Fréttir úr fjölmiðlum í dag af stækkunarhugmyndum á Gullna Hringnum

Hér má sjá umfjöllun um málið sem birtist í Morgunblaðinu fimmtudaginn 26. júlí 2007 á bls. 2 þar sem fjallað er um að hinn hefðbundni Gullni hringur verði fjölbreyttari og lengri.

Hér má sjá hugmyndir um hvernig gera má Gullna Hringinn betri og fjölbreyttari fyrir ferðamenn (klikkið á mynd til að sjá hugmyndir af skíðasvæði á Þórisjökli)

Eins og sjá má á greininni, þá virðist fólk þurfa að skoða málið aðeins betur. Það sem að fer mest í taugarna á mér er að þurfa að aka sama legginn fram og til baka. Það á að hanna svona leiðir sem hringleiðir. Ef ekið er frá vegamótunum þar sem farið er frá Geysi niður á Laugarvatn eða Skálholt, þá er sá leggur 32 km sem þarf að aka fram og til baka! Betra væri að nota þann spotta til að aka upp fyrir Gullfoss til jökla og þaðan jafnvel niður í Hvalfjörð fram hjá Glym, Hvalstöðinni og fl. flottum stöðum.

Hér er að finna upptökur úr þættinum Í Bítið á Bylgjunni
Tenging á viðtal við undirritaðan um málið sama dag

Svo má ekki gleyma hugmyndunum um alla þá möguleika sem skíðaíþróttin gæti fengið á svona svæði

Kort af nýrri leið þar sem farið er á milli Þórisjökuls og Geitlandsjökuls (smellið á mynd til að sjá fleiri myndir)

4 linkar á eldra blogg um sama mál:
Nýjar byltingakenndar hugmyndir - Breytum vinsælustu ferðamannaleið landsins

Mál sem mér er hugleikið - Stækkum Gullna Hringinn og fjölgum möguleikum

Ýmsir nýir kostir fyrir ferðamenn

Það eru til fleirri góðar leiðir til að fjölga spilum á hendi í ferðaþjónustu á suðausturhorni landsins.



Kjartan
WWW.PHOTO.IS

Athugasemdir

[Berglind Steinsdóttir, 26.7.2007 kl. 20:41]

Kjartan, þetta er svo sprúðlandi frábær hugmynd, þessi deluxe, að hún hlýtur að komast á koppinn. Þórir sér skynsemina í þessu en Birna Lind virðist halda að deluxe útileki standardinn. Ég vann mikið í skipunum fyrstu árin mín og maður kom á Geysi með 16 rútur kannski í sama hádeginu, þar af fóru átta í mat kl. 11 og átta síðan kl. 13:30 - út af veitingastaðnum, ekki út af gestunum! Það er enginn að tala um að hætta hefðbundnum Gullhring, a.m.k. skil ég þig ekki þannig, heldur víkka hann út og fjölga möguleikum.

Þessi leið upp að Glymi og svo yfir í Kaldadal, hvað heldurðu að þurfi að laga hana mikið til að hún verði rútufær?

[Kjartan Pétur Sigurðsson, 27.7.2007 kl. 00:09]

Sæl og takk fyrir stuðninginn við hugmyndina. Auðvita er þetta bara góð viðbót við það sem fyrir er. Hér er bara verið að reyna að nýta betur það sem næsta nágrenni bíður upp á. Fjölga ferðaleiðum og möguleikum. Ekki bara Gullfoss, Geysir, Þingvellir heldur líka jökull, svartir sandar, auðnir, glæsileg fjöll, fossinn Glymur, 4x4 ferð, skíðaferð, vélsleðaferð, fjörður, hvalstöð ... og þannig mætti lengi telja. Ef að við værum t.d. að fá sama fólkið í stutt stopp of en einu sinni, þá er ekki alltaf hægt að bjóða upp á sama Gullna hringinn! Það er nánast undantekning að fólk vil fá að sjá jökul og helst að ganga á jökul og það hefur því miður verið frekar erfitt. Til að komast að Sólheimajökli þarf að aka um 340 km og er það ekki hringleið heldur fram og til baka leið eftir sama veginum

Þessa daganna er verið að vinna í leiðinni yfir Kaldadal og að leggja veg niður í Hvalfjörð er um 18 km spotti og á ekki að vera mikið mál með þeim tækjum og tólum sem við höfum yfir að ráða í dag. Ef að það kæmi flottur vegur niður í Hvalfjörðinn, þá væri það mjög flott sýn sem myndi blasa við farþegum sem kæmu akandi niður í fjörðinn og að sjálfsögðu með stuttu stoppi við hæsta foss landsins.

Kjartan