RÉTT SKAL VERA RÉTT NEMA FJÁRRÉTT, HÁRRÉTT EÐA KÓRRÉTT SÉ - MYNDAGETRAUN!

Fjárinn hafi það ef hér koma ekki nokkrar kindalegar spurningar. Þær eru sauðmeinlausar og því marki brenndar að vera því miður ekki til fjár Í þetta skiptið.

Þar sem rétt skal vera rétt og að réttir eru á næsta leiti, þá væri gaman að sjá hvort lesendur bloggsins geti áttað sig á þessum myndum (kindum) og hvar þær eru teknar?

Til að byrja með verður engin tenging við myndirnar. Ef þetta verður of erfitt, þá mun ég linka þessar myndir áfram inn á fleiri myndir þegar líða tekur á keppnina. En það er óþarfi að verða kindalegur yfir þessum spurningum eða ... Please be kind, and rewind ... eða ... It´s hard to be kind!

Því óska ég ykkur velgengni Í þessari spurningakeppni og svo dugar engin linkind hér. Eða eins og einn af þekktari skemmtikröftum þjóðarinnar söng á sínum tíma:

„Þú hefur breyst þetta er engin mynd“. Er ég eitthvað kindarleg? „Nei eins og kind!“ ... ég er búinn að segja þér ég geri aldrei skyssu“ ...

En stafurinn "á" getur haft mismunandi þýðingu eins og á (lækur, fljót ...), á (að eiga eitthvað), á (að setja eitthvað ofan á eitthvað) og svo á (kind) en fyrir suma, þá getur það verið pínu flókið mál að finna út úr beygingum þessa orðs sem beygist svona:

Hér er ær, um á, frá á, til ær, eða í fleirtölu hér eru ær, um ær, frá ám, til áa. Önnur orð sem sem einnig mætti leggja á minnið í þessu sambandi eru gimbur, hrútur, lamb, lambhrútur, jarm, me, sauður, sauðfé, sauðkind, dilkur ...

En svo er hægt að leika sér aðeins með stafinn á:

11) Árni á Á á á á á sem heitir Á ..... :) Hvað þýðir þetta?

Fyrir stuttu, þá skrifaði ég jonas.is (Jónas Kristjánsson) smá bréf og kom þá m.a. inn á að hann hefði dregið stórlega úr neikvæðri umræðu í garð íslensku sauðkindarinnar (enda væri hann sjálfur orðin bóndi). Einnig skaut ég að honum í leiðinni að hross væru ekki minni skaðvaldur en blessuðu kindurnar. Hann svaraði að bragði og benti réttilega á að sauðfé í hans sveit (Hrunamannahreppur) hefði fækkað mikið eða úr 25.000 í 2.000 (sem færu á fjall). Einnig benti hann á að á Kaldbak, þar sem hann er nú óðalsbóndi að fé og hross skaði land á misjafnan hátt. Fé var til skamms tíma á afréttum, sem eru viðkvæmari fyrir beit og uppblæstri. Hross eru núna eingöngu í heimahögum, þar sem bændur geta stjórnað beit. Síðan sauðfé var aflagt á Kaldbak og hrossum fjölgað hefur rótsterkur víðir og annar kvistur risið upp um alla jörðina.

:)

Farið verður vítt yfir sviðið eins og sjá má. En hér koma svo þessar sauðmeinlausu spurningar og afsakið þetta jarm í mér lömbin mín, er frekar vanur að láta myndirnar tala sínu máli, enda nóg til :) Eins og þið sjáið, þá er ég ekkert lamb að leika við og að sjálfsögðu mun ég launa ykkur lambið gráa að lokinni keppni og passa mig á því að draga ykkur ekki í dilkana þó svo að svörin verði mis góð. En reynið nú að svara þessu rétt áður en ég verð elliær!


1) Myndagetraun
a) Hvaða heita þessar fjárréttir?
b) Hvar eru þessar fjárréttir? Mývatn (Kristjana Bjarnadóttir 1)
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Mannvirkið tengist Kísilgúrverksmiðjunni (Kristjana Bjarnadóttir 2)


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

2) Myndagetraun
a) Hvaða heita þessar fjárréttir? Kaldárbakkarétt (Kristjana Bjarnadóttir 3)
b) Hvar eru þessar fjárréttir? Kolbeinsstaðahreppi (Kristjana Bjarnadóttir 4)
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Mótssvæði hestamannafélagsins Snæfellings (Kristjana Bjarnadóttir 5)


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

3) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Vaðafjöll (JEG 1)


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

4) Myndagetraun
a) Hvaða heita þessar fjárréttir? Miðfjarðarrétt (Kristjana Bjarnadóttir 6)
b) Hvar eru þessar fjárréttir? Miðfirði (Kristjana Bjarnadóttir 7)
c) Hvenær voru þessar fjárréttir byggðar? Byggingarár 19xx
d) Fyrir hvaða afrétt eru þessar fjárréttir notaðar? Afrétturinn er Tvídægruafréttur eða Núpsheiði (JEG 2)
e) Hver er fjallkóngurinn?
f) Hvað sést meira á myndinni? Bærinn er Uppsalir (JEG 3)
g) Hvaða nýlegt spillingarmál tengist þessari mynd?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

5) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

6) Myndagetraun
a) Hvaða heita þessar fjárréttir? Hraundalsrétt (Gummi 1)
b) Hvar eru þessar fjárréttir? Rétt vestan við Fagraskógafjall á Mýrum við jaðarinn á Barnaborgarhrauni þar sem eldstöðin Barnaborg er í Kolbeinsstaðahreppi, Snæfellsnessýslu. Hraunið er úfið apalhraun frá nútíma og lyngi og kjarri vaxið. Eldvarpi er í miðju hrauninu og þarna er kjörið útivistarsvæði. (KPS)
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni? Á og gömul þjóðleið


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

7) Myndagetraun
a) Hvaða heita þessar réttir? Áfangagilsrétt (JEG 4)
b) Hvar eru þessar réttir? á Landmannaafrétti. (JEG 5)
c) Hvenær voru þessar réttir byggðar?
d) Fyrir hvaða afrétt eru þessar réttir notaðar? Landmannafrétt (JEG 6)
e) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

8) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

9) Myndagetraun
a) Hvaða heita þessar fjárréttir?
b) Hvar eru þessar fjárréttir?
c) Hvenær voru þessar fjárréttir byggðar?
d) Fyrir hvaða afrétt eru þessar fjárréttir notaðar?
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)

10) Myndagetraun
a) Hvaða heita þessar fjárréttir? Reykjarétt. (JEG 7)
b) Hvar eru þessar fjárréttir? Á Skeiðum. (JEG 8)
c) Hvenær voru þessar fjárréttir byggðar? Réttirnar voru byggðar árið 1881 en endurbyggðar fyrir nokkrum árum. (JEG 9)
d) Fyrir hvaða afrétt eru þessar fjárréttir notaðar? Skeiða- og Flóamanna. (JEG 10)
e) Hver er fjallkóngurinn?
f) Hvað sést meira á myndinni?


Picture of the age-old Icelandic traditions of sheep gathering. Sheep and horse round-ups in Iceland. (smellið á mynd til að sjá fleiri myndir)


Ég veit ekki hvort að þessi listi yfir þær réttir þar sem réttað verður þetta árið hjálpi eitthvað, en ég læt hann þó fylgja. Þess ber þó að geta að sumar réttirnar eru ekki notaðar lengur.

Fjárréttir á Íslandi haustið 2008


Arnarhólsrétt í Helgafellssveit
Auðkúlurétt við Svínavatn, A.-Hún.
Áfangagilsrétt á Landmannaafrétti, Rang.
Árskógsrétt á Árskógsströnd, Eyf.
Baldursheimsrétt í Mývatnssveit, S.-Þing.
Brekkurétt í Norðurárdal, Mýr.
Fellsendarétt í Miðdölum
Fellsaxlarrétt í Hvalfjarðarsveit
Flekkudalsrétt á Fellsströnd, Dal.
Fljótshlíðarrétt í Fljótshlíð, Rang.
Fljótstungurétt í Hvítársíðu, Mýr.
Fossrétt á Síðu, V.-Skaft.
Fossvallarétt v/Lækjarbotna, (Rvík/Kóp)
Gillastaðarétt í Laxárdal, Dal.
Glerárrétt við Akureyri
Gljúfurárrétt í Höfðahverfi, S.-Þing.
Grafarrétt í Skaftártungu, V.-Skaft.
Grímsstaðarétt á Mýrum, Mýr.
Haldréttir í Holtamannaafrétti, Rang.
Hamarsrétt á Vatnsnesi, V.-Hún.
Heiðarbæjarrétt í Þingvallasveit, Árn.
Hítardalsrétt í Hítardal, Mýr.
Hlíðarrétt í Bólstaðarhl.hr. A.-Hún.
Hlíðarrétt í Mývatnssveit, S.-Þing
Holtsrétt í Fljótum, Skag.
Hólmarétt í Hörðudal
Hraðastaðarétt í Mosfellsdal
Hraungerðisrétt í Eyjafjarðarsveit
Hraunsrétt í Aðaldal, S.-Þing.
Hreppsrétt í Skorradal, Borg.
Hrunaréttir í Hrunamannahr., Árn.
Hrútatungurétt í Hrútafirði, V.-Hún.
Húsmúlarétt v/Kolviðarhól, Árn.
Hvalsárrétt í Hrútfirði, Strand.
Illugastaðarétt í Fnjóskadal S.-Þing.
Kaldárbakkarétt í Kolb., Hnapp.
Kirkjufellsrétt í Haukadal, Dal.
Kjósarrétt í Árneshreppi, Strand.
Kjósarrétt í Hækingsdal, Kjós.
Klausturhólarétt í Grímsnesi, Árn.
Laufskálarétt í Hjaltadal, Skagafirði
Ljárskógarétt í Laxárdal, Dal.
Lokastaðarétt í Fnjóskadal, S.-Þing.
Melarétt í Árneshreppi, Strand.
Melarétt í Fljótsdal, N.-Múl.
Miðfjarðarrétt í Miðfirði, V.-Hún.
Múlarétt í Saurbæ, Dal.
Mýrdalsrétt í Hnappadal
Mælifellsrétt í Skagafirði
Möðruvallarétt í Eyjafjarðarsveit
Nesmelsrétt í Hvítársíðu
Núparétt á Melasveit, Borg.
Oddsstaðarétt í Lundarreykjadal, Borg.
Rauðsgilsrétt í Hálsasveit, Borg.
Reistarárrétt í Arnarneshreppi, Eyf.
Reyðarvatnsréttir á Rangárvöllum
Reykjarrétt í Ólafsfirði
Reykjaréttir á Skeiðum, Árn.
Reynisrétt undir Akrafjalli, Borg.
Selflatarrétt í Grafningi, Árn.
Selnesrétt á Skaga, Skag.
Selvogsrétt í Selvogi
Silfrastaðarétt í Blönduhlíð, Skag.
Skaftárrétt í Skaftárhr., V.-Skaft.
Skaftholtsréttir í Gnúpverjahreppi, Árn.
Skarðarétt í Gönguskörðum, Skag.
Skarðsrétt á Skarðsströnd, Dal.
Skarðsrétt í Bjarnarfirði, Strand.
Skerðingsstaðarétt í Hvammsveit, Dal.
Skrapatungurétt í Vindhælishr., A.-Hún.
Staðarbakkarétt í Hörgárdal, Eyf.
Staðarrétt í Skagafirði
Staðarrétt í Steingrímsfirði, Strand.
Stafnsrétt í Svartárdal, A.-Hún.
Svarthamarsrétt á Hvalfj.str., Borg.
Svignaskarðsrétt, Svignaskarði, Mýr.
Tungnaréttir í Biskupstungum
Tungurétt í Svarfaðardal
Undirfellsrétt í Vatnsdal, A.-Hún.
Valdarásrétt í Víðidal, V.-Hún.
Víðidalstungurétt í Víðidal, V.-Hún.
Þorvaldsdalsrétt í Hörgárdal, Eyf.
Þórkötlustaðarétt í Grindavík
Þórustaðarétt í Hörgárdal, Eyf.
Þverárrétt í Vesturhópi, V.-Hún.
Þverárrétt í Þverárhlíð, Mýr.
Þverárrétt í Öxnadal, Eyf.
Ölfusréttir í Ölfusi, Árn.


Stóðréttir á Íslandi haustið 2008

Skarðarétt í Gönguskörðum, Skag.
Staðarrétt í Skagafirði.
Silfrastaðarétt í Blönduhlíð, Skag.
Hlíðarrétt við Bólstaðarhlíð, A.-Hún.
Skrapatungurétt í A.-Hún.
Unadalsrétt, Skag.
Laufskálarétt í Hjaltadal, Skag.
Þverárrétt í Vesturhópi, V.-Hún.
Tungurétt í Svarfaðardal, Eyf.
Víðidalstungurétt í Víðidal, V.-Hún.
Melgerðismelarétt í Eyjafjarðarsveit
Þverárrétt í Eyjafjarðarsveit


En nánari dagsetningar á þessum réttum má svo sjá hér: http://www.bondi.is/pages/55/newsid/380

HÉR MÁ SJÁ HVERNIG SAFNA MÁ SAMAN FÉ! http://photo.blog.is/blog/photo/entry/644332/

FUNDIÐ FÉ ER LAUSNIN http://photo.blog.is/blog/photo/entry/643140/

FJÁRREKSTUR Á ÍSLANDI http://photo.blog.is/blog/photo/entry/645931/

FÉ Á ÍSLANDI Í FJÁRHAGSKRÖGGUM http://photo.blog.is/blog/photo/entry/650158/

Kjartan
WWW.PHOTO.IS

p.s. var að spá í að koma með 2 blogg í svipuðum stíl til viðbótar ef áhugi reynist fyrir slíku. Á eitthvað um 40-50 svipaðar myndir af réttum til viðbótar.

Bændasamtökin skila umsögn

Athugasemdir

[Danskurinn (IP-tala skráð) 13.9.2008 kl. 08:29]

Bara smá athugasemd við skemmtilegt blogg. Orðið Ær beygist þannig: Ær, Á, Á, Ær en ekki Áa í eignarfalli eintölu. Bara svona til að halda formsatriðunum til haga.

[Kjartan Pétur Sigurðsson, 13.9.2008 kl. 08:36]

Það er naumast hraðlestur, ég er bara rétt að reyna að koma þessu inn óbrengluðu :)

[Anna Einarsdóttir, 13.9.2008 kl. 09:03]

Ég veit ekki neitt. 

[Kjartan Pétur Sigurðsson, 13.9.2008 kl. 09:06]

Hvað á þetta að þýða, hefur þú aldrei verið í sveit? :(

You are one of a kind þykir mér :)

Í dag eru réttir á einum af mínum uppáhaldsstöðum ef að hjálpar eitthvað!

[Einar Indriðason, 13.9.2008 kl. 09:57]

úff, púff, drengur.  Réttir eru einn af veiku punktunum hjá mér.  En myndirnar eru flottar, eins og venjulega hjá þér :-)

[Kjartan Pétur Sigurðsson, 13.9.2008 kl. 10:11]

Hvaða uppgjöf er þetta, er réttarmenning á Íslandi að deyja út?

Þið megið þakka fyrir að ég komi ekki með myndir af kirkjum líka :)

[Helga Guðrún Eiríksdóttir, 13.9.2008 kl. 10:48]

Þetta eru frábærar myndir og rosalega sniðugur leikur!  Ég þekki samt ekki mínar réttir þarna svona í fljótu bragði; Stafnsrétt, Mælifellsrétt og Grófargilsrétt. En það er ekki alveg að marka, ég hef aldrei komið fljúgandi í réttirnar i svona ofboðslega bókstaflegri merkingu.  Sumt þykist ég kannast við en er svo óviss að ég þori ekki alveg að gera mig að fífli með því að svara eins og einmtt það sama fífl og þar með alveg kolvitlaust.  En ég ætla að bíða bak við stein og horfa á hina gera það og hlæja hýenulega þegar þeir giska rangt og ulla og segjast hafa vitað þetta þegar þeir svara rétt.  

Meiriháttar skemmtileg getraun og meira svona eftir þessa, takk!     

[Bragi Ragnarsson, 13.9.2008 kl. 11:21]

Góð hugmynd en því miður er þetta allt of erfitt.  Ég þykist kannast við 2 eða 3 en hef ekki hugmynd um hvað þær heita og vil ekki taka þá áhættu að verða mér til skammar ef það skyldi nú ekki vera rétt rétt.

En við búum nú í réttarríki, enda ætlar fjármálaráðherra að draga ljósmæður fyrir rétt þegar hann er búinn í réttunum.

En get bætt því við að rétt á ensku er PEN, náskylt orðinu penalty, penalize etc.  Rétt skal vera rétt, er það ekki rétt?

[JEG, 13.9.2008 kl. 11:36]

Hólý mólý ég stend á gati.  En ætla að sýna pabba þetta því hann er jú alveg svakalegur rollukall og þekkir réttir og fjármörk betur en margur annar. 

Set inn um leið og kallinn er búinn að kíkja.

Kveðja úr sveitinni. 

[Kjartan Pétur Sigurðsson, 13.9.2008 kl. 11:50]

Hei ... !

Það á að reyna að svara spurningunum :)

Ég fer að halda að allir sem fari í réttir hljóti að hafa verið með hugann við eitthvað annað en að skoða réttirnar ... nema einhverjar söngveigar hafi verið hafðar um hönd sem gætu hugsanlega hafa haft einhver áhrif á minnið :)

Helmingurinn af spurningunum á að vera auðveldur og á þá að hjálpa til að skoða umhverfið aðeins.

Svo er til leitarmaskína sem heitir google ;)

Takk fyrir Bragi, var einmitt að leita af þessu orði.

[Jóhanna Magnúsar- og Völudóttir , 13.9.2008 kl. 12:13]

Ég greini þig hér með ofvirkan!.. hey - hvernig væri að setja eina til tvær réttir, þetta er svo yfirþyrmandi allt í einu - "keep it simple" segir vinkona mín í AA .. meira að segja bloggvinkona.

[Kjartan Pétur Sigurðsson, 13.9.2008 kl. 12:17]

Ég er með 30-40 myndir sem að ég ætlaði að nota í þetta og þetta er aðeins fyrstu 10 myndirnar :|

Þetta er nú frekar einfalt fyrir mig að útbúa svona dæmi, veit hvar myndirnar eru og svo útbjó ég smá forrit sem kemur með html textann tilbúinn fyrir bloggið ;)

Svo ligg hér í bælinu með hálsbólgu og hef lítið annað að gera.

En hvenær kemur fyrsta svarið, það hlýtur nú að vera hægt að skjóta á eitt rétt svar!

[Jóna Á. Gísladóttir, 13.9.2008 kl. 12:59]

OMG svooooo ekki mín sterka hlið. Hvorki réttir né staðir á landinu okkar. Játa hér á mig sérstaklega mikla vanþekkingu á Ísalandinu.

[Hólmdís Hjartardóttir, 13.9.2008 kl. 14:50]

Mikið rétt sagði læknirinn og benti á Stafnsrétt.  Tel mig þekkja Hraunsrétt í Aðaldal en ekki fleiri......

[Ágúst H Bjarnason, 13.9.2008 kl. 15:23]

Ég var að koma úr réttunum í Biskupstungum (við Faxa í Tungufljóti). Þú ert að minnsta kosti ekki með rétta mynd af þeirri rétt. Er það ekki rétt hjá mér?

Kveðja ú sveitinni...

[Kjartan Pétur Sigurðsson, 13.9.2008 kl. 15:29]

Hér er ekki nein rétt úr Aðaldalnum fyrir norðan og heldur ekki nein úr Skagafirðinum ... né Austu-Húnavatnssýslu. En gott er að vísa til númeranna sem eru við myndirnar þegar verið er að svara :)

[Kjartan Pétur Sigurðsson, 13.9.2008 kl. 15:33]

Sæll Ágúst.

Ég á mjög flotta mynd af réttinni í Biskupstungum sem er við fossinn Faxa í Tungufljóti. Ég var mikið að spá í að koma með þá mynd en það eru 2 getraunir til viðbótar í undirbúningi og sú mynd verður þar :)

[Kjartan Pétur Sigurðsson, 13.9.2008 kl. 15:51]

Smá hjálp:

Mynd-1 Hvað liggur út í vatnið?

Mynd-2 Hraunjaðar, 3 hestabrautir, flugvöllur, á!

Mynd-3 Hvaða þekkta fjall er í bakgrunninum, hvaða sjónvarpsefni var nýlega tekið upp þarna rétt hjá?

Mynd-4 Hvaða þekkta laxveiðiá er fyrir aftan réttina og svo er viðbótaspurning þarna :)

Mynd-5 Spurning hvort að það sé hægt að kalla þetta fyrirbæri með réttu fjárrétt! Staðkunnugir ættu að þekkja þessa rétt vel og hvers vegna hún var byggð

Mynd-6 Er þetta ekki kort af Íslandi, réttin er greinilega ekki notuð lengur og nokkuð afskekkt. Þekktur útvarpsmaður og kjaftaskur ætti að þekkja þessa rétt :)

Mynd-7 Hvernig væri nú að skoða aðeins fjöllin og landslagið á þessari mynd

Mynd-8 Þessi rétt gæti nú minnt á þær nokkrar. Hún er greinilega nálæt þjóðvegi nr. 1 ... spurning hvort sá vegur sé enn flokkaður sem slíkur!

Mynd-9 Ein af mörgum á Suðurlandi sem ekki eru notaðar lengur!

Mynd-10 Ein flottasta rétt á landinu. Ný uppgerð :)

[S. Lúther Gestsson, 13.9.2008 kl. 21:29]

Mynd 4. Þori varla að skjóta ef þetta verður eitthvað gjörsamlega fáránlegt að ég geri mig að athlægi. En er í svo góðu skapi að það verður þá allt í lagi.

Rétt sem stendur í Reykholtsdal í Borgarfirði veit ekki nafnið á henni, við sjáum þá Hvítá renna framhjá og jafnvel bæinn Grímstaði hinum megin á bakkanum?

[Kristjana Bjarnadóttir, 13.9.2008 kl. 22:41]

Það er eitthvað djúpt á svörum þannig að ég ætla að leyfa mér gisk:

1. Ég giska á að vatnið sé Mývatn og mannvirkið tengist Kísilgúrverksmiðjunni. Veit ekki hvað réttin heitir.
2. Kaldárbakkarétt, Kolbeinsstaðahreppi, Hnapp. Annað sem sést á myndinni er mótssvæði hestamannafélagsins Snæfellings.
3. Finnst ég eiga að þekkja fjallið en er á gati
4. Miðfjarðarrétt, Miðfirði (man ekki eftir neinu öðru spillingarmáli svipinn en veiðimennskunni í Miðfjarðará)

Svo segi ég bara pass

[Kjartan Pétur Sigurðsson, 14.9.2008 kl. 05:40]

Ég fór bara að sofa snemma í gær þannig að ég var ekki búinn að sjá nýjustu tillögurnar. Kristjana virðist ætla að brjóta ísinn því hún kemur með fyrstu réttu svörin og því miður fyrir þig Sigurður. 1) Er við Mývatn og mannvirkið sem líklega er horfið er líka rétt. (vantar enn nafnið á réttinni) 2) Kaldárbakkarétt, Kolbeinsstaðahreppi, Hnapp. Annað sem sést á myndinni er mótssvæði hestamannafélagsins Snæfellings. Þar rétt hjá er svo flugvöllurinn á Kaldármelum. 3) Fjallið bakvið er mjög þekkt og tengist eitthvað þáttum sem heita Dagvaktin að mig minnir :) 4) Miðfjörður er rétt

Þá eru 3 svör af 10 komin. Nú er um að gera að skjóta og ekki verra ef einhver er með nánari upplýsingar.

[Kjartan Pétur Sigurðsson, 14.9.2008 kl. 08:04]

Samkvæmt þessu er Kristjana Bjarnadóttir komin með 7 stig :)

Fyrir þær myndir sem búið er að staðsetja, er ég búin að setja link áfram á fl. myndir sem sjást með því að smella á myndina.

[Jón Snæbjörnsson, 14.9.2008 kl. 13:16]

þarf smá tíma í þetta hmmm

[Kjartan Pétur Sigurðsson, 14.9.2008 kl. 13:24]

Það er víst alveg rétt hjá þér. Ég átti nú ekki von á að þetta yrði svona erfitt. Þessar myndir kalla vissulega á smá rannsóknarvinnu og svo rak ég mig einnig á það að það er ekki mikið af upplýsingum um Íslenskar réttir á netinu. Annars er gaman að hugleiða orðanotkunina hér fremst í greininni og sjá hvernig orð sem okkur er tamt að nota eru oft nátengd því umhverfi sem að við lifðum og hrærumst í. En nú fækkar sauðfé óðum svo að það fer hver að verða síðastur til að kynna sér þessi mál.

[JEG, 14.9.2008 kl. 15:16]

Mynd 3.   f) Vaðafjöll

Mynd 4.  c) Byggingarár 19  d) Afrétturinn er Tvídægruafréttur eða Núpsheiði ? (austurhluti. f)  Bærinn er Uppsalir.

Mynd 5. a)Skarðsrétt í Bjarnarfirði, Strand.  b) Bjarnarfirði.

Mynd 7.  a)   Áfangagilsrétt b) á Landmannaafrétti.  d) Landmannafrétt 

Mynd 10. a) Reykjarétt.   b) Á Skeiðum.   c) Réttirnar voru byggðar árið 1881 en endurbyggðar fyrir nokkrum árum.  (19??)  d) Skeiða- og Flóamanna.

Jæja eftir 3ja tíma pælingar og í lokin leit á google (sem bara 1 árangur) meira gangið í því eða hittþó heldur.  En þetta eru mitt innlegg í þessa getraun sem er mjög erfið.

Kveðja úr sveitinni.

[Benedikt Benediktsson (IP-tala skráð) 14.9.2008 kl. 16:06]

Þú gleimir Arnarhólsrétt í Hegafellssveit í upptalningunni.

Kveðja

Bendikt

[Kjartan Pétur Sigurðsson, 14.9.2008 kl. 17:17]

Fellsaxlarrétt í Hvalfjarðarsveit

Nesmelsrétt í Hvítársíðu

Sá að þessar vantaði líka

Takk

[Guðríður Hrefna Haraldsdóttir, 14.9.2008 kl. 17:55]

Vá, hvað þú ert erfiður.

[Kjartan Pétur Sigurðsson, 14.9.2008 kl. 17:58]

Takk fyrir greinagóð svör JEG. Ekki var þetta nú alveg rétt hjá þér. Mynd 5 er víst á hinum enda landsins :) En nú ert þú í efsta sæti með 10 svör :) Einnig bætti ég inn þeim réttum sem vantaði í listann og link inn á myndirnar sem einhver svör eru komin við og einnig lagfærði ég myndina af Skeiðaréttum eða Reykjaréttum eins og þær heita og má sjá hvar Hekla skartar sínu fegursta. Réttirnar voru gerðar upp þegar var 100 ára afmæli ef mig minnir rétt.

[Kjartan Pétur Sigurðsson, 14.9.2008 kl. 17:59]

Já Guðríður og þetta er "rétt" að byrja :)

[Ævar Rafn Kjartansson, 15.9.2008 kl. 00:08]

Þú lætur eins og við séum öll með einkaflugvél og landakort við hendina! Frábærar myndir en engin mynd af réttum sem ég þekki. Enda sú eina í Gnúpverjahrepp.

En skemmtileg tilraun hjá þér.

[Kjartan Pétur Sigurðsson, 15.9.2008 kl. 06:10]

Ég sé að ég þarf að gera meira að því að koma með svona spurningar, þó ekki væri nema til að vekja landann aðeins meira til umhugsunar um eigið land.

Ekki eru nú allar myndirnar teknar úr lofti Ævar, 3 af myndunum eru teknar á jörðu niðri. Kostir við loftmyndir eru ótvíræðir, oftast fæst meiri yfirsýn en á móti kemur að sjónarhornið getur verið óvenjulegt.

Ýmis smáatriði á myndunum eiga að hjálpa til við að finna út hvar þær eru teknar eins og úr hvaða efni réttin er, er réttin við fjörð (mynd 3) eða nálægt þjóðvegi (mynd 8) eða komin í eyði (mynd 9) eða afskekkt og lítið notuð (mynd 6). Hvernig er náttúran í kringum réttina, hraun, sandur, melur, jarðvegur, lækur ...

Nú er ekki verið að leggja þessar spurningar fyrir þröngan hóp af fólki, en innan um gætu verið sérfræðingar sem hafa komið á marga af þessum stöðum oft. Einnig er auðvelt að taka upp símann eða hringja í einhvern kunnugan og jafnvel fjallkónginn sjálfan (en sumir hverjir þekkja nánast hverja þúfu inni á hálendinu). Að vísu er alveg eins víst að þeir sem eldri eru í þeim hópi séu ekki mikið að þvælast inni á netinu sér til skemmtunar og því síður að lesa bloggið mitt.

En gott er að nota leitarvélarna og svo er ekki bannað að koma með leiðandi spurningar :)

Ævar hver veit nema að það komi ein og jafnvel tvær réttir úr Gnúpverjahreppnum fljótlega og svo vona ég Ester að þú farir ekki alveg niðurbrotin í prófið eftir þessa getraun mína :S

[Lilja Ingimundardóttir, 15.9.2008 kl. 21:39]

Þetta er frábær þraut hjá þér

Ef þú skellir inn einhverju úr Skagafirði eða A-Húnavatnssýslu í næstu keppni skal ég leggja mig alla fram

[Kjartan Pétur Sigurðsson, 16.9.2008 kl. 03:23]

það á að vera komið ;)

[Gummi (IP-tala skráð) 16.9.2008 kl. 05:33]

8. Hvalfjarðarstrandarrétt við gamla hringveginn.

[Kjartan Pétur Sigurðsson, 16.9.2008 kl. 08:52]

Sæll Gummi, þetta er að mestu rétt hjá þér, þessi fjárrétt er við Hvalfjörð og gamla hringveginn. En útlitið er svart varðandi nafnið á réttinni, það er gil fyrir ofan réttina sem fjárréttin fær nafn sit frá.

Ég mæli með að þið skoðið gamla kortið frá Landmælingum sem hægt er að nálgast á netinu hér:

http://atlas.lmi.is/kortaskjar/viewer.htm

En þú ert mjög heitur í báðum þínum svörum :)

[Gummi (IP-tala skráð) 17.9.2008 kl. 03:52]

Rétt skal vera rétt og því köllum við þetta Svarthamrarétt á Hvalfjarðaströnd.

Svo er náttúrlega Hraundalsrétt númer 6. Ég var í sveit á Grímstöðum fyrir meira en 50 árum og þá var nú fjör þarna.

[Kjartan Pétur Sigurðsson, 17.9.2008 kl. 04:35]

Takk Gummi, þetta er rétt meðr réttna Svarthamrarétt á Hvalfjarðaströndfyrir mynd númer 8 og einnig fyrir Hraundalsrétt á Mýrum rett hjá Kolbeinsstaðarfjalli og Fagraskógarfjalli. Réttin er líklega ekki notuð lengur og einu myndirnar sem að ég fann voru hér:

http://www.safnahus.is/Default.asp?Sid_Id=23719&tid=6&tre_Rod=003%7C003%7C&MpId=9575

og það er gaman að sjá að myndirnar af réttinni eru teknar áður en ég fæddist :|

[Gummi (IP-tala skráð) 17.9.2008 kl. 06:07]

Sæll Kjartan.

Þú fengir ekki mikið í landafræði hjá mét með þessu:"..... Hraundalsrétt á Mýrum rett hjá Kolbeinsstaðarfjalli og Fagraskógarfjalli." Þau fjöll eru í næstu sýslu, kannski stutt flugleið;-).

Hraundalur var næsti bær við Grímstaði.

Mér sýnist þú einnig hafa tekið myndir þar en kem þeim ekki öllum fyrir mig (við hraunjaðar).

[Kjartan Pétur Sigurðsson, 17.9.2008 kl. 08:46]

Ég var búinn að átta mig á þessu, ætlaði að fara að leiðrétta þetta en er að þvo þvott eins og er og geng í málið á eftir. Textinn var 90% klár :)

[Karólína G. Jónsd. (IP-tala skráð) 18.9.2008 kl. 17:48]

Sæll

a) réttin heitir Kinnarstaðarrétt, b) Við Bjarkalund og Berufjarðarvatn, c) var endurbyggð 1977 í stað gamallar réttar sem að fór undir veg og þá voru sameinaðar Kinnarstaðarrétt og Klukkufelsrétt í kjölfar að varnargirðing í Berufirði var lögð niður d) Frá Kletti í Geiradal að varnargirðingu í Þorskafirði, e)Fjallkóngar (leitarstjórar) eru 7 á þessu svæði en ef þú ert að spurja um réttarstjóra er það Jónas Samúelsson. f) Vaðallfjöll.

Takk Kveðja KGJ

[Kjartan Pétur Sigurðsson, 19.9.2008 kl. 06:23]

Takk fyrir frábært svar hjá þér Karolína, það eru nákvæmlega svona upplýsingar sem að ég var að leita eftir :)

[Karólína (IP-tala skráð) 20.9.2008 kl. 13:54]

Mynd 5.  a) Þetta fallega mannvirki  (fjárrétt) tel ég vera á Litlabæ í Skötufirði.

b)Skötufjörði í Ísafjrðardjúpi.

c) Já byggingaár  fyrir 1900 ?

d) Afrétturinn þarna er stór, lítið um fé er orðið eftir þarna einu bændurnir eru Kristján og Sigríður á Hvítanesi og hef heyrt að þau séu að draga saman seglin í haust.   Ætli að einu notin af þessari rétt séu ekki  ef ferðamaðurinn stansar og dregur fram nestið sitt og borðar það í fallegu umhverfi.

e) Ætli hann sé nokkur nema þá Kristján á Hvítanesi.

f)Þarna sést út Skötufjörðinn og Skarðshlíðinna,  sést kanski í Vigur ? og þá Snæfjallaströndin í fjarska.

[Kjartan Pétur Sigurðsson, 21.9.2008 kl. 11:14]

Varðandi mynd númer 6 þá kom svar frá Gumma að vísu í getrauninni hér á eftir.

Flott að línurnar eru að skýrast varðandi Hraunrétt, hér klippti ég út kort af réttinni í Google map með því að fara inn á þennan link hér:

http://ua.wikiloc.com/wikiloc/view.do?id=191855

En GPS hnitin eða það form sem að ég nota er þetta hér: N64 42.783 W21 58.717

Til að breyta úr einu GPS hnitakerfi yfir í annað, þá er gott að nota þetta forrit hér:

http://boulter.com/gps/

og með mikilli stækkun á svæðinu þar sem Hraunrétt er við Veitá við jaðarinn á Hraundalshrauni rétt hjá Syðri Hraundal, þá má sjá þessa fjárrétt hér:

Map of Hraunrétt close to lava Hraundalshraun in Iceland (smellið á kort til að sjá meira, click on map to see more)

En takk Gummi fyrir hnitin og að hafa fengið þessi mál 100% á hreint.

[Karólína (IP-tala skráð) 1.10.2008 kl. 22:54]

Sæll!

Jæja  þá er kanski best að venda kvæði sínu í kross mynd 5) sem ég taldi að væri í Skötufirði er hún í Mjóafirði (S-Múl) innarliga víð fjörðinn?   Fallegt er þetta mannvirki hvar sem það er, og sennilega lítil not af því nema sem ég varbúin að nefna fallegt er í Mjóafirði.