Myndir - Hitaveita Suðurnesja

Hér má sjá inn í einn af mörgum sölum veitunnar en þetta eru hringmyndir sem notaðar voru í auglýsingagerð fyrir Sagafilm á sínum tíma.

Hitaveita Suðurnesja (klikkið á mynd til að sjá fleiri myndir)

Rörin og pípurnar í kringum svæðið getur verið sannkallað listaverk

Hitaveita Suðurnesja (klikkið á mynd til að sjá fleiri myndir)

Gaman er að taka næturmyndir af gufunni sem streymir úr rörunum - Slík myndataka gefur oft skemmtilega stemmingu

Hitaveita Suðurnesja (klikkið á mynd til að sjá fleiri myndir)

Loftmynd af svæði hitaveitunnar - horft til suðausturs

Hitaveita Suðurnesja (klikkið á mynd til að sjá fleiri myndir)

Loftmynd af svæði hitaveitunnar - horft til suðausturs

Hitaveita Suðurnesja (klikkið á mynd til að sjá fleiri myndir)

Hitaveitan er með flott safn eða sýningu í "Gjánni" sem er opin öllum og er mikið notað af ferðahópum. Sýningunni er komið hagalega fyrir í sprungu þar sem myndir með útskýringum skýra hagalega frá öllu sem þarna er að gera og hvernig gufuorkan er framkvæmd.

Gjáin (klikkið á mynd til að sjá fleiri myndir)

Einnig er boðið upp á ýmsa aðra þjónustu eins og fundaraðstöðu í litlum sal

Fundaraðstaða (klikkið á mynd til að sjá fleiri myndir)

eða þá fundaraðstöðu í fyrir stærri hópa í stórum sal

Fundaraðstaða (klikkið á mynd til að sjá fleiri myndir)

En ef klikkað er á þessar myndir þá er hægt að klikka aftur á myndirnar á síðunni sem kemur upp og er þá hægt að skoða svæðið allt í 360°myndum.

Að auki er rekin ýmis önnur starfsemi á svæðinu eins og heilsuhæli, snyrtivörugerð, Bláa Lónið, og hitavatnsframleiðsla fyrir byggðirnar þarna í kring.

Kjartan
WWW.PHOTO.IS

Sátt náðist um eignarhluti í Hitaveitu Suðurnesja

FLOTT - fullt af peningum til vegamála :)

Ég var á ferð um landið fyrir viku síðan og þá var ekki akandi um vegi eins og veginn fyrir austan Dettifoss og svo vegurinn frá Nesjavöllum niður með Soginu. Hélt á tímabili að rúðurnar myndu hristast úr bílnum!

Árið 1996 var vegurinn um Barðaströndina í sérlega slæmu ásigkomulagi og minnir mig að Ólafur Ragnar Grímsson, hafi þá átt þar leið um í opinberum erindagjörðum.

Honum varð á að kvarta yfir ástandi vegarins og þá varð allt vitlaust og málið stórpólitískt. Ekki mátti láta forseta vorn hristast um í lúxuskerrunni sinni aftur svo að vegurinn var lagaður "med det samme" og hef ég æ síðan kallað þennan veg "ÓlafurRagnarGrímsson" vegur.

Spurning um að fá forsetann til að skreppa í aðra svona ferð um fyrrnefnda vegi og sjá hvort að vegagerðin taki sig nú aðeins á með þessa vegi áður en allur þessi ferðamannastraumur brestur á :)

Kjartan

p.s. á meðan hægt var að aka Kjöl á um 60-70 km/klst fyrir 3-4 dögum síðan, þá þurfti að aka fyrrnefnda vegi á 10-20 km/klst!

Búist við miklum önnum í ferðaþjónustu næstu vikur

Maður verður hugsin og setur hljóðan við lestur svona frétta

Ótrúlegar fréttir sem dynja á landsmönnum síðustu mánuði varðandi uppeldisstofnanir sem ríkið hefur staðið að hér á árum áður. Þetta gerist, þrátt fyrir allt reglugerðarbullið, nefndirnar og fræðingana sem er ætlað að koma að slíkum málum.

Í stað þess að standa vörð um hagi þeirra einstaklinga sem þeim er ætlað að sjá um, þá verða þeir sem eiga að sjá um þessi mál fljótlega samdauna kerfinu sem þeir vinna fyrir. Í stað þess að taka "gagnrýni og athugasemdir" alvarlega "STRAX" þá er óþægilegum málum sópað frekar undir teppið í stað þess að kryfja málið til mergjar.

Ekki veit ég hvað það er, en það virðist oft vera regla frekar en undantekning að "kerfið" virðist klúðra mörgum málum sem að því er treyst til að sjá um. Hver ætli sé undirrótin að þessu öllu saman? Eina sem að kemur upp í huga mínum er "mannlegt eðli" og að í mörgum ráðum og nefndum sé oft fólk að vinna sem er með einhverja allt aðra hagsmuni fyrir brjósti en þeirra einstaklinga sem þeir "EIGA" að vera að vinna fyrir. Spurning hvort að hagsmunirnir séu að fá vinnu í nefndinni, valdabrölt eða að allir sem þar sitji þurfi að vera sammála? Engin þorir að draga sig út úr hópnum og taka af skarið í nefndinni þegar alvarlegar ásakanir koma inn á borð.

Umræðan um Breiðavíkurmálið er líklega það sem búið er að vera hvað mest í umræðunni og fór ég að skoða heimasíðu Breiðavíkursamtakana betur og rak þá augun í nafnið Silungapollur!

Fór þá að rifjast upp fyrir mér einstaklingur sem að ég kannast vel við og hef alltaf haft gaman af fyrir að vera ekki eins og "allir hinir". Hann er óspar á hnittin tilsvör þegar maður á síst von á þeim. Umræddur aðili var oft búinn að hafa það á orði við mig hvort að ég væri til í að taka loftmynd af ákveðnu svæði fyrir ofan Reykjavík.

Þegar ég fór að ganga á hann hvers vegna það væri svona mikilvægt fyrir hann að fá umrædda loftmynd. Sagði hann frá því að hann hafi verið á stað sem heitir Silungapollur þegar hann var barn.

Nú fyrst var áhugi minn vakin á málinu. Ákveðið var að fara í smá rannsóknarvinnu og fundum við kort af svæðinu og líklegan GPS punkt. Ákveðið var að fara í gönguferð á svæðið næstu daga.

Næst þegar tími vannst til, þá var ekið sem leið lá út úr bænum til austurs og stoppað við þjóðveginn þar sem GPS tækið vísaði 90 gráður á veginn. Kom þá í ljós að þarna var svæði sem að ég hafði komið inn á eftir vegslóða sem er lokaður af með keðju. Ég sá við því og ók á fallegan stað sem lætur ekki mikið yfir sér. Nú voru öll húsin horfin og það eina sem var eftir var lítið plan á staðnum við fallega tjörn við hraunjaðarinn.

Við stóðum þarna tveir í kvöldkyrrðinni og hlustaði ég á sögu þessa manns. Greinilegt var að honum var mikið um og sterkar tilfinningar voru tengdar staðnum. Seinna komst ég svo að því að hann hafði farið til Breiðavíkur eftir dvöl sína á Silungapolli!

Hér má svo sjá loftmyndina af Silungapolli

Silungapollur (klikkið á mynd til að sjá fleiri myndir)

Silungapollur hafði alltaf verið fallegur og friðsæll þar til saga þessa einstaklings kom upp á yfirborðið.

Ég verð að viðurkenna að skoðun á mannlegri hegðun og atferlisfræði hefur verið sérstakt áhugamál hjá mér lengi. Ástæðan er líklega sú að mér leiðist litlaust fólk og hef ég því sérstaklega gaman af fólki sem er ekki eins og "við öll hin" og þekki nokkra slíka :)

Þetta er enn eitt skýrt dæmið um að kerfinu er gjörsamlega ófært um að hafa eftirlit með sjálfu sér. Enda venjulega ekki neinn sýnilegur refsivöndur yfir þeim sem með þessi mál fara frá stjórnvöldum. Þeir sem hafa yfirstjórn með svona málum eru þessa daganna í löngu og þægilegu 109 daga fríi.

Kjartan
WWW.PHOTO.IS

Greinilegt er að vera á þessum stöðum hefur markað djúp spor í sálarlíf þessa manns

Þagði yfir martröðinni í tæp fjörutíu ár

Gæsavatnaleið er mitt uppáhald

Það vil svo til að ég er búinn að fara Gæsavatnaleið 7 eða 8 sinnum og er leiðin ein af mínum uppáhaldsleiðum.

Ef að sandurinn er þurr sem að maður getur fastlega reiknað með á þessari leið, þá er nánast ómögulegt að hjóla þennan kafla.

Hér þarf hjólreiðakappi að teyma hjólið sitt í gegnum gljúpan sandinn

Hjólreiðamaður á ferð um hálendið (klikkið á mynd til að sjá fleiri myndir)

Á næstu mynd má sjá þann sem þetta ritar úti í Dyngjuvatni að tak 360° ljósmynd. Vatnið er rétt suðaustan við Drekagil

Dyngjuvatn (klikkið á mynd til að sjá fleiri myndir)

Kjartan
WWW.PHOTO.IS

Hjólandi slökkviliðsmenn tóku þátt í minningarathöfn í Öskju

Loftmyndir - Smáralind

Hér má sjá Loftmynd af Smáralind

Smáralind séð úr lofti (smellið á mynd til að sjá fleiri myndir)



Smáralind séð úr lofti (smellið á mynd til að sjá fleiri myndir)

Margir hafa verið að velta fyrir sér útlitinu á annars þessu velformaða húsi :)

Kjartan
WWW.PHOTO.IS

Smáralind rýmd vegna reyks í sal Smárabíós

Nýtt "gáma" hótel ekki langt frá Núpsstöðum

Í síðustu viku rakst ég á nýtt hótel þegar ég var að koma frá Skaftafelli á leið á Kirkjubæjarklaustur.

Hótelið er greinilega úr gámaeiningum og hefur verið raðað saman og líklega reist á mettíma.

Tengingu á hótelið má sjá hér:

http://www.islandiahotel.is/

Yfir háannatímann, þá skilst mér að hótel séu meira og minna fullbókuð eftir allri suðurströnd landsins og nánast ómögulegt að fá gistingu á þeirri leið.

Stærra Hótel Rangá

Hér er dekk sem þjófarnir mega eiga :)

Hér er þetta fína dekk sem að þjófarnir mega eiga :)

Dekk á rútu sem hvellsprakk á Sauðárkróki fyrir nokkrum dögum (klikkið á mynd til að sjá fleiri myndir)

Ég geri það oft þegar ég er með ferðamenn að renna í gegnum bílaplanið á næstu bílasölu við þá sem verið er að fjalla um í fréttinni. Ferðamennirnir reka upp stór augu að sjá svona stóra bílasölu í svona litlu plássi úti á landi.

Þarna er gott aðgengi fyrir stóra bíla eins og rútur og þægilegt fyrir farþega að skoða allar helstu bílategundir sem landsmenn keyra á einum stað og hvernig bílamenningin landsmanna er.

Í leiðinni ræði ég verðlag á bílum og eldsneyti, skatta og ýmsar álögur. einnig er komið inn á að ísland er mitt á milli Evrópu og Ameríku og að bílaeign landsmanna litist mikið af staðsetningu landsins á milli þessara tveggja heimsálfa. Svo undirstrika ég hagstæða legu landsins gagnvart þessum tveimur stóru mörkuðum og hvernig íslendingar spila á að kaupa og selja frá þeim - allt eftir því hver staða gengisins er hverju sinni.

Toyota salurinn á Selfossi (klikkið á mynd til að sjá fleiri myndir)

En hér má svo sjá bílasöluna sem um ræðir í fréttinni

Bílasalan Hekla á Selfossi (klikkið á mynd til að sjá fleiri myndir)

Kjartan
WWW.PHOTO.IS

Gripnir með stolin dekk

Hér koma svo myndir af umræddu svæði - Fimmvörðuháls

Fólk sem er að labba Fimmvörðuháls getur auðveldlega lent í ýmsum villum sérstaklega þegar verið er að koma niður Þórsmerkurmegin.

Til að fólk átti sig betur á aðstæðum þarna, þá má skoða myndir sem að ég tók á þessari leið þegar ég var á leið yfir Fimmvörðuháls sem gönguleiðsögumaður með hóp af fólki á síðasta ári.

Gönguleiðin liggur frá Skógum yfir í Þórsmörk og er um 22 km og er áætlaður göngutími um 9-12 klst., lóðrétt hækkun/lækkun 1000m.

Leiðin er varasöm sakir snöggra breytinga sem geta orðið á veðri á hvaða árstíma sem er. Því valdi ég m.a. að víxla ferðadögum í ferðaáætlun sem búið var að gera og skaust þarna yfir með hóp á milli "lægða".

Á leiðinni eru tveir skálar, annar í eigu Útivistar og svo "Fúkki" sem nýlega komst í eigu Ferðafélags Íslands. Sá skáli var áður í eigu Eyfellinga.

Svæðið sem um ræðir má sjá á næstu mynd og heitir Morinsheiði.

Gengið er út á þennan klett sem er með hrikalegu þverhníptu klettabelti nánast allan hringinn. Þaðan er gríðarlegt útsýnið yfir allt Þórsmerkursvæðið.

Venjan er að ganga út á þetta klettabelti áður en gengið er aftur til baka þar sem hægt er að komast niður í Þórsmörk eftir einstigi í bröttu klettabelti þar sem komið er niður í Bása á Goðalandi.

Til að komast út á þennan höfða, þá þarf að þræða einstigi sem nefnist Heljarkambur. Kamburinn er með þverhnípi á báðar hliðar og er þetta svæði allt mjög varasamt fyrir lofthrædda og óvana og því eins gott að fara varlega.

Morinsheiði. Sjá má slóðann sem liggur út að brún (klikkið á mynd til að sjá fleiri myndir)

Áður en komið er að Morinsheiði, þá þarf að fara niður brattar skriður sem geta verið með lausu grjóti og ef komið er þarna að snemma að vori, þá er líklegt að snjór sé yfir svæðinu eins og sjá má hér og því nauðsynlegt að vera vel "skóaður" en svona hjarn getur verið harðfenni sem auðvelt er að renna af stað niður eftir og er þá voðin vís því á einum stað tekur við snarbratt klettabelti (hér er gott að hafa með öryggislínu og búnað til að ganga á ís).

Íshjarn (klikkið á mynd til að sjá fleiri myndir)

Öryggiskeðju hefur verið komið fyrir þar sem krækja þarf fyrir klettabelti og er þar til hliðar mjög brattar skriður sem ber að varast.

Öryggiskeðja (klikkið á mynd til að sjá fleiri myndir)

Hér er einn sem "frís" í annað skiptið á þessari leið. En á þessum kafla var öryggiskeðjan grafin í snjó og ekkert nema þverhnípið fyrir neðan. Ekki var annað að gera en ræða rólega og yfirvegað við viðkomandi og allt fór vel að lokum. Hans stærsta vandamál í ferðinni voru lélegir skór.

Einn frosinn! (klikkið á mynd til að sjá fleiri myndir)

Hér er svo haldið áfram niður

Hópur nálgast Heljarkamb (klikkið á mynd til að sjá fleiri myndir)

Hér er svo "Heljarkambur" með brattar hlíðar á báða vegu!

Heljarkambur (klikkið á mynd til að sjá fleiri myndir)

Leiðin ofan af Morinsheiði getur virkað á suma hrikalega á köflum og líklega er það svæðið sem fólkið hefur átt í erfiðleikum með. Nema að það hafi reynt að fara niður rétt eftir að komið er yfir Heljarkamb! En á eftirfarandi mynd má sjá slóðann sem er skorin í hlíðina og liggur um Kattahryggi og svo þaðan niður í Goðaland þar sem Básar eru og skáli Útivistar.

Slóðinn niður í Goðaland (klikkið á mynd til að sjá fleiri myndir)

En þetta virðist vera eini staðurinn þar sem fallið geta skriður á slóðann. En það er hægt að fara niður á öðrum stað en þar niður var mjög bratt og gæt hugsast að hópurinn hafi lent í sjálfheldu þar.

Hér er svo hryggurinn illræmdi "Kattahryggur" einstigi sem margir óttast (leiðrétt)!

Kattahryggur (klikkið á mynd til að sjá fleiri myndir)

Ég mæli með, fyrir alla sem hafa heilsu til, að ganga Fimmvörðuháls. Þetta er ein flottasta gönguleið sem að ég hef farið. Sunnan megin þar sem gengið er upp með Skógaá, má sjá tugi fossa hver öðrum fegurri. Á hábungunni er farið yfir jökul af hluta til og þegar komið er yfir Þórsmerkurmegin, þá tekur við hrikalegt fjalla- og klettalandslag eins og sjá má á myndunum.

Og í lokin, þá þarf að vara fólk við að vera vel búið í svona ferð og kynna sér vel veður áður en lagt er af stað. En hægt er að nefna nokkur alvarleg óhöpp og slys sem orðið hafa á þessari leið. Auðvelt er að lenda í svarta þoku, slagveðri eða snjóbyl með stuttum fyrirvara á þessari leið.

Líklega er ein ódýrasta líftryggingin í svona ferðum að fjárfesta í litlu GPS tæki og þá með korti og jafnvel innbyggðum áttavita. Gott er að vera búinn að setja inn leiðina í tækið áður en haldið er af stað og svo þarf líka að kunna á græjurnar!

Hér má sjá upplýsingar á leiðinni um fólk sem varð úti á hálsinum.

Minnisvarði (klikkið á mynd til að sjá fleiri myndir)

Kjartan
WWW.PHOTO.IS

Ferðafólki bjargað heilu á höldnu í Þórsmörk

Þessu ber að fagna

Þau eru ófá málin á Íslandi sem þyrftu að fá að fara fyrir Mannréttindadómstóll Evrópu. Stærsta vandamálið er að slíkt ferli kallar á fulla vinnu og gífurleg fjárútlát til margra ára hjá þeim sem í slíku þurfa að standa.

Það eitt og sér er mannréttindabrot...

Foreldrar fagna niðurstöðu Mannréttindadómstóls

Myndir - Ljótipollur

Ljótipollur er gígur rétt við Landmannalaugar og má sjá hann lengst til vinstri á eftirfarandi mynd

Til hægri má sjá Frostastaðarvatn (klikkið á mynd til að sjá fleiri myndir)

Hér má svo sjá brúnina sem ekið var fram af

Ljótipollur (klikkið á mynd til að sjá fleiri myndir)

Eins og sjá má, þá er mikið stoppað við Ljótapoll. Mikil umferð er oft á gígbarminum og hér má sjá "self-drive" hóp á ferð undir stjórn Inga. En þar fá ferðamenn að aka bílum um hálendið með leiðsögn.

Self-drive við Ljótapoll (klikkið á mynd til að sjá fleiri myndir)

Ljótipollur er sprengigígur á Landmannaafrétti. Ljótipollur er syðsti gígurinn í Veiðivatna-goskerfinu. Ljótipollur er fagurrauður með háa gígbarma og vatni í botninum. Vatnið er 14m djúpt. Í vatninu er nokkur veiði þó svo það sé að- og frárennslislaust. Einungis veiðist urriði sem getur oft orðið nokkur pund.

Gígbarmurinn á Ljótapoll - Ef vel er skoðað, þá má sjá fólk á labbi á kantinum á móti (klikkið á mynd til að sjá fleiri myndir)

Ekki annað að sjá en að Ljótipollur sé mjög vinsæll. Hér er amerískur hópur á ferð og ekkert til sparað :)

Ameríkanar á hringferð um landið með viðkomu við Ljótapoll (klikkið á mynd til að sjá fleiri myndir)

Spurning um að setja upp skilti sem varar ökumenn við því að aka ekki ofan í gíga á Íslandi :)

Kjartan
WWW.PHOTO.IS

Keyrði út í Ljótapoll