NÝJAR MYNDIR AF FLUGVÉL SEM FAUK Í VONDA VEÐRINU

Það er ýmislegt sem fékk að fjúka Í vonda veðrinu síðasta sólahringinn.

Þessi fisflugvél má muna fífil sinn fegri. Ný vél sem aðeins er búið að fljúga 40 tíma er mjög illa farin eins og sjá má á eftirfarandi mynd.

Mynd af fisflugvél sem fauk í vonda veðrinu (smellið á mynd til að sjá fleiri myndir)



Mynd af fisflugvél sem fauk í vonda veðrinu (smellið á mynd til að sjá fleiri myndir)



Mynd af fisflugvél sem fauk í vonda veðrinu (smellið á mynd til að sjá fleiri myndir)



Kjartan
WWW.PHOTO.IS

Ísskápur á flugi í Reykjavík

Athugasemdir

[Lára Hanna Einarsdóttir, 13.12.2007 kl. 20:45]

Æ, æ... af hverju batt eigandinn hana ekki niður fyrst hún var úti en ekki inni í skýli? Hvernig hefur þitt fis það?

[Kjartan Pétur Sigurðsson, 13.12.2007 kl. 21:01]

Þetta fis var bundið niður vel og rækilega. Sett var steypa inn í dekk og eyru látin standa upp úr sem svo bönd voru bundin í. Maður hefði nú haldið að svona frágangur ætti að halda vélinni niðri!

Svo virðist sem að sterk vindhviða hafi komist undir vænginn öðru megin og náð að vippa vélinni upp og dekkinu með steypunni í og sveiflað öllu dæminu eins og sleggjukastari gerir. Og lendir dekkið lengst inni á þakinu á skýlinu þar sem stór sér á því. Þaðan rúllar svo dekkið niður á jörðina.

En sjálf vélin klessist svo utan á skýlið eins og frímerki og var aðkoman eins og sjá má á þessum myndum.

[Lára Hanna Einarsdóttir, 13.12.2007 kl. 21:38]

Ja, hérna... eitthvað hefur nú gengið á þarna í fjallshlíðinni. Er nokkur von til þess að þetta fis fari aftur í loftið?

[Kjartan Pétur Sigurðsson, 13.12.2007 kl. 21:47]

Margt leit nú betur út þegar betur var skoðað. Skrokkurinn er heill og hluti af stélinu svo og mótorinn sem er dýrasti hlutinn. En það þarf að smíða vængina aftur. Það fer mikill tími í að smíða og setja saman svona fis. Þó var ekki að heyra að það væri nein uppgjöf hjá eigandanum sem tók þessu eins og hverju öðru hundsbiti.

Það sem hefur annars háð félaginu okkar er aðstöðuleysi. En fyrir stuttu fengum við úthlutað nýju svæði uppi á Hólmsheiði. En þar er margra ára uppbyggingarstarf framundan. En því miður er verið að taka þess aðstöðu af okkur þessa dagana.

[Walter Ehrat (IP-tala skráð) 15.12.2007 kl. 10:17]

Ég frétti að TF-VOT hefði eyðilagst líka þar sem hún stóð við skýli 37 í Fluggörðum.

Hef ekki staðfestar fréttir af því en synd ef rétt er. Eina sjóflugvélin á Íslandi.

[Kjartan Pétur Sigurðsson, 15.12.2007 kl. 11:30]

Það er slæmt ef satt reynist. Hér er linkur á mynd af þessari flugvél:

http://www.fkm.is/pages/m_0519.htm