Stór víðmynd úr lofti af Ingólfsfjalli

Ingólfsfjall er merkilegt fjall fyrir margar sakir.

Fjallið er um 551m hátt móbergsfjall. Í lok ísaldar var suðurlandsundirlendið stór flói þegar sjávarstaða var mun hærri en hún er í dag.

Kögunarhóll er höfði sem er rétt suðvestan við fjallið og liggur Suðurlandsvegur á milli fjallsins og hólsins.

Á hryggnum sem er á móts við Kögunarhól má finna silfurberg. Fyrir stuttu voru settir upp krossar við hólinn og segir fjöldi krossanna til um hversu margir hafa látist í umferðarslysum á Suðurlandsvegi.

Fjallið fær nafn sitt eftir landnámsmanninum Ingólfi Arnarsyni og hann er sagður grafinn í grágrýtishæðinni Inghóli uppi á því. Landnáma segir frá þriðju vetursetu Ingólfs að Fjallstúni við sunnanvert fjallið,

Hér má sjá loftmynd af Ingólfsfjalli og Kolviðarhóli sem er vinstra megin við endan á fjallinu (ef smellt er á myndina, þá má skoða risa panorama mynd af svæðinu)

Ef klikkað er á myndina, þá opnast stór panorama mynd af svæðinu frá Hveragerði að Selfossi (smellið á mynd til að sjá fleiri myndir)

Hér er ekið á milli Kolviðarhóls og Ingólfsfjalls og er talið að upptök skjálftanna séu á þessu svæði

Krossar við Kögunarhól (smellið á mynd til að sjá fleiri myndir)

Ef farið er inn á vef Veðurstofunnar og skoðuð jarðskjálftavirkni á svæðinu, þá má sjá virkni á Suðurlandsundirlendinu eins og þessi mynd sýnir

Jarðskjálftakort Veðurstofunnar (smellið á mynd til að sjá fleiri myndir)

Kjartan
WWW.PHOTO.IS

Jarðskjálftar undir Ingólfsfjalli

Athugasemdir

[Þórður (IP-tala skráð) 25.10.2007 kl. 12:44]

Verst er hversu illa Selfyssingar vara með Ingólfsfjall.

[Kjartan Pétur Sigurðsson, 25.10.2007 kl. 12:48]

Það getur víst orðið ansi hvasst þarna undir fjallinu :)

[Daníel (IP-tala skráð) 25.10.2007 kl. 16:06]

Ingólfsfjall er töff, segir mamma mín! Hættið að skemma ~Ingólfsfjaaaaaall!

[Kjartan Pétur Sigurðsson, 25.10.2007 kl. 18:32]

Ég þorði nú ekki að fara að sýna myndir þar sem búið er að grafa fjallið sundur og saman. Er virkilega ekki hægt að framkvæma svona á aðeins minna áberandi stöðum?

[Ásdís Sigurðardóttir, 25.10.2007 kl. 22:48]

Ég var skíthrædd í dag, verð að viðurkenna það. En núna er allt rólegt vona að svo verði.  Getur þú nokkuð gert mynd af fjallinu sem ég get notað sem toppmynd á siðuna mína?? kær kveðja Ásdís

[Kjartan Pétur Sigurðsson, 25.10.2007 kl. 23:53]

Það ætti að vera lítið mál að hjálpa þér með mynd af Ingólfsfjalli. Sendum mér netfangið sem að þú vilt fá myndina senda á.