HEFÐI EKKI VERIÐ NÆR AÐ STYTTA 109 DAGA SUMARFRÍ ÞINGMANNA?

Hræsni og ósvífni þeirra sem starfa á hinu háa Alþingi Íslendinga á sér engin takmörk. Með ráðningu á aðstoðarmönnum þessu fólki til handar, er í raun ekki verið að gera annað en að færa þingmenn lengra frá fólkinu og stækka báknið og samskiptaleiðirnar enn meira.

Hvernig væri nú að þetta fólk sem er að bjóða sig fram til að sinna þessum opinberu störfum færi nú að vinna vinnuna sína.

Best hefði verið að fækka þingmönnum, ráða reyndan og vel skipulagðan framkvæmdastjóra sem sæi síðan til þess að þingmenn mættu í vinnuna sína á tilsettum tímum. Svo yrði sett upp tímaskráningakerfi eins og viðhaft er í mörgum vel reknum fyrirtækjum landsins.

Því næst yrðu Þingmenn látnir færa vinnudagbók sem yrði aðgengileg fyrir alla á netinu. Þá fyrst væri hægt að sjá hvað þingmenn hefðu í raun fyrir stafni.

Það mætti segja mér að þá kæmi ýmislegt fróðlegt í ljós varðandi störf þingmanna sem þyldi vart dagsins ljós.

Sem dæmi, þá bíð ég enn eftir svörum frá Allsherjarnefnd Alþingis og Forsætisnefnd Alþingis varðandi kvörtun sem borin var undir þessa aðila vegna alvarlegra brota stjórnsýslunar.

Ég efa ekki að hefði ég réttu tengslin eins og hin lögfræðimenntaða Jónína Bjartmarz, að þá væri mínum málum betur komið innan kerfisins.

Aðstoðarmenn í fullu starfi

JARÐGÖNG FYRIR BÍLAUMFERÐ Í GEGNUM KÓPAVOG! - HUGMYNDIR OG KORT

Spurning um að opna fyrir meira flæði á umferð í gegnum Smárann svo að svæðið sem verslunarhverfi standi betur undir sér. Til að byrja með þarf að laga aðgengi fyrir helstu umferðaræðar að Smáranum. Næsta skref er svo að koma á einhverskonar lestarkerfi sem gæti verið neðanjarðar eða þá léttlestarkerfi sem myndi tengjast betur byggðunum í kring.

Styttum akstursleiðir, spörum tíma og minkum mengum. Færum bílaumferð og þungaflutninga í jarðgöng í stað þess að aka í gegnum íbúðabyggðirnar.

Minkum álagið á vegakerfi í íbúðarbyggð Kópavogs með því að stytta allar leiðir. Spörum flókin gatnamót og flókna brúarsmíði.

Höfum umferðina innandyra og blásum á það tíðarfar sem ríkt hefur hér síðustu daga með um 300 bíla tjóni á einni viku!

En jarðgöng fyrir bílaumferð eins og sjá má á eftirfarandi teikningu gæti líka verið lausn á vandanum.

Hugmyndir að jarðgöngum fyrir bílaumferð um Kópavog (smellið á mynd til að sjá fleiri myndir)

1) Bora einföld göng frá miðbæ Reykjavíkur að Smáralind er um 5.5 km tæki 70 - 225 daga. (Tjörnin - Öskjuhlíð 1.2 Km, Öskjuhlíð - Fossvogur 2.1 Km og Fossvogur - Smáralind 2.1 Km)
- Þessi göng myndu minka mikið umferðina um gatnamótin Miklubraut/Kringlumýrabraut
- Það er mikið mál að komast yfir á svæðið fyrir þá sem þurfa að fara frá Fossvoginum yfir í Smárann nema fara miklar krókaleiðir í gegnum byggðina í Kópavogi þar sem fari er um íbúðarbyggð, skólahverfi og fjölda hraðahyndranna.

2) Bora göng frá Breiðholtsbraut við Elliðarvatn að Smáranum sem er um 2.6 Km tæki 30 - 90 daga.

3) Bora göng frá Smáralind undir Arnarneshæð út á Hafnarfjarðarveg er um 2.6 Km og tæki 30 - 90 daga.
- Þessi leið myndi flýta mikið umferð sem væri að koma eftir Hafnarfjarðarvegi t.d. á leið út úr bænum.

Öll þessi göng sem eru um 10.7 Km væri hægt að bora í sömu keyrslunni á 130 til 405 dögum án þess að þurfa að taka borinn í sundur. Ef göngin þurfa að vera tvöföld, þá þarf að tvöfalda allar þessar stærðir.

Þá er bara næsta mál á dagskrá hjá Gunnari Birgirssyni að láta "sína" menn fara að fjárfesta í bor :)

Kjartan
Tæknimyndir ehf
WWW.PHOTO.IS

Smáratorg rifið og háhýsi byggt í staðinn?

HVAR ER FJALLIÐ VINDBELGUR?

Hér er fjallið Vindbelgur og er áætlað að hefja átöppun á fyrstu íslensku loftbílana þar. En hvar haldi þið að fjallið sé staðsett?

Vindbelgur, Vindbelgjarfjall eða Belgjarfjall er 526 m y.s. í Mývatnssveit (smellið á mynd til að sjá fleiri myndir)



Vindbelgur, Vindbelgjarfjall eða Belgjarfjall er 526 m y.s. í Mývatnssveit (smellið á mynd til að sjá fleiri myndir)



Fjallið Vindbelgur og sveitabærinn Vindbelgur í forgrunni innan um gerfigíga við Mývatn (smellið á mynd til að sjá fleiri myndir)



Fjallið Vindbelgur (smellið á mynd til að sjá fleiri myndir)



Fjallið Vindbelgur (smellið á mynd til að sjá fleiri myndir)

Fjallið er að sjálfsögðu staðsett í Þingeyjasýslu, eða nánar tiltekið fyrir vestan Mývatn. En þjóðsagan segir að íbúar í því sveitafélagi hafa lengi verið þekktir fyrir að vera uppblásnir ....

En annars er málið mjög einfalt, við erum með mikið af háþrýstum gufuborholum sem væri hægt að nota til að hlaða á þrýstikúta til að keyra svona loftbíla. Er það ekki umhverfisvænt?

Kjartan
WWW.PHOTO.IS

Bíll sem gengur fyrir lofti

MYNDAGETRAUN - Veit einhver hvar þessi mynd er tekin?

Spurning um að prófa kunnáttu blogg félagana og lesendur mbl.is aðeins.

1) Hvar er þessi mynd tekin?

2) Veit einhver jarðfræðina á bak við myndun þessa sérkennilegu fjalla?

3) Hvaða frægar myndir hafa verið myndaðar þarna á þessu svæði?

4) Er þessi mynd tekin á Íslandi eða finnst sambærilegur staður á Íslandi?

Eins og sjá má á myndinni, þá minnir landslagið aðeins á Lord of the Rings stemninguna.

Hvar er þessi mynd tekin? (smellið á mynd til að sjá fleiri myndir)

Þá er bara eitt eftir og það er að óska ykkur góðs gengis :)

Kjartan
WWW.PHOTO.IS

VÍK Í MÝRDAL, FJARAN, SANDUR - MYNDIR

Hér má sjá myndir sem voru teknar í fjörunni í Vík í Mýrdal fyrir nokkrum dögum í "Selv-Drive" ferð á nokkrum Land-Rover bílum

Land-rover ferð með ferðamenn í Selv-Drive í fjörunni í Vík í Mýrdal (smellið á mynd til að sjá fleiri myndir)

Horft til vesturs í átt að Reynisfjalli og Reynisdröngum

Vík í Mýrdal, Reynisfjall og Reynisdrangar (smellið á mynd til að sjá fleiri myndir)

Hér er loftmynd tekin þar sem minnismerki var reyst til minningar um sjómenn sem drukknað hafa við Íslandsstrendur. Fyrir rúmu ári síðan var það fært lengra inn í landið vegna landbrots eða ágangs sjávar. Nú eru aðeins ellefu metrar frá minnismerkinu að fjöruborði.

Minnismerki í fjörunni við Vík í Mýrdal (smellið á mynd til að sjá fleiri myndir)

Víkurprjónn er með aðstöð í þessu húsi og er þar rekin verslun fyrir ferðamenn.

Víkurprjónn í Vík í Mýrdal (smellið á mynd til að sjá fleiri myndir)

Mikið hefur verið gert til að stöðva sandblástur á svæðinu yfir Mýrdalssand

Sandblástur við Vík í Mýrdal (smellið á mynd til að sjá fleiri myndir)

Sólsetur eru óvíða jafn falleg og í Vík.

Sólsetur við Vík í Mýrdal, Reynisfjall og Reynisdrangar í bakgrunni (smellið á mynd til að sjá fleiri myndir)

Svo er hér ein í lokin sem að ég tók 1996 þegar ég var að læra einkaflug

Sólsetur við Vík í Mýrdal, Reynisfjall og Reynisdrangar í bakgrunni (smellið á mynd til að sjá fleiri myndir)



Kjartan
WWW.PHOTO.IS

Mikið sandfok í Vík

JARÐGÖNG FYRIR BÍLAUMFERÐ Í REYKJAVÍK - HUGMYNDIR OG KORT

Styttum akstursleiðir, spörum tíma og minkum mengum. Færum bílaumferð og þungaflutninga í jarðgöng í stað þess að aka í gegnum íbúðabyggðirnar.

Minkum álagið á vegakerfi borgarinnar með því að stytta allar leiðir. Spörum flókin gatnamót og flókna brúarsmíði.

Höfum umferðina innandyra og blásum á það tíðarfar sem ríkt hefur hér síðustu daga með um 300 bíla tjóni á einni viku!

Samkvæmt upplýsingum Samgönguráðs um ferðavenjur sumarið 2007, þá er meðalferðatíminn 12 mínútur sem tekur höfuðborgarbúa að fara til vinnu. Meðalfjarlægð milli heimilis og vinnu er 5,7 km sem gefur ferðahraðann 28,5 km.

Íbúar höfuðborgarsvæðisins verja að meðaltali 45 mínútum á virkum degi í bíl. Niðurstaðan er að það sé best að leysa toppa í umferðarálagi með umbótum á stofnbrautakerfi, tíðari og ódýrari strætóferðum og sveigjanlegum vinnutíma.

En jarðgöng fyrir bílaumferð eins og sjá má á eftirfarandi teikningu gæti líka verið lausn á vandanum.

Hugmyndir að jarðgöngum fyrir bílaumferð í Reykjavík (smellið á mynd til að sjá fleiri myndir)

1) Bora einföld göng frá miðbæ Reykjavíkur að Smáralind er um 5.5 km tæki 70 - 225 daga. (Tjörnin - Öskjuhlíð 1.2 Km, Öskjuhlíð - Fossvogur 2.1 Km og Fossvogur - Smáralind 2.1 Km)
- Þessi göng myndu minka mikið umferðina um gatnamótin Miklubraut/Kringlumýrabraut
- Það er mikið mál að komast yfir á svæðið fyrir þá sem þurfa að fara frá Fossvoginum yfir í Smárann nema fara miklar krókaleiðir í gegnum byggðina í Kópavogi.

2) Bora einföld göng frá Sundahöfn að Smáralind er um 6 km tæki 75 - 246 daga.
- Þessi göng myndu geta tekið á móti umferð sem kæmi m.a. eftir göngum sem lægju frá Laugarnesi um Viðey út á Kjalarnes
- Göngin myndu spara brúargerð við Miklubraut

3) Bora einföld göng frá Laugarnestanga í gegnum Viðey, Geldingarnes, Álfsnes að Kjalarnesi er um 10 km tæki 125 til 410 daga.
- Þessi göng mætti síðan tvöfalda eftir þörfum eftir því sem umferð myndi aukast.
- Þessi göng myndu líklega kosta svipað og tillagan sem búið er að leggja til að fari tvöföld út í Grafarvog með flóknu vegarkerfi
- Þessi framkvæmd tekur mun skemmri tíma og klárar að auki leiðina alla leið út á Kjalarnes fyrir mun minni upphæð og býður að auki upp á stóraukið framboð á byggingarland niður við sjó.

4) Bora einföld göng frá Strandvegi í Grafarvogi að gatnamótum Laugarvegs og Kringlumýrarbrautar er 4 km tæki 50 - 164 daga.
- Mun einfaldara er að útbúa einföld göng út í Grafarvog fyrir mun minni umferð í stað þess að taka alla norður umferðina í gegnum byggðirnar sem eru með ströndinni á leið út á Kjalarnes.

5) Bora einföld göng frá Geldinganesi upp á Vesturlandsveg er um 4 km tæki 50 - 164 daga.
- Þessi göng eins og flest göngin gera er að minnka umferð í gegnum byggðarkjarna og færa umferð beint á þá staði sem henni er ætlað að fara. Svona leið myndi stytta verulega þá vegalengd til Reykjavíkur fyrir þá sem búa í Grafarvogi. Einnig gæti hluti af umferð eins og frá Mosó komið sömu leið.

6) Bora tvöföld göng við Miklubraut frá Kringlunni að Snorrabraut er um 1.2 Km eða samtals 2.4 Km tæki 25 - 80 daga.
- Jarðgöng frekar en opin stokkur hlýtur að vera einfaldari og þægilegri framkvæmd þegar upp er staðið.

7) Borga göng frá Sæbraut út á Granda eða undir Geirsgötuna er aðeins 1.2 Km tæki 10 - 40 daga að bora. - Augljós kostur að geta flutt hraða umferð framhjá miðbænum beint út á Granda og Seltjarnarnes.

8) Bora göng frá Smáralind undir Arnarneshæð út á Hafnarfjarðarveg er um 2.6 Km og tæki 30 - 90 daga.
- Þessi leið myndi flýta mikið umferð sem væri að koma eftir Hafnarfjarðarvegi t.d. á leið út úr bænum.

9) Bora göng frá Breiðholtsbraut að Smáranum sem er um 2.6 Km tæki 30 - 90 daga.

10) Bora göng frá Suðurgötu - undir Bessastaði og áfram út að Álverinu er um 9.8 Km tæki 120 til 400 daga.
- Hér gæti verið hátt í 10 Km stytting á leiðinni frá miðbæ Reykjavíkur til Keflavíkur í stað þess að láta alla bílaumferðina renna í gegnum byggðirnar.

Þá er bara næsta mál á dagskrá - það er að fara að fjárfesta í bor :)

Kjartan
Tæknimyndir ehf
WWW.PHOTO.IS

77% fara á bíl til vinnu eða í skóla

SUNDLAUGIN FLÚÐUM - MYNDIR

Hér má svo sjá myndir af sundlauginni á Flúðum í Hrunamannahreppi þar sem slysið hefur líklega átt sér stað.

Flúðaskóli, Hótel Flúðir, Grund og félagsheimilið á Flúðum (smellið á mynd til að sjá fleiri myndir)

Flúðaskóla, hótelið og félagsheimilið má svo sjá á næstu mynd og verslunina Grund.

Flúðaskóli, Hótel Flúðir, Grund og félagsheimilið á Flúðum (smellið á mynd til að sjá fleiri myndir)

Svæðið hefur verið að byggjast ört upp á stuttum tíma enda nóg af heitu vatni að finna á svæðinu og flott aðstaða til útiveru eins og golfvöllur, flugvöllur og fl.

Það þekkja allir Límtré sem var stofnað á Flúðum af framsæknu fólki á sínum tíma.

Fyrstu húsakynni Límtrés á Flúðum (smellið á mynd til að sjá fleiri myndir)

Svo má ég ekki gleyma því að ég náði að vera þarna í heimavist í Flúðaskóla á sínum tíma þegar Bjarni var skólastjóri og fékk ég því að kynnast sundlauginni á svæðinu af eigin raun, þó með öðrum hætti væri.

Kjartan
WWW.PHOTO.IS

Slasaðist alvarlega í sundi

HUGMYND FYRIR NÝJAN SKIPULAGSSÉRFRÆÐING :)

Mikið er það flott að það skuli vera komin skipulagssérfræðingur og arkitekt við stjórnvölin í borginni. Einnig er ótvíræður kostur að hún skuli líka hafa áhuga á umhverfi og landvernd.

Það er staðreynd að samgöngumál og skipulag er það sem verður sett á oddinn í borgarmálum á næstunni og er þá ekki vel við hæfi að kasta fram þessari hugmynd hér :)

Hvernig væri að kanna kosti þess að setja upp neðanjarðarlestarkerfi eða metró í borginni?

Hér er hugmynd að einu slíku:

Hugmynd að 21 Km neðanjarðarlestarkerfi í Reykjavík (smellið á mynd til að sjá fleiri myndir)

Hugmyndin gengur út á að tengja saman 14 staði með 21 Km neðanjarðarlestarkerfi sem liggja myndi um Reykjavík og Kópavog.

Þau svæði sem yrðu líklegust til að tengjast slíku kerfi til að byrja með gætu verið:

Nýja samgöngumiðstöðin í Vatnsmýrinni, Háskóli Íslands, KR svæðið, Miðbær Reykjavíkur, Hlemmur/Borgartún, Laugardalur, Sundahöfn, Holtagarðar, Skeifan, Bústaðarvegur, Mjódd, Smáralind, Hamraborg í Kópavogi og Kringlan/Háskóli Reykjavíkur

Næst er það spurningin, hvernig á að standa að svona framkvæmdum?

Reykjavíkurborg á að stofna enn eitt útrásarfyrirtækið og kaupa þann bor sem eftir er vegna framkvæmdanna við Kárahnjúka.

Síðan yrði borinn settur í gang og heilboruð hringleið um svæðið undir alla borgina og ekki þarf að fjárfesta í dýru landsvæði því öll framkvæmdin er neðanjarðar.

Svona bor kostar um 1.2 milljarð sem eru smáaurar miða við margt annað sem fjárfest er í samgöngum þessa daganna.

Afköstin eru að minnsta kosti 24 - 100 metrar á sólarhring og er þvermálið um 6 metrar. Borinn vegur um 600 tonn og gengur borinn fyrir rafmagni.

Að bora einn kílómeter getur verið á bilinu 10 til 40 dagar og myndi borun á slíkum göngum vera eitthvað um 2 ár

Nú er bara að bíða og sjá hvað Ólöf Guðný Valdimarsdóttir nýráðin aðstoðarmaður Ólafs F. Magnússonar borgarstjóra muni taka sér fyrir hendur á næstu vikum :)

Kjartan
WWW.PHOTO.IS

Ráðin aðstoðarmaður borgarstjóra

LAUFÁS KIRKJUSTAÐUR - MYNDIR

Í Laufási í Grýtubakkahreppi hefur verið byggð upp flott aðstaða fyrir ferðamenn og er í dag rekið þar kaffihús, safn og falleg kirkja.

Hér má sjá flott samkomuhús sem býður upp á kaffi og heimabakað bakkelsi eins og það gerist best í sveitinni.

Kaffihús og samkomuaðstaða fyrir ferðamenn í Laufási (smellið á mynd til að sjá fleiri myndir)

Í Laufási er uppgerður torfbær sem gerður hefur verið að myndarlegu safni

Móttaka og afgreiðsla fyrir ferðamenn í Laufási (smellið á mynd til að sjá fleiri myndir)

Auk kaffiaðstöðu, þá geta ferðamenn keypt ýmsan varning og íslenskt handverk í Laufási

Móttaka og afgreiðsla fyrir ferðamenn í Laufási (smellið á mynd til að sjá fleiri myndir)

Þegar inn í bæinn er komið, þá má sjá húsgögn og annan búnað frá byrjun síðustu aldar

Húsgögn frá byrjun síðustu aldar (smellið á mynd til að sjá fleiri myndir)

Þarna má sjá uppgert hlóðaeldhús að íslenskum sið, en svona eldhús voru til í mismunandi útfærslum

Hlóðaeldhús að gömlum íslenskum sið (smellið á mynd til að sjá fleiri myndir)

Allur matur var unnin á heimilinu og hér má sjá aðstöðuna þar sem ýmsar vörur voru unnar úr kúamjólkinni.
Hér var rjóminn skilin frá mjólkinni og eftir sat undarennan sem var notuð til drykkjar, skyrframleiðslu og til að geyma súrmat í.
Úr rjómanum var strokkað smjör og einnig var búinn til ostur ásamt öðru góðmeti.

Aðstaða til að vinna ost, smjör, skyr og fl. úr kúamjólk (smellið á mynd til að sjá fleiri myndir)

Það er ekki langt síðan svefnaðstaða flestra Íslendinga leit svona út. Svefnherbergi þess tíma var kallað baðstofa.

Baðstofa á safninu í Grýtubakkahreppi (smellið á mynd til að sjá fleiri myndir)

Laufáskirkja björt að innan, snyrtileg og einföld að allri gerð.

Laufáskirkja í Grýtubakkahreppi (smellið á mynd til að sjá fleiri myndir)

Handverk frá sveitungum er selt í byggingu sem er til hliðar við safnið

Handverk og hannyrðir eftir sveitunga í Grýtubakkahreppi (smellið á mynd til að sjá fleiri myndir)

og svo í lokin, þá má sjá hér loftmynd af svæðinu sem um ræðir í fréttinni sem deilurnar snúast um

Loftmynd af Laufási í Grýtubakkahreppi (smellið á mynd til að sjá fleiri myndir)

Við skulum vona að kirkjunnar menn láti fjölskylduna ekki út á guð og gaddinn og sýni sitt kristilega innræti í þessu máli.

Kjartan
WWW.PHOTO.IS

Gert að flytja húsið frá Laufási

Búðarhálsvirkjun - Stöðvarhús - myndir

Það kom mér mikið á óvart þegar ég var á ferð með 2 Dani um hálendið sumarið 2003 að ég skyldi rekast á þessa risaframkvæmd sem síðan hefur staðið þarna ónotuð síðan.

Hér má sjá hvar búið er að sprengja fyrir stöðvarhúsi Búðarhálsvirkjunar.

Búðarhálsvirkjun (smellið á mynd til að sjá fleiri myndir)



Kjartan
WWW.PHOTO.IS

Þjórsárvirkjanir hafa forgang