Það gleymist að Íslendingar bjuggu lengi vel við svipaðar aðstæður

Ég hef átt þess kost á að komast til Grænlands í nokkur skipti. Árið 2005 fórum við nokkrir leiðsögumenn í ferð til Grænlands til að kynna okkur aðstæður.

Hópurinn lendir á flugvellinum í Kulusuk og þurfti að byrja á því að ganga frá flugvellinum niður í bæ sem tók um 40 mín. Á leiðinni bar margt undarlegt fyrir sjónir.

Eitt að því fyrsta sem varð á vegi okkar var þessi litskrúðugi kirkjugarður og við nánari skoðun, þá kom í ljós að allar plönturnar á leiðunum voru úr plasti.

Kirkjugarður í Kulusuk (smellið á mynd til að sjá fleiri myndir)

En annars er jarðvegur svo lítill í Grænlandi að á mörgum stöðum eru hinir látnu dysjaðir ofanjarðar og grjót hlaðið yfir og má sjá það víða fyrir utan heimilin hjá þeim.

Hópurinn fékk að gista í þessu gamla húsi í þorpinu Kulusuk og þaðan var svo farið í margar skemmtilegar gönguferðir næstu daga.

Lúxus hótel í Kulusuk (smellið á mynd til að sjá fleiri myndir)

Þarna fékk hópurinn að kynnast af eigin raun, næstu daganna, frumstæðum aðstæðum sem þetta fólk býr við. Ekki laust við að sumir yrðu fyrir smá áfalli. Á 5 stjörnu hótelinu var sofið á gólfinu, hitað upp með olíuofni, ná þurfti í allt vatni í fötur í þar til gerða vatnspósta, klósettið var fata og engin sturta í húsinu. Hægt var að komast í sameiginlega sturtu og þvottaaðstöðu á öðrum stað í bænum.

Fljótlega eftir að komið var inn í bæinn, þá tók stór hópur af börnum á móti ferðamönnum

Stór barnahópur að leik tekur á móti ferðamönnum (smellið á mynd til að sjá fleiri myndir)

Þrátt fyrir erfiðar aðstæður þessara barna, þá virtust þau njóta lífsins í þessu náttúrulega umhverfi.

Víða mátti sjá hrörlegar aðstæður sem þetta fólk býr við

Húsakostur í Kulusuk (smellið á mynd til að sjá fleiri myndir)

Kulusuk er á eyju og hefur þorpið byggst upp ekki langt frá flugvellinum. Þar búa nú rétt rúmlega 300 manns.

Hundar hafa lengi vel verið fleiri en íbúar þorpsins! En þegar mest var, þá voru þeir um 800 talsins og fer þeim óðum fækkandi með nýjum tímum.

Hundar í Kulusuk (smellið á mynd til að sjá fleiri myndir)

Meðhjálparinn var búinn að taka að sér messuhaldið á staðnum. Presturinn farinn og organistinn komin á aldur og engir til að taka við þessum mikilvægu embættum. Tónlistakennslan í lamasessi og sjá má hvernig þorpsbúum fækkar smátt og smátt og húsum fjölgar sem leggjast í eyði. Unga fólkið flytur til stóru byggðakjarnanna eða til Danmerkur. Bilið á milli kynslóðanna er gríðalegt!

Meðhjálparinn messar yfir örfáum gestum (smellið á mynd til að sjá fleiri myndir)

Ef gengið er um þorpið, þá má sjá að hluti þorpsins er þegar komin í eyði

Mörg húsanna eru í niðurníðslu eins og sjá má (smellið á mynd til að sjá fleiri myndir)

Haukur Hauksson kallar nú ekki allt ömmu sína. Enda búinn að búa í Rússlandi í rúm 10 ár :)

Hér er Haukur nývaknaður og til í slaginn. En morgunmaturinn var upphituð loðna frá deginum áður sem þykri herramanns matur bæði á Grænlandi og Rússlandi (smellið á mynd til að sjá fleiri myndir)

Fyrr um daginn var flogið með þyrlu frá Kulusuk til Amaksalik og seinna sama dag var siglt til baka á 2 bátum. Þoka skall á og var það þrautin þyngri að finna leið til baka í gegnum ísspöngina. Bátarnir að verða bensínlausi og hópurinn orðin villtur. Það vildi okkur til happs að einhver var með GPS og hafði sett inn punktinn á Kulusuk deginum áður.

Einn af mörgum borgarísjökum á leiðinni (smellið á mynd til að sjá fleiri myndir)

Þorpsbúar lögðu mikið á sig til að gera för hópsins sem skemmtilegasta. Hér er verið að sýna hvernig veiðiaðferðir voru fyrr á tímum.

Skutli slöngvað í átt að bráðinni (smellið á mynd til að sjá fleiri myndir)

Þar sem konur eru á ferð, þar er Steinar mættur

Hér er Steinar í fangabrögðum við konuna sem var að dansa ástardansinn fyrir hann (smellið á mynd til að sjá fleiri myndir)

Kyrrðin og þögnin var æpandi

Hér lagðist hópurinn niður og slappaði af eftir langa göngu - ógleymanleg stund (smellið á mynd til að sjá fleiri myndir)

Hér er siglt með hópinn á afskektan stað og skilin eftir. Hér fóru Kjartan og Steinar í ævintýralega fjallgöngu og mátti þakka fyrir að ekki fór illa.

Báturinn kvaddur (smellið á mynd til að sjá fleiri myndir)

Tíkin á staðnum var að eiga hvolpa. Eigandinn var mest hræddur um að þeir yrðu of margir og þá of marga munna að metta. Því er ekki óalgengt að einhverjum sé lógað til að spara matinn.

Tíkin kann að pósa og brosa fallega framan í myndavélina (smellið á mynd til að sjá fleiri myndir)

Hér stendur hópurinn á einum ísnum í fallegum firði norðan við Kulusuk.

Ísjaki í fjörunni (smellið á mynd til að sjá fleiri myndir)

Ógleymanleg ferð ...

Kjartan
WWW.PHOTO.IS

Skelfilegar félagslegar aðstæður á Grænlandi

SPILLUM EKKI SVÆÐINU Í KRINGUM ÖLKELDUHÁLS !!!

Ég hef átt þess kost að fara nokkrar ferðir með ferðamenn upp á Ölkelduháls sem er rétt austan við Hengilinn.

Um svæðið liggur þekkt gönguleið niður í Reykjadal þar sem endað er rétt fyrir ofan Hveragerði.

Svæðið allt er ægifagurt og hefur upp á margt að bjóða. Vinsældir svæðisins má meðal annars rekja til þess að um það rennur heitur lækur/á sem vinsælt er að baða sig í.

Sumir vilja jafnvel halda því fram að það sé meira gaman að koma á þetta svæði og baða sig heldur en inn í sjálfar Landmannalaugar og er þá mikið sagt.

Einn megin kostur við þetta svæði er að þangað er ekki hægt að komast á bíl og þarf því að fara allar ferðir um svæðið gangandi eða á hestum. Og er það ótvíræður kostur í samfélagi þar sem allir fara orðið sínar ferðir á einhverskonar farartækjum.

Leirmyndanir á svæðinu geta verið gríðarlega fallegar eins og sjá má á þessari mynd hér:

Heitur lækur rennur í gegnum Reykjadal (smellið á mynd til að sjá fleiri myndir)

Litir náttúrunnar geta stundum verið ótrúlegir eins og sjá má á þessari mynd hér:

Fallegir litir í heitavatnsuppsprettu sem rennur út í lækinn í Reykjadal (smellið á mynd til að sjá fleiri myndir)

Innst í Reykjadal rétt við Ölkelduháls er svo þessi fallegi foss sem rennur í gegnum soðið berg sem er með ótrúlega fallegum litbrigðum og myndunum.

Foss innst í Reykjadal (smellið á mynd til að sjá fleiri myndir)

Hér er svo annað mjög virkt hverasvæði innst í Reykjadal þar sem gengið er upp vestan megin við Ölkelduháls.

Virkt hverasvæði innst í Reykjadal (smellið á mynd til að sjá fleiri myndir)

Ef litið er á framkvæmdir við Hengilinn í dag, þá má sjá athafnasvæði Hellisheiðarvirkjunar á næstu mynd. Þegar myndin er skoðuð nánar, þá ber að hafa það í huga að það á að reisa tvær sambærilegar virkjanir til viðbótar við þær tvær sem fyrir eru við Hengilinn.

Hér má svo sjá panorama mynd af Hengilssvæðinu þar sem horft er til austurs. Smellið á mynd til að skoða myndina enn stærri.

Ljósmynd af Hellisheiðarvirkjun ú lofti (smellið á mynd til að sjá myndina enn stærri)

!!! Það hafa komið athugasemdir á þessa panorama mynd að hún væri að einhverju leiti óeðlileg. En víðmyndin er unnin úr 7 stökum loftmyndum sem settar hafa verið saman.

Sjá má upprunalegar myndir, teknar í maí 2006, hér: http://www.photo.is/06/05/7/index_14.html

Ég þróaði þessa samsetningartækni árið 1996 þegar ég gaf út Íslandsbókina. Ef myndin er skoðuð nánar, þá má sjá að ég hef ekki náð að ljúka samsetningunni 100% en myndin er þó nógu góð til að gefa hugmynd af umfangi Hellisheiðarvirkjunar. Ég á fleiri svona myndir teknar seinna en þar sem svona samsetning tekur mikinn tíma og ekki eru djúpir vasar til að greiða úr fyrir þá vinnu, þá verður það að bíða betri tíma.

Á svona panoramamynd eða víðmynd eins og það heitir á Íslensku, þá verða línur sem eru beinar, bognar, en það lagast ef myndin væri prentuð út og sett í hring utan um þann sem skoðar myndina.

Á þessari loftmynd má sjá niður Reykjadal til suðurs þar sem fólk er að baða sig í ánni.

Reykjadalur fyrir ofan Hveragerði (smellið á mynd til að sjá fleiri myndir)

Eftir Reykjadal rennur heitur lækur þar sem vinsælt er að baða sig í. Vinsæl gönguleið liggur frá Hveragerði inn þennan dal og upp á Ölkelduháls og er mikill jarðvarmi á þessari leið.

Ég hef farið mikið með ferðamenn um þetta svæði og má sjá nánar kort frá Orkuveitu Reykjavíkur af gönguleiðum um svæðið hér:
http://www.or.is/Forsida/Gestiroggangandi/Utivistarsvaedi/Hengilssvaedid/

Eins og sjá má á þessum myndum þá er vinsælt að baða sig í ánni sem rennur í gegnum Reykjadal og er nánast hægt að baða sig hvar sem er.

Erlendir ferðamenn að baða sig í heitri ánni (smellið á mynd til að sjá fleiri myndir)

Hér er ungt par frá Danmörku að baða sig í ánni. Daman horfir hugfangin á kærastann sinn svolgra af áfergju á ísköldu lindarvatninu sem rennur út í heita ánna. Enda nóg til af hreinu íslensku fjallavatni.

Drukkið íslenskt kalt vatn úr hliðarlæk (smellið á mynd til að sjá fleiri myndir)

Það sem fékk pínu á mig var að Daninn var ekki mikið hrifin af allri þeirri uppbyggingu sem átti sér stað á StórReykjavíkursvæðinu og fann borginni allt til foráttu! Hann vildi meina að íslendingar ættu að fara aðeins hægar í sakirnar. Aftur á móti vildi hann endilega fá að kaupa hús úti á landi og flytja hingað og búa í nokkur ár. Hans komment á staðin var að þetta væri NÁKVÆMLEGA náttúran sem hann væri að leita af. Ég þorði nú ekki að minnast á það við hann að það væru í bígerð stórar áætlanir um að virkja hluta af þessu svæði.

Virkjunin sem um ræðir verður við Ölkelduháls og er þessi myndasería tekin á því svæði.

Hér gengur hópur rétt hjá þeim stað þar sem virkjunin kemur til með að rísa

Mynd tekin ekki langt frá þeim stað þar sem virkjun kemur til með að rísa (smellið á mynd til að sjá fleiri myndir)

Það er stórt og mikið hverasvæði norðan við Ölkelduháls rétt hjá þar sem Bitruvirkjun kemur til með að rísa.

Einn af mörgum leirhverum norðan við Ölkelduháls (smellið á mynd til að sjá fleiri myndir)

Rústir af fjárrétt frá gömlum tíma

Gömul fjárrétt norðan við Ölkelduháls (smellið á mynd til að sjá fleiri myndir)

Risastór leirhver sem bullar og sýður í og mátti sjá rollur á svæðinu sem voru að ná sér í smá il frá hvernum

Stór leirhver rétt norðan við Ölkelduháls sem bullar og sýður í (smellið á mynd til að sjá fleiri myndir)

Hér má svo sjá kort af svæðinu í lokin ásamt litlum myndum

Kort af Ölkelduhálsi, Bitruvirkjun og Reykjadal

Fyrir þá sem vilja kynna sér málið nánar er bent á að skoða heimasíðu þeirra aðila sem vilja láta skoða virkjanamál á þessu svæði betur hér:

WWW.HENGILL.NU

Kjartan
WWW.PHOTO.IS

Telja að virkjun muni spilla ómetanlegri náttúruperlu

Eiga Íslendingar sína fossa?

Það eru nokkrir fossar á Íslandi sem lengi vel voru í eigu útlendinga. Þeir voru hreinlega seldir til erlendra aðila fyrir tilstuðla Einars Benidiktssonar athafnaskálds.

Þá stóð til að virkja marga af tilkomumestum fossum landsins eins og Gullfoss og Dettifoss.

Hér má sjá Dettifoss í öllu sínu veldi, 100 metra breiður þar sem hann fellur fram af 44 metra hárri skör. Smellið á mynd ti að sjá risa-panorama-mynd af fossinum

Dettifoss í Jökulsá á Fjöllum (smellið á mynd til að sjá risamynd af fossinum)

Rétt fyrir ofan Dettifoss er Selfoss og annar tilkomumikill fyrir neðan sem heitir Hafragilsfoss.

Hér sést vel hvað maðurinn er lítill við hliðina á þessu stóra vatnsfalli. Þarna falla um 200 m3 af vatni niður á hverri sek.

Dettifoss í Jökulsá á Fjöllum (smellið á mynd til að sjá fleiri myndir)

Bandaríkjamenn „innlima“ frægasta foss í Kanada

Ég fékk góða reynslu af Land Rover síðustu helgi - Flottur bíll - myndir

Var í ljósmyndaferð fyrir nokkrum dögum þar sem verið var að mynda tvo Land Rover jeppa á leiðinni inn í Landmannalaugar og svo þaðan yfir í Hrafntinnusker og á fleiri flotta staði á Fjallabaki.

Veðrið var ekki mikið til að hrópa húrra yfir, en þrátt fyrir það var tekið mikið af efni á video og svo venjulegar myndir af erlendum og innlendum aðilum.

Ég verð að játa að 38" breyttur Land Rover jeppinn kom verulega á óvart í þessari ferð. Í upphafi ferðar var ég með blendnar tilfinningar um ágæti þessara bíla, enda búinn að vera mikið í sveit þar sem þeir flokkuðust meira sem landbúnaðartæki. Einnig hafði ég ágæta reynslu af því að ferðast mikið í svona bílum sem foreldrar mínir ferðuðust mikið á hér áður fyrr.

En nú er öldin önnur. Fjöðrun er eitt sem verður að hrósa þessum bílum sérstaklega fyrir og er hún líklega ein sú besta sem þekkist. Bílarnir lágu vel á vegi og farið var yfir mikið magn af stórfljótum í ferðinni og Landrover með snorkel var ekki mikið að kippa sér upp við það.

Mikill plús er hvað bílarnir eru léttir en aflið mætti vera aðeins meira.

Hér má sjá tvær panorama myndir sem að ég tók í ferðinni. Sú fyrri er tekin við Nafnlausa fossinn og sú seinni þegar við erum að koma inn að Hrafntinnuskeri.

Hér er mynd af Nafnlausa fossi inn á Fjallabaki.

Nafnlausa fossi inn á Fjallabaki (smellið á mynd til að sjá myndina stærri)

Hér er mynd af leiðinni inn að Hrafntinnuskeri

leiðinni inn að Hrafntinnuskeri (smellið á mynd til að sjá myndina stærri)

Hér er Land Rover á góðri "siglingu" frá Gullfossi upp Kjöl

Land Rover ekið eftir malarvegi (klikkið á mynd til að sjá fleiri myndir)

Hér er Land Rover ekið yfir jökulá - spurning hvort að hinir þori yfir líka?

Land Rover ekið yfir jökulá (klikkið á mynd til að sjá fleiri myndir)

Það er farið mikið með ferðamenn niður í fjöru.

Fjöruferð á Land Rover (klikkið á mynd til að sjá fleiri myndir)



Kjartan
WWW.PHOTO.IS

Landrover Freelander bíll ársins að mati BÍBB

Hver gerði Gerði grikk í sumar er frægt lag ... - Hveragerði er flottur bær - Myndir

Hér má sjá sundlaugina í Hveragerði. Nóg er til af vatninu og má segja að bærinn sé nánast byggður á einskonar eldavélahellu.

Sundlaugin í Hveragerði (smellið á mynd til að sjá fleiri myndir)

Við Hveragerði eru mörg falleg útivistarsvæði og eitt af þeim fegurri er þessi dalur hér:

Reykjadalur fyrir ofan Hveragerði (smellið á mynd til að sjá fleiri myndir)

Eftir Reykjadal rennur heitur lækur þar sem vinsælt er að baða sig í. Vinsæl gönguleið liggur frá Hveragerði inn þennan dal og upp á Ölkelduháls og er mikill jarðvarmi á þessari leið.

Ég hef farið mikið með ferðamenn um þetta svæði og má sjá nánar kort frá Orkuveitu Reykjavíkur af gönguleiðum um svæðið hér:
http://www.or.is/Forsida/Gestiroggangandi/Utivistarsvaedi/Hengilssvaedid/

Golfklúbbur Hveragerðis rekur í Gufudal níu holu golfvöll þar sem öll aðstaða er eins og best verður á kosið. Einnig má finna golfvöll við Hótel Örk.

Golfvöllur Hvergerðinga í Gufudal (smellið á mynd til að sjá fleiri myndir)

Áin Varmá rennur í gegnum bæinn og dregur hún nafn sitt að öllum þeim heitu lækjum sem í hana renna.

Varmá í Hveragerði (smellið á mynd til að sjá fleiri myndir)

Í Varmá er þekktur foss sem heitir Reykjafoss og er hann lýstur fallega upp á kvöldin.

Reykjafoss í Varmá (smellið á mynd til að sjá fleiri myndir)

Við bakka Varmár neðan við fossinn má sjá leifar af gömlum húsgrunni. Þetta var eitt af fyrstu húsunum í bænum, en í því var ullarverksmiðja sem var reist árið 1902. Verksmiðjan nýtti fallorku fossins.

Í miðjum bænum er stórt og mikið hverasvæði og þar rétt hjá er bakarí sem selur brauð sem bakað er í hverum þarna á svæðinu.

Hverasvæði Hvergerðinga í miðjum bænum (smellið á mynd til að sjá fleiri myndir)

Heilsustofnun NLFÍ í Hveragerði er endurhæfingardeild og heilsuhæli í eigu Náttúrulækningafélags Íslands

Heilsuhælið hefur getið sér mjög gott orð og er það orðið þekkt fyrir góðan aðbúnað og einstaklega holt fæði sem kokkurinn Jónas ber ábyrgð á.

Heilsuhælið NLFÍ í Hveragerði (smellið á mynd til að sjá fleiri myndir)

Nokkur hótel eru á svæðinu og er þeirra stærst Hótel Örk

Hótel Örk í Hveragerði (smellið á mynd til að sjá fleiri myndir)

Hótel Frost og Funi, Hverhamar, er niður við ánna Varmá

Hótel Frost og Funi, Hverhamar, er niður við ánna Varmá (smellið á mynd til að sjá fleiri myndir)

Eldhestar eru ekki langt undan og taka þeir á móti mörgum ferðamönnum. Þeir eru með skipulagðar hestaferðir m.a. í Reykjadal þar sem hestamenn geta baðað sig eftir erfiðan útreiðatúr.

Hótel Eldhestar í Hveragerði

Hótel Eldhestar í Hveragerði (smellið á mynd til að sjá fleiri myndir)

Byggingarfélagið SS eða Sveinbjörn Sveinbjörnsson byggði fyrir nokkrum árum litla verslunarmiðstöð. Þar má finna alla helstu þjónustu á sviði verslunnar.

Hótel Eldhestar í Hveragerði (smellið á mynd til að sjá fleiri myndir)

Hér er svo mynd í lokin af Braga Einarssyni ásamt ferðahópi. Bragi byggði upp einn af vinsælli ferðamannastöðum á Suðurlandi - Eden í Hveragerði. Myndin er tekin af hóp eldri borgara sem var á ferð við Hjálparfoss í Þjórsárdal stuttu áður en Einar fellur frá.

Bragi Einarsson frumkvöðul í ferðamennsku (smellið á mynd til að sjá fleiri myndir)

Finna má fleiri tengingar á Hveragerði og næsta nágrenni hér:
http://www.photo.is/07/05/2/index_14.html



Kjartan
WWW.PHOTO.IS

Magni hvetur vini sína til að flytja til Hveragerðis

Hvalfjarðargöngin - myndir

Hér má svo sjá mynd af hinum stórglæsilegu manvirkjum undir Hvalfjörðinn sem Spölur byggði á sínum tíma


Horft til norðausturs (smellið á mynd til að sjá fleiri myndir)

Hvalfjörðurinn að kveldi í flottu veðri ásamt Kjalarnesi, Hvammsvík, Kjósaskarði, Þingvöllum og Grafarvoginum


Kennsluflug á mótorsvifdreka um Hvalfjörðin (smellið á mynd til að sjá fleiri myndir)

Hér er svo ein í lokin þar sem horft er til suðurs


Hvalfjarðargöngin :) (smellið á mynd til að sjá fleiri myndir)



Kjartan
WWW.PHOTO.IS

Svindlaði sér 65 sinnum í göngin

Allt á floti allstaðar eins og sjá má á þessum myndum úr Þórsmörk

Það er búið að vera ótrúlegt vatnaveður inni á hálendinu þessa daganna og var ég að koma úr einum slíkum túr af Landmannalaugarsvæðinu í gær. En ekin var skemmtileg leið frá Landmannalaugum yfir að Laugafelli þar sem Nafnlausi fossinn er og þaðan niður eftir inn í Hungurfit og Krók og að lokum niður í Fljótshlíð í bæinn. Það má segja að allar smásprænur á leiðinni voru orðin að stórfljóti.

En fyrir stuttu var ég inni í Þórsmörk og voru þá svipaðar aðstæður og voru í gær og mikið í öllum ám eins og sjá má á eftirfarandi myndaseríu.

Hér ekur rúta frá Kynnisferðum / Reykjavík Excursion yfir vaðið þar sem rennur úr lóninu þar sem skriðjökulinn Gígjökull kemur niður.

Kynnisferðir / Reykjavík Excursion yfri á vaði (smellið á mynd til að sjá fleiri myndir)



Og eins og sjá má á þessari mynd, þá var íslendingurinn mættur á staðinn með sitt fellihýsi. Hér er verið að aka yfir Steinholtsá og eins og sjá má á fleirri myndum, þá var mikil umferð að koma innan úr Þórsmörk á leið í bæinn.

Ekið með fellihýsi yfir Steinholtsá (smellið á mynd til að sjá fleiri myndir)



Húsin eru að ýmsum gerðum sem landinn flytur með sér inn í Þórsmörk og greinilegt er að það er ekki verið að burðast með tjaldið með sér lengur.

Ekið með hús á palli yfir Steinholtsá (smellið á mynd til að sjá fleiri myndir)



Hér er ekið yfir Krossá á leið inn í Húsadal og eins og sjá má þá er mikið í ánni. En bílinn fór fram og til baka yfir ánna til að kanna aðstæður fyrir rútuna sem beið á bakkanum til að sjá hvað verða vildi.

Farið á vaði yfir Krossá á leið inn í Húsadal (smellið á mynd til að sjá fleiri myndir)



Þessari fínu brú hefur verið skolað í burtu þar sem liggur vinsæl gönguleið innst inni í Þórsmörk.

Náttúruöflin láta ekki að sér hæða eins og sjá má á eftirfarandi mynd (smellið á mynd til að sjá fleiri myndir)



Hér eru svo tengingar á myndir sem teknar hafa verið í Mörkinni við ýmis tækifæri

http://www.photo.is/06/09/2/index_3.html
http://www.photo.is/06/08/4/index_9.html
http://www.photo.is/06/08/3/index_22.html
http://www.photo.is/06/07/6/
http://www.photo.is/06/04/1/index_2.html
http://www.photo.is/06/07/1/index_7.html


Kjartan
WWW.PHOTO.IS

Vatnavextir á Þórsmerkurleið

Flott - þá eru flugmál og samgöngumál á sömu hendi - hér er hugmynd

Næsta mál á dagskrá hjá Samgönguráðherra er að skoða þessa hugmynd hér:

http://photo.blog.is/blog/photo/entry/339910/

Hér má sjá hvernig hægt er að samtengja byggðir á suðvesturhorninu sem myndi nýtast vel byggðum og ferðamönnum sem ferðast um þetta svæði.

Mynd sýnir samgöngukerfi sem gæti leyst umferðarvanda Stórreykjavíkursvæðisins (klikkið á mynd til að sjá fleiri myndir)

Nú skora ég á borgaryfirvöld, sveitastjórnir og stjórnvöld þessa lands að hugsa að alvöru um þessi mál.

Undirritaður býður sig fram til að safna saman hópi af hönnuðum, hugvitsmönnum og fyrirtækjum til að setjast niður og kortleggja möguleika í svona verkefni.

Kjartan
WWW.PHOTO.IS

Rekstur Keflavíkurflugvallar færður til samgönguráðuneytisins um áramót

Hvar er Valahnúkur í Þórsmörk? Myndir og kort.

Hér er vaskur hópur eldri borgara frá Danmörku að ganga á Valahnúk í Þórsmörk. Á köplum getur leiðin verið brött en lagður hefur verið góður stígur sem liggur upp á toppinn og svo þaðan niður í Húsadal.

Gengið upp stíg sem liggur upp á Valahnúk í Þórsmörk (smellið á mynd til að sjá fleiri myndir)

Hér er vaskur hópur eldri borgara frá Danmörku komin á topp Valahnúks í Þórsmörk. Veðrið var magnað á staðnum þar sem sól og rigning var á víxl og myndaðist þessi fallegi regnbogi á meðan á göngunni stóð.

Hópmynd á Valahnúki með regnboga (smellið á mynd til að sjá fleiri myndir)

Stórkostlegt útsýni er af hnjúknum og er þar útsýnisskífa með örnefnum af fjallahringnum á svæðinu. Ýmis félagasamtök hafa verið dugleg við að koma upp svona skífum viða um land.

Útsýnisskífa á Valahnjúki (smellið á mynd til að sjá fleiri myndir)

Flott laug er í Húsadal og er gott að baða sig þar eftir gönguna á hnjúkinn

Laugin í Húsadal í Þórsmörk (smellið á mynd til að sjá fleiri myndir)

Frægur hellir sem kenndur er við útilegumanninn Snorra er við gönguleiðina milli Húsadals og Langadals. Vinsælt er að reyna að komast upp í hellinn sem getur verið erfitt þó svo að höggvin hafa verið spor í móbergið til að auðvelda uppgönguna.

Hellirinn Snorraríki í Þórsmörk í Húsadal (smellið á mynd til að sjá fleiri myndir)

Útilegumaðurinn Snorri er sagður hafa flúið í hellinn Snorraríki þegar hann var á flótta undan heimamönnum sem hugðust taka hann fastan fyrir að stela sauðfé af bændum í sveitinni. Héraðsmenn náðu honum ekki því Snorri varnaði þeim uppgöngu í hellinn. Hugðu þeir þá svelta hann inni. Þegar hann átti aðeins eitt læri óétið eftir, þá kastaði hann því út. Töldu menn þá einsýnt að hann ætti nógan mat og hurfu frá.

Á árunum 1802 til 1803 var búið í Húsadal í Þórsmörk og voru lífskjör erfið.

Skógur á svæðinu var nýttur fram til 1950 og var fé haft á svæðinu fram á vetur. Gæslumenn sem pössuðu féð bjuggu í hellum.

Yfirlitskort af Þórsmörk

Kort af svæði við Mýrdalsjökul (smellið á mynd til að sjá fleiri myndir)

Og svo ein flott mynd í lokin af einum jeppa af gömlu kynslóðinni. En fyrsti bíll sem kom inn í mörkina var árið 1934.

Hér er ekið yfir Krossá á leið inn í Húsadal og eins og sjá má þá er mikið í ánni

Farið á vaði yfir Krossá á leið inn í Húsadal (smellið á mynd til að sjá fleiri myndir)



Hér eru svo tengingar á myndir sem teknar hafa verið í Mörkinni við ýmis tækifæri

http://www.photo.is/06/09/2/index_3.html
http://www.photo.is/06/08/4/index_9.html
http://www.photo.is/06/08/3/index_22.html
http://www.photo.is/06/07/6/
http://www.photo.is/06/04/1/index_2.html
http://www.photo.is/06/07/1/index_7.html


Kjartan
WWW.PHOTO.IS

Þyrla Landhelgisgæslunnar sækir göngumann til Þórsmerkur

Það eru draugar víða á Íslandi!

Ég varð fyrir þeirri stórkostlegu upplifun að komast á stað sem að mig er lengi búið að langa til að komast á. En staðurinn er einn sá aldraugalegasti sem að ég hef komið á í langan tíma.

Staðurinn er eyðibýli sem heitir Ljótsstaðir og er einn af efstu bæjum í Laxárdal fyrir norðan ekki langt frá Mývatni. Að bænum er seinfarin 4x4 jeppaslóði og er kjörið fyrir þá sem þora að fara og líta á staðinn.

Hér má sjá kort af Laxárdal þar sem sjá má illfæran 4x4 jeppaslóða sem liggur heim að bænum.

Ljótsstaðir í Laxárdal. Smellið á kort til að sjá fleiri myndir. Myndir sem teknar voru úr lofti á ferð um svæðið

Því miður hef ég ekki náð að kynna mér sögu þessa merkilega eyðibýlis nægjanlega.

En eftir því sem mér skilst, þá bjó þarna fjölskylda fram undir 1950 sem fór frá staðnum mjög skyndilega og skildi nánast allt eftir í því ástandi sem það nú er.

Þarna er komið að lokuðum dyrum þar sem útidyralykilinn er enn í skránni. Á miða í hurðinni má lesa eftirfarandi skilaboð:

“Verið svo væn að stappa af fótunum

Áður en þið gangið inn

Hér er ekki stungið út nema einu sinni á ári”

Miði á hurð (smellið á mynd til að sjá fleiri myndir)

Þegar inn er komið, þá blasa við innanstokksmunir, fatnaður, dagblöð og fleira nákvæmlega eins og hlutirnir voru í kringum 1950.

Það vakti strax athygli okkar gömul dagblöð sem lágu á eldhúsborðinu. Þar mátti sjá Þjóðviljann dagsettan 30 júní 1953

Þjóðviljinn frá 1953 (smellið á mynd til að sjá fleiri myndir)

Þar var umfjöllun um kosningarúrslit þar sem lesa mátti eftirfarandi tölur:

Sálfstæðisflokkur 37.21% (28.779)
Framsóknaflokkur 21.86% (16.912)
Sósíalistaflokkur 16.03% (12.396)
Alþýðuflokkur 15.66% (1.109)
Þóðvarnarflokkur 5.98% (4.628)
Lýðveldisflokkur 3.26% (2.525)


En fyrirsögn blaðsins var: “Herbragðið tókst: Andstaðan gegn hernáminu sundraðist, þótt hernámsflokkarnir töpuðu fylgi”

Eldhúsið var hrörlegt að sjá og það var ekki laust við að manni væri viðbrugðið þegar hverjar dyrnar á hverri vistarverunni á fætur annarri voru opnaðar. Þarna mátti sjá fullbúið hjónaherbergi, og barnaherbergi með öllum leikföngum, fatnaði og bókum eins og hafði verið skilið við fyrir um 50 árum síðan.

Eldhúsið (smellið á mynd til að sjá fleiri myndir)



Barnaherbergið (smellið á mynd til að sjá fleiri myndir)

Í húsinu eru um 15 herbergi. Þar má nefna, ýmsar geymslur, bílskúr, búr, saumaherbergi, rafstöð, vinnuherbergi með hefilbekk og öðrum verkfærum

Það var ekki fyrr en heim var komið og farið var að skoða myndir sem teknar voru í húsinu að það kom í ljós að ýmsir draugar voru á myndunum eins og sjá má ef vel er skoðað á þessari mynd:

Draugur í stólnum (smellið á mynd til að sjá fleiri myndir)

Ég var með þá hugmynd að gista í húsinu um nóttina en það var ekki laust við að það setti að manni ónotatilfinning við að fara um þessar vistaverur í rökkri, þokan var að leggjast yfir og vinkona mín sem var með mér í þessari för var orðin svo hrædd að það var ákveðið að flýta sér að skrifa í gestabókina og láta sig hverfa áður en það færi að rökkva meira.

Þessi staður er líklega einn af topp tíu stöðum sem að ég hef komið á á ferðum mínum um landið. Alveg kjörin fyrir gönguhópa sem “þora” ... en það má þá alltaf gista tjöldum.

Kjartan
WWW.PHOTO.IS

Afmælisferð í draugahús