FLUG Í NORÐURÁRDALNUM Í ÁTT AÐ HOLTAVÖRÐUHEIÐI - MYNDIR

Hér er horft upp Norðurárdalinn og má vel sjá hvernig skýin liggja ofan á heiðinni og því illfært fyrir sjónflug. Þarna má sjá tvær brýr og liggur sú efri yfir Norðurá í Norðurárdal. Þar fyrir ofan má sjá bæjarstæðið þar sem Sveinatunga var.

Sveinatunga er fyrsta steinsteypta íbúðarhúsið á Íslandi, reist 1895. Sement og annað byggingarefni var allt flutt frá Borgarnesi um 50 km leið á hestum. Steypan var handhrærð og síðan hífð upp í fötum með handafli. (smellið á mynd til að sjá fleiri myndir)

Holtavörðuheiðin hefur reynst mörgum flugmanninum erfið, enda oft þoka á heiðinni. Heiðin liggur líka á milli tveggja veðrakerfa og getur því oft verið sitthvort veðrið við heiðina _ Hér er flogið aðeins lengra upp Norðurárdalinn. Greinilegt er að þessi leið er þrællokuð og verður ekki farin á flugvél

(smellið á mynd til að sjá fleiri myndir)



Kjartan
WWW.PHOTO.IS

Athugasemdir

[JEG, 30.6.2008 kl. 23:40]

Djöfull magnað að sjá landið frá þessu sjónarhorni. Hrikalega hefði ég verið til í að flögra þetta með þér. Eigum við að ræða það eitthvað?

Já blessuð Holtavörðuheiðin (heiðin mín) á sínar slæmur hliðar og stundir en þó ágæt blessunin. Hefði verið magnað ef veðrið hefði leikið við kappann og ég hefði getað dáðst að landi mínu í safni þínu. En kannski seinna hver veit. Blessaður kíktu þá í kaffi ódýrara en í Brú hehe.... enda bensínið nógu dýrt.

Kveðja úr Hrútafirði.

[Kjartan Pétur Sigurðsson, 1.7.2008 kl. 01:48]

Eins og þú sérð, þá er ekki auðvelt að komast yfir í Hrútafjörðin til þín. Endalaus þoka, svo var hér um árið harðindi mikil og flóinn fullur af ís, en mig minnir að hvalurinn hafi bjargað miklu á þeim tíma. Svo er spurning hvort að ég þori, en sögurnar úr sveitinni geta verið þess eðlis að það er vissara að passa sig vel. Grettir sterki, morðin á Vatnsnesi, tröllkerlingin Kola í Kolugljúfri ... :|

En það ætti að vera lítið mál að skreppa í sveitina þegar ég á næst leið þarna um á fisinu. Sendu mér e-mail á kps (hjá) photo.is og sjáum hvort ekki sé hægt að komast að samkomulagi um kaffið :)

Nýjustu fréttir eru að það á að fara að leggja niður Brú í Hrútafirði eftir að nýi Staðarskáli verður risinn.

En annars á ég að eiga eitthvað af myndum úr sveitinni hér:

http://www.photo.is/fly2/index_26.html

og hér (Laugabakki og Hvammstangi)

http://www.photo.is/07/06/9/index_7.html

[JEG, 1.7.2008 kl. 11:36]

Já veðrið í sumar er ekki búið að leika við okkur. Ja nema í Maí þá var mikil veðurblíða og heitara en núna í Júní. Kuldinn og rokið er alveg að drepa mann.

Takk fyrir þessar myndir (knús) alltaf gaman að sjá umhverfi sem maður þekkir en þó bara af jörðu niðri.

Brúarskáli verður lagður niður 10 -15 ágúst og rifinn. Þar sem nýji vegurinn á að lyggja þar sem húsið stendur. Símstöðin mun standa áfram. Annars var ég að heyra að þeir séu á eftir áætlun með nýja skálann en hversu mikið veit ég ekki.

Blessaður vertu ef þú ert á ferðinni er þér velkomið að lenda hér því ekki er vegurinn (verðandi þjóðvegur 1 svo glæsilegur þessa dagana allur sundurgrafinn og grófur)  Ég hef nú ekki kynnt mér þessar þjóðsögur enda ekki svo söguþyrst týpa en þó eitt og annað sem heillar. Hér hefur maður ekki orðið var við neitt af vættum eða þess háttar. En hér á þessari jörð var sama fjölskyldan í beinann karllegg síðan 1674 að mig minnir. Og var sárt fyrir þá sem eftir eru að enginn vildi taka við og hluti seldur úr eigu ættarinnar. (til mín)

Takk enn og aftur fyrir mig.