Flúorperur lýsa við háspennulínu - ókeypis :)

Hvaðan halda menn að orkan komi í þessar perur?

Hvaðan kemur orkan? (klikkið á mynd til að sjá fleiri myndir)

Það ætti að vera auvelt að útvega sér kassa að notuðum flúorperum og gera tilraun eins og þessa :)

Hver segir svo að það sé ekki sterkt rafsvið í kringum svona háspennulínur

Kjartan
WWW.PHOTO.IS

Þráðlaust rafmagn er staðreynd

Athugasemdir

[G. H. (IP-tala skráð) 7.6.2007 kl. 22:30]

Þessu trúi ég engan veginn fyrr en ég að ég sé tilraunina setta upp með eigin augum, með fullri virðingu.

Ertu með eitthvað "background" á þessa tilraun og/eða fleir myndir af ferlinu? 

[Kjartan Pétur Sigurðsson, 7.6.2007 kl. 22:47]

Þetta er þekkt fyrirbæri og ég brosti nú bara þegar ég las þessa frétt á mbl.is

Það er eins og að menn hafi verið að finna upp rafmagnið í fyrsta sinn í þessari frétt :)

Þú getur sett upp vírundna spólu eins og er í öllum spennum nánast út í loftið þar sem rafsegulsvið er til staðar eins og undir öllum háspennulínum og tappað í raun út af kerfinu - frítt :)

[Stjörnufræðivefurinn (www.stjornufraedi.is), 7.6.2007 kl. 23:06]

Ég held (án þess að staðfesta það) að þessar flúorperur lýsi vegna segulsviðsins sem myndast í kringum háspennulínur. Það hefur verið þekkt frá 19. öld að hægt er að spana íspennu í lykkju í ytra segulsviði. Það er hins vegar mjög óheppilegt að vera með alls konar missterk segulsvið í gangi inni í byggingum og því er alls ekki hægt samrýma eitt segulsvið við einhvern einn móttakara. 

Þessi tækni nýtir sér rafsegulbylgjur (t.d. örbylgjur, útvarpsbylgjur) hafa þessa eiginleika. Fyrirsögnin í greininni er því pínu villandi.

(ég ábyrgist ekki að þetta sé rétt hjá mér ) 

[Jón Ragnarsson, 7.6.2007 kl. 23:17]

Ég verð að prófa þetta. ;)

[Ágúst H Bjarnason, 8.6.2007 kl. 06:25]

Þetta er rafsviðið en ekki segulsviðið sem lætur flúrperurnar lýsa nærri háspennulínum. Þetta er auðvelt að prófa heima, eins og ég gerði fyrir mörgum árum. Flestir kannast við hvernig maður getur hlaðist upp við að ganga á teppi innanhúss. Tala nú ekki um ef teppið er úr gerviefni og einnig skósólarnir. Ef þið finnið heppilegt teppi og skó má prófa eftirfarandi:

Halda öðrum enda perunnar að ofni (jarðbinda endann). Halda um hinn endann og nudda skósólunum við teppið; peran mun lýsa skært!

Það kviknar einnig á flúrperu ef henni er haldið nærri sendiloftneti. Annars er þráðlaus orkuflutningur vel þekktur í útgangsstigum senda. Þar eru stundum tvær "tjúnaðar" spólur, þ.e. þéttir yfir spóluna þannig að sveiflurás myndist (resonant circuit). Önnur sveiflurásin sendismegin og hin loftnetsmegin. Þannig er sendiorkan, jafnvel þúsundir watta, flutt þráðlaust milli staða, og hefur verið gert í hundrað ár. Sjá mynd.