BANGSI SÆKIR Í HEITU LAUGINA Á HVERAVÖLLUM - EINSTAKAR MYNDIR

Það kemur ekki á óvart að bangsi skuli sækja í íslenskar náttúruperlur eins og aðrir erlendir ferðamenn

Hvað er betra en að baða sig í heitri laug og láta þreytuna líða úr líkamanum eftir langt og erfitt sund frá norðurpólnum. Polar bear taking bath in Icelandic natural hotspring at Hveravellir. (smellið á mynd til að sjá fleiri myndir)

Á myndinni má sjá danska ferðamenn njóta sín í heita vatninu ásamt bangsa. Hér tekur ísbjörninn stökkið fyrir ljósmyndarann út í laugina á Hveravöllum

Ekki er seinna vænna en að fara að venja sig strax við "Global warming" enda allur ís að hverfa á norðurpólnum samkvæmt nýjustu fréttum. (smellið á mynd til að sjá fleiri myndir)

Víða má sjá fallegar jarðmyndanir á háhitasvæðinu við Hveravelli inni á Kili

Hér hefur kísilinn safnast upp og myndað fallega strýtu þar sem gufustrókurinn stendur upp úr. (smellið á mynd til að sjá fleiri myndir)

Litadýrðin er oft mögnuð þar sem heita vatnið hefur leikið um jarðveginn í þúsundi ára

Spúandi hver á Hveravöllum (smellið á mynd til að sjá fleiri myndir)

Heitur lækur rennur frá hverasvæðinu á Hveravöllum

Hér má sjá útfellingar í læknum sem rennur frá hverasvæðinu á Hveravöllum (smellið á mynd til að sjá fleiri myndir)



Kjartan
WWW.PHOTO.IS

Hálendisbjörn er hugsanlegur

Athugasemdir

[JEG, 20.6.2008 kl. 11:37]

Briljant myndir að venju.

Kveðja úr sveitinni.

[Kjartan Pétur Sigurðsson, 20.6.2008 kl. 11:57]

Ég á því miður ekki fyrstu 2 myndirnar, heldur fann ég þær fyrir algjöra tilviljun í myndavél sem lá á víðavangi á Hveravöllum, vélin lá þar innan um einhver mannabein sem að ég hélt að gætu kannski hafa verið af Reynisstaðarbræðrum sem hurfu á Kili árið 1846 :)

Gæti verið að einhver af dönsku ferðamönnunum sem hefur ekkert spurst til hafi átt umrædda myndavél?

Heyrði annars eitthvað að því að danski bjarnarfangarinn hefði líklega skroppið yfir Kjöl með soninn í boði Íslenskra stjórnvalda. Þeir ku víst líka vera týndir!

[Berglind Steinsdóttir, 20.6.2008 kl. 16:00]

Fyrst veina ég úr hlátri yfir hvítabirninum sem er að reyna að komast í bleika bikiníið og svo yfir athugasemd þinni um tilurð myndanna. Mikill snillingur ertu.

[Lára Hanna Einarsdóttir, 20.6.2008 kl. 22:27]

Af hverju er þessi elska á efstu myndinni með bláa tungu? 

[Kjartan Pétur Sigurðsson, 21.6.2008 kl. 00:51]

Það er naumast komment sem maður fær í dag :|

Ég hef nú ekki enn náð að sjá ísbjörn í bleiku bikiníi Berglind. En ég á ísbjarnaskinn með haus og klóm. Spurning um að fá einhverja sem væri til í að láta mynda sig á skinninu! Hvort að það sé bikiní til staðar eða ekki skiptir ekki öllu máli og því síður hvað litur er á því ... :)

En varðandi bláa litinn á tungunni, þá rifjast upp fyrir mér að ég fann dollu ekki langt frá myndavélinni merkta Carsten/svefnlyf og sá ég mikið af bláu dufti í kringum dolluna. En umræddur Carsten er líklega sá hinn sami og tengist umhverfisráðherra sem kom sérstaklega hingað til landsins til að svæfa bjössa bangsa úti á Skaga.

[Hrannar Baldursson, 22.6.2008 kl. 03:18]

Bjarnarmyndirnar eru ekkert annað en tær snilld!

[Kjartan Pétur Sigurðsson, 22.6.2008 kl. 07:26]

Spurning um að gera meira af þessu Hrannar? Það kemur fyrir að Photoshop forritið leiki í höndunum á mér :)