Myndir - Hrafnista

Til hamingju með afmælið Hrafnista. Fann þessar myndir í fórum mínum

Hrafnista í Hafnarfirði 30 ára

Hrafnista (klikkið á mynd til að sjá fleiri myndir)

Hrafnista í Reykjavík 50 ára

Hrafnista (klikkið á mynd til að sjá fleiri myndir)


Kjartan
WWW.PHOTO.IS

Afmælishátíð á Hrafnistu í Reykjavík og Hafnarfirði

Áhrif fiskveiða á sjálfstæði þjóðarinnar

Það eru fáar ríkisstofnanir hér á landi sem hafa fengið að njóta eins mikið velvildar stjórnvalda og Hafó hefur gert í gegnum árin. Á þeim bænum hefur sjaldan þurft að spara - enda óskabarn þjóðarinnar - fiskveiðar íslendinga verið lengi undir þeirra stjórn.


Hafrannsóknarstofnun (klikkið á mynd til að sjá fleiri myndir)

Það er að sjá að það stefni hraðbyr í að fiskveiðar verði ekki lengur sú atvinnugrein sem gefi þjóðarbúinu mest. Núna er álframleiðsla, raforkusala, bankastarfsemi og fl. að taka yfir!

Þó má segja að velmegun þjóðarinnar byrjaði ekki fyrr en fiskveiðar fóru að hefjast fyrir alvöru upp úr 1900 þegar íslendingar eignuðust sinn fyrsta banka og gátu farið að kaupa stærri skip.

Einnig má þakka sjálfstæði þjóðarinnar 1944 að einhverju leiti því að við náðum fjarhagslegu sjálfstæði eftir mokfiskirí og minnir mig að sagt hafi verið að í einu litlu þorpi norður í landi hafi skapast um 35% af gjaldeyristekjum þjóðarinnar á einu ári!

Við skulum vona að þetta ónefnda þorp verði ekki á óskalistanum yfir þá staði úti á landi sem fara næst undir hamarinn.

Kjartan
WWW.PHOTO.IS

Hafró leggur til þriðjungs samdrátt í þorskafla

Myndir - Vestmannaeyjar úr lofti

Árið 2005 vorum við félagarnir á svifdrekamóti í Búrfelli fyrir austan fjall og gistum þá á Hellu. Eins og venja er, þá tökum við allaf eitthvað af mótordrekum og fisum með okkur í slíkar ferðir. Þegar rólegt er á kvöldin hjá okkur eftir erfiðan keppnisdag, þá er oft farið í styttri flug og í þetta skiptið flugum við Árni Gunnarsson á Vestmannaeyjar og hittum þar fyrir Svenna Ásgeirs Hringrásarmann.

Alltaf er jafn gaman að koma til Vestmannaeyjar og hér má sjá þekkta loftmynd af eyjunum sem að ég tók 1996 þegar ég var í einkafluginu og tengdist flugfélaginu Leiguflugi sem var áður Leiguflug Sverris Þóroddssonar.

Á þessari mynd má vel sjá alla eyjuna og hvernig Eldfell og nýja hraunið þekur eyjuna (klikkið á mynd til að sjá fleiri myndir)

Veðrið var hreint út sagt æði þetta kvöld og sjórinn spegilsléttur.

Miðnætursólinn komin lágt á loft og við félagarnir urðum hreinlega að finna upp á einhverju að gera þarna úti í eyju fyrst að við vorum á annað borð lentir þarna. Eins og venja er, þá er Árni uppátektarsamur í svona ferðum og datt honum í hug að hringja í annan Árna (þó ekki Árna Johnsen) búsettan þarna úti í eyjum innti hann eftir loforði að fara með sig í siglingu um eyjarnar. Það stóð ekki á Árna og ákveðið var að fara í smá siglingu sem endaði með hringferð um eyjuna í flottum aðstæðum.

Hér er sólin að setjast út við sjóndeildarhringinn


Miðnætursólin (klikkið á mynd til að sjá fleiri myndir)

Hér erum við komnir út í einn af hellunum


Hellir (klikkið á mynd til að sjá fleiri myndir)

Spurning um að einhverjir staðkunnugir geti sent inn linka á þessar myndir og segi hvað þessir staðir heita

Kjartan
WWW.PHOTO.IS

"Þetta er bara græðgi, bara græðgi og ekkert annað"

Myndir - Skuggahverfi

Loftmyndir af Skuggahverfi


Skuggahverfi (klikkið á mynd til að sjá fleiri myndir)

Loftmyndir af Skuggahverfi


Skuggahverfi (klikkið á mynd til að sjá fleiri myndir)



Kjartan
WWW.PHOTO.IS

Sala að hefjast á nýjum íbúðum í Skuggahverfi

Myndir - Bjössi Sör

Var á ferð með 6 ameríkana árið 2005 þegar eg tók þessar myndir í hvalaskoðun og bærinn var fullur af ferðamönnum og voru 3 hvalaskoðunarbátar samtímis úti á miðunum í hvalaskoðun.


Hér má sjá báta sem bera nafnið Bjössi Sör og Faldur en Knörrinn var minn bátur - Allt gamlir og góðir eykarbátar (klikkið á mynd til að sjá fleiri myndir)

Hér má svo sjá bátinn Elding sigla inn á milli eyjanna fyrir utan Reykjavík á leið í Lunda- og Hvalaskoðun


Elding á siglingu (klikkið á mynd til að sjá fleiri myndir)



Kjartan
WWW.PHOTO.IS

Höfrungar leika listir sínar fyrir ferðafólk

Áhugaverðar myndir af Hellisheiðarvirkjun

Mikið er gaman að fylgjast með framkvæmdum Orkuveituna uppi á Hellisheiði. Hér má sjá hvað djörf ákvörðun er að skila miklu í þjóðarbúið. Eftirspurnin eftir orku er svo mikil að öll orka virkjunarinnar er seld löngu áður en framkvæmdir hefjast.

Hver borhola er að gefa um 5 megavött af orku þannig að það þarf 20 borholur til að gefa 100 megavött. Borholurnar eru á bilinu 1500 - 2500 m djúpar.

Sagt er að gufuorka í þessu formi sé eitt umhverfisvænsta form á orkuframleiðslu sem þekkist.

Ef eftirfarandi mynd er skoðuð nánar, þá má sjá að virkjunin sjálf er byggð undir gömlum gíg og sjálfur Hengilinn er enn virkt eldfjall - eitt af 50-60 slíkum á landinu.


Hellisheiðavirkjun (klikkið á mynd til að sjá fleiri myndir)

Eitt yngsta hraunið á svæðinu er svo kallað 1000 ára hraun og má sjá hvar það hefur stoppað nokkrum kílómetrum fyrir sunnan núverandi virkjanastæði. Oft er minnst á þetta hraun þegar verið er að tala um tímasetningu á upphafi búsetu á íslandi. En það góða við svona vangaveltur er að mannsaldur er eitthvað sem mælist í sekúndubrotum þegar verið er að fjalla um jarðfræði.


Horft yfir 1000 ára hraunið til suðvesturs (klikkið á mynd til að sjá fleiri myndir)

Það er svo mikil orka falin á þessu svæði að nú þegar er búið að reisa 4 slíkar virkjanir. Nesjavallarvirkjun, Hellisheiðavirkjun, Svartsengi og Reykjanesvirkjun. En þær liggja allar á virka sprungubeltinu frá Reykjanestá að Nesjavöllum.

Ég hef heyrt að það sé hægt að bæta 20 slíkum virkjunum til viðbótar þ.e. frá Nesjavöllum og út að Reykjanestá. En það myndi þýða orka í kringum 2 gígavött eða um 2 x það sem þjórsársvæðið er að gefa af sér.

Það nýjasta er að bora enn dýpri holur eða svo kallaða djúpborun þar sem borholurnar eru á bilinu 3-5 kílómetra djúpar. Ef það gengur eftir sem menn eru að vona, þá getur fengist allt að 10 sinnum meiri orka úr slíkri borholu miða við það sem er að fást úr núverandi borholum. Þ.e. í stað 5 megavött fengist 50 megavött.

Það var mikið talað gegn virkjunaráformum í Kröflu á sínum tíma og mörg vandamálin komu þar upp sem þurfti að leysa. Það fer ekki mikið fyrir þeim óánægjuröddum í dag.

Ég fer mikið með ferðamenn inn á þessi svæði og þeir verða gjörsamlega heillaðir af þessari hugmyndar- og framkvæmdagleði okkar íslendinga.

Það er ekki annað að sjá en að við íslendingar séum á grænni gein.

Kjartan
WWW.PHOTO.IS

Íslendingar rannsaka jarðhita í Djíbútí

Myndir - Heiðmörk

Loftmyndir af Heiðmörk


Heiðmörk (klikkið á mynd til að sjá fleiri myndir)



Kjartan
WWW.PHOTO.IS

Bílvelta í Heiðmörk

Myndir - Ferð um Kína

Var í 10 daga ferð um Kína rétt fyrir jól ári 2003 - ÆÐI ferð eins og sjá má á myndunum :)


Kínversk kona fyrir utan veitingastað (klikkið á mynd til að sjá fleiri myndir)



Kjartan
WWW.PHOTO.IS

Grænni stefna í Kína

Svo má byggja eitthvað í þessum stíl :)

Einn frægasti listamaður á Kanarí er Cesar Manrique frá eyjunni Lanzarote. Ég átti þess kost á að skoða nokkur af hans verkum fyrir stuttu.

Hans höfuðeinkenni er hraun, hraun og aftur HRAUN, eitthvað sem við íslendingar höfum haft nóg af í gegnum aldirnar. En einhvern vegin hafa þó mál þróast þannig að á Ísland hafa mjög fái arkitektar notað þennan fallega íslenska efnivið þrátt fyrir að nóg sé til af honum.

Ég tók mikið af myndum af verkum Cesar Manrique á ferð minni þar fyrir nokkrum mánuðum.

Hér má sjá myndaseríu sem að ég tók í húsinu sem að hann byggði handa sjálfum sér . Eins og sjá má, þá er húsið vægast sagt byltingakennt.


Hér flæðir hraunið inn um glugann heima hjá honum (klikkið á mynd til að sjá fleiri myndir)

Hér er svo flottur útsýnisstaður yrst á eyjunni uppi á fjallstoppi sem hann hannaði


Hér má sjá hvernig hraunið hefur verið notað á fallegan máta (klikkið á mynd til að sjá fleiri myndir)

á þessa staði koma mörg hundruð þúsunda ferðamenn á hverju ári til að bera verk hans augum.

Hann var svo forsjáll á sínum tíma að fá að leggja heildstæða línu í hönnun á Lanzarote eyjunni eins og að öll hús ættu að vera í ákveðnum lit og hæð. Enda ber eyjan þess merki þegar ferðast er um hana.

Nánar má lesa um þennan fræga listamann

Fyrir stuttu kom ég með eftirfarandi hugmynd af nýju húsi í miðbænum hér á blogginu.

http://photo.blog.is/blog/photo/entry/205702/#comment205702

Spurning um að ganga enn lengra með miðbæinn og hafa hugmyndirnar enn öfgakenndri eins og þessa hér sem að ég rissaði upp fyrir stuttu:


Svo má hanna glerbyggingu í þessum stíl (klikkið á mynd til að sjá fleiri myndir)

En þar má vera með aðstöðu til að halda hljómleika og annan mannfagnað á annarri hæðinni sem snýr út að torginu og stjórnarráðinu.

Annað hús með séríslensku útliti eins og þetta hér mætti líka byggja:


Bygging á snjóhúsum fyrir ferðamenn hefur því miður ekki virkað vel á íslandi (klikkið á mynd til að sjá fleiri myndir)



En eins og gefur að skilja, þá verður svona hús að þola þær veðurfarsaðstæður sem hér munu koma til með að ríkja í framtíðinni vegna “GLOBAL WARMING” áhrifa. eða þá spurning um að byggja þá frekar í þessum stíl ...


eða einhverja samblöndu af þessu öllu. (klikkið á mynd til að sjá fleiri myndir)

Nóg í bili :)

Kjartan
WWW.PHOTO.IS

Lækjartorg, Stjórnarráðið og Bernhöftstorfan myndi sterka heild

Höfnin í Þorlákshöfn úr lofti

Svona lítur höfnin út í Þorlákshöfn úr lofti


Loftmynd (klikkið á mynd til að sjá fleiri myndir)



Kjartan
WWW.PHOTO.IS

Skemmtibátur sökk við bryggju í Þorlákshöfn