ER BRÚIN NOKKUÐ AÐ HRYNJA Á SELFOSSI? - MYNDIR

Við verðum að vona að það verði ekki of margir þungaflutningabílar á brúnni í einu í mótmælum vörubílstjóra sem standa yfir á Selfossi þessa stundina

Hér má sjá hvað gerðist hér um árið þegar Ölfusárbrú hrundi og vörubíll fór í ánna.

Mynd á safni niður á Eyrabakka sem sýnir þegar Ölfusárbrú hrundi (smellið á mynd til að sjá fleiri myndir)

Ölfusárbrú, hér er horft til suðurs yfir hluta af nýja miðbænum sem verið er að byggja upp þessa dagana

Ölfusárbrú horft til suðurs (smellið á mynd til að sjá fleiri myndir)

Hér skartar Selfoss, brúin og svo Hekla í fjarska sínu fegursta

Mynd af Selfossi, eldfjallinu Heklu í fjarska og svo brúnni sem um ræðir (smellið á mynd til að sjá fleiri myndir)

Það stendur víst til að leggja nýja brú yfir Ölfusá fljótlega og skulum við þá vona að bílstjórar fái nóg að gera fyrir þessi dýru tæki sín.

Hugmyndir eru uppi um að útbúa nýja brú og er þá líklegt að sú brú verði á allt öðrum stað. (smellið á mynd til að sjá fleiri myndir)

Það er mikið vatn sem rennur þarna til sjávar en Ölfusá við Selfoss er með meðalrennsli um 423 m3/sek

Gríðarlegt vatnsrennsli er í Ölfusá enda samsett úr Soginu og svo Hvítá (smellið á mynd til að sjá fleiri myndir)

Við skulum vona að það sé svo ekki eitthvað annað sem að sé að angra blessuðu vörubílstjórana okkar. En mig grunar nú að hluti af vandamálinu geti legið í snöggum samdrætti þessa dagana.

Kjartan

WWW.PHOTO.IS

Bílstjórar mótmæltu á Selfossi

Athugasemdir

[Högni Jóhann Sigurjónsson, 4.4.2008 kl. 18:40]

Við mynd no 2 er sagt að horft sé í NA og upp eftir Ölfusá.

Ég er að vísu ekki sá klárasti á áttunum en er samt viss um að ekki er horft í NA og alls ekki upp eftir ánni því á því er ég klár að vatnið rennur undann halla til sjávar.

[Kjartan Pétur Sigurðsson, 4.4.2008 kl. 18:44]

Ég laga þetta í hvelli, sjónarhornið á þessari mynd er víst í þveröfuga átt, var upphaflega með aðra mynd sem að ég skipt svo út á síðustu stundu :| En takk fyrir. Rétt skal víst vera rétt.

[Eyjólfur Jónsson, 4.4.2008 kl. 19:46]

Ekki fara Fyssingar í grafgötur um hverjir þeir eru og hvaða áttir eru í heimahögum þeirra eisnog Eyrfyssingar og Stkokksfyssingar sem alltaf labba á vit Fyssinga hvar sem þeir eru staddir á landinu, eða útá  á sjó. Er þeim yfirleitt  skutlað heim fyrir kvöldmat, háttaðir og gefinn pelinn. Það er Ingólfur Bárðarson sem háttar þá og hitar pelann og hefur hann þakklæti mæðra og tengdamæðra þeirra.

Wolfang 

[Kjartan Pétur Sigurðsson, 4.4.2008 kl. 20:01]

Ég verð að viðurkenna að ég hef ekki séð áður þennan skemmtilega rithátt á Selfossi, Eyrabakka og Stokkseyri. Mig rennur svo í grun að hér muni vera á ferðinni svo kallaður hrepparígur, nema að sá rígur nái eitthvað lengra og þá jafnvel út fyrir landsteinana.

Hvað áttirnar snertir, þá er spurning hversu langt er hægt að ganga þegar sagt er að einhver ætli að skreppa suður eða vestur ... !

Eini Ingólfur sem að ég man eftir var víst Arason og hafði víst vetursetu þarna á svæðinu á leið sinni til Reykjavíkur :)

[Högni Jóhann Sigurjónsson, 4.4.2008 kl. 20:01]

Grunaði að það væri eitthvað þannig, þetta eru flottar myndir.

[Kjartan Pétur Sigurðsson, 4.4.2008 kl. 20:10]

Ég verð að viðurkenna það að ég hef ekki fengið svona athugasemd í MJÖG langan tíma og var farin að halda að það sem ég skrifaði væri hreinlega ekki lesið.

En annars mátti ég til með að googla orðið Wolfang og kom þá eftirfarandi upp fyrst:

Wolfang is the name of a fictional character in the various Transformers universes

Síðan komu upp fjöldin allur af nöfnum og er líklega það sem er þekktast þetta hér:

Wolfgang Amadeus Mozart

Mig langar til að spyrja þig Wolfang, ekki vill svo til að þú hafir einhverja tónlistarhæfileika?

[Þorsteinn Valur Baldvinsson, 4.4.2008 kl. 21:08]

Skömm að ekki sé búið að virkja þetta

[Kjartan Pétur Sigurðsson, 4.4.2008 kl. 21:57]

:)

[Anna Einarsdóttir, 4.4.2008 kl. 23:10]

Þegar ég las "Er brúin nokkuð að hrynja á Selfossi", hugsaði ég með mér;

Hahhhhh...... ég læt þennan ekki plata mig tvisvar sko. 

[Kjartan Pétur Sigurðsson, 4.4.2008 kl. 23:46]

En þú komst samt :)

En því kemur fólk bara þegar svona fyrirsagnir eru eða þá að það er eitthvað dónalegt eða slúður um ... !

Þar sem að ég hef ekki skrifað mikið á þeim nótum, þá er bara eitt eftir og það er að hafa nógu mergjaða fyrirsögn - Innihaldið skiptir engu máli :)

Ég prófaði fyrir einhverjum vikum síðan fyrirsögn sem var alveg á mörkunum um viðkvæmt málefni og þá komu hátt í 2-3000 á einum degi og svo gat sama fólkið verið að hneykslast út í eitt.

Það er vandlifað í þessum heimi sem að við búum í :|

[Gummi (IP-tala skráð) 5.4.2008 kl. 09:39]

Það er eðli varns að renna beint. Eg Ölvusá væri hjáðpað smávegis þá myndi Selfoss hverfa að eilífu og áinn renna talsvert vestar. Víst væri smá fórnarkostnaður en nýtt land yrði stærra en það sem tapaðist.

[Kjartan Pétur Sigurðsson, 6.4.2008 kl. 18:02]

Hvernig stendur þá á því að þessi á ofarlega í Borgarfirði rennur í svona miklum hlykkjum?

Hlykkjótt á í Borgarfirði (smellið á mynd til að sjá fleiri myndir)