Kjartan Gunnarsson og fjölskylda eru þá ekki enn flutt búferlum á Rauðasand :)

Rauðisandur - Náttúran, dýralífið og mannfólkið á staðnum

Hér flýgur einn nýr furðufugl í lágflugi eftir ströndinni á Rauðasandi.

Fis TF-133 Kjartans Sigurðssonar í lágflugi eftir Rauðasandi (smellið á mynd til að sjá fleiri myndir)

Hópur fisflugmanna var á ferð um Vestfirðina fyrir nokkrum dögum og má sjá hér kort með GPS ferli sem sýnir lágflug eftir Rauðasandi ásamt hvar var lent við bæinn Stakkar. Þar var spjallað við heimamenn og gengið frá því að fá að koma í gæs aftur að hausti. En við félagarnir Nonni kokkur fengum að veiða hjá óðalsbóndanum Sigurði í fyrra með góðum árangri.

Á kortinu má sjá nákvæmt ferli sem fisið flaug eftir á leið sinni um Rauðasand

Hér má sjá kort með GPS feril eftir láflugi á Rauðasandi ásamt því hvar var lent og flogin hringflug yfir selnum á svæðinu (smellið á mynd til að sjá fleiri myndir)

Þegar flogið var lengra inn eftir sandinum, þá mátti sjá torfu af óvenju stórum dýrum syndandi og sólandi sig í ósnum. Þvílíkt og annað eins magn, ekki af fiskitorfu, heldur sel!

Þetta var ótrúleg sýn og ekki skal undra staðsetningin, en gjöful fiskimið eru skammt undan Rauðasandi

Mikið magn af sel í fjörunni og ósnum við Rauðasand (smellið á mynd til að sjá fleiri myndir)

Hér má sjá hvernig sandurinn er formaður á fjölbreytilegan máta.

Spor í sandi, en eftir hvað? (smellið á mynd til að sjá fleiri myndir)

Þó svo að sveitin sé fámenn, þá er sagan og mannlífsflóran þarna mjög merkileg. En þarna býr merkilegt samansafn af fólki. Fyrst til söguna ber að nefna nafna minn Kjartan Gunnarsson varaformaður í stjórn Landsbankans og fyrrverandi framkvæmdastjóri Sjálfstæðisflokksins. Kona hans, Sigríður Ásdís Snævarr sendiherra er 55 ára gömul og ný orðin móði (5. júlí. 2007). Hún er elst íslenskra kvenna til að ala barn svo vitað sé. Spurning hvort að Kári hafi haft eitthvað eitthvað með hönd í bagga til að tryggja hin réttu gen sveinbarnsins? En til hamingju með erfingjann Sigríður og Kjartan.

Kjartan og frú láta sig litlu muna að kaupa nokkrar jarðir á Rauðasandi. En kirkjujörðin Saurbær á Rauðasandi er nú í þeirra umsjón ásamt gömlu uppgerðu fjárhúsi og kaffihúsi sem byggt hefur verið upp af miklum myndarskap.

Hér má svo sjá nýuppgerða Saurbæjarkirkju

Saurbæjarkirkja á Rauðasandi (smellið á mynd til að sjá fleiri myndir)

Hér er lítið kaffihús í umsjón þeirra hjóna og er að heyra að það sé vel sótt af ferðamönnum.

Kaffihús á Rauðasandi (smellið á mynd til að sjá fleiri myndir)

Öfugt við Kjartan og Sigríði, þá búa hjón á þar næsta bæ sem eru í yngri kantinum. En þau eru að stíga sín fyrstu skref í búskap og er ekki annað að heyra en að það gangi bara vel.

Hér er Jón Sveinsson kokkur að sýna Sigurði bónda hvernig á að verka gæs sem honum áskotnaðist fyrir öll liðlegheitin gagnvart okkur veiðifélögunum

Sigurður bóndi á Stekkjum fylgist með aðförum Jóns Sveinssonar við gæsaverkunina (smellið á mynd til að sjá fleiri myndir)

Okkur Styrmi munaði ekki mikið um að lenda á túninu hjá þeim feðgum á Stekkjum. Ekki var annað að sjá en að Sigurður bóndi myndi vel eftir gæsaveiðimanninum frá síðasta ári.

Hér brosir Sigurður bóndi allan hringinn af gleði. Það er ekki daglega sem lenda tvö fis í túnfætinum hjá honum til að heilsa upp á hann.

Sigurður bóndi tekur vel á móti gestum ásamt föður sínum (smellið á mynd til að sjá fleiri myndir)

Hvaðan í ósköpunum koma þessir ótrúlega fallegu litir? Hér liðast áin iðagrænn í gegnum gullinn sandinn á leið sinni í gegnum ósinn til sjávar á Rauðasandi. Litadýrðin er ótrúleg. Margur málarinn myndi gjarnan vilja ná í þessa litarsamsetningu í málvekum sínum.

Litirnir í landslaginu geta stundum verið alveg ótrúlega fallegir eins og sjá má á þessari mynd. Náttúran getur oft verið á við flottasta málverk.

Bæjaroddi, Bæjarvaðall, Hafnarvogur, Torfavogur, Rifshaus, Bæjarós, Melanesrif (smellið á mynd til að sjá fleiri myndir)

Svo við höldum áfram að telja upp þá sem búa á Rauðasandi, þá má ekki gleyma hjólastólabóndanum fræga Ástþóri Skúlasyni frá Melanesi. En hann lenti í slysi þegar hann var að aka einu leiðina niður á Rauðasand sem er brattur og hættulegur vegur sem liggur niður Bjarnagötudal.

Þrátt fyrir fötlun sína, þá nær hann að sinna öllum helstu landbúnaðarstörfum. Hann hefur t.d. látið sérútbúa traktor með hjólastólalyftu svo að hann geti sinnt sínum störfum betur!

Hér býr Ástþór Skúlason á bænum Melanesi ásamt fjölskyldu (smellið á mynd til að sjá fleiri myndir)

Margt fleira væri gaman að nefna sem tengist Rauðasandi eins og Sjöundá sem er afskekkt eyðibýli. Jörðin fór í eyði 1921. Bærinn er sagður draga nafn sitt af sjö ám, flestum litlum, sem falla til sjávar á Rauðasandi. Bærinn stóð við innstu ána, í bröttu og þýfðu túni. Neðan við bæinn heitir Bæjarvík þar sem lending var. Beitiland er gott á dalnum og í hlíðinni.

Á Sjöundá gerðust þeir hörmulegu atburðir árið 1802 að ábúendurnir, þau Bjarni Bjarnason og Steinunn Sveinsdóttir, myrtu maka sína, Guðrúnu Egilsdóttur og Jón Þorgrímsson. Hlutu þau bæði dauðadóm fyrir. Þessa atburði gerði Gunnar Gunnarsson rithöfundur fræga að nýju í sögu sinni Svartfugl.

Hér má sjá rústir af bænum Sjöundá úr lofti

Sjöundá úr lofti (smellið á mynd til að sjá fleiri myndir)

Kjartan
WWW.PHOTO.IS

Jakob Valgeir Flosason greiðir hæstu álagninguna á Vestfjörðum

Bolungarvík - Myndir

Rétt eftir að búið er að aka fyrir Óshlíðina á leið til Bolungarvíkur, þá blasir Bolafjall við hinu megin við lítinn fjörð. Þá er stutt í Minjasafnið Ósvör sem er uppgerð verbúð frá árabátatímanum. Verbúðin er ein elsta sinnar tegundar á landinu.

Minjasafnið Ósvör (smellið á mynd til að sjá fleiri myndir)

Var á flugi um Vestfirðina fyrir nokkrum dögum og tók þá myndir af svæðinu í kringum Bolungarvík.

Hér má sjá yfir bæinn Bolungarvík og höfnina

Vestfirðir, Bolungarvík (smellið á mynd til að sjá fleiri myndir)

Hér má sjá kort af flugleiðinni yfir Bolungarvík sem farin var á mótordrekanum.

kort af flugleiðinni yfir Bolungarvík og nágreni (smellið á mynd til að sjá fleiri myndir)

Hér er horft yfir Bolungarvík til norðausturs og má sjá inn í Jökulfirðina, Snæfjallaströnd og Ísafjarðardjúpið í baksýn.

Bolungarvík og nágreni (smellið á mynd til að sjá fleiri myndir)

Hér er horft niður í Skálavík til vesturs og er hægt að aka þangað frá Bolungarvík.

Skálavík og nágreni (smellið á mynd til að sjá fleiri myndir)

Á Bolafjalli fyrir ofan Bolungarvík er nýleg radarstöð sem búið er að yfirgefa.

Skálavík og nágreni (smellið á mynd til að sjá fleiri myndir)

Vegurinn á myndinni var lagður 1986 frá Bolungarvík upp Stigahlíð að radarstöðinni sem sjá má á myndinni hér fyrir ofan.

Einnig má finna leifar af radarstöð setuliðsins á Straumnesfjalli. Sú stöð var reist á árunum 1950-55 og starfrækt fram undir 1960. En þá tekin niður allur búnaður að undanskildum steinhúsum

Óshlíðina þekkja margir úr fréttum í gegnum árin. En hún hefur löngum verið erfiður farartálmi fyrir Bolvíkinga. Mikið grjóthrun hefur verið úr hlíðum fjallana yfir veginn á milli Bolungarvíkur og Hnífsdals.

fjöllin Óshyrna, Arafjall, Búðarhyrna ásamt Ófæru (smellið á mynd til að sjá fleiri myndir)

Í gegnum þessi fjöll er búið að skipuleggja jarðgöng. En á myndunum má sjá að vegurinn meðfram ströndinni hefur víða verið settur í stokka til að varna umferð um veginn grjóthruni.

Kjartan
WWW.PHOTO.IS

Bakkavík hættir vinnslu tímabundið

Hvenær er komið nóg af valdníðslunni?

Það vill svo til að ég hef verið í baráttu við stjórnsýsluna eða embættis- og skattkerfið í að verða rúm 10 ár.

Er Ísland frumstætt bananalýðveldi (smellið á mynd til að sjá fleiri myndir)

Fyrir þá sem hafa áhuga á að kynna sér rétt toppinn á ísjakanum, þá vil ég benda á þessar slóðir hér:

Almennt um meðferð mála hjá ríkinu

Hvað er allsherjarnefnd alþingis að starfa þessa daganna?

Á umboðsmaður Alþingis, Tryggvi Gunnarsson, að segja af sér? JÁ

Stjórnsýslan og alþingismenn samir við sig - Brot á stjórnsýslulögum.

VVA - Reglan "Vísa Vandanum Annað"

Leiðir fyrir fólk sem lendir í slíkum hremmingum eru afskaplega fáar í okkar samfélagi enda hvorki þor né vilji hjá stjórnmálamönnum sem eiga að taka á þessum vanda til að gera eitthvað í málinu.

Verst er þegar augljóst er verið að misnota embætti skattskerfisins til að koma höggi á fólk eins og í mínu tilfelli.

Kjartan
WWW.PHOTO.IS

Þess má geta að þeir sem kosnir voru á þing fyrir stuttu eru þessa daganna í 109 daga sumarfrí.

Samanlögð álagning tekjuskatts og útsvars 185,5 milljarðar

Samkvæmt mínum heimildum er Súgandi ekki "við" Ísafjarðarbæ

Var á flugi um Vestfirðin fyrir nokkrum dögum og tók þá myndir af svæðinu við Súgandafjörð.

Hér er að vísu þekktasta myndin sem að ég hef tekið af Vestfjörðunum og þá að vetri til. En hér má sjá fjallið Gölt, inn í Súgandafjörð og svo Önundarfjörð. Þar á milli er Sauðanes. Lengst til vinstri sést inn í Ísafjarðardjúp.

Vestfirðir, Súgandafjörður, fjallið Göltur (smellið á mynd til að sjá fleiri myndir)



Hér má sjá kort af flugleiðinni yfir Súgandafjörð sem farin var á mótordrekanum þegar myndirnar sem á eftir koma voru teknar.

kort af flugleiðinni yfir Súgandafjörð (smellið á mynd til að sjá fleiri myndir)



Suðureyri við Súgandafjörð

Hér er flogið yfir Suðureyri yfir Súgandafjörð (smellið á mynd til að sjá fleiri myndir)

Samkvæmt Örnefnastofnun Íslands, þá er Súgandi nú nefndur hóll í landi Botns í Súgandafirði

Hér er horft inn í Súgandafjarðar (smellið á mynd til að sjá fleiri myndir)

Sagan segir að landnámsmaðurinn Hallvarður súgandi hafi fyrstur manna numið Súgandafjörð.

Kjartan
WWW.PHOTO.IS

Ferðamaður fannst við veiðar eftir leit

Myndir af Hellisheiðarvirkjun

Fyrir ferðamanninn er ekkert eins magnað og að upplifa í raun hvaðan sjálf orkan kemur sem við íslendingar erum að virkja þessa daganna. Það er í raun mun meira gaman að standa á staðnum þar sem borholan er að blása heldur en að skoða hús og mannvirki.

Hér má sjá að köldu vatni sem hellt er á rörið sýður strax við snertingu. Ástæðan er sú að djúpt í jörðu sýður vatn við mun hærra hitastig vegna mikils þrýstings. Þegar svo vatnið kemur upp á yfirborðið breytist það í gufu og þenst þá út. Þegar vatn sýður, heldur vatns/gufublandan 100 °C hitastigi uns allt vatnið er gufað upp. Rúmmál gufunnar er 1673falt rúmmál vatns við 100 °C og 1 bar og eru það eiginleikarnir sem verið er að nýta til að snúa túrbínunum sem eru að framleiða fyrir okkur rafmagnið.

Hér er Bjarni háfjallajeppabílstjóri m.m. að sýna gestum hversu heit gufan er sem er að brjótast upp úr iðrum jarðar.

Hér er verið að bora nýja borholu fyrir Hellisheiðarvirkjun (smellið á mynd til að sjá fleiri myndir)

Á Hellisheiði er verið að reisa stóra og mikla virkjun gufuaflsvirkjun þessa daganna

Hér er jarðbor að bora fyrir nýrri holu við gamla skíðasvæðið í Hamragili.

Hér er verið að bora nýja borholu fyrir Hellisheiðarvirkjun (smellið á mynd til að sjá fleiri myndir)

Hér er einn af mörgum jarðborum á svæðinu og verða þeir sífellt stærri og stærri. Í dag eru borholurnar á bilinu 1000 til 2000 metrar.

Hér er verið að bora nýja borholu fyrir Hellisheiðarvirkjun (smellið á mynd til að sjá fleiri myndir)

Það er gaman að segja ferðamönnunum að skýin séu búin til á íslandi :)

Hér blása 3 holur í einu uppi á toppi á virku eldfjalli - Skarðsmýrarfjalli (smellið á mynd til að sjá fleiri myndir)

Hér má sjá sólina vera að setjast og magnað að sjá gufustrókin í þessari myndaseríu

Skarðsmýrarfjall (smellið á mynd til að sjá fleiri myndir)



Kjartan
WWW.PHOTO.IS

Boðar hátt í fertugföldun í nýtingu jarðvarma vestanhafs

Ferjan Baldur er stór þáttur í að gera Breiðafjörð af einu ferðamannasvæði.

Það má þakka ferjunni Baldur að gera Breiðafjörð af einu ferðamannasvæði.

Ferjan Baldur siglir þvert yfir Breiðafjörð frá Stykkishólmi til Brjánslækjar með viðkomu í Flatey.

Ferjan Baldur á Breiðafirði að koma til Brjánslækjar (smellið á mynd til að sjá fleiri myndir)

Hér má svo sjá ferjuna að innan og utan. Myndirnar eru teknar stuttu eftir að báturinn kom í heimahöfn sína á Stykkishólmi.

Hér má svo sjá höfnina og nýja Breiðafjarðarferjuna Baldur sem siglir yfir Breiðafjörð með viðkomu í Flatey.

Þessi mynd er tekin stuttu eftir að nýja skipið kom á Stykkishólm (smellið á mynd til að sjá fleiri myndir)

Siglingin yfir fjörðinn tekur um 3 kl.st. og á sumrin siglir hún frá Stykkishólmi kl. 9:00 og 15:00 og frá Brjánslæk kl. 12:00 og 18:00 (Sumaráætlun 2007 1. júní – 31. ágúst)

Kjartan
WWW.PHOTO.IS

Trúlofaði sig á Breiðafirði

Hér er hugmynd - Setja upp litla rafræna pósa

Með nútíma tækni, þá má setja upp rafræna pósa. Í stað þess að láta ferðamenn vera að henda smápeningum í allar áttir á þessum stöðum.

 Það er orðið frekar hvimleitt að sjá þessa peninga-sjón-mengun í hverum, lækjum og stöðum þar sem þeir eiga alls ekki heima.

 Það gæti verið einfalt mál að setja upp litla GSM pósa og skrifa forrit sem tekur svo fasta "styrktar" upphæð af hverju korti. Þannig að um leið og fólk labbar í gegnum þar til gert hlið, þá er greiðslukortinu rennt í gegn. Ekkert pinn-númer, aðeins föst upphæð og afgreiðslan gengur því hratt fyrir sig. 

 Upphæðin þyrfti ekki að vera há og með þessu móti væri búið að minnka allt utanumhald.

 Það ætti að vara auðvelt að fá banka til að styrkja uppsetninguna á slíku kerfinu og jafnframt sjá um rekstur þess.

 Á afskektum stöðum mætti setja upp sólarrafhlöðu, vindmyllu eða einhvern náttúrulegan orkurafal þar sem notast væri við heitt vatn, gufu eða annað sem má finna á svæðinu til að framleiða rafmagn! En svona rafrænn GSM pósi tekur ekki mikið rafmagn og líklega getur hann keyrt á stórum rafgeymi í langan tíma.

Jafnvel væri hægt að vera með hnappa þar sem fólk getur valið um að styrkja mismunandi verkefni eins og skógrækt, uppbyggingu á göngustígum, fornleifarannsókn, endurgerð húsa og svo mætti lengi telja.

Hér ættu einhverjir frumkvöðlar að geta sótt um styrk til RANNÍS til að þróa þessa hugmynd frekar :)

 

Gjald inn á ferðamannastaði raunhæft

Húsavík hefur upp á margt fallegt og skemmtilegt að bjóða

Það er alltaf jafn gaman að koma til Húsavíkur

Hér er ég með hóp af Ameríkönum á hringferð um landið og að sjálfsögðu var stoppað á Húsavík til að fara í Hvalaskoðun.

Hér kíkir hópurinn út fyrir borðstokkinn á hvalinn sem veltir sér í sjávarborðinu (smellið á mynd til að sjá fleiri myndir)

Það er greinilegt að Húsavík hefur upp á margt fallegt að bjóða. En þessi Húsavíkurmær var skipstjórinn á hvalaskoðunarbátnum.

Svei mér þá ef hún er ekki líka með rauðar freknur (smellið á mynd til að sjá fleiri myndir)

Hér sitja tvö greinilega mjög ánægð með veðurblíðuna niður við bryggju

Hér er verið að njóta góða veðursins (smellið á mynd til að sjá fleiri myndir)

Á góðum degi er setið úti og spjallað á næsta kaffihúsi

Hvað skyldu þær vera að ræða? (smellið á mynd til að sjá fleiri myndir)

Í kirkjunni á Húsavík er umdeilt málverk, málað af Sveini Þórarinssyni listmálara frá Kílakoti í Kelduhverfi. Hann málaði altaristöfluna 1930-31

Málverk eftir Sveinn Þórarinsson listmálari frá Kílakoti (smellið á mynd til að sjá fleiri myndir)

Altaristaflan er fyrir margra hluta sakir merkileg. Landslag í bakgrunni hennar telja ýmsir sig þekkja úr íslensku umhverfi, m.a. keimlík fjöll úr Öxarfirði og hraungjár úr Kelduhverfi. Einnig var haft á orði að listamaðurinn notaði andlit sveitunga sinna sem fyrirmynd að fólki á altaristöflunni. Það er einnig merkilegt að Lasarus rís upp úr íslenskri gröf og má sjá hraungrýtið rísa beggja megin við Lasarus. Á tímum Lasarusar var venja að lík væru lögð í helli. Söguna um upprisu Lasarusar er hægt að lesa í Jóhannesarguðspjalli 11. kafla. Ekki voru allir á eitt sáttir um altaristöfluna. Nú þykir hún ein mesta prýði hennar.

Rögnvaldur Ólafsson arkitekt teiknaði kirkjuna sem var vígð 2. júní 1907.

Kjartan
WWW.PHOTO.IS

p.s. texti er að hluta til fengin frá http://www.skarpur.is/husavikurkirkja/husavikurkirkja.asp

Loftbelgsferðir og hvalaskoðun frá Húsavík

Hér er greinilega verið að stytta leið úr 37km niður í 15 km

Þessi hluti Vestfjarðar er víða mjög fallegur. Hvernig væri nú að nota meira af jarðgöngum í stað þess að krækja fyrir alla þessa firði.

Hér sést vel hvar vegurinn kemur til með að liggja. En hér er horft niður í Gufufjörð og Djúpafjörð.

Nýja leiðin um Barðaströndina (smellið á mynd til að sjá fleiri myndir)

Hér sést betur, hvað er verið að tala um. En Það myndi verða sparnaður upp á ca. 22 km ef þessi leið yrði farin.

Kort af svæðinu sem sýnir nýju og gömlu leiðina

Nýja leiðin um Barðaströndina (smellið á mynd til að sjá fleiri myndir)

Þegar ég var að vinna fyrir Skeljung þegar það var og hét, þá sagði Einar Jónsson mér skemmtilega sögu að því þegar hann var að keyra yfir Þorskafjörð á fjöru þar sem nýja vegastæðinu er ætlað að liggja yfir. Hann festi bílinn úti á miðjum firðinum og svo lentu þeir í miklu veseni þegar fór að flæða að. En á þessu svæði er gríðarlegur munur á flóði og fjöru.

Kjartan
WWW.PHOTO.IS

Höfða mál gegn umhverfisráðherra

Hér eru myndir af kauðum - Ekki fyrir viðkvæma :)

Löggan hefði í nógu að snúast ef hún þyrfti að fara að hirða upp fólk á ónefndum baðstöðum sem má finna víða um land.

Hér er svo smá samkeppni við örsögur Ellýjar, "alvöru" myndasería fyrir stelpurnar.

Ekki var annað að sjá en að konurnar væru ánægðar sem komu ofan í laugina stuttu seinna (klikkið á mynd til að sjá fleiri myndir)

Heiti fossinn í Laugarvalladal er mjög vinsæll hjá ferðamönnum

Íslenskur karlmaður baðar sig í heita fossinum í Laugarvalladal (klikkið á mynd til að sjá fleiri myndir)

Kjartan
WWW.PHOTO.IS

p.s. spurning hvað þessi frétt fær að hanga lengi inni :)

Strípalingar handteknir í Mosfellsbæ