KERIÐ Í GRÍMSNESI - MYNDIR

Það er alltaf gaman að koma með ferðamenn að kerinu þó svo að gígurinn sé ekki mjög stór eða um 270m x 170m í þvermál og 50m djúpur

Í gígnum er tjörn sem sýnir vel grunnvatnsstöðuna á svæðinu og er dýptin frá 7 til 14m djúp. Kerið is a volcanic crater lake located in south central Iceland. (smellið á mynd til að sjá fleiri myndir)

Við kerið er búið að setja upp fína aðstöðu fyrir ferðamenn með upplýsingaskiltum og bílaplani fyrir stærri bifreiðar

Um Gullna hringinn fara um 400 þúsund ferðamenn á ári og er því löngu orðið tímabært að koma upp salernisaðstöðu á svæðinu. Á sama tíma er afskekkt svæði eins og Rauðisandur styrktur um 3-4 milljónir til að útbúa salernisaðstöðu fyrir örfáa ferðamann! The caldera itself is approximately 55 meters deep, 170 meters wide, and 270 meters across. (smellið á mynd til að sjá fleiri myndir)

Við hliðina á kerinu er annar gígur, þar má finna malarnám þar sem hægt er að fara ofan í gíginn og skoða þversnið á hvernig svona gígur lítur út.

Gosið sem myndaði Kerið hefur tekið nokkurn tíma. Rauði liturinn á gjallinu stafar af oxun járnsins í kvikunni (hematít). Pictures of crater Kerid. (smellið á mynd til að sjá fleiri myndir)

Skiptar skoðanir hafa verið um myndun gígsins og var í fyrstu talið að þarna væri um sprengigíg að ræða. Nýjustu heimildir telja að þarna sé niðurfall eftir hrun gjallgígs.

Talið er að þessi gjallgígur hafi verið einn af mörgum gjallgígum sem gusu þarna fyrir 5000 til 6000 árum og mynduðu Grímsneshraun. Pictures of crater Kerid. (smellið á mynd til að sjá fleiri myndir)



Nú er bara spurning hvað vakir fyrir nýju eigendunum, líklega er verið að undirbúa að ríkið kaupi "eignina" á "sanngjörnu" verði.

Kjartan
WWW.PHOTO.IS

Skipulagðar hópferðir að Kerinu stöðvaðar

Athugasemdir

[Helga R. Einarsdóttir, 26.6.2008 kl. 21:42]

Ég held að "nýju" eigendurnir hafi keypt, fyrir 6-10 árum, landsspildu þarna í hrauninu. Kerið fylgdi með svona í útjaðri. Þarna suður og austur af  Kerinu hefur síðan verið plantað glás af trjám og ég veit ekki til annars en eigendurnir séu hinir almennilegustu, sveitungum og ferðafólki. En það er rétt, að án nokkurrar aðstöðu getur ekki gengið til lengdar að stoppa þarna með mörghundruð útlendinga á hverjum degi.

[Kjartan Pétur Sigurðsson, 27.6.2008 kl. 08:36]

Sæl Helga,

Ég laumaði nú bara þessari síðustu athugasemd inn því að ég veit að það hefur gengið erfiðlega að ganga frá samningum við ríkið varðandi Geysis svæðið. Því miður hefur það svæði verið látið grotna niður því að það hefur ekki mátt gera neitt þar. Að sjálfsögðu þarf að fjárfesta í aðstöðu fyrir ferðamenn ef þeir eiga að halda áfram að koma hingað til landsins. Það er líklega frekar undarlegt ef helstu náttúruperlur sem ferðamenn eru að heimsækja séu í einkaeigu og erum við leiðsögumenn sífellt að reka okkur á vandamál sem koma upp þar sem landeigendur eru að reyna að hefta aðgang að ákveðnum svæðum.

Nú var víst að koma út stór og merkileg skýrsla frá einhverri nefnd þar sem gagnrýnt er m.a. hvernig þessum málum er fyrirkomið og hvað lítið er gert í því að útbúa nýja staði fyrir ferðamenn til að dreifa betur álaginu á staði eins og Kerið.

[anna (IP-tala skráð) 27.6.2008 kl. 13:11]

Hef frétt af því að eigandi Kersins vildi fá greiðslu í egin vasa frá rútubílafélögum fyrir að stoppa í Kerinu. Peningarnir áttu að vera arður af eigninni og ekki að fara til uppbyggingar á svæðinu enda hefur Vegagerðin staðið sig ágætlega við það verk.