Það er ekki orðið þverfótað fyrir nýjum einkaþyrlum og þotum hjá auðmönnum þessa dagana.

Eitthvað hef ég á tilfinningunni að þessi nýja þróun sé öll að verða frekar absúrd. Þetta er að verða eins og hjá hinum nýríka sem veit ekki alveg hvernig á að haga sér þegar auðurinn er orðinn það mikill að það skiptir ekki orðið neinu máli lengur hvernig honum er eytt.

Því miður er það þannig að óvant fólk með svona mikið fé á milli handanna þarf að læra að alast upp í svona umhverfi og kunna að bera virðingu fyrir því mikla fjármagni sem því hefur áskotnast.

Það eru rétt um 100 ár síðan að íslenskt samfélag var að mestu bændasamfélag og það fátækasta í Evrópu.

Nú er ekki orðið þverfótað fyrir nýjum einkaþyrlum og þotum hjá auðmönnum þessa dagana og aðferðirnar sem þeir nota til að toppa hvern annan í vitleysunni eru hverri annarri skrautlegri.

Hér áður fyrr var gríðar mikið fjármagn falið hjá stórheildsölum og fiskútflytjendum með ýmsu móti á leynireikningum hér og þar.

Sá auður er að mestu uppsafnaður frá því að síldarævintýrið var og hét fram til dagsins í dag.

Nú er þetta falda fjármagn að brjótast upp á yfirborðið með ýmsu móti og skal engan undra að kaupgetan verði gríðarleg þegar það loksins birtist.

Hér áður fyrr var það mesta sem auðmenn gátu látist berast á eða þorðu að láta sjást, var að keyra um á Benz bíl frá Ræsi!

En nú er öldin önnur og þeir geta slett skyrinu sem "eiga" það :)

Þetta er allt í fínu lagi á meðan það verður ekki eins og hjá kerlingunni sem er í nýja dýra loðfeldinum og svo er restin öll af sitt hvorri sortinni.

Leysir eigin samgönguvandamál með þyrlu

Athugasemdir

[Kjartan Pétur Sigurðsson, 11.8.2007 kl. 00:40]

Sorry :)

Ég er í raun mjög ánægður fyrir hönd Magnúsar enda sjálfur mikið fyrir flug og vil helst að allir græði sem mest. Vildi bara óska þess að hann biði mér í flugtúr.

Magnús má eiga það að hafa haft þor til að fjárfesta í mörgu sem aðrir hafa ekki þorað. En sumir hafa komist til álna umfram aðra og þá í skjóli þess að þeir sitja betur að sameiginlegum sjóðum landsmanna eða í bönkum sem taka "sanngjarna" vexti af okkur hinum.

En svo þekkir mamma Magnús vel og gefur honum topp einkunn. Skrifin voru meira skrifuð til að fá fólk aðeins til að hugsa hvort ekki mætti staldra aðeins við og skoða þessi mál í aðeins víðara samhengi.

[Kjartan Pétur Sigurðsson, 11.8.2007 kl. 07:09]

Svo við tökum annað dæmi sem er sýnum verra en sakleysisleg og sjálfsögð þyrlukaup Magnúsar. En það er varla svo að maður hafi þor til að brydda upp á þeirri umræðuefni hér á þessum miðli þar sem situr ritstjórn sem verður að passar upp á að réttu fréttirnar fái meira vægi en aðrar.

Látum það samt flakka og má þá nefna til söguna, félaga Magnúsar, Kidda glæp úr ónefndri bankastarfsemi. Þeim aðila get ég "EKKI" borið vel söguna. En þar er því miður mjög slæmt Árna Johnsen dæmi á ferðinni og er þá ekki verið að velta sér upp úr nokkrum nöglum og spýtum úr Byko!

Ekki er verra að umræddur aðili ásamt eiginkonu eru líka hátt skrifuð í ónefndum stjórnmálaflokki. Þar á bæ þykir smávægilegt verðsamráð og önnur svikastarfsemi ekki mikið tiltökumál. Óhætt er að segja að viðkomandi aðili hafi komist hressilega til álna í íslensku samfélagi.

[Ásdís Sigurðardóttir, 11.8.2007 kl. 10:09]

Tek undir skoðun þína.