SNILLD - ER HÆGT AÐ SEGJA ANNAÐ :)

Gaman að sjá að hið nýstofnaða eða sameinaða fyrirtæki Mannvit er strax farið að láta af sér hveða og þá sérstaklega á þessu sviði. Hugsanlegt er að þetta gætu verið fyrstu skrefin í að Íslendingar verði algjörlega sjálfbærir í orkuöflun í náinni framtíð.

Hér er um algjör nýjung á sviði orkuframleiðslu að ræða og verður spenandi að sjá hvað kemur út úr þeim rannsóknum.

VGK-Hönnun og Rafhönnun sameinuðust undir merkjum Mannvits á hluthafafundi 10. apríl 2008.

Forstjóri Mannvits verður Eyjólfur Árni Rafnsson en aðstoðarforstjórar þeir Runólfur Maack sem mun hafa umsjón með erlendri starfsemi og Skapti Valsson sem verður með umsjón með innlendri starfsemi.

Með sameiningunni verður til alhliða ráðgjafar- og þekkingarfyrirtæki á sviði verkfræði og tækni. Samruninn er til sóknar en meginmarkmið félagsins er að reka öfl ugt verkfræðifyrirtæki á alþjóðlegum markaði og að halda áfram að veita viðskiptavinum fyrirtækisins úrvals þjónustu.


Þann 4/12/07 bloggaði ég um þessa spennandi frétt í orkumálum Íslendinga

ORKA OG ÍSLAND ER MIKIÐ Í FJÖLMIÐLUM ÞESSA DAGANA

Þarna eru greinilega gríðarlega spennandi hlutir að gerast.

En ég varð þess heiðurs aðnjótandi að vera leiðsögumaður fyrir hópi af mönnum þar sem G.K. Surya Prakash var einn þeirra sem var með í för.

Það er greinilegt að það er mikið ókannað á sviði efnafræði í veröldinni í dag og mörg tækifæri fyrir hámenntaða þjóð eins og Íslendinga að hefja útrás - Nú er spurning hvað stjórnvöld ætla að gera?

Það virðist vera af nógu að taka þegar orkumál og Ísland er annars vegar þessa dagana.

Hér má sjá grein úr Fréttablaðinu um nýjar hugmyndir í framleiðslu á jarðefnaeldsneytis.

Grein úr Fréttablaðinu um G.K. Surya Prakash, um framleiðslu á jarðeldsneyti (smellið á mynd til að sjá fleiri myndir)

Þann 2/12/07 skrifaði ég eftirfarandi Blogg

Önnur spennandi frétt í orkumálum Íslendinga

Ég var á ferð með skemmtilegum hóp sem leiðsögumaður. Þegar ég var að fletta í gegnum vefmiðlana, þá rakst ég m.a. á þessa frétt hér:

Verksmiðja sem breytir hverareyk í bensín!


frétt af vísi.is um framleiðslu á jarðeldsneyti úr útblæstri frá álverum (klikkið á mynd til að sjá fleiri myndir)

Ef satt reynist, þá er hér á ferðinni stórkostleg tækifæri í orkumálum framtíðarinnar.

Spurning hvort að íslendingar séu að stefna í að verða 100% sjálfbærir í orkumálum

Þann 7/11/07 skrifaði ég svo eftirfarandi Blogg og er ekki annað að sjá en að það sé allt komið á fulla ferð á öllum sviðum hjá OR

Umhverfisvæn framkvæmd og stórbætum ímynd landsins út á við.
http://photo.blog.is/blog/photo/entry/358752/

Það verður spennandi að sjá hver þróunin verður í þessu máli á næstu dögum.

Kjartan
WWW.PHOTO.IS

Mannvit hannar metanólverksmiðju

SEÐLABANKINN OG DAVÍÐ ODDSSON GEFA FULLT AF PENINGUM TIL NAUÐSTADDRA

Á vefsíðunni Seðlabankans www.sedlabanki.is er hægt að prenta út ávísanir, sem hver um sig gildir sem 1.000.000 króna greiðsla upp í uppsafnaðar skuldir vinnandi stéttar á Íslandi.

Landsmenn geta prentað út eins margar ávísanir og þeir kjósa. "Í tvær vikur gefum við ótakmarkað magn af peningum inn í hagkerfið," segir Davíð Oddsson Seðlabankastjóri. Vika almúgans hófst í gær og frá og með deginum í dag og til 4. maí gilda ávísanirnar í öllum bönkum landsins nema KAUPÞING Banka.

Hér má svo sjá hina umdeildu ávísun sem á án efa eftir að koma mörgum Íslensku fjölskyldum vel sem bera þunga byrðar þessa dagana

Ávísun frá Seðlabankanum og Davíð Oddsyni sem má prenta út eins mikið af og hver vill (smellið á mynd til að sjá nánari skilmála)

Fyrir þá sem vilja nálgast ávísunina á PDF formi geta náð í hana hér:

Gúmmítékki frá Seðlabankanum

áhugasömum er bent á að gúmmítékkinn getur verið þungur í downloadi

Heyrst hefur að Davíð hafi tekið upp á þessu sjálfur því að honum var farið að leiðast seinagangurinn og aðgerðaleysið hjá Geir Haarde forsætisráðherra.

Kjartan
WWW.PHOTO.IS

Hvetja fólk til að prenta peninga

HVAR ER KASSAGERÐIN - MYNDIR

Húsakynni Kassagerðarinnar eru stór enda um 9000 fermetrar og því ekki auðvelt að finna menn sem gætu verið í byssuleik á svæðinu :)

Annars er Kassagerðin er rótgróið fyrirtæki sem hefur starfað samfellt síðan 1932. Fyrirtækið er eini framleiðandi á bylgjupappa á Íslandi og vinnur úr um 8.000 tonnum af hráefni á ári. Til framleiðslunnar þarf stórar og flóknar vélar og mikið af orku. Fyrirtækið fær þunnan pappír á stórum rúllum erlendis frá sem er síðan límdur saman í lögum þar sem millilag er bylgjað og síðan límt saman eins og samloka. Þannig fæst aukin burður eða styrkur sem gerir kassana sem við þekkjum svo vel nothæfa.

Kassagerðin í Reykjavík við Köllunarklettsvegi

Loftmynd af Kassagerðinni horft til austurs (smellið á mynd til að sjá fleiri myndir)

Kassagerðin í Reykjavík við Köllunarklettsvegi

Loftmynd af Kassagerðinni horft til suðurs (smellið á mynd til að sjá fleiri myndir)

Í sama húsi er einnig að finna fyrirtækið Formfast sem sérhæfir sig í að smíða ótrúlega flotta hluti út bylgjupappa og nota til þess fullkomin tækjabúnað sem getur skorið út pappann nánast í hvaða form sem er. Magnað er að sjá hvernig þeir hafa smíðað hverdagslega hluti eins og skrifborð algjörlega úr pappa.

Það er alveg óhætt að segja að ég þekki aðeins til því að ég hef eitthvað haft með að gera viðgerðir á stýribúnaði í þessum flóknu og sérhæfðu vélum sem þarf til framleiðslunnar.

Kassagerðin rekur einnig vöruhótel sem er í þessum húsum hér. Hér var áður Umbúðamiðstöðin sem nú hefur verið sameinuð Kassagerðinni

Afgreiðsla og Vöruhótel Kassagerðarinnar við Héðinsgötu 2 (smellið á mynd til að sjá fleiri myndir)

Kjartan
WWW.PHOTO.IS

Leituðu manns með riffil

HVAR ER FLÓTTAMANNALEIÐ OG URRIÐAVATN? - MYNDIR

Flóttamannaleið eða öðru nafni Elliðavatnsvegur liggur m.a. á milli uppsveita Garðarbæjar og Hafnafjarðar rétt fyrir ofan Urriðavatn.

Flóttamannaleið er vestan við Urriðavatn austan við golfvölinn Setbergvöll

Golfklúbburinn Oddur rekur Setbergsvöll sem er í hrauninu á mörkum Garðabæjar og Hafnarfjarðar (smellið á mynd til að sjá fleiri myndir)

Í forgrunni er golfvölurinn Urriðarvöllur við Tjarnholt, næst kemur Urriðarvatn og því næst golfvölurinn Setbergvöllur sem er fjærst hinu megin við Urriðavatn

Golfklúbbur Oddfellowa og golfvöllurinn Urriðavatnsdölum (smellið á mynd til að sjá fleiri myndir)

Í forgrunni er golfvölurinn Urriðarvöllur við Tjarnholt, næst kemur Urriðarvatn

Golfklúbbur Oddfellowa og golfvöllurinn Urriðavatnsdölum (smellið á mynd til að sjá fleiri myndir)

Kjartan
WWW.PHOTO.IS

Eldurinn breiddist hratt út

Á AÐ BANNA VEIÐAR Á LUNDA?

Það er ekki laust við að maður hafi orði fyrir smá áfalli við að sjá ekki neinn lunda út í Dyrhólaey þegar ég var þar á ferð með ferðamenn á síðasta ári.

Lundi er oft kallaður „prófastur“ eða „prestur“ á íslensku. Lundinn er af svartfuglsætt sem lifir við sjó og kafa sér til matar. Þeir verpa í djúpum holum sem þeir grafa. Lundinn er staðfugl en heldur sig úti á rúmsjó yfir veturinn.

En hér kemur smá myndasería af lunda sem teknar hafa verið víða um land.

Lundinn er sætur fugl eins og sjá má á þessari mynd

Mynd tekin í heyvagnaferð út í Ingólfshöfða árið 2005 (smellið á mynd til að sjá fleiri myndir)

Ef lundinn hefur ekki það æti sem hann þarf sem er að stórum hluta sandsíli eins og sjá má á þessari mynd, þá fer hann eitthvað annað

Hér er lundi með gogginn fullann af sandsíli, mynd tekin úti í Ingólfshöfða (smellið á mynd til að sjá fleiri myndir)

Hér er lundamamma eða lundapabbi að færa ungunum sínum mat

Hér er mynd af lundum úti í Drangey (smellið á mynd til að sjá fleiri myndir)

Hér er vanur lundaveiðimaður að sýna ferðamönnum hvernig á að bera sig að við að háva lundann

Hér er beðið eftir að lundinn fljúgi fram hjá klettasyllunni til að verða hávaður (smellið á mynd til að sjá fleiri myndir)

Lundi í Dyrhólaey 2006

Greinilegt að lundanum hefur eitthvað fækkað á svæðinu í kringum Dyrhólaey, hvort það er út af veðurfari eða einhverjum öðrum orsökum. (smellið á mynd til að sjá fleiri myndir)

Hér sýnir veiðikona ferðamönnum hvernig á að bera sig að með hávinn til að fanga lundann í netið

Hér er sýnd staðan sem veiðimaðurinn notar þegar verið er að háfa lundann (smellið á mynd til að sjá fleiri myndir)

Frekar var lítið um lunda í Papey 2006

Einn af þeim fáu sem var á staðnum þegar okkur bar að garði var fljótur að forða sér þegar við nálguðumst (smellið á mynd til að sjá fleiri myndir)

Annars er lundi einn sá besti matur sem að ég fæ - því miður :|

Kjartan
WWW.PHOTO.IS

Leggur til að lundinn verði friðaður í ár

LITLA FLUGAN

"Oft veltir lítil þúfa þungu hlassi"

eða

"Ekki þarf nema lítinn neista til að kveikja mikið bál"

eða

"Margt smátt gerir eitt stórt"

Spurning um að bæta þessum við safnið

"Getur vængjablak fiðrildis í Brasilíu valdið hvirfilbyl í Texas?"

Það minnir mann svo aftur á lagið:

"Litla flugan"

Lækur tifar létt um máða steina.
Lítil fjóla grær við skriðufót.
Bláskel liggur brotin milli hleina,
í bænum hvílir íturvaxinn snót.
Ef ég væri orðin lítil fluga
Ég inn um gluggann þreytti flugið mitt
og þó ég ei til annars mætti duga
ég eflaust gæti kitlað nefið þitt.

Lag og texti: Sigfús Halldórsson / Sigurður Elíasson

Svona getur nú lífið og náttúran verið skrítin!

Hvaða foss ætli þetta sé?

Fallegur þekktur foss á sunnanverðu landinu, sumir segja að Hallgrímskirkja fái að hluta til hönnun sína frá þessum fossi, hvað heitir hann :) (smellið á mynd til að sjá fleiri myndir)

Hér er svo annar foss ekki síður fegurri

Foss í Reykjadal, skammt frá þar sem áformað er að reisa Bitruvirkjun (smellið á mynd til að sjá fleiri myndir)

Það er greinilega til einhver slatti af fallegum fossum á Íslandi

Hvar skildi þessi nú vera? (smellið á mynd til að sjá fleiri myndir)

Ekki eru allir fossar til fjár, nema ef vera skildi þessi hér

Hvað ætli hafi orðið um þennan foss? (smellið á mynd til að sjá fleiri myndir)

Annars biðst ég forláts á því að hlaupa svona úr einu í annað í þessu bloggi :|

Kjartan
WWW.PHOTO.IS

Höfundur „fiðrildaáhrifanna“ látinn

MYNDAGETRAUN - HVAÐA BÚNAÐUR ER ÞETTA :)

Spurning dagsins, hvaða búnaður er þetta, hvar er hann og hverju tengist hann?

Myndagetraun, hvaða búnaður er þetta, hverju tengst hann og hvar er hann :) (smellið á mynd til að sjá fleiri myndir)

Miðbær í stað sementsturna

SIGLT Í KRINGUM VESTMANNAEYJAR 2005 Á SLÖNGUBÁT

Árið 2005 átti ég þess kost að sigla, ekki hringinn í kringum Ísland heldur Vestmannaeyjar og það á litlum slöngubát. Við nokkrir félagarnir sigldum í kringum eyjuna um miðnætti í mjög góðu veðri.

Oft er það svo að vegna veðurs er það frekar erfið raun að framkvæma á svona litlum báti. Það var þó ekki í þetta skiptið. Veðrið lék við hvern sinn fingur og miðnætursólin skartaði sínu fegursta og sjórinn spegilsléttur.

Vestmannaeyjar draga nafn sitt af þrælum, vestmönnum. Landnáma segir þá hafa flúið til eyjanna eftir að hafa vegið húsbónda sinn Hjörleifs fóstbróður Ingólfs Arnarssonar.

Í fyrstu voru Eyjarnar í eigu bænda síðan um miðja 12. öld í eigu Skálholtsstaðar. Síðan eignast Noregskonungur eyjarnar í byrjun 15. aldar og þar á eftir Danakonungur til ársins 1874.

Höfuðatvinnugreinar Vestmannaeyja hafa jafnan verið sjávarútvegur og fiskvinnsla.

Árið 1627 var Tyrkjaránið framið og eldgosið í Eldfelli í Heimaey árið 1973.

Hér má svo sjá nokkrar myndir úr ferðinni

Klettshellir er þekktasti hellirinn í Vestmannaeyjum eða Heimaey og sá stærsti. Hellirinn gengur inn í Ystaklett

Fastur liður í útsýnissiglingu umhverfis eyjar er að sigla inn í Klettshellir og leika þar á blásturshljóðfæri fyrir ferðamenn (smellið á mynd til að sjá fleiri myndir)

Skerin eða Stöplarnir heita Drengir

Drangar eru víða við Vestmannaeyjar (smellið á mynd til að sjá fleiri myndir)

Latur er staki kletturinn þegar að komið er fyrir Ystaklett og Faxasker ætti að vera á hægri hönd

Latur er drangur sem stendur norðan við Miðklett á Heimaey. Kletturinn fékk nafn sitt af því að menn sem reru frá Landeyjum til Vestmannaeyja tóku sér oft hvíld við Lat áður en haldið var inn innsiglinguna (smellið á mynd til að sjá fleiri myndir)

Stóri Örn, litli Örn nær Klifinu, og Eiðið fyrir aftan vinstra megin við bátinn

Stóri Örn er stuðlabergsdrangur fyrir norðan Klif (smellið á mynd til að sjá fleiri myndir)

Hér er verið að sigla leiðinni í gegnum Gatið. Þarna átti brú að hafa legið yfir í klettinn með stóru gati undir (svo segja sögur)

Gatið við Heymaey sem var undir brú sem núna er fallin (smellið á mynd til að sjá fleiri myndir)

Hani á hægri hönd og Hæna framundan

Eyjan Hani er 97m hár og dregur nafn sitt af kambi á eyjunni. Hæsti punktur á eyjunni heitir Hanahöfuð. Hæna er syðst af smáeyjunum og er 57 m á hæð (smellið á mynd til að sjá fleiri myndir)

þarna er verið inní Kafhelli í hænu, horft í átt að Dalfjalli og Blátindur er þar efsti punktur og líklegast sést þarna inní Stafsnesvíkina

Kafhellir er í eyjunni Hænu og talinn fallegasti hellir úteyjanna (smellið á mynd til að sjá fleiri myndir)

Vestmannaeyjar, Heimaey víðmynd

Víðmynd af Heimaey, horft til norðurs (smellið á mynd til að sjá fleiri myndir)

Hér má svo sjá höfuð af fíl rétt áður en komið er inn í Kapalgjótu

Kynjamyndanir má sjá víða í berginu í Vestmannaeyjum (smellið á mynd til að sjá fleiri myndir)

Kaplagjóta

Ekki er ég alveg viss á þessu örnefni en áður var rusli hent í þessa gjótu, en straumar eru sterkir við eyjarnar (smellið á mynd til að sjá fleiri myndir)

Stórkostleg litadýrð er í hellunum Fjósin í Stórhöfða

Fjósin eru tveir hellar í Stórhöfða. Þeir eru óaðgengilegir nema á báti (smellið á mynd til að sjá fleiri myndir)

Mynd tekin út úr "Fjósinu" í átt að Smáeyjum eða á að segja

Gaman væri að vita frekari deili á þessu örnefni og hvernig það beygist (smellið á mynd til að sjá fleiri myndir)

Suðurey, í fjarska gæti verið Súlnasker, Geirfuglasker og Brandur

Suðurey, eyjarnar Súlnasker, Geirfuglasker og Brandur eru ekki langt undan (smellið á mynd til að sjá fleiri myndir)

Hér er sólin að setjast út við sjóndeildarhringinn

Miðnætursólin skartar sínu fegursta við Vestmannaeyjar (smellið á mynd til að sjá fleiri myndir)

Hér erum við komnir út í einn af hellunum

Hellir (smellið á mynd til að sjá fleiri myndir)

Það hefur löngum verið stórviðrasamt á Stórhöfða á Heimaey í Vestmannaeyjum

Á þessari mynd má vel sjá Heimaey og hvernig Eldfell og nýja hraunið þekur eyjuna (smellið á mynd til að sjá fleiri myndir)

Hér má sjá kort að Vestmannaeyjum og Heimaey

kort af Vestmannaeyjum og Heimaey (smellið á mynd til að sjá fleiri myndir)

Árni tölvukarl var skipstjóri og stýrimaður á slöngubátnum og Árni Sigurður Pétursson átti heiðurinn af mörgum af þeim örnefnum sem hér koma fram, en hann hafði sent mér þær sem athugasemdir hér áður á blogginu hjá mér. Ef einhverjir staðkunnugir þekkja betur til, þá um að gera að senda inn linka á myndir ásamt skýringum.

Varðandi samgöngumál Vestmanneyjar þá vil ég vísa á fyrri skrif mín hér:

Hér má sjá kort og nánari hugmyndir:

JARÐGÖNG FYRIR VESTMANNAEYJAR ER LAUSNIN Á VANDA BAKKAHAFNAR :) http://photo.blog.is/blog/photo/entry/489680/

Höfnin í Þorlákshöfn séð úr lofti http://photo.blog.is/blog/photo/entry/283931/

Kjartan
WWW.PHOTO.IS

Umhverfis landið á slöngubát

ÞEIR SEM HAFA ÁHUGA Á AÐ KYNNA SÉR MÁLEFNI VESTMANNAEYJAR Í SAMGÖNGUMÁLUM KYNNI SÉR ÞETTA HÉR

Vísa á fyrri skrif um málið fyrir þá sem hafa áhuga á að kynna sér það nánar:

Hér má sjá kort og nánari hugmyndir:

JARÐGÖNG FYRIR VESTMANNAEYJAR ER LAUSNIN Á VANDA BAKKAHAFNAR :) http://photo.blog.is/blog/photo/entry/489680/

Höfnin í Þorlákshöfn séð úr lofti http://photo.blog.is/blog/photo/entry/283931/

Kjartan
WWW.PHOTO.IS

Nýr Herjólfur mun betri kostur en Bakkafjöruhöfn

ALLT ER VÆNT SEM VEL ER GRÆNT - MYNDIR

Fyrir þá sem ekki vita, þá er risin þjóðgarður á Snæfellsnesi og því liggur beinast við að reyna að fá viðurkenningu á svæðinu. Green Globe eru samtök sem votta ferðaþjónustufyrirtæki sem stunda sjálfbæran rekstur um allan heim.

Hér má svo sjá lista yfir þá þætti sem Green Globe samtökin eru að skoða hjá ferðaþjónustufyrirtækjum til að þau fái græna vottun?

1. Losun gróðurhúsalofttegunda
2. Orkunýting, orkusparnaður og stjórnun
3. Stjórnun ferskvatnsauðlinda
4. Verndun og stjórn vistkerfa
5. Stjórnun félagslegra og menningalegra áhrifa ferðaþjónustunnar
6. Skipulag og þróun svæða undir ferðaþjónustu
7. Félagshagfræðilegur ávinningur svæðisins af ferðaþjónustu
8. Verndun loftgæða og stjórnun hávaða
9. Stjórnun fráveitumála og ofanvatns
10. Lágmörkun úrgangs, endurnotkun og endurvinnsla
11. Geymsla og notkun efna sem eru skaðleg umhverfinu
12. Verndun menningarminja

Hér kemur smá myndasería úr flugferð fisflugmanna um Snæfellsnesið í maí 2005.

Flotinn bíður í landi á Arnarstapa í góða veðrinu

Hvar er fiskurinn? Ætli kvótinn sé uppurinn? (smellið á mynd til að sjá fleiri myndir)

Hér má sjá flug sem farið var um Snæfellsnesið á góðum degi

Hér má sjá vel öll smáatriði í fjörunni (smellið á mynd til að sjá fleiri myndir)

Hér flýgur Lárus á sínum heimasmíðaða mótorsvifdreka meðfram stórgrýttri ströndinni á Snæfellsnesi

Hér má sjá vel hvernig bergið er lagskipt og má greina móberg undir nýlegum hraunlögum sem hafa að öllum líkindum komið úr gosi frá Snæfellsjökli (smellið á mynd til að sjá fleiri myndir)

http://www.photo.is/snae/pages/kps05050520.html

Það getur verið magnað að sjá hvernig bylgjur hafsins hafa brotið niður blágrýtið

Náttúran fer sínu fram hér sem annars staðar (smellið á mynd til að sjá fleiri myndir)

Hér má sjá þekkta dranga við ströndina

Lóndrangar á Snæfellsnesi eru gamlir goskjarnar þar sem ágangur sjávar hefur náð að hreinsa laust gjall og vikur í kringum hreinan goskjarnann (smellið á mynd til að sjá fleiri myndir)

Hér má sjá þekktan vita við ströndina

Malarrifsviti á Snæfellsnesi, sannkallað paradís á jörðu (smellið á mynd til að sjá fleiri myndir)

Hér er þekkt vík

Víkin heitir Djúpalónssandur og er sunnan megin utarlega á Snæfellsnesi (smellið á mynd til að sjá fleiri myndir)

Steinarnir fullsterku, hálfsterkur, hálfdrættingur og amlóði á Djúpalónssandi hafa löngum verið vinsælir meðal ferðamanna

Upplýsingar á íslensku, ensku, þýsku og dönsku fyrir ferðamenn um steinana fullsterku, hálfsterkur, hálfdrættingur og amlóði á Djúpalónssandi (smellið á mynd til að sjá fleiri myndir)

Flugið út að Svörtuloftum á Snæfellsnesi var magnað

Hér má sjá hvernig brimið hefur étið sig inn í nýlegt hraunið á þessari leið. (smellið á mynd til að sjá fleiri myndir)

Stórar hellahvelfingar hafa myndast víða þar sem stórar úthafsöldurnar skella á ströndinni

Hér má sjá hvernig brimið hefur myndað stóra hvelfingu eða helli í nýlegt hraunið (smellið á mynd til að sjá fleiri myndir)

Ekki verður langt þangað til brimið verður búið að grafa sig inn í bergið undir vitann á Svörtuloftum

Vitinn á Svörtuloftum nálægt sundurgrafinni hraunbrúninni (smellið á mynd til að sjá fleiri myndir)

Eitt hæsta mannvirki Evrópu var lengi vel á Gufuskálum

Ríkisútvarpið rekur langbylgjustöð á Gufuskálum. Mastrið sem nú er næsthæsta eða um 412 m (smellið á mynd til að sjá fleiri myndir)

Hér er greinilega mikið um að vera á toppi Snæfellsjökuls

Á toppnum má sjá vélsleða, snjóbíl og fullt af fólki á skíðum í flottu veðri (smellið á mynd til að sjá fleiri myndir)

Hópur af fólki á toppi Snæfellsjökuls að stunda vetraríþróttir

Á toppi Snæfellsjökuls má sjá vélsleða, snjóbíl og fullt af fólki á skíðum í flottu veðri (smellið á mynd til að sjá fleiri myndir)

Ekkert er eins gaman og að fljúga í flottur veðri á mótorsvifdreka yfir Snæfellsjökul

TF-111 flýgur yfir Snæfellsjökul í flottu veðri (smellið á mynd til að sjá fleiri myndir)

Hvar er svo þessi mynd tekin?

Smá myndagetraun af Snæfellsnesi, hvaða hús er þetta á myndinni? (smellið á mynd til að sjá fleiri myndir)

En það eru fleiri sem fljúga um Snæfellsnesið

Hér er kría að verja ungana sína fyrir ágangi ljósmyndarans (smellið á mynd til að sjá fleiri myndir)

Kirkjan á Búðum er vinsæl meðal ferðamanna

Búðarkirkja á Snæfellsnesi. Ekki oft sem að fólk sér svart málaða kirkju. (smellið á mynd til að sjá fleiri myndir)

Það er oft talað að það sé kraftur undir jökli en það er margt kynngimagnað sem á sér stað á Snæfellsnesi. Það er von að fólk eins og Guðrún Bergmann heillist að Snæfellsnesi

Á myndinni má sjá völundarhús ekki langt frá Dritvík (smellið á mynd til að sjá fleiri myndir)

Á Hellnum er einnig Hótel Hellnar sem Guðrún Bergmann rekur.
Guðrún G. Bergmann hefur flutt fjölda fyrirlestra um sjálfbæra þróun um umhverfismál, umhverfisvernd og umhverfisstjórnun. Hún hefur verið ötull talsmaður fyrir Green Globe 21 á Íslandi

Fugla og hvalaskoðun er vinsæl við Snæfellsnes, viti, lighthouse, Öndverðarnes

Hér er hópur ferðamanna við vitann á Öndverðarnesi (Fálka) skammt frá Svörtuloftum að skoða stórhveli á sjónum rétt fyrir utan nesið (smellið á mynd til að sjá fleiri myndir)

Söguna um leyndardóma Snæfellsjökuls þekkja allir

Hér má sjá veggspjald frá Gestastofu Þjóðgarðsins Snæfellsjökuls um söguna um Jules Verne í ferð sinni að miðju jarðar (smellið á mynd til að sjá fleiri myndir)

Hvaða fyrirbæri er þetta? Til hvers er þetta og hvenær var þetta byggt?

Myndagetraun af Snæfellsnesi, hér vantar nákvæmar upplýsingar um staðinn :) (smellið á mynd til að sjá fleiri myndir)



Kjartan
WWW.PHOTO.IS

Sjálfbær þróun á Snæfellsnesi