Hvernig ætli standi á því í raun að það skuli heyra til algjörra undantekninga að ráðuneyti beiti stofnanir viðurlögum?

Því fá embættismenn stofnanna á íslandi að haga sér nákvæmlega eins og þeim sýnist?

Brot á þeim starfsskyldum sem þeim er ætlað að starfa eftir ætti lögum samkvæmt að þýða áminningu eða lausn frá störfum.

Það heyrir hins vegar til "algjörra undantekninga" að ráðuneyti beiti slíkum viðurlögum.

Ætli ástæðan sé sú að það megi ekki styggja hið góða samstarf sem í raun er á milli ráðuneyta og þeirra undirstofnanna. En oft eru þessar svo kölluðu undirstofnanir sterkt pólitískt valdastjórntæki viðkomandi ráðuneytis og þannig óspart notað í valdabrölti viðkomandi ráðherra. Líklega er raunin sú að sukkið og spillingin er jöfn á báða bóga og því gerir enginn neitt.

Ríkisendurskoðun gagnrýnir agaleysi forstöðumanna stofnana og ráðuneyta

Hreindýr á Íslandi - Myndir úr veiðiferð

Í september mánuði 2005 brugðum við Árni Gunnarsson og undirritaður í ævintýralega ferð á fisi austur á land. Tilgangur ferðarinnar var að leita af hreindýrum úr lofti fyrir Veiðifélagið Sósuna sem var með leyfi til að veiða á svæði 5 (Fjarðabyggð, þ.e. Eskifjörður, Norðfjörður og Reyðarfjörður). Svæðið er mikið fjallendi og erfitt yfirferðar.

Hér er verið að fara yfir kort af svæðinu í upphafi ferðar með Sævari Guðjónssyni leiðsögumanni (Sæsi gikkur) sem býr á Mjóeyrir á Eskifirði.

félagar úr Veiðifélaginu sósan skoða kort af svæðinu (klikkið á mynd til að sjá fleiri myndir)

Hér er lent því að hleðsluljósið var ekki að virka og kom í ljós að ljósaperan var farin. Á myndinni má sjá Jónas, Sjonna og Ármann og vantar Árna flugmann inn á myndina og Sævar leiðsögumann.

félagar úr Veiðifélaginu sósan við skilti sem vísar veginn í Vaðlavík og Karlsskála (klikkið á mynd til að sjá fleiri myndir)

Hér er horft niður í Vaðlavík

Leiðin niður í Vaðlavík (klikkið á mynd til að sjá fleiri myndir)

Úr Wikipediu, frjálsa alfræðiritinu
"Vöðlavík eða Vaðlavík er vík norðan Reyðarfjarðar, milli Múla og Gerpis. Í Landnámu segir að Þórir hinn hávi hafi búið í víkinni, en hún hét Krossavík fram á 17. öld. Í Vopnfirðinga og Kristni sögur geta þess að Þorleifur Ásbjarnarson hinn kristni hafi búið í víkinni. Til Vöðlavíkur var ruddur vegur fyrir 1940 sem síðar var lengdur til Viðfjarðar og nýttist áður en Oddsskarðsvegur var byggður. 10. janúar 1994 strandaði skipið Goði í víkinni og bjargaði þyrlusveit Varnarliðsins á Keflavíkurflugvelli skipverjum. Einn fórst við strandið. Úr víkinni og heiðinni, Vöðlavíkurheiði, eru tveir fjallstindar einna mest áberandi: Snæfugl og Hestshaus."

Seinna um daginn er komið þar sem vegurinn endar við bæinn Viðfjörð við Viðfjarðarströnd í Viðfirði þar sem Viðfjarðará rennur um Viðfjarðarós (Hvað eru mörg við í því)! Yfir Viðfjarðará hefur verið reist þessi myndalega hengibrú þar sem byggt hefur verið upp myndalegt æðarvarp.

Bærinn Viðfjörður við Viðfjarðarós (klikkið á mynd til að sjá fleiri myndir)

Úr Wikipediu, frjálsa alfræðiritinu
Viðfjörður er fjörður á Austfjörðum í Suður-Múlasýslu og gengur suður úr Norðfirði. Í Viðfirði er samnefnt eyðibýli, en það fór í eyði skömmu eftir 1950. Á bænum er sagt að hafi verið reimt öldum saman og á öðrum fjórðungi síðustu aldar gengur draugar þar ljósum logum, leystust upp í eldglæringum, tóku fyrir kverkar fólki og gerðu mönnum hvers konar skráveifur aðrar.
Í Viðfirði er Dr. Björn Bjarnason fæddur. Hann var kunnur rithöfundur og fræðimaður. Hlaut hann doktorsnafnbót fyrir rit sitt um íþróttir fornmanna á Norðurlöndum, þýddi fjölda rita, samdi eða sá um útgáfur annarra.

Það eru ýmsar aðferðir til að hlúa að æðavarpinu og hér hafa menn brugðið á það ráð að útbúa skýli í kross til að verja æðarfuglinn fyrir veðri og utanaðkomandi vá.

Skýli fyrir æðarfuglinn á tanganum við Viðfjarðarós (klikkið á mynd til að sjá fleiri myndir)

Hér lenda Árni og Sævar leiðsögumaður eftir að hafa kannað svæðið úr lofti. Einu dýrin sem fundust voru í Sandvík og þangað er varla fært nema fuglinum fljúgandi :)

Árni og Sævar leiðsögumaður við bæinn Viðfjörð (klikkið á mynd til að sjá fleiri myndir)

Eftir stutta rekistefnu, þá var ákveðið að Árni myndi fljúga með veiðimennina yfir í Sandvík og lenda þar í fjörunni. En dýrin sem sáust úr flugferðinni sáust síðast við Gerpiskoll í Sandvík.

Hér eru félagarnir sestir upp í fisið með allar græjur og tilbúnir fyrir flugtak

Árni og Sævar leiðsögumaður undirbúa sig fyrir ferð í Sandvík (klikkið á mynd til að sjá fleiri myndir)

Því miður fór annað hjól flugvélarinnar ofan í holu í flugtaki og slitnaði stífa sem hélt við dekkið. Þetta breytti öllum áformum um frekara flug í Sandvíkina og fór smá tími í að laga festinguna aftur.

Hér má sjá stífu sem gaf sig (klikkið á mynd til að sjá fleiri myndir)

Ekki var annað í stöðunni en að gera við vélina með því sem tiltækt var á staðnum. Síðan héldum við Árni í loftið og var þá stefnan tekin norður og leituðum af hreindýrum í leiðinni. Stuttu seinna fundum við hóp af hreindýrum sem voru uppi við fjallstopp rétt fyrir neðan skýjabakkann á stað sem nefnist Kvígindisdalur. Eftir fundin var flogið í kaffi til fisfélaga sem býr á Norðfirði.

Sósumenn héldu fótgangandi við erfiðara aðstæðu á staðinn sem við vísuðum á og náðist eitt dýr og voru þeir ekki komnir í hús fyrr en seint um nóttina eftir erfiðan dag.

Ef vel er skoðað, þá má sjá hreindýr fyrir miðri mynd (klikkið á mynd til að sjá fleiri myndir)

Hér er svo kort af veiðisvæðinu þar sem sjá má firðina Norðfjörð, Hellisfjörð, Viðfjörð, Sandvík, Vöðlavík og Reyðarfjörð

Firðirnir Norðfjörður, Hellisfjörður, Viðfjörður, Sandvík, Vöðlavík og Reyðarfjörður (klikkið á mynd til að sjá fleiri myndir)

Kjartan
WWW.PHOTO.IS

Sterkur grunur leikur á berklasmiti í hreindýri

Rækjuverksmiðjan Miðfell á Ísafirði - Myndir

Hér má sjá myndir af rækjuverksmiðjunni Miðfell ehf.

rækjuverksmiðjan Miðfell á Ísafirði (klikkið á mynd til að sjá fleiri myndir)

Þessar myndir voru teknar fyrir stuttu síðan.

rækjuverksmiðjan Miðfell á Ísafirði (klikkið á mynd til að sjá fleiri myndir)

Kjartan
WWW.PHOTO.IS

Áhugi fyrir eignum Miðfells

Opna þarf fyrir hringleið um Hengilinn og þá má byrja með stuttum vegspotta frá Nesjavallarvegi

Opna þarf fyrir hringleið um Hengilinn og þá má byrja með stuttum vegspotta frá Nesjavallarvegi yfir að nýju Hellisheiðarvirkjuninni.

Nesjavallarvegur, horft til norðurs (klikkið á mynd til að sjá fleiri myndir)

Þegar er búið að leggja 4 km veg út að svo kölluðum Bolavöllum og þarf því aðeins að bæta við 5.3 km vegi samkvæmt leið A eða 7.2 km vegi samkvæmt leið B (frá Bolavöllum inn á Nesjavallaleiðina)

Mynd þar sem horft er til norðurs eftir veginum sem liggur út á Bolavelli

Núverandi vegur út á Bolavelli (klikkið á mynd til að sjá fleiri myndir)

Hér endar vegurinn sem liggur út á Bolavelli. Nú þarf bara að halda áfram með þessa leið inn á Nesjavallaleiðina til að klára hringleiðina um Hengilssvæðið

Hér endar vegurinn út á Bolavelli (klikkið á mynd til að sjá fleiri myndir)

Hér má sjá þrjár nýjar leiðir um Hengilssvæðið

Kort af Hengilssvæðinu (klikkið á mynd til að sjá fleiri myndir)

Og fyrst að maður er farin að skoða Hengilssvæðið, þá er fullt af skemmtilegum göngu- og jeppaleiðum á svæðinu. Það nýjasta sem að ég er búinn að upplifa af svæðinu er að aka upp á toppinn rétt fyrir ofan Hamragil. Þegar þangað er upp komið, þá blasir við eitt það fallegasta útsýni norðan Alpafjalla. En það má sjá Heklu, Vestmannaeyjar, Surtsey, Hellisheiðina, Vífilfell, Reykjavík, Esjuna ... og verð ég að segja að samgönguyfirvöld ættu að reyna að leggja áherslu á leið um þetta svæði fyrir ferðamenn. Samkvæmt hugmynd eða leið C, þá gæti verið gaman að hafa möguleika á að aka eftir fjallstoppnum og svo niður og klára hringleiðina. Með þessu móti er auðvelt að skoða 2 gufuaflsvirkjanir í sömu ferðinni. Ekki væri nú verra að bæta við vegaspotta D en frá honum er lítt greinilegur slóði inn á Hellisheiðina.

Á svæðinu er mikið af heitum laugum sem ferðahópar hafa verið að nýta sér.

Hér er horft inn Miðdal, Hengladali, Innstadal og rennur Hengladalaá niður dalinn. Yfir hana liggur svo slóði sem kallaður er 1000 vatna leiðin

Miðdalur, Hengladalir, Innstadalur, Hengladalaá (klikkið á mynd til að sjá fleiri myndir)

Ef myndin er skoðuð betur, þá má sjá í fjarska hvar sprunga hefur klofið sjálfan Hengilinn. Svipað fyrirbæri má sjá í fjallinu Þorbirni í Grindavík.

Kjartan
WWW.PHOTO.IS

Hér er mynd af Fasteignasölunni Bakka áður en bílskúrinn var byggður

Á nú að fara að brenna húskofan ofan af honum Árna Valdimarssyni vini mínum á Selfossi!

Ætla rétt að vona að það sé ekki að fara að hefjast einhver skálmöld í annars þessum rólega bæ.

Fasteignasalan Bakki á Selfossi (klikkið á mynd til að sjá fleiri myndir)

Eins og sjá má á myndinni, þá er þegar byrjað að grafa fyrir grunninum að bílskúrnum.

Hér fann ég svo nýrri mynd af Fasteignasölunni Bakka þar sem búið var að reisa umræddan bílskúr.

Fasteignasalan Bakki á Selfossi (klikkið á mynd til að sjá fleiri myndir)



Kjartan
WWW.PHOTO.IS

Eldur í bílskúr á Selfossi

Akranes virðist vera inn þessa dagana, Grandi að flytja starfsemi sína þangað og Eykt að kaupa lóðir undir nýbyggingar

Akranes virkar á mig eins og flott sjávarþorp þar sem gott er að búa.

Svona lítur Akranes úr lofti þar sem horft er til austurs.

Loftmynd af vitanum með Akranes í baksýn (klikkið á mynd til að sjá fleiri myndir)

Sjófarendur virðast þurfa meiri leiðsögn þarna en á öðrum stöðum :)

Tveir þekktir vitar á nesinu sem heitir Akranes :) (klikkið á mynd til að sjá fleiri myndir)

Slippurinn virðist vera orðin snauður eins og víða í sjávarþorpum í kringum landið

Slippurinn á Akranesi (klikkið á mynd til að sjá fleiri myndir)

Öll alvöru þorp út á landi eru komin með veglega aðstöðu fyrir hestaíþróttir

Hesthúsahverfið á Akranesi (klikkið á mynd til að sjá fleiri myndir)

Höfnin á Akranesi

Höfnin á Akranesi (klikkið á mynd til að sjá fleiri myndir)



Kjartan
WWW.PHOTO.IS

Eykt vill byggja við Akranes

Höfnin í Þorlákshöfn séð úr lofti

Vandamálið með suðurströnd landsins, er að hún er nánast öll úr sandi og því frekar erfitt að búa til góð hafnarmannvirki þar. Á um 400 kílómetra langri strönd eru einu hafnirnar í Þorlákshöfn, Höfn á Hornarfirði og svo í Vestmannaeyjum.

Svona lítur höfnin út í Þorlákshöfn úr lofti

Höfnin í Þorlákshöfn (klikkið á mynd til að sjá fleiri myndir)

Þar sem umræðan fór að snúast svo mikið um ferjusiglingar til Vestmannaeyjar, þá mátti ég til með að bæta inn þessari mynd hérna:

Ferja sem siglir á milli eyja á Kanarí (klikkið á mynd til að sjá fleiri myndir)

Hér er tenging á upplýsingar um ferjuna sem siglir með 60 bíla og 400 farþega og er í dag hægt að fá svona ferjur sem ná á milli 40 til 60 sjómílna hraða!

Linkur á Fred. Olsen Express

Hér gjörsamlega stakk ferjan Fred. Olsen Express af ferjuna sem við vorum á. En líklega er siglingahraði á svona ferju eitthvað háður veðri. En þessi ferja er orðin nokkuð gömul og líklega komin ný og betri tækni í dag.

Ferja sem siglir á milli eyja á Kanarí (klikkið á mynd til að sjá fleiri myndir)

Kjartan
WWW.PHOTO.IS

Vilja stórskipahöfn í Þorlákshöfn

Það er ekki orðið þverfótað fyrir nýjum einkaþyrlum og þotum hjá auðmönnum þessa dagana.

Eitthvað hef ég á tilfinningunni að þessi nýja þróun sé öll að verða frekar absúrd. Þetta er að verða eins og hjá hinum nýríka sem veit ekki alveg hvernig á að haga sér þegar auðurinn er orðinn það mikill að það skiptir ekki orðið neinu máli lengur hvernig honum er eytt.

Því miður er það þannig að óvant fólk með svona mikið fé á milli handanna þarf að læra að alast upp í svona umhverfi og kunna að bera virðingu fyrir því mikla fjármagni sem því hefur áskotnast.

Það eru rétt um 100 ár síðan að íslenskt samfélag var að mestu bændasamfélag og það fátækasta í Evrópu.

Nú er ekki orðið þverfótað fyrir nýjum einkaþyrlum og þotum hjá auðmönnum þessa dagana og aðferðirnar sem þeir nota til að toppa hvern annan í vitleysunni eru hverri annarri skrautlegri.

Hér áður fyrr var gríðar mikið fjármagn falið hjá stórheildsölum og fiskútflytjendum með ýmsu móti á leynireikningum hér og þar.

Sá auður er að mestu uppsafnaður frá því að síldarævintýrið var og hét fram til dagsins í dag.

Nú er þetta falda fjármagn að brjótast upp á yfirborðið með ýmsu móti og skal engan undra að kaupgetan verði gríðarleg þegar það loksins birtist.

Hér áður fyrr var það mesta sem auðmenn gátu látist berast á eða þorðu að láta sjást, var að keyra um á Benz bíl frá Ræsi!

En nú er öldin önnur og þeir geta slett skyrinu sem "eiga" það :)

Þetta er allt í fínu lagi á meðan það verður ekki eins og hjá kerlingunni sem er í nýja dýra loðfeldinum og svo er restin öll af sitt hvorri sortinni.

Leysir eigin samgönguvandamál með þyrlu

Því miður er lítið hægt að gera þegar svona gerist langt frá mannabyggðum til að hjálpa viðkomandi!

Það er sárt til þess að vita að því miður er það oft svo að þegar fólk er langt frá mannabyggðum og eitthvað gerist eins og t.d. hjartaáfall að möguleikar á að bjarga viðkomandi eru nánast hverfandi.

Þetta er stórt vandamál sem gönguleiðsögufólk verður að horfast í augu við. Þrátt fyrir að hægt sé að gera lífgunartilraunir í einhvern tíma og upp að vissu marki, þá er sá tími sem þarf til að koma viðkomandi undir læknishendur og rétta meðhöndlun það sem mestu máli skiptir.

Hér má sjá myndir af kennslu í slysahjálp sem að ég tók þegar ég var í námi í gönguleiðsögn.

Kennsla í slysahjálp hjá Menntaskólanum í Kópavogi (smellið á mynd til að sjá fleiri myndir)

Kjartan
WWW.PHOTO.IS

Varð bráðkvaddur á göngu við Bása

Það hlaut að koma að því - einhvertímann

Þá fer húsnæði vonandi að lækka aftur svo að þeir sem eru að byrja geti líka keypt sér.

Ég er einn að þeim sem hefur ekki haft möguleika á því að fjárfesta í eigin húsnæði í mörg ár.
Á sama tíma hefur húsnæði margfaldast í verði. Er búinn að vera í sama leiguhúsnæði í að verða 10 ár og þarf að fara að skipta um húsnæði núna fljótlega.

Ef einhver er með íbúð á leigu á góðu verði þá endilega hafa samband.

Gengi krónu og hlutabréfa lækkar