FRÆNDUR VOR DANIR

Ég var á ferð með Dönum í fyrra og það kemur stundum fyrir að maður nær skemmtilegu sambandi við einhverja úr hópnum eins og ég gerði við konu að nafni Agnes Lazzarotto.

Hér er Agnes Lazzarotto búin að veiða í ferð með Bátnum Snorra frá Dalvík

Agnes Lazzarotto brosir breitt eftir góða veiði á bátnum Snorra frá Dalvík (smellið á mynd til að sjá fleiri myndir)

Agnes er listakona og hefur verið að skoða myndir á vefnum www.photo.is hjá mér og varð mjög hrifin af einni frá Rauðasandi

Rauðisandur - horft til norðurs upp ósinn

Rauðisandur - horft til norðurs upp ósinn (smellið á mynd til að sjá fleiri myndir)

Hún varð svo heilluð af þessari mynd og þá sérstaklega litunum í henni svo að listakonan og íslandsvinurinn Agnes ákvað að útbúa stórt málverk eftir myndinni sem að má sjá hér:

Rauðisandur - horft til norðurs upp ósinn

Rauðisandur - horft til norðurs upp ósinn (smellið á mynd til að sjá fleiri myndir)

Þetta er eitt af mörgum sem gerir leiðsögustarfið skemmtilegt. Þau eru ófá hrósin sem að maður hefur fengið í formi söngs, ljóða, teikninga, málverka og fl. frá ferðafólki sem að maður hefur ferðast með síðustu árin.

Segið svo að frændur vor Danir hugsi ekki vel til okkar :)

Kjartan
WWW.PHOTO.IS

Property Group kaupir fasteignir fyrir 33,84 milljarða

Athugasemdir

[Lára Hanna Einarsdóttir, 6.3.2008 kl. 11:41]

Gaman væri ef gestirnir hér læsu þennan pistil og segðu skoðun sína. Með betri skrifum sem ég hef séð lengi og athugasemdirnar margar stórmerkilegar. Eins og sjá má þar er ég hysterískur aðdáandi nr. 1.

[Kjartan Pétur Sigurðsson, 6.3.2008 kl. 19:21]

Takk Lára,

Ekki slæmt að eiga þig að sem hysterískan aðdáanda nr. 1 :)

Ég las pistilinn sem að þú bentir mér á og eru mörg atriði sem þar eru nefnd ástæðan fyrir því að ég blogga. Þó er aðal ástæðan fyrir því að ég byrjaði á þessu bloggi fyrir rúmu hálfu ári síðan var að benda á með veikum hætti ýmislegt sem betur mætti fara í stjórnsýslunni þegar einstaklingar þurfa að leita til þess. Það virðist vanta málsvara fyrir einstaklinga á opinberum vetfangi og fannst mér því alveg tilvalið til að nota bloggið til þess.

Ástæðan fyrir því að ég skrifa þennan pistil hér er að ég var pínu vondur við Danina fyrir nokkrum dögum hér á blogginu og fannst mér að ég þyrfti að bæta aðeins fyrir það með þessum pistli hér.

[Lára Hanna Einarsdóttir, 6.3.2008 kl. 20:16]

Ég er auðvitað frábær í hysterískri aðdáun, það ættirðu að vita þar sem ég er líka hysterískur aðdáandi myndanna þinna! Danirnir eru örugglega búnir að fyrirgefa þér og svaraðu nú póstinum sem ég sendi í dag. 

[Ása Hildur Guðjónsdóttir, 6.3.2008 kl. 23:32]

Rauðisandur er paradís á jörð, sem og Breiðavíkin.