Ég var á flugi þarna yfir fyrir stuttu - Passaði mig alveg sérstaklega á því að hnerra ekki svona rétt á meðan ég flaug þarna yfir :|

Óshlíðina þekkja margir úr fréttum í gegnum árin. En hún hefur löngum verið erfiður farartálmi fyrir Bolvíkinga. Mikið grjóthrun hefur verið úr hlíðum fjallana yfir veginn á milli Bolungarvíkur og Hnífsdals.

fjöllin Óshyrna, Arafjall, Búðarhyrna ásamt Ófæru (smellið á mynd til að sjá fleiri myndir)

Í gegnum þessi fjöll er búið að skipuleggja jarðgöng. En á myndunum má sjá að vegurinn meðfram ströndinni hefur víða verið settur í stokka til að verja umferð, sem fer um veginn, grjóthruni.

Hér má sjá kort af flugleiðinni yfir Bolungarvík sem farin var á mótordrekanum.

kort af flugleiðinni yfir Bolungarvík og nágreni (smellið á mynd til að sjá fleiri myndir)

Rétt eftir að búið er að aka fyrir Óshlíðina á leið til Bolungarvíkur, þá blasir Bolafjall við hinu megin við lítinn fjörð. Þá er stutt í Minjasafnið Ósvör sem er uppgerð verbúð frá árabátatímanum. Verbúðin er ein elsta sinnar tegundar á landinu.

Minjasafnið Ósvör (smellið á mynd til að sjá fleiri myndir)

Kjartan
WWW.PHOTO.IS

Stórir grjóthnullungar féllu á Óshlíðarveg

Hér er mynd af flugvélinni

Líklega er þetta vélin sem um er að ræða og er í eigu flugfélagsins Geirfugls sem ég á víst að eiga einhvern smá hlut í :(

TF-Önd Cessna 152 í eigu flugfélagsins Geirfugls (smellið á mynd til að sjá fleiri myndir)

Við skulum vona að allir hafi komist klaklaust frá þessu.

Hér má sjá nánari upplýsingar um flugvélina


Kjartan
WWW.PHOTO.IS

Flugvél nauðlenti við Straumsvík

Það er töluvert siglt með ferðamenn innan um ís á Íslandi

Þeir mega eiga það sem eru að reka aðstöðuna við Jökulsárlón eða Breiðamerkurlón að þeir eru mjög passasamir með alla sína farþega. Ekki hefur komið upp sambærilegt slys eða tjón vegna þess að þeir séu að sigla of nálægt ísjökunum á lóninu. Með hverjum hjólabát af farþegum siglir einn gúmmíbátur með til öryggis til að passa upp á að allt sé í lagi.

Hér er mín uppáhalds mynd af lóninu. Sólin að koma upp í austri kl. 4 að morgni.

Jökulsárlón Breiðamerkurlón (smellið á mynd til að sjá fleiri myndir)

Hér má sjá aðstöðuna við lónið og Öræfajökul í baksýn, þar sem hæsta fjall landsins er, Hvannadalshnjúkur 2110m.

Hér er aðstaðan fyrir hjólabátana við Jökulsárlóninu (smellið á mynd til að sjá fleiri myndir)

Hér er einn á gúmmíbát að kanna aðstæður og finna réttu siglingaleiðina fyrir hjólabátinn.

Siglt innan um ísjakana á jökulsárlóninu (smellið á mynd til að sjá fleiri myndir)

Hér er farið yfir þróun svæðisins með ferðamönnum og ekki er slæmt að smakka á 1000 ára gömlum klaka sem veiddur er upp úr jökulsárlóninu fyrir ferðamenn.

Farið yfir þróun svæðisins með ferðamönnum (smellið á mynd til að sjá fleiri myndir)

Oft er þraungt á þingi í bátunum. Hér er hópur Spánverja á hringferð um landið. Ótrúleg ferð :)

Spánverjar á siglingu um lónið (smellið á mynd til að sjá fleiri myndir)

Kjartan
WWW.PHOTO.IS

Jökulbrot féll á skemmtiferðaskip og slasaði 18

Hamagangur í Þórsmörk - Hélt að Verslunarmannahelgin væri búin!

Jarðskjálftakippur mældist í Þórsmörk við skála Ferðafélagsins í Langadal

Það skyldi þó ekki vera að það sé að byrja gos Þórsmerkurmegin í Mýrdalsjökli? En þar er síðasti skjálfti um 3.4 á Richter!

Ef farið er inn á vef Veðurstofunnar og skoðuð jarðskjálftavirkni á svæðinu, þá má sjá virkni vestan við Mýrdalsjökul, eins og þessar myndir sýna

Jarðskjálftakort Veðurstofunnar (smellið á mynd til að sjá fleiri myndir)


Jarðskjálftakort Veðurstofunnar (smellið á mynd til að sjá fleiri myndir)
Kort af svæði þar sem virknin er mest í kringum Mýrdalsjökul

Kort af svæði við Mýrdalsjökul (smellið á mynd til að sjá fleiri myndir)

En mér skilst að næstu mögulegu gos geti orðið á Íslandi í Bárðarbungu, Grímsvötnum, Kötlu, Heklu, við Hágöngur, Öskju, Kverkfjöll og svo við Upptyppinga. Þetta eru 8 möguleikar og þar af er Hekla og Katla komnar í startholurnar.

Því er allt útlit fyrir að það geti farið að gerast eitthvað mjög fljótlega - enda úr nógu að moða.

Hér eru svo tengingar á myndir sem teknar hafa verið í Mörkinni við ýmis tækifæri

http://www.photo.is/06/09/2/index_3.html
http://www.photo.is/06/08/4/index_9.html
http://www.photo.is/06/08/3/index_22.html
http://www.photo.is/06/07/6/
http://www.photo.is/06/04/1/index_2.html
http://www.photo.is/06/07/1/index_7.html


Kjartan
WWW.PHOTO.IS

Jarðskjálfti undir Mýrdalsjökli

Ekki dugði þessi aðgerð nú alveg hjá þeim - ef myndir sem að ég tók eru skoðaðar nánar þá má greina stafi :)

Nú er spurning hvort að lesendur geti fundið út eða lesið skráningarnúmer vélarinnar á eftirfarandi mynd?


Mynd af þar sem málað var yfir stafi vélarinnar, en búið er að vinna myndina aðeins í Photoshop til að gera stafina greinilegri (smellið á mynd til að sjá fleiri myndir)

Næst er að nota Google og leita þessa vél uppi og finna nánari upplýsingar um eiganda, sögu, vélarstærð, gerð og fl. :)


Mynd af flugatviki eða óhappi við Nýjadal á Sprengisandsleið (smellið á mynd til að sjá fleiri myndir)

Ég hafði pínu gaman að því að sjá hvað bloggið mitt um flugóhappið inni á Sprengisandi við Nýjadal myndi hafa á fjölmiðlaflóruna hér á landi og hversu fljótir þeir yrðu að taka við sér.

En ég náði myndum af flugvélinni sem var lent inni á miðjum Sprengisandi á flugvellinum við Nýjadal stuttu eftir mitt eigið óhapp sama kvöld. En eins og alþjóð veit, þá hlekktist stórri flugvél á í flugtaki.

En sagan er svona:

Á sunnudeginum kem ég á biluðum bíl með brotin gorm sem heldur við framhásinguna eftir erfiða ferð yfir Gæsavatnaleið. Í bílnum eru 6 erlendir ferðamenn. Eftir að gormafesting hafði gefið sig á miðri Gæsavatnaleið, þá var ekki annað að gera en að fjarlægja gorminn festa hásinguna með strappi og var þannig ekið um 50 km leið niður í Nýjadal og þaðan alla leið í bæinn með smá stoppi þar sem ferðamennirnir voru skildir eftir á Hótel Hálandi við Hrauneyjarfossvirkjun.

Ég kem um kl. 22:30 inn í Nýjadal þar sem ráða ríkjum land- og skálaverðirnir Sigurður Ingi Andrésson og Soffía Sigurðardóttir.

Þegar ég ek í hlað, þá hitti ég fyrir Soffíu skálavörð sem segir mér eftirfarandi fréttir:

Flugvél af gerðinni Cessna Caravan (líklega með 1200 HP mótor!) væri ný búinn að krassa þar rétt hjá. En fyrr um kvöldið, þá var vélinni lent á flugvellinum sem er rétt suðaustan við skálann.

Þeir taxa eða leggja vélinni í átt að skálanum og labba síðan niður að skála.

Það fyrsta sem flugmennirnir segja er: "Hvað er hér?"

Eftir stutta viðdvöl, þá er Það næsta sem gerist er að þeir snúa vélinni við í átt að flugvellinum - Sjá ekki mun á flugvelli og landslaginu í kring. Og ákveða að taka í loftið þar sem vélin er.

Þeir ná ekki ferð í gljúpum sandinum og fleyta kerlingar eftir sandöldunum og koma svo að lokum að smá slakka eða öldudal sem að vélin nær ekki yfir. Lenda því með hjólabúnaðinn og skrúfuna inn í hæðinni á móti og hjólabúnaður gefur sig og skrúfan skemmist þegar hún nær að plægja sig í gegnum jarðveginn.

Auk flugmanna eru 2 eldri menn í vélinni.

Einhver Hannes skutlar tveimur á bíl til byggðar og hinir tveir fara með þyrlu í bæinn. Flugmennirnir neita alfarið að ræða óhappið við flugslysanefnd sem komu með þyrlunni út af atvikinu!

Næsta dag hitti ég svo Soffíu á hjálparsveitarbíl inni í Landmannalaugum og þá var farið nánar yfir staðreyndir málsins sem hér mátti lesa.

Nú er spurningin - Hvor hefur betur? Morgunbaðið eða Fréttablaðið en þeir fengu myndir frá mér í gær vegna þessa atburðar.

En ég var annars búinn að plotta þvílíka sögu um þessa atburðarás.

Sagan byrjar þannig:

Ég er fengin til að fara í ferð með undarlegan hóp af ferðamönnum um hálendi Íslands og er hluti af áætluninni að fara með hópinn frá Öskju yfir Gæsavatnaleið ...

En annars var ég að spá í að byrja á sögu sem að lesendur gætu tekið þátt í að semja og gæti ég t.d. komið með grindina hér.

Í framhaldinu mætti svo fá góðan leikstjóra og handritshöfund til að búa til góða kvikmynd upp úr sögunni.

Nú er bara að sjá hversu megnugir bloggarar landsins geta verið. Reynið nú að semja eina góða mergjaða sögu hér á netinu þar sem sögubútum frá hverjum og einum verður síðan raðað saman í þeirri röð sem þeir birtast :)

Sjá má fleiri myndir af flugóhappinu hér http://photo.blog.is/blog/photo/entry/279376/

Sjá má sjá upplýsingar um flugvélina hér http://www.airport-data.com/aircraft/N208B.html

Því var ekki hægt að ná í þá sem voru á flugvélinni í 2 daga?


Frétt hjá Fréttablaðinu af flugatvikinu við Nýjadal á Sprengisandsleið (smellið á mynd til að sjá fleiri myndir)

Eins og lesa má á þessari frétt, þá voru umræddir ferðamenn á þessari flugvél meira en lítið dularfullir!

Kjartan
WWW.PHOTO.IS

Vildu ekki þekkjast á Netinu

Flott - Glæsilegur árangur - En hvað er svo rekbelti?

Ísland er sannkölluð gullnáma fyrir jarðfræðinga.

Líklega eru fáir staðir í heiminum eins aðgengilegir og þægilegir þegar jarðfræði er annars vegar. Hér er eitt virkasta eldsumbrotasvæði jarðarinnar með rúm 50 virk eldfjöll og yfirborðið ekki þakið endalausum gróðri og þykkum jarðvegi eins og víðast hvar annars staðar.

Auðvelt er að ferðast um yfirborð landsins og komast í beina snertingu við hverja jarðfræðináttúruperluna á fætur annarri með ótrúlega lítilli fyrirhöfn og landið allt eins og orðabók í jarðfræði.

Það er sama hvort að það eru svartir sandar, stórar hraunbreiður, jöklar, goshverir, gígar, móbergsfjöll, stór gljúfur, djúpir dalir, sprungur, hellar og fl. En mörg af þessum jarðfræðifyrirbærum eru mörg hver í meira magni hér á landi en víðast hvar annarsstaðar á jörðinni.

Samkvæmt nýjust fréttum, þá er núna hægt að rekja sig í gegnum jarðsögu og þróun landsins síðustu 24 milljón árinn fram til dagsins í dag. Yngsti hluti landsins liggur þvert í gegnum landið frá Reykjanesi og upp til norðaustur horn landsins og er þessi lína jafnframt virkasta gossvæði landsins. En þar sem að þessar tvær plötur eru að reka frá hvor annarri, Þá er fyllt upp í bilið sem myndast jafnóðum með nýjum jarð- og gosefnum. Beint út frá þeirri línu eldist svo landið jafnt og þétt og má finna elstu berglögin þar sem lengst er frá þessum plötuskilum. Má þar nefna Vestfirðina og Hornafjörð og Lónssveitina á suðaustur hluta landsins.

Þessi frétt sýnir okkur hvað jarðfræði Ísland er enn lítið kannað fyrirbæri. Stöðugt eru að koma fram nýjar upplýsingar og kenningar sem eru að koma á óvart.

En rekbelti má líkja við stóra sprungu eða flekaskil sem liggur á milli tveggja fleka sem fljóta á yfirborði jarðar. Á sínum tíma lágu þessi skil eftir Snæfellsnesinu og nú liggja þau um Reykjanesið og svo kom ég með þá hugmynd á sínum tíma að þau séu að flytja sig yfir þar sem Hekla, Vestmannaeyjar, Surtsey liggi og að öllum líkindum muni myndast nes þar sem þessar eyjar eru með myndarlegum fjallgarði eftir miðjunni eins og sjá má á Reykjanesi og Snæfellsnesi í dag.

Jarðvísindamenn finna eldfjall á Reykjaneshrygg

Átti þess kost að keyra þarna um fyrir 2 dögum síðan.

Ég átti leið um svæðið fyrir 2 dögum síðan. Veðrið var drungalegt þennan dag og ský sat á toppnum á Herðubreið, drottningu íslenskra fjalla.

Ég horfði löngunaraugum á svæðið þar sem að ég stoppaði með hóp af erlendum ferðamönum á leið inn í Öskju.

Ég var að sjálfsögðu búinn að lofa þetta allt og prísa fyrir hópnum og sagði þeim að gos væri líklega væntanlegt þarna þá og þegar, þar sem að ég benti út yfir auðnina.

En ekkert gerðist!

Og þó, stuttu seinna brotnaði gormur sem heldur við framhásinguna rétt áður en að ég kem inn í Dreka með hópinn og flugvél lendir í óhappi inn við Nýjadal.

En núna sit ég hér á Gullfosskaffi og snæði þessa æðislegu kjötsúpu, sem að þeir eru svo þekktir fyrir, rúmum 2 sólahringum síðar og hugsa um atburði síðustu 2 daga :|

En mér tókst að koma hópnum yfir Gæsavatnaleið og á Hótel Háland við gríðarlega erfiðar aðstæður og aka svo um nóttina í bæinn (7-800 km á einum sólahring) og laga það sem að þurfti og svo halda áfram inn á hálendið með hópinn.

Myndir og nánari lýsing kemur seinna.

Kjartan

Minni skjáftavirkni við Upptyppinga

Leiðrétting! EKKI flugslys - heldur flugatvik eða óhapp :)

Verð að viðurkenna smá mistök :)

Ég er greinilega farin að nota æsifréttastílinn á fyrirsagnir í blogginu hjá mér.

En þar sem þessi færsla var skrifuð kl. 4 að nóttu eftir langan og erfiðan dag, þá má mér vera smá vorkunn.

Ef það er einhver sem ætti að passa sig á því að slá upp fyrirsögnum um flug í æsifréttastíl, þá ætti það að vera ég.

Vandamálið er oft með allt sem tengist óhöppum í flugi að það vill rata beint á forsíðu fjölmiðla með stórum fyrirsögnum.

Ég var að koma yfir Gæsavatnaleið í fyrrakvöld og fæ þá þær fréttir að flugvél hafi hlekkst á í flugtaki við Nýjadal á Sprengisandsleið. Þyrla var þá ný lögð af stað úr bænum. Engin slys urðu á fólki. En í vélinni voru 2 erlendir flugmenn ásamt 2 farþegum.

Þeir voru víst að reyna flugtak fyrir utan braut til austurs og voru líklega ekki búnir að ná flughraða þegar þeir fara niður hæð og hjólabúnaðurinn lendir svo í hæðinni á móti. En þeir voru víst að reyna utanbrautarflugtak og sandurinn þar var víst heldur mjúkur til þess að þeir næðu fullum flugtakshraða og því fór sem fór.

Hér má svo sjá myndir af slysstað sem tekin var í kvöld um kl. 23:00:


Mynd af flugatviki eða óhappi við Nýjadal á Sprengisandsleið (smellið á mynd til að sjá fleiri myndir)


Mynd af flugatviki eða óhappi við Nýjadal á Sprengisandsleið (smellið á mynd til að sjá fleiri myndir)


Mynd af flugatviki eða óhappi við Nýjadal á Sprengisandsleið (smellið á mynd til að sjá fleiri myndir)


Mynd af flugatviki eða óhappi við Nýjadal á Sprengisandsleið (smellið á mynd til að sjá fleiri myndir)


Kjartan
WWW.PHOTO.IS

Flugvél hlekktist á í Nýjadal

Flugslys í Nýjadal í kvöld - Nýjar myndir af slysstað

Ég var að koma yfir Gæsavatnaleið í kvöld og fæ þá þær fréttir að flugvél hafi hlekkst á í flugtaki við Nýjadal á Sprengisandsleið. Þyrla var þá ný lögð af stað úr bænum. Engin slys urðu á fólki. En í vélinni voru 2 erlendir flugmenn.

Þeir voru víst að reyna flugtak fyrir utan braut til austurs og voru líklega ekki búnir að ná flughraða þegar þeir fara niður hæð og hjólabúnaðurinn lendir svo í hæðinni á móti.

Hér má svo sjá myndir af slysstað sem tekin var í kvöld um kl. 23:00:

lagaði aðeins myndirnar í næstu færslu :)

Flaug fisflugvél yfir Atlantshaf

Þeir geta þá dundað sér við að skoða þetta flug hérna hjá okkur fisflugmönnum sem farið var sumarið 2004 á Höfn í Hornafjörð

Hér er flogið eftir suðurströndinni á leiðinni á Höfn í Hornafjörð, júlí 2004. Þar bíða flugkapparnir af sér rigninguna þessa stundina!

Flug eftir suðurströndinni á leið á Höfn í Hornafjörð (smellið á mynd til að sjá fleiri myndir)

Kjartan
WWW.PHOTO.IS

Slæmt veður í Færeyjum tefur indverska fisflugmenn