Myndir - Slys á Gjábakkavegi - bílvelta

Nýlega er búið að hefla Gjábakkaveg og því mikið af lausu grjóti á yfirborðinu svo auðvelt er að missa stjórn á bílnum ef það er ekki ekið varlega.

Hér má sjá bílinn sem fór útaf á Gjábakkavegi. Líklega hefur bílinn endasungist.

Hér bíður lögreglan með blikkandi ljósin og passar upp á bifreiðina (klikkið á mynd til að sjá fleiri myndir)

Var annars í ferð á Langjökul með hóp í mjög góð veðri og var færið á jöklinum alveg einstakt. Enda búið að vera kalt undafarna daga.

Búið er að laga veginn aðeins upp að Bláfellshálsi en samt enn ekki fær nema vel búnum jeppum.

Það eru fleirri sem lenda í vanda á Gjábakkavegi eins og sjá má hér:

Þessi mynd var tekin 2006 en hér hefur haugsuga oltið hjá vegagerðinni (klikkið á mynd til að sjá fleiri myndir)

Bílstjórar að reyna bílana á meðan beðið er eftir sleðafólkinu (myndir frá 2005)

Bílarnir standa sig misvel í brekkunum (klikkið á mynd til að sjá fleiri myndir)

Nú er mikil umræða í gangi að breyta vegastæðinu yfir Lyngdalsheiðina. Mig minnir að núverandi vegastæði sé að einhverju leiti konungsvegur sem var lagður 1906-7 vegna komu Friðriks VIII Danakonungs (1907).

En vagnfær vegur var lagður frá Þingvöllum að Geysi. Vegurinn hélt svo áfram þaðan um Brúarhlöð niður að Flúðum og þaðan niður á Skeið að Þjórsártúni.

Framkvæmdin var stór á þess tíma mælikvarða, um 14% af útgjöldum ríkisins þessi ár, og var því hlutfallslega ein stærsta verklega framkvæmd sem lagt hefur verið í hér á landi.

Persónulega finnst mér að núverandi vegur megi halda sér að einhverju leiti með öllum sínum holum, hlykkjum og ryki.

Það er stór upplifun fyrir útlendinga sem eru á ferð með mér að koma út á alvöru malarveg og er þetta eini búturinn sem er eftir á Gullna hringnum þar sem ferðamenn geta fengið að upplifa slíkan veg.. En ég bendi þeim á að svona voru flestir vegir úti á landi á íslandi fyrir ekki meira en svona 20 árum síðan.

Það er búið að setja malbik á erfiðustu vegkaflana eins og í brekkurnar og sumar beygjurnar. Spurning að laga aðgengið yfir lækinn svo að ferðamennirnir geti fengið að upplifa að keyra yfir “alvöru” fljót :)

En ferðamenn eru að koma hingað til landsins til að fá smá upplifun. Þó ekki á þeim nótum sem sjá má á myndunum hér að ofan :(

Kjartan
WWW.PHOTO.IS

Bílvelta við Gjábakkaveg

Myndir - Jargöng

Hér má svo sjá mynd af hinum stórglæsilegu manvirkjum undir Hvalfjörðinn sem Spölur byggði á sínum tíma


Horft til norðausturs (klikkið á mynd til að sjá fleiri myndir)

Hvalfjörðurinn í fyrrakvöld á flugi í flottu veðri ásamt Kjalarnesi, Hvammsvík, Kjósaskarði, Þingvöllum og Grafarvoginum


Kennsluflug á mótorsvifdreka um Hvalfjörðin (klikkið á mynd til að sjá fleiri myndir)

Hvar eru svo þessi göng?


Hver verður fyrstur að finna út úr því hvar þessi göng eru :) (klikkið á mynd til að sjá fleiri myndir)



Kjartan
WWW.PHOTO.IS

Talsverð umferð frá höfuðborginni, en gengur vel

Hörku kerling!

Valgerður Sverrisdóttir, þingmaður Framsóknarflokksins hefur virkað vel á mig í þeim störfum sem að hún hefur tekið sér fyrir hendur. Enda úr sveit :)

Kjartan

Valgerður: Tilbúin að takast á við varaformannsembættið

Myndir - Arngrímur einkaflugmaður :)

Hér má skoða myndir sem farin var á stærstu flugsýningu í Oshkos í USA.

En þar kom Arngrímur "einkaflugmaður" hjá Atlanta fljúgandi inn á stærstu einkaflugvélinni inn á svæðið (747) :)

Í fylgd með honum var full vél af flugáhugamönnum frá Íslandi.


Hér stígur einn ferðalangurinn út úr "litlu" einkaflugvélinni hans Arngríkms (klikkið á mynd til að sjá fleiri myndir)

Á sínum tíma kom ég að því að útbúa risamynd fyrir Atlanta sem sjá má hér:


Tri Star flugvél Atlanta í lágflugi yfir Jökulsárlóninu/Breiðarmerkurlóninu (klikkið á mynd til að sjá fleiri myndir)

Myndin af jökulsárlóninu kom úr Íslandsbókinni sem að ég var ný búinn að gefa út á þeim tíma og svo lagði Baldur Sveinsson (http://www.verslo.is/baldur/) til ljósmynd af þotunni.

Gæðin voru slík á þessari risamynd að það var hægt að sjá brosandi andlit flugmananna í framsætinum Tri Star þotu Atlanta. En upprunaleg mynd af þotunni var tekin á Keflavíkurflugvelli með hjólin niðri og flapsa úti sem þurfti svo að fjarlæga. Myndin var notuð á nafnspjöld, póstkort og fl. í nokkur ár á eftir.

p.s. spurning hvort að reglur um lágflug sé virt þarna yfir Jökulsárlóninu/Breiðamerkurlóninu :)

Kjartan
WWW.PHOTO.IS

Eimskipafélagið vill selja flugreksturinn

Vestfirðirnir eru fallegir í vetrabúningi

Verst er hvað ákveðin svæði á íslandi verða mikið útundan hjá ferðamönnum sem koma til Íslands.

Vestfirðirnir eru gott dæmi um slíkt. Ferðamenn halda sig að mestu við þjóðveg 1 og verður því þetta fallega svæði mikið útundan. Það er eins og að það sé slökkt á ákveðnum svæðum þegar sumarið er búið og oft tilviljunum háð að það sjáist ferðamenn á slíkum stöðum yfir vetrartímann. Ferðamennirnir eru þá að mestu í Reykjavík og í ákveðnum radíus frá Reykjavík. Eins og Bláa Lónið, Gullni hringurinn og eitthvað eftir suður ströndinni og aðeins inn í Borgarfjörð.

á Vestfjörðum er að finna stórkostlega ósnorna náttúru og ein af mínum fallegustu myndum var tekin þar að vetri til í nóvember 1996. En ég fékk far með þekktum flugkappa frá Ísafirði þegar ég var að vinna að gerð Íslandsbókarinnar og tók þá þessa mynd.


Hér má sjá mynd frá Súgandafirði og Önundarfirði ásamt fjallinu Gelti. Ef klikkað er á myndina þá má skoða myndir frá Rauðasandi að sumri til (klikkið á mynd til að sjá fleiri myndir)

Myndin er tekin á milli veðrakerfa og var skotist vestur kvöldið áður á bíl við erfiðar aðstæður. En sól var yfir öllum Vestfjörðunum snemma næsta morguns og gráblikan er í suðri á leið yfir svæðið með nýju úrkomubelti.

Þessi mynd er samsett úr 4 myndum. Sú tækni var óþekkt á þeim tíma og slík samsetning á myndum kallaði á öflugustu tölvur, fullt af minni og stóra harða diska. Það yrði líklega hlegið af þeim tölvum í dag ef ég færi að nefna þær til samanburðar við það sem nú er hægt að fá - en dýrar voru þær og vinnsluminnið eitt og sér var nánast jafn dýrt og sjálf tölvan :|


Kjartan
WWW.PHOTO.IS

Alhvít jörð á Ströndum

Myndir - Gljúfrasteinn

Hér er loftmynd af bænum Gljúfrasteini í Mosfellsdal þar sem Halldór Laxness bjó

Gljúfrasteinn var heimili og vinnustaður Halldórs Laxness og fjölskyldu hans um hálfrar aldar skeið en nú opinn almenningi sem safn


Loftmynd af bænum (klikkið á mynd til að sjá fleiri myndir)

Halldór Laxness fæddist 23. apríl 1902 í Reykjavík.

Hann gaf út sína fyrstu skáldsögu árið 1919 og þar með var hafinn glæstur rithöfundarferill er stóð næstu áratugi. Halldór dvaldist langdvölum erlendis, en átti fast heimili að Gljúfrasteini í Mosfellssveit frá 1945.

Halldór Laxness fékk Bókmenntaverðlaun Nóbels 1955, en hlaut margar aðrar viðurkenningar og verðlaun. Eftir hann liggur mikill fjöldi skáldverka og rita af ýmsu tagi auk þýðinga.

Halldór Kiljan Laxness lést 8. febrúar 1998.

Kjartan
WWW.PHOTO.IS

Segir Halldór Laxness hafa öfundað Hamsun

Myndir - Hvar er Grýtubakkahreppur

Grýtubakkahreppur úr lofti - Einnig má sjá ósa Fnjóská þar sem að hún rennur til sjávar.


Myndir teknar á hringflugi fisflugmanna um landið. (klikkið á mynd til að sjá fleiri myndir)

Hringmynd af Eyjafirði úr lofti


Myndir teknar á hringflugi fisflugmanna um landið. (klikkið á mynd til að sjá fleiri myndir)




Kjartan
WWW.PHOTO.IS

Einn bóndi eftir á þingi

Smábátar ofveiða ekki!

Er ekki meira gaman að fiska á þennan máta. Hér er þó varla hætta á ofveiði eða að botninn sé skrapaður upp með stórvirkum veiðitækjum.


Hér má sjá ánægða veiðimenn að lokinni veiðiferð. Einnig má sjá myndir úr hvalaskoðun í sömu ferð. (klikkið á mynd til að sjá fleiri myndir)




Kjartan
WWW.PHOTO.IS

Nýr smábátur til Flateyrar

Myndir - Eimskip - Sundahöfn

Hér má sjá flug yfir athafnasvæði Eimskips. Myndir teknar úr lofti.

Eimskip Hafnarfirði geymslusvæði

Loftmyndir af svæðinu (klikkið á mynd til að sjá fleiri myndir)

Eimskip frystigeymsla Sundahöfn

Loftmyndir af svæðinu (klikkið á mynd til að sjá fleiri myndir)

Eimskip gámaskip í höfn

Loftmyndir af svæðinu (klikkið á mynd til að sjá fleiri myndir)

Eimskip Gámasvæði

Loftmyndir af svæðinu (klikkið á mynd til að sjá fleiri myndir)




Kjartan
WWW.PHOTO.IS

Eimskip í Noregi tekur við nýju frystiskipi

Myndir - Kaupþing banki - Höfuðstöðvar

Hér má sjá höfuðstöðvar Kaupþings í Borgartúni áður en byggingarframkvæmdir hófust


Reykjavík úr lofti (klikkið á mynd til að sjá fleiri myndir)

Hér má sjá framkvæmdir við Kaupþing banka komnar langt á veg

Þarna er gamla hús verkfræðistofunar horfið (klikkið á mynd til að sjá fleiri myndir)

Skemmtibátur á siglingu fyrir utan Reykjavík í myndatöku með léttklæddar dömur uppi á dekki að sóla sig :)

Nýja stjórnsýslu- og fjármálahverfið í öllu sínu veldi og mynd af KB Banka fyrir breytingu. Einnig má sjá flottar bátamyndir á Viðeyjarsundi á flottum degi (klikkið á mynd til að sjá fleiri myndir)




Kjartan
WWW.PHOTO.IS

Styrking krónunnar hefur ekki skilað sér út í verðlagið