ÉG VAR ÞARNA Í FYRRADAG!

Ótrúlegt að lesa svona frétt aðeins 2 dögum eftir að hafa verið á sama stað og umrædd sprengingin átti sér stað.

En ég og konan höfum nýlokið 2ja vikna ferð um Egyptaland. Við vorum nákvæmlega á þessum sömu slóðum í upphafi og lok ferðarinnar.

Á þessari mynd má svo sjá stórt plan þar sem komið er með erlenda ferðamenn í rútuförmum til að skoða þessa frægu "Al Hussein mosque" og svo versla í Khan el-Khalili markaðinum í Kaíró

One of the busiest places in Cairo, particularly during Ramadan, is the Al Hussein area which includes the Khan el-Khalili market in Cairo. (smellið á mynd til að sjá fleiri myndir)

Hér má svo sjá inn í þessa frægu mosku "Al Hussein mosque". En aðeins karlmenn mega koma inn í þennan hluta moskunar.

Hussein Mosque is considered one of the most important mosques in Cairo and a beautiful Islamic monument. (smellið á mynd til að sjá fleiri myndir)

Ég tók um 4000 myndir í þessari ferð og mikið af myndum af markaðinum "Khan el-Khalili" sem er einn sá magnaðasti sem að ég hef gengið í gegnum.

Annars er magnað að ferðast um Egyptaland og margt og mikið þar að sjá fyrir ferðamenn. En það var sjokk fyrir óvanan íslending eins og mig að sjá svona mikið af hermönnum sem voru bókstaflega út um allt með alvæpni. Á sumum vegaköflum voru hlið með hermönnum með 5 km millibili til að skrá og skoða alla umferð sem átti leið um. En ég mun reyna að koma fljótlega með myndir og ferðasögu úr þessari mögnuðu ferð.

Kjartan WWW.PHOTO.IS

Einn látinn eftir sprengingu í Kaíró

Athugasemdir

[Óskar Þorkelsson, 23.2.2009 kl. 00:05]

flottar myndir að venju.. hermennirnir eru þarna vegna þess að Egyptaland er dulið einræðisríki og stendur fallandi fæti gagnvart íslamistum sem munu ná völdum þar innan skamms..

Hvernig er það með matinn þarna.. fékkstu í magann eða borðaðir þú bara á hótelum ?

[Kjartan Pétur Sigurðsson, 23.2.2009 kl. 13:03]

Sæll Óskar,

Ég mun koma með "mikið" magn af myndum úr ferðinni þegar ég hef tíma til að blogga um þessa mögnuðu 2ja vikna ferð. Það er ekki spurning að þarna er dulið einræðisríki og verð ég að viðurkenna að mér leist ekkert á blikuna né trúarofstækið þarna. Enda náði ég að æsa nokkra upp þegar talið barst að trúmálum.

Maturinn og hreinlætið er líklega það lélegasta sem að ég hef fengið í svona ferðum. En þrátt fyrir það fékk ég aldrei í magann. Er hreinlega á því að smá óhreinindi geti verið pínu holt við vissar aðstæður. Þarf ekki líka að styrkja ónæmiskerfið?

Við skipulögðum ferðina alfarið sjálf og fyrir bragðið lentum við í fullt af ævintýrum og kynntumst fullt af furðulegu og skemmtilegu fólki.

Var með eitilharða konu með mér sem kallar ekki allt ömmu sína þegar kemur að því að prútta við þessa arabaþjóð og lágu margir í valnum nánast hálfgrátandi eftir meðferðina frá henni, enda aldrei kynnst öðru eins (frá konu) :)

En Egyptaland er eitt stórt karlremburíki þar sem því miður er það karlmaðurinn það sem allt snýst um.

Þeir eru í dag rúmlega 80 milljónir og voru á menningarlegum hátindi fyrir um 2-3000 árum síðan. Þá náðu þeir að byggja með 8 milljón íbúum öll þau stóru mannvirki (70 píramídar, hundruð hofa og risa grafhvelfingar ...).

Í dag, þá snýst því miður allt um þessa ofsatrú (160 ár) og þurfa þeir núna að fara og biðja 5 sinnum á dag til að sinna þessari trúarþörf sinni. Líklega væri betur komið fyrir þessu þjóðfélagi ef að tímanum væri betur varið, þ.e. minna trúar- og hernaðarbrölt.

[Óskar Þorkelsson, 23.2.2009 kl. 18:08]

get tekið undir þetta með þér , islam er ekki akkurat að gera sig í nútímaþjóðfélagi..

ég hef heyrt þetta með hreinlætið þarna og matareitranir eru algengar hjá túristum.. en sumir hafa "harðari" maga en aðrir.. 

[Kjartan Pétur Sigurðsson, 23.2.2009 kl. 18:59]

Líklega fékk ég að prófa allan skallann þarna í mat og drykk. Við pössuðum okkur á að kaupa allt vatn frá viðurkenndum aðilum. Eitt af vandamálunum er að áin Níl er lífæð landsins. En skipafélög sem gera út á ferðamenn, sem eru mörg, setja því miður mikið úrgang beint í fljótið. Það veitti ekki af að tæknivæða þetta þjóðfélag meira. Eins og er, þá er allt of mikið unnið með höndunum. Vandamálið með alla þessa togstreitu í kringum íslam er að trú og pólitík blandast allt of mikið saman. Þeir standa á krossgötum núna, vita ekki hvort að þeir eigi að halda áfram í gamlar hefðir eða að reyna að nútímavæðast og gjörbylta öllu samfélaginu. Ég lenti í ótrúlegum samtölum við fólk í þessari ferð og sumir sögðu meira en þeir þorðu. Persónulega finnst mér að það væri nóg fyrir þá að biðja einu sinni á dag og mættu fara að vinna aðeins meira! Ótrúlegt er að sjá fullfríska karlmenn sitjandi á öllum götuhornum, líklega að bíða eftir því að fara í næstu bæn, en atvinnuleysið er mikið. En af nógu er að taka í þessu landi þar sem taka þarf til hendinni, hálfkláruð hús út um allt og mikið rusl.

En ég sem leiðsögumaður horfði auðvita á allt með gagnrýnum augum ferðamannsins og drakk í mig alla þá vitneskju sem hægt var. En þetta er í fyrsta skipti sem að ég kem til Afríku og í land þar sem trúin Íslam er svona sterk.

[Óskar Þorkelsson, 23.2.2009 kl. 19:22]

hálfkláruð hús ? ertu þá að meina eins og það vanti eina hæð ofaná bygginguna ?  Ef það er raunin þá er þetta aldagömul hefð í arabalöndunum.. að gera ráð fyrir einni hæð tilviðbótar ef erfingjarnir giftast.. þá flytja þeir inn á efri hæðina sem þá verður kláruð.. en ekki fyrr.

[Kjartan Pétur Sigurðsson, 23.2.2009 kl. 19:29]

Mig var nú farið að gruna að svo væri, en varla á þessi skýring við um hótel og aðrar byggingar líka :)

[Óskar Þorkelsson, 23.2.2009 kl. 19:30]

nei varla :)

[Helga Kristjánsdóttir, 23.2.2009 kl. 22:16]

, flottur.

[Kjartan Pétur Sigurðsson, 25.2.2009 kl. 08:03]

Ég sé að ég hef skrifað "menningarlegum hátindi fyrir um 2-3000 árum síðan". En þarna vantar B.C. á undan. Þannig að samtals ætti þetta að vera 4-5000 árum síðan! En Egyptar ná að skapa ótrúlega "há"-menningu líklega fyrstir þjóða á þessum tíma. Kínverjar koma stuttu síðar og síðan Grikkir og Rómverjar. Tæknin, handverkið, menntun og fl. er alveg með ólíkindum. Fróðlegt væri að vita hvað veldur því í raun að það er hægt að hrífa heila þjóð með sér til að framkvæma slík stórvirki. Líklega er það samblanda af einræðisríki með "framsýna" aðila við stjórnvölin. Síðan er líklega verið að byggja á hugmyndfræði þar sem "allt" er virkjað með kerfisbundnum hætti.

Í dag búum við við allt aðrar aðstæður þar sem lýðræði er í hávegum haft. Spurningin er hvaða fyrirkomulag hentar best þegar slíkt fyrirkomulag er viðhaft?