ÞJÓÐARGRAFREITURINN FYRIR FISCHER - MYNDIR

Þessa dagana er verið að ræða hvar best sé að jarða einn fremsta skákmann sögunar og skáksnillinginn "okkar" Bobby Fischer. Virðist umræðan að mestu snúast um að hann verði jarðsettur í þjóðargrafreitnum á Þingvöllum við hlið Jónasar Hallgrímssonar og Einars Benediktssonar.

Staðurinn er fyrir margt merkilegur og ófáir ferðamennirnir sem hafa virt fyrir sér þennan undarlega grafreit. Guðjón Samúelsson hannaði grafreitinn á sínum tíma og var Einar Benediktsson jarðaður þar árið 1940 og einhver bein sem talin væru af Jónasi Hallgrímssyni árið 1946.

Ég sé ekkert að því að leifa einum mesta skáksnillingi sögunar að fá að hvíla í friði á þessum stað - Um að gera að hafa smá fjölbreytni í þessu eins og öðru. Mikið var haft fyrir því að setja upp friðarsúlu í Viðey og sýnist mér allt stefna í að hún verði eitt helsta tákn borgarinnar.

Hér má svo sjá nokkrar myndir af reitnum sem um ræðir og er ég ekki frá því að þarna sé heiðið tákn á ferð. Ef af þessum gjörningi verður, þá munu blandast mörg ólík trúarbrögð þarna saman á einum stað - sem er hið besta mál :)

Bobby Fischer verður hugsanlega jarðsettur á þessum stað við hlið Jónasar Hallgrímssonar og Einars Benediktssonar á Þingvöllum (smellið á mynd til að sjá fleiri myndir)

Hér má sjá loftmynd af svæðinu. En í heiðnum siðum voru hringir mikið notaðir við trúarlegar athafnir. Jónas og Einar hvíla við endan á krossinum sem næstur er kirkjunni.

Bobby Fischer verður hugsanlega jarðsettur á þessum stað við hlið Jónasar Hallgrímssonar og Einars Benediktssonar á Þingvöllum (smellið á mynd til að sjá fleiri myndir)

Þingvallakirkja og Þingvallabærinn sem er að hluta til sumarhús forsætisráðherra og aðstaða fyrir þjóðgarðsverði

Þingvallakirkja og Þingvallabærinn (smellið á mynd til að sjá fleiri myndir)



Kjartan
WWW.PHOTO.IS

Fischer grafinn á Þingvöllum?

Athugasemdir

[ótilgreint (IP-tala skráð) 20.1.2008 kl. 12:32]

Kirkjulegar athafnir í heiðnum sið??

[Kjartan Pétur Sigurðsson, 20.1.2008 kl. 12:48]

Var nú víst búinn að leiðrétta þetta áður en ég sá kommentið frá þér :)

En ef skoðuð er saga þessara 3ja manna, þá kemur nú margt fróðlegt í ljós og ég skil ekki þetta uppþot hjá fólki yfir því hvar á að jarða aumingjans manninn. Hefði átt meira von á að sjá athugasemdir sem væru meira í anda samúðar og eftirsjá eftir þessum manni en allar þessar stríðsyfirlýsingar út af engu hér á blogginu.

Ekki vantar nú þjóðernisrembinginn í landanum þegar svo ber undir :)

[Linda (IP-tala skráð) 20.1.2008 kl. 12:50]

Á hvorum endanum ætli Fischer verði látinn liggja?

Jamm, við gætum náttúrulega breytt hringnum í eitt risastórt taflborð og þá erum við komin með 64 instant grafreiti.

[Kjartan Pétur Sigurðsson, 20.1.2008 kl. 13:08]

Þegar menn fara að ræða trúarbrögð, þá er vissara að hafa svona hluti á hreinu. Þar skipta áttir og staðsetningar mjög miklu máli eins og í sjálfri skákinni.

Hugmyndin að kirkjugarði í formi skakborðs er í raun ekki svo vitlaus. Spurning hvaða reitur yrði í uppáhaldi hjá Fischer.

En þar sem hann er sjálfur kóngurinn, þá væri það meira spurning um hvort að hann væri svartur eða hvítur og færi þá á e1 eða e8.

Ég hallast þó meira að svarta litnum því hann var svo askoti rótækur í skoðunum karlinn.

Svo verður alltaf pláss fyrir 4 biskupa til að blessa þetta allt saman :)

[Emil Hannes Valgeirsson, 20.1.2008 kl. 13:50]

Þingvellir og Bobby Fischer! Nei hættu nú alveg. Þessi hugmynd þeirra Fischersvina er einhver sú úrhellisvitlausasta sem ég hef heyrt. Hann má mín vegna alveg hvíla einhversstaðar í íslenskri mold en þjóðargrafreiturinn er örugglega ekki sá staður, það þarf meira til að komast þangað en að kunna að tefla.

[Karitas (IP-tala skráð) 20.1.2008 kl. 18:31]

Ég tek undir með Emil! Með fullri virðingu fyrir Fischer þá er það bara rangt að jarða hann þarna.

[Ásdís Sigurðardóttir, 20.1.2008 kl. 21:29]

Þetta getur bara ekki gerst, trúi því ekki.

[Kjartan Pétur Sigurðsson, 20.1.2008 kl. 22:34]

Ég verð að segja að ég er alveg hreint gáttaður á viðbrögðum fólks í þjóðfélaginu eru út af þessu máli. Í upphafi fannst mér að um frekar saklausa tillögu væri að ræða frá hópi syrgjandi skákmanna og náina vina.

Hver ætli sé í raun skýringin á öllum þessu sterku viðbrögðum?

Eru þau trúarlegs eðlis eða eru Þingvellir svona heilagir í hugum margra Íslendinga. Gæti verið að þetta sé uppsöfnuð gremja gagnvart honum persónulega eða þá gagnvart útlendingum almennt?

Getur skýringin verið sú að Ísland eigi að vera fyrir Íslendinga.

Mörg af ummælunum sem fremsti skáksnillingur sögunar fær hér á blogginu eru ótrúleg. Að vísu var hann sjálfur ekkert að skafa af hlutunum þegar hann þurfti að segja skoðun sína á mönnum og málefnum.

Ég er áhugamaður um skák og varð vitni að því þegar þessi maður á sínum tíma bókstaflega rúllaði upp keppinautum sínum eins og ekkert væri. Hann gerði það jafnvel að leik sínum að tapa fyrstu skákunum til þess eins að hafa smá spennu í þeim einvígum sem hann tók þátt í.

En engin er fullkomin og heldur ekki þeir tveir sem nú hvíla í þessum grafreit.

Það verður annars fróðlegt að sjá hvernig þetta mál á eftir að þróast. Svo er að sjá að viðbrögðin hér á blogginu hafi strax haft áhrif á suma valdhafa þjóðfélagsins sem eru þegar byrjaðir að draga í land með að þessi umdeildi staður verði notaður.

[Lára Hanna Einarsdóttir, 20.1.2008 kl. 22:44]

Ég er alveg sammála Emil... með fullri virðingu fyrir skákmeistaranum. Hann vildi ekkert tefla hér 1972 heldur í Júgóslavíu.  Og að verða íslenskur ríkisborgari var neyðarbrauð fyrir hann til að sleppa úr fangelsi og engin önnur þjóð vildi taka við honum. Svo einfalt er það.

Ég held að við ættum ekkert að pota fleirum niður í þessum Þingvallagrafreit og alls ekki stjórnmálamönnum eða forsetum.

[Kjartan Pétur Sigurðsson, 20.1.2008 kl. 23:27]

Hef einhvern vegin á tilfinningunni að eftir alla þessa uppákomu verði mjög erfitt að fá sátt um að jarða nokkurn þarna í framtíðinni. Flestir Íslendingar sem eitthvað hefur kveðið af í þjóðfélaginu hefur einhvertímann verið ágreiningur um með einum eða öðrum hætti.

[Emil Hannes Valgeirsson, 21.1.2008 kl. 00:12]

Mér hefur reyndar fundist þeir tveir sem eru jarðaðir í Þjóðargrafreitnum vera dalítið einmanna þarna en hugmyndin var vissulega sú að fleiri stórmenni og konur væru þarna samankomin en eins og þú segir Kjartan þá eru flestir merkismenn umdeildir. Þjóðargrafreiturinn er bara á svo heilögum stað í sögu þjóðarinnar að mér dettur enginn í hug sem ætti slíka upphefð skilið nema kannski Halldór Laxness. Nú eða Megas, hann er okkar mesta skáld í dag, en er örugglega umdeildur. En bara íslendingar? Já eiginlega finnst mér það.

[Addý (IP-tala skráð) 22.1.2008 kl. 10:07]

Hef löngum furðað mig á hví fleiri hafi ekki verið grafnir á þyrlupallinum austan Þingvallakirkju ... ? Nærtækasta skýring í mínum huga hefur verið að við viljum vera grafin "heima", panþeon á ekki upp á pallborðið hjá Frónverjum ...