæma að fara á!

Annar merkilegur beinastaður sem að ég hef komið til er í beinakirkjuna í Tékklandi (Kostnice Ossuary, Kutna Hora, Sedlec, Church of Bones, Kostnice Sedlec)

Þar er að finna kirkju eða grafhýsi sem hefur verið skreitt listilega með mannabeinum eins og sjá má á eftirfarandi myndum (ekki fyrir viðkvæma).

Hér er gengið inn í beinakirkjuna í Kutna Hora í Tékklandi og eins og sjá má, þá er anddyrið ekki beint fyrir þá sem eru hræddir við mannabein.

Beinakirkjan í Tékklandi, Kostnice Ossuary, Kutna Hora, Sedlec, Church of Bones, Kostnice Sedlec (smellið á mynd til að sjá fleiri myndir)


Eins og sjá má á myndunum, þá eru innanstokksmunir og skraut kirkjunnar nánast alfarið búnir til úr mannabeinum.

Skjaldamerki úr beinum í beinakirkjunni í Tékklandi, Kostnice Ossuary, Kutna Hora, Sedlec, Church of Bones, Kostnice Sedlec (smellið á mynd til að sjá fleiri myndir)


Hér er horft upp í loftið og yfir salinn í átt að altarinu í beinakirkjunni

horft upp í loftið og yfir salinn í átt að altarinu í beinakirkjunni í Tékklandi, Kostnice Ossuary, Kutna Hora, Sedlec, Church of Bones, Kostnice Sedlec (smellið á mynd til að sjá fleiri myndir)


Eins og sjá má, þá eru furðuleg mörg mannanna verk.

Kjartan
WWW.PHOTO.IS

mbl.is Mannabein fundust á víðavangi í Kjósarhreppi
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband