Litla kaffistofan - myndir

Litla kaffistofan og nágrenni

Litla kaffistofan nýtur aukinnar vinsældar meðal ferðamanna og höfum við fisflugmenn ósjaldan notið þjónustu þar eins og sjá má á eftirfarandi myndum:

Hér er Jón B. Sveinsson kokkur að úða í sig góðgætinu (klikkið á mynd til að sjá fleiri myndir)

Þægilegt er að ná sér í eldsneyti fyrir litlu fisin. En þau þurfa ekki nema nokkra metra til að taka í loftið. Þau eru að hámarki 450 kíló og með einstaklega góða hægflugseiginleika og auðvelt að svífa þeim inn til lendingar á tún og vegi.

Hér er verið að setja 95 okt bílabensín á fisið (klikkið á mynd til að sjá fleiri myndir)

Loftmynd af svæðinu

Litla kaffistofan (klikkið á mynd til að sjá fleiri myndir)

Rétt hjá Litlu Kaffistofunni má sjá aðvörun sem sett hefur verið upp fyrir vegfarendur. Hér er hægt að sjá fjölda þeirra sem látist hafa frá upphafi ársins í umferðarslysum. Þetta virðist virka vel á vegfarendur að hafa þetta til að minna sig á. En á skiltinu má lesa að 17 hafa fallið í valinn þegar þessi mynd var tekin í ágúst árið 2005. Í ár er þessi tala síðast þegar ég vissi aðeins 2 og árið að verða hálfnað!

Aðvörun til vegtfarenda um að aka ekki of hratt (klikkið á mynd til að sjá fleiri myndir)

Hér er ferðafólk á leið í sumarfrí.

Húsbíll á ferð við Litlu kaffistofuna (klikkið á mynd til að sjá fleiri myndir)



Kjartan
WWW.PHOTO.IS

Bíll varð alelda við Litlu kaffistofuna

Athugasemdir

[B Ewing, 13.6.2007 kl. 11:08]

Sniðugar myndir.  Hinsvegar er árið á mínu dagatali bara tæplega hálfnað  og þann 1. júlí myndi ég telja það vera rétt hálfnað (eða um það bil).

Talan á aðvörunarskiltinu er enn 2 (þegar ég gáði um seinustu helgi) og þykir mér það vera gott, þó svo að tveir látnir séu tveim of mikið.

[Kjartan Pétur Sigurðsson, 13.6.2007 kl. 11:28]

Hvernig stendur á því að menn eru fljótir að koma með athugasemdir þegar smá mistök verða í útreikningum á ártölum eða hvort vestur er austur eða öfugt :)

Meðaltalið er líklega á bilinu 20-30 sem látast í umferðinni á ári og þetta með árið átti að sjálfsögðu að vera "tæplega" hálfnað.

Takk fyrir ábendingarnar

p.s. en annars er það ágæt aðferð til að fá komment að rugla aðeins með augljósar staðreyndir!