KLEIFARBÚINN Á KLEIFARHEIÐI - MYNDIR

Eins og lesa má á skiltinu sem er við Kleifabúann, þá var varðan reist af mönnum úr vegavinnuflokki Kristleifs Jónssonar árið 1947. Þegar vegurinn, sem unninn var með handverkfærum eingöngu, var komið upp að þessum stað ákváðu vegavinnumenn að reisa myndalega vörðu. Einar Einarsson og Guðjón Jóhannesson hlóðu, Kristján Jóhannesson bjó til höfuð en flokkur Kristleifs sá um efnisöflun.

Hátt á bergi Búi stendur,
býður sína traustu mund,
horfir yfir heiðarlendur
hár og þögull alla stund.


(Kristleifur Jónsson)

Skilti með upplýsingum um Kleifarbúann á Kleifarheiði

Kleifarbúinn (smellið á mynd til að sjá fleiri myndir)

Kleifarbúinn. Hvaða tvíræða tákn er þetta sem stendur út úr honum miðjum :)

Kleifarbúinn (smellið á mynd til að sjá fleiri myndir)



Kjartan
WWW.PHOTO.IS

Leynihópurinn gleður á Patró

REFUR, TÓFA, MELRAKKI, HEIMSKAUTSREFURINN - MYNDIR

Íslenski heimskautarefurinn eða fjallarefurinn var eina spendýr landsins þegar landnámsmenn námu land um 800. Talið er að refurinn hafi orðið eftir í lok ísaldar. Dýrið breytir um lit á feldi eftir árstíðum og er mógrátt á sumrin og hvítt á veturna.

Kvendýrið (tófa, læða, bleyða, keila ...) er 20% léttari en karldýrið (steggur, refur) og er meðgöngutíminn rúmar 7 vikur. Yrðlingarnir fæðast blindir og er gotið 5 til 6 yrðlingar.

Bústaðurinn er oft í urð eða sundurgrafið barð og heitir greni.

Rebbi er mikið ferðinni en þó mest í ljósaskiptunum.

Hér er lítill yrðlingur að naga legg af íslenskri sauðkind við Hólaskjól á Fjallabaksleið.

Ylfingur að naga bein af íslenskri sauðkind í Hólaskjól á Fjallabaksleið (smellið á mynd til að sjá fleiri myndir)

Hér erum við orðnir pínu stærri og mun sætari :)

Tveir ylfingar við greni í Hólaskjól á Fjallabaksleið (smellið á mynd til að sjá fleiri myndir)

Hver ert þú? Hvað viltu mér gæti rebbi verið að spyrja.

Refur horfir hissa á ljósmyndarann (smellið á mynd til að sjá fleiri myndir)

Hér er örugglega eitthvað gott að borða

Fæðan rebba fer eftir aðstæðum eins og ýmislegt sjórekið, skeldýr, egg og fuglar, hræ, ber, mýs o.fl. (smellið á mynd til að sjá fleiri myndir)

Það er hvergi friður fyrir ljósmyndurum

Refur að gera þarfir sínar úti í Íslenskri náttúru (smellið á mynd til að sjá fleiri myndir)



Refur að leik við Hólaskjól að Fjallabaki (smellið á mynd til að sjá fleiri myndir)



Kjartan
WWW.PHOTO.IS

Tófa vogar sér sífellt nær þéttbýli

Nú er það stóra spurningin til þeirra sem halda um stjórnartaumana

Hvernig þeir ætla að framkvæma þá stóru drauma sem verið er að skrifa undir þessa dagana?

Talað er um að það þurfi að minnka losun á CO2 á bilinu 25 - 40%!

Ég á erfitt með að sjá hvernig þá muni gerast í samfélagi þar sem keyptir eru sífellt stærri og fleiri bílar, stærri skip, fleiri flugvélar og byggðar stærri og afkastameiri verksmiðjur sem losa CO2 í stórum stíl!

Hlýnun jarðar er að gerast með mun meiri hraða en jafnvel svartsýnustu vísindamenn þorðu að spá um.

Ein leiðin í svona málum gæti verið að hugsa aðeins lengra fram í tímann en nú er gert.

Nú þegar flæðir hér umhverfisvæn orka út um allt - ÓNOTUÐ!

Það eitt og sér er sóun á dýrmætum auðlindum.

Því ekki að setjast niður og hugsa öll þessi mál upp á nýtt fyrir þessar 300 þúsund hræður sem hér búa og gera eitthvað rótækt í þessum málum?

Við höfum fjarmagnið, hugmyndirnar, framkvæmdarviljann ... og ekki síst aðstöðuna, en því miður ekki stjórnmálamenn sem þora að taka af skarið og gefa nýjum hugmyndum grænt ljós.

Að sjálfsögðu eru allar nýjungar umdeilda á meðan á þeim stendur og eru Íslendingar lítt þekktir fyrir að vera þolinmóðir þegar fjárfesting í nýsköpun er annars vegar.

Leggjum umhverfisvænt léttlestarkerfi á Suðvestur horn landsins. Hvalfjarðargöngin voru umdeild á sínum tíma og nú örfáum árum seinna á að fara út í stækkun til að ráða við þá miklu aukningu sem orðið hefur í bílismanum.

GETA ÍSLENDINGAR EKKI HORFT AÐEINS FRAM Í TÍMANN ÞEGAR VEGAFRAMKVÆMDIR ERU ANNARS VEGAR?

Svarið er einfallt:

NEI

Innan örfárra ára, þá muna sá ferðamáti að ferðast í bílum eins og gert er í dag verða gjörbyllt með einum eða öðrum hætti.

Kröfurnar eru einfaldlega orðnar þannig að mengandi umferðarmáti verði einfaldlega bannaður í framtíðinni.

Hvað er til ráða?

Höfum við Íslendingar ekki stórkostleg viðskiptatækifæri í þessum málum að þróa lausnir sem við í framtíðinni gætum orðið stórútflytjendur á?

Nú skora ég á borgaryfirvöld, sveitastjórnir og stjórnvöld þessa lands að hugsa að alvöru um þessi mál.

Á eftirfarandi mynd og korti má sjá hugmyndir af brautarkerfi fyrir suðvesturhorn landsins.

Brautarkerfi, lest eða monorail kerfi fyrir Reykjanes, Gullna hringinn og Suðurland (smellið á mynd til að sjá fleiri myndir)



http://photo.blog.is/blog/photo/entry/293926/
http://photo.blog.is/blog/photo/entry/263922/
http://photo.blog.is/blog/photo/entry/268551/
http://photo.blog.is/blog/photo/entry/267781/
http://photo.blog.is/blog/photo/entry/262950/

Verum leiðandi á þessu sviði og gott fordæmi fyrir aðrar þjóðir.

Kjartan
WWW.PHOTO.IS

,,Sögulegt samkomulag”

Kort og myndir - Smá viðbót út af skjálftunum við Upptyppinga

Kort og myndir - Smá viðbót út af skjálftunum við Upptyppinga Ég fékk fyrirspurn frá Þórði nokkrum í kommentakerfinu mínu varðandi myndir og skrif mín um skjálftana við Upptyppinga.

Þórður spurði um myndir af svæðinu við Álftarnesdyngju, en því miður gat ég ekki fundið sjálft örnefnið af Álftadalsdyngju í mínum kortum. Í staðin fann ég dalinn sem hún er líklega kennd við.

Ég útbjó kort sem er í meiri gæðum en það sem Veðurstofan er að bjóða upp á á sínum vef og lagði þeirra gögn yfir kortið og fékk ég þá þetta kort hér:

Kort af svæði þar sem virknin er mest í kringum Upptyppinga (smellið á mynd til að sjá fleiri myndir)

Þarna má sjá svæðið frá Kárahnjúkum að Öskju.

Samkvæmt kortinu, þá virðist mesta virknin vera aðeins til hliðar austan megin við Upptyppinga.

Ef farið er inn á vef Veðurstofunnar og skoðuð jarðskjálftavirkni á svæðinu, þá má sjá virknina á Vatnajökli eins og hún er núna

Jarðskjálftakort Veðurstofunnar af Vatnajökli (smellið á mynd til að sjá fleiri myndir)

Það hafa oft orðið flóð eða hlaup ekki langt frá þar sem óróinn er núna. Þessi brú liggur yfir Kreppu, en þar verða oft mikil flóð. Síðast þegar það gerðist, þá hvarf vegurinn á stórum kafla við brúnna.

Brúin yfir Kreppu (smellið á mynd til að sjá fleiri myndir)

Hér má sjá flug yfir svæðið ef einhver getur áttað sig á þessum myndum. En flogið er frá Öskju í átt að Grágæsavötnum.

Flug yfir Jökulsá á Fjöllum, Kreppu (smellið á mynd til að sjá fleiri myndir)

Þessi mynd er tekin 2006 af gömlum Volvo herbíl sem var stopp úti á miðri sandauðninni nánast á svæðinu þar sem skjálftamiðjan er núna.

Hér var á ferð hópur af ungmennum sem voru að "stytta" sér leið frá suðurlandinu norður í land. Þau völdu bara Gæsavatnaleið sem er ekki talin sú þægilegasta.

6 hjóla Volvo bilaður (smellið á mynd til að sjá fleiri myndir)

Bílinn var vægast sagt frekar illa búinn til að takast á við svona erfiða ferð. Eldsneyti búið og ýmsi vandamál búinn að vera á leiðinni.

Hér má sjá Herðubreið og Herðubreiðartögl og Upptyppinga eða svæðið þar sem upptök skjálftana hafa verið.

Herðubreið og Herðubreiðartögl (smellið á mynd til að sjá fleiri myndir)

Hér má sjá brúnna yfir Jökulsá á Fjöllum og hvar líklegt svæði gæti verið þar sem eldgos gæti hafist

Jökulsá á Fjöllum (smellið á mynd til að sjá fleiri myndir)



Kjartan
WWW.PHOTO.IS

ÞÆR ERU MARGAR MISS WOLD Í KÍNA

Það eru margar fallegar konur í Kína eins og sjá má á eftirfarandi myndum.

Þessi skvísa var að vísu í heimsókn í heimalandinu Kína í fríi frá sinni vinnu í USA

Kona frá Kína (klikkið á mynd til að sjá fleiri myndir)

Þjóðarbrotin eru mörg í Kína

Landið er stórt of fjöldinn mikill. Í Kína búa líklega eitthvað um 1.5 milljarður (klikkið á mynd til að sjá fleiri myndir)

Hér situr eldri kona við prjónaskap

Eldri kona að prjóna (klikkið á mynd til að sjá fleiri myndir)

Aldurinn fer eins með alla, sama hvort það er í Kína eða annars staðar

Eldri kínversk kona sem ber aldurinn vel (klikkið á mynd til að sjá fleiri myndir)

Þegar konur eru annars vegar, þá er Haukurinn (Haukur Hauksson) ekki langt undan. Konurnar sópuðust að honum á Kínamúrnum, enda þarna mikill mannkostur á ferð :)

Haukur Hauksson fréttamaður á ferð um Kínamúrinn með 3 konur sér við hönd (klikkið á mynd til að sjá fleiri myndir)

Það eru ekki allir jafn ánægðir með að láta mynda sig

Kínversk kona óhress með að láta mynda sig (klikkið á mynd til að sjá fleiri myndir)

Mannlífið er ótrúlegt þarna í Kína. Hér er móðir á ferð með börnin sín.

Kínversk kona með börnin sín á hjóli (klikkið á mynd til að sjá fleiri myndir)

Það er gaman að ganga um göturnar þar sem mannlífið flæðir um göturnar og allir að selja eitthvað.

Kínversk kona að selja ávexti (klikkið á mynd til að sjá fleiri myndir)

Maturinn er ótrúlegur í Kína og fjölbreytnin mikil. Margrétta máltíðir voru á öllum þeim stöðum sem við komum á og svo var her af þjónum sem sáu um að allir fengju nóg.

Kínverskar konur í litskrúðugum silkifatnaði (klikkið á mynd til að sjá fleiri myndir)

Kjartan
WWW.PHOTO.IS

Ungfrú Kína kjörin ungfrú heimur

HÁLKA, SNJÓKOMA, ÓVEÐUR, ÓFÆRT! - ÞAÐ ER HÆGT AÐ LEYSA MÁLIÐ :)

Ef byggð yrði upphituð braut með svipuðu snið og hitaveitustokkarnir fyrir íslenskt léttlestarkerfi, þá yrði ekki vandamál með "beðið með mokstur", "þungt færi", "hálkubletti", "snjóþekja", "skafrenningur", "ekkert ferðaveður" og fl. Allt vel þekkt orð sem notuð eru í fjölmiðlum þegar vetur konungur leggst yfir

Hér má sjá hvernig hægt er að samtengja byggðir á suðvesturhorninu sem myndi nýtast vel byggðum og ferðamönnum sem ferðast um þetta svæði.

Mynd sýnir samgöngukerfi sem gæti leyst umferðarvanda Stórreykjavíkursvæðisins (klikkið á mynd til að sjá fleiri myndir)

Umhverfisvænn loftbíll - Ætli það sé framtíðin fyrir íslenskan markað?

Á vef Viðskiptablaðsins mátti lesa þessa skemmtilegu frétt um það nýjasta í þróun á bílum.
Indverskur loftbíll fyrir íslenskan markað

Ef að Íslendingar myndu líta sjálfum sér aðeins nær, þá gætum við orðið þau fyrstu í heiminum að setja upp "Bensínstöð" sem yrði einskonar "Orkustöð" þar sem tappað væri á farartæki beint frá gufuborholu. En þrýstingur frá slíkri holu getur verið um 200 bör og ef tappað væri á kerfi bíls með slíkri orku, þá væri hægt að aka allt að 200 km á umhverfisvænni frírri orku sem við íslendingar eigum nóg af!!!!!

Hér má sjá hugmynd af vagni sem ekið getur eftir spori með ferðamenn í óvissuferð út í íslenska náttúru.

Mynd sýnir rafdrifið ökumannslaust farartæki (smellið á mynd til að sjá fleiri myndir)



Lesa má nánar um útfærslu á svipuðum hugmyndum fyrir Norðausturrhorn landsins hér:

http://photo.blog.is/blog/photo/entry/367893/

Lesa má nánar um útfærslu á svipuðum hugmyndum fyrir Norðurlandið hér:

http://photo.blog.is/blog/photo/entry/367524/



Kjartan
WWW.PHOTO.IS

Hálka, snjókoma og óveður

Til hamingju Húsvíkingar

Hún má vera ánægð þessi dama, sem er skipstjóri hjá Norður-Siglingu (North-Sailing), með verðlaunin frá SAF

Svei mér þá ef hún er ekki líka með rauðar freknur (smellið á mynd til að sjá fleiri myndir)



Hvalaskoðun er gríðarlega vinsæl meðal ferðamanna

Her kemur hvalur upp rétt fyrir framan bátinn (smellið á mynd til að sjá fleiri myndir)

Hvalaskoðun og sjóstangaveiði frá Húsavík - Þar er safn um hvali

Hér má sjá hvalina koma alveg upp að bátunum (smellið á mynd til að sjá fleiri myndir)

Var á ferð með Ameríkana árið 2005. Tók þá þessar myndir í hvalaskoðun og var hvalaskoðunarbærinn fullur af ferðamönnum. Hér eru 3 hvalaskoðunarbátar samtímis úti á miðunum


Hér má sjá báta sem bera nafnið Bjössi Sör og Faldur en Knörrinn var minn bátur - Allt gamlir og góðir eykarbátar (smellið á mynd til að sjá fleiri myndir)

Konur eru greinilega að taka yfir mörg hefðbundin karlastörf - sem er vel. En þessi Húsavíkurmær var skipstjórinn á hvalaskoðunarbátnum.

Einbeittur skipstjóri (smellið á mynd til að sjá fleiri myndir)

Hvalasafnið á Húsavík er líklega eitt af þeim flottari sem fyrirfinnast þó víða væri leitað.

Hvalasafnið á Húsavík (smellið á mynd til að sjá fleiri myndir)

Hér hverfur hvalurinn í djúpið og segir bless við ferðamennina

Hvalurinn að undirbúa djúpköfun (smellið á mynd til að sjá fleiri myndir)

Hvalurinn að undirbúa djúpköfun (smellið á mynd til að sjá fleiri myndir)



Kjartan

WWW.PHOTO.IS

Hvalaskoðunarfyrirtæki fékk nýsköpunarverðlaun

ÍSLANDSMET Í ATHUGASEMDUM - BITRUVIRKJUN

Svo er að sjá að barátta Petru gegn virkjunaráformum við Ölkelduháls á síðustu metrunum sé að skila sér.

Þessi grein birtist á visi.is í morgun:

ÍSLANDSMET Í ATHUGASEMDUM VEGNA BITRUVIRKJUN (smellið á mynd til að sjá fleiri myndir)

Fyrir þá sem vilja kynna sér málið nánar er bent á að skoða heimasíðu þeirra aðila sem vilja láta skoða virkjanamál á þessu svæði betur hér:

WWW.HENGILL.NU



Kjartan
WWW.PHOTO.IS

Verðmat Geysir Green var hækkað um 6,7 milljarða

Myndir og kort af Þórkötlustaðanesi við Grindavík

Hér er mynd af Grindavík tekin á fallegu sumarkvöldi og Þórkötlustaðanes sem um ræðir er fjær á myndinni.

Grindavík úr lofti (smellið á mynd til að sjá fleiri myndir)

Grindavík er bær á sunnanverðum Reykjanesskaga. Sjávarútvegur er aðalatvinnugrein enda er Grindavík einn öflugasti útgerðarbær landsins. Land Grindavíkur nær frá Reykjanestá og austur að sýslumörkum Árnessýslu. Íbúar eru um 2.400.

Á þessari mynd má svo sjá myndirnar af salthaugunum sem eru suðvestan megin á Þórkötlustaðanesi

Salthaugarnir sem eru rétt hjá Grindavík úr (smellið á mynd til að sjá fleiri myndir)

Hér er svo Hópsnesviti / Þórkötlustaðanesviti og leifar af bátnum Gjafar VE 300 sem fórst 27. febrúar árið 1973 er framar á myndinni

Vitinn og leifar af vélbátnum Gjafar, 12 manna áhöfn var bjargað (smellið á mynd til að sjá fleiri myndir)

Hvaða hús er þetta sem myndin sýnir?

Húsarústir á Þórkötlustaðanesi (smellið á mynd til að sjá fleiri myndir)

Hvaða byggð var suðaustan megin á nesinu?

Gamlar rústir á Þórkötlustaðanesi (smellið á mynd til að sjá fleiri myndir)

Hvaða byggð var austan megin á nesinu?

Byggð á Þórkötlustaðanesi (smellið á mynd til að sjá fleiri myndir)

Festafjall er merkilegt fjall sem hefur verið grafið til hálfs af ágangi sjávar og er þar hægt að sjá hvernig eldstöð hefur brotist upp á yfirborðið í þversniðinu af fjallinu.

Festafjall við Hraunsvík (smellið á mynd til að sjá fleiri myndir)

Kort af göngusvæðinu þar sem sjá má Grindavík, Þórkötlustaðanes m.m.

Kort af Grindavík og nágreni (smellið á mynd til að sjá fleiri myndir)

Nánari upplýsingar um svæðið má finna á vef Ferils hér:
http://www.ferlir.is/?id=6814


Kjartan
WWW.PHOTO.IS

Tólfhundraðasta ganga Ferlis

Flott, umhverfisvænt, hljóðlaust og afkastamikið kerfi fyrir ferðamenn

Hér leggst skemmtiferðarskipið Discovery að bryggju við Skarfabakka.

Skemmtiferðarskipið Discovery við Skarfabakka í Reykjavík (smellið á mynd til að sjá fleiri myndir)

Um borð í svona skipi er allur hugsanlegur lúxus og stundum getur áhöfnin verið jafn fjölmenn og farþegarnir

Skemmtiferðarskipið Discovery við Skarfabakka í Reykjavík (smellið á mynd til að sjá fleiri myndir)

Farþegarnir bíða spenntir eftir að fá að stíga frá borði á íslenska grund. Þar bíður ýmis afþreying eftir þessum ferðamönnum.

Skemmtiferðarskipið Discovery við Skarfabakka í Reykjavík (smellið á mynd til að sjá fleiri myndir)

En það er gríðarlegur fjöldi að koma með svona skipum til landsins og ekki óalgengt að það bíði 10-20 rútur og fjöldi breyttra jeppa á hafnarbakkanum eftir komu svona skips.

Hvernig væri að nota íslenskt hugvit og þekkingu til að sérsmíða okkar eigið samgöngukerfi og bæta þar með stórlega ímynd okkar út á við?

Samgöngukerfi á brautum gæti verið umhverfisvæn lausn til að flytja mikið magn af ferðamönnum á stuttum tíma á helstu ferðamannastaðina á suðvestur horni landsins.

Hvernig væri að koma með varanlega framtíðarlausn þar sem ekki er bara hugsað til morgundagsins?

Hér má sjá hugmynd af vagni sem ekið getur eftir spori með ferðamenn í óvissuferð út í íslenska náttúru þar sem skoða má jökla og svarta sanda á ferð um hálendi íslands.

Mynd sýnir rafdrifið ökumannslaust farartæki (smellið á mynd til að sjá fleiri myndir)

Á eftirfarandi mynd og korti má sjá hugmyndir af brautarkerfi fyrir suðvesturhorn landsins.

Brautarkerfi, lest eða monorail kerfi fyrir Reykjanes, Gullna hringinn og Suðurland (smellið á mynd til að sjá fleiri myndir)

Væri þá ekki ráð til að vernda svæði eins og Þingvöll betur að lágmarka alla umferð ökutækja um svæðið nema með svona hljóðlausum og umhverfisvænum vögnum. Ferðamenn tækju ferðavagninn til Þingvallar með því a velja viðkomandi hnapp og réðu svo sínum tíma sjálfir með því að ganga um svæðið og þegar viðkomandi telur sig búinn að fá nóg, þá er stigið upp í næsta vagn og haldið áfram á næsta áfangastað. Með þessu myndi fást mun meiri dreifing og álagstoppar lækka og ferðamaðurinn fær ekki á tilfinninguna lengur að það séu 20 rútur á sama tíma eins og oft vill gerast við Gullfoss og Geysi.

Samkvæmt könnunum, þá hafa erlendir gestir einkum áhuga á náttúrutengdri afþreyingu og býður Græna leiðin nánast upp á alla þá möguleika í einni hringferð.

Ástæðan fyrir því að græna leiðin er lögð upp að Langjökli er að við eigum að leggja stóraukna áherslu á að fólk fái að komast á jökla, á skíði, ísklifur, skíðagöngu, vélsleða jeppaferðir í snjó og allt við topp aðstæður. En eins og hefur áður komið fram hjá mér, þá á að leggja niður núverandi skíðasvæði og flytja þangað upp eftir.

http://photo.blog.is/blog/photo/entry/293926/
http://photo.blog.is/blog/photo/entry/263922/
http://photo.blog.is/blog/photo/entry/268551/
http://photo.blog.is/blog/photo/entry/267781/
http://photo.blog.is/blog/photo/entry/262950/

Nýjar byltingakenndar hugmyndir - Breytum vinsælustu ferðamannaleið landsins "The Golden Circle" í "The Golden Circle Delux"!

Leiðin milli jökla. Þórisjökull - Geitlandsjökull. Ný "The Golden Circle Delux" leið. Aðeins lenging um 30 km miða við núverandi leið.

Loftmynd af Þórisjökli og Geitlandsjökli (klikkið á mynd til að sjá fleiri myndir)

Nú skora ég á borgaryfirvöld, sveitastjórnir og stjórnvöld þessa lands að hugsa að alvöru um þessi mál.

Undirritaður býður sig fram til að safna saman hópi af hönnuðum, hugvitsmönnum og fyrirtækjum til að setjast niður og kortleggja möguleika í svona verkefni.

Kjartan
WWW.PHOTO.IS

Bætt aðstaða fyrir skemmtiferðaskip skapar aukin tækifæri