Á AÐ BANNA VEIÐAR Á LUNDA?

Það er ekki laust við að maður hafi orði fyrir smá áfalli við að sjá ekki neinn lunda út í Dyrhólaey þegar ég var þar á ferð með ferðamenn á síðasta ári.

Lundi er oft kallaður „prófastur“ eða „prestur“ á íslensku. Lundinn er af svartfuglsætt sem lifir við sjó og kafa sér til matar. Þeir verpa í djúpum holum sem þeir grafa. Lundinn er staðfugl en heldur sig úti á rúmsjó yfir veturinn.

En hér kemur smá myndasería af lunda sem teknar hafa verið víða um land.

Lundinn er sætur fugl eins og sjá má á þessari mynd

Mynd tekin í heyvagnaferð út í Ingólfshöfða árið 2005 (smellið á mynd til að sjá fleiri myndir)

Ef lundinn hefur ekki það æti sem hann þarf sem er að stórum hluta sandsíli eins og sjá má á þessari mynd, þá fer hann eitthvað annað

Hér er lundi með gogginn fullann af sandsíli, mynd tekin úti í Ingólfshöfða (smellið á mynd til að sjá fleiri myndir)

Hér er lundamamma eða lundapabbi að færa ungunum sínum mat

Hér er mynd af lundum úti í Drangey (smellið á mynd til að sjá fleiri myndir)

Hér er vanur lundaveiðimaður að sýna ferðamönnum hvernig á að bera sig að við að háva lundann

Hér er beðið eftir að lundinn fljúgi fram hjá klettasyllunni til að verða hávaður (smellið á mynd til að sjá fleiri myndir)

Lundi í Dyrhólaey 2006

Greinilegt að lundanum hefur eitthvað fækkað á svæðinu í kringum Dyrhólaey, hvort það er út af veðurfari eða einhverjum öðrum orsökum. (smellið á mynd til að sjá fleiri myndir)

Hér sýnir veiðikona ferðamönnum hvernig á að bera sig að með hávinn til að fanga lundann í netið

Hér er sýnd staðan sem veiðimaðurinn notar þegar verið er að háfa lundann (smellið á mynd til að sjá fleiri myndir)

Frekar var lítið um lunda í Papey 2006

Einn af þeim fáu sem var á staðnum þegar okkur bar að garði var fljótur að forða sér þegar við nálguðumst (smellið á mynd til að sjá fleiri myndir)

Annars er lundi einn sá besti matur sem að ég fæ - því miður :|

Kjartan
WWW.PHOTO.IS

Leggur til að lundinn verði friðaður í ár

Athugasemdir

[Lára Hanna Einarsdóttir, 18.4.2008 kl. 11:51]

Ég fékk áfall þegar ég fann engan lunda í Látrabjargi í fyrrasumar. En nóg var svo af þeim í Vigur.

[Óskar Þorkelsson, 18.4.2008 kl. 11:54]

Ég hef minnst á þetta á sumum bloggsíðum og þá sérstaklega bloggsíðum eyjamanna.. ég er á því að það þurfi að friða lundann því þótt fjöldinn sé gífurlegur við eyjarnar þá blekkir það mikið að lundinn verður allt að 25 ára gamall og ef nýliðunin í lundastofninum bregst í 2-3 ár þá sést það lítið á stofnstærðinni.. en ef nýliðun bregst í 5 ár þá sést stórt skarð í stofninum og kannski er það svo að við erum kominn á þann punkt..

látum náttúruna njóta vafans, Friðum lundann í 5 ár hið minnsta.

[Kjartan Pétur Sigurðsson, 18.4.2008 kl. 12:13]

Ég veit ekki hvort að það sé rétt, en mig grunar að fuglinn hafi fært sig norðar vegna hlýnun sjávars. Ég er búinn að koma út í Dyrhólaey reglulega í nokkur ár og það er ekki laust við að ég hafi orðið fyrir smá áfalli að sjá ekki neinn fugl í eyjunni síðasta sumar!

[Guðjón Sigþór Jensson, 18.4.2008 kl. 13:04]

Lundi var áður mjög algengur við norðanvert Atlantshafið og meðfram öllum strandríkjum allt frá Skotlandi, Færeyjum, Noregi og svo auðvitað Íslandi. Meira að segja varð hans oft vart við Norðursjóinn áður fyrr en fyrir um 30-40 árum er hann nánast útdauður á þeim slóðum.

Framboð fæðu sem og röskun á umhverfinu m.a. vegna olíuleitar og vinnslu í Norðursjó, hefur grafið undan ýmsum lífverum. Norðursjávarrækjan var áður fyrr mjög mikið veidd, e-ð fram á 9. áratuginn. Nú er hún nánast horfin.

Mosi

[Bragi Ragnarsson, 18.4.2008 kl. 14:02]

Rakst á þetta í MBL í dag:

"Erpur Snær Hansen, hjá Náttúrustofu Suðurlands, leggur til að lundi í Vestmannaeyjum verði friðaður í ár. Þá segir hann, að ef veiðar verði leyfðar í sumar leggi hann til að veiðin verði takmörkuð við 100 fugla á mann. Erpur Snær segir við blaðið Fréttir í Vestmannaeyjum, að hann hafi að undanförnu verið að draga saman í skýrslu það sem sjá megi um ástand lundastofnsins og þá sérstaklega árgangana 2005 til 2007. Mun hann fjalla um skýrsluna á málþingi um lunda- og sandsílastofnana í Eyjum á sunnudag.

Erpur segir að það vanti nær alveg tvo árganga í stofninn, 2005 og 2006 og árið 2007 hafi einnig verið mjög slæmt. Eini veiðistofninn í ár verði því fugl af 2004 árganginum, hina vanti."

Það verður fróðlegt að sjá hvað kemur út úr þessari ráðstefnu.

BR

[Bragi Þór Thoroddsen, 19.4.2008 kl. 01:36]

Ekki ólíklegt að eitthvað sé frábrugðið í fæðuframboði fyrir hann.  Það er annars búið að ganga ýmislegt á hjá fleiri svartfuglategundum. 

Síðustu misseri hafa fundist mikill fjöldi dauðra fugla reknir á fjöru.

Væri annars fróðlegt að vita hvað veldur.  Væri sjónarsviptir af honum, lundanum.

vcd

[Óskar Þorkelsson, 19.4.2008 kl. 11:18]

hækkun á hitastigi sjávar héfur mikil áhrif á sandsílið sem er aðalfæðutegund margra sjófugla.. engar rannsóknir hafa farið fram á sandsíli svo mér er kunnugt um hjá Hafró því þeir eltast bara við "nytjastofna" en "gleyma" stofnunum sem eru undirstaðan.. sandsíli og þess háttar ásamt því ða leyfa hömlulausar veiðar á loðnu sem er eins og sandsílið uppistöðufæða "nytjastofnanna"..  allt þetta hefur áhrif og þótt menn segi ða lundinn fari norður.. norður hvert ?  Jan Mayen ?  menn hafa nú ekki beint verið að drukna í Lunda þar uppfrá svo mér sé kunnugt um.. Svalbarða ?  Held ekki því svalbarði er of kaldur fyrir lundann.. Grænland ?  engar fréttir þaðan af aukinni lundagengd..

Hann er að deyja hægt og rólega..

[Kjartan Pétur Sigurðsson, 20.4.2008 kl. 08:51]

Ég vil þakka fyrir fróðleg innlegg hjá ykkur um lundann. Það er greinilega margt sem getur haft áhrif á stofninn. Það hefur líka verið talað um að virkjanir á jökulám landsins geti haft stór áhrif á ein bestu fiskimið heimsins. En þau efni sem jökulárnar bera með sér til sjávar eru talin hafa gríðarleg áhrif á vöxt þörunga og smærri lífvera sem er svo grunnfæðan fyrir þau dýr sem stærri eru og þannig koll af kolli. En þetta hljóta Hafró menn að geta gefið betri útskýringar á.

[Kjartan Pétur Sigurðsson, 4.5.2008 kl. 08:19]

Sæll Þórólfur

Ég ók um svæðið á bíl um daginn og skoðaði þá svæðið að sjálfsögðu í leiðinni. Ég skal reyna að smella myndum af svæðinu næst þegar ég flýg þarna yfir sem verður núna fljótlega með vorinu. Ég leitaði einnig í safninu hjá mér en fann ekki myndir nákvæmlega af þessu stað.

kort af Villingavatni, Efri Grafningi, Krókur, Þingvallavatni og Úlfljótsvatni

kort af Villingavatni, Efri Grafningi, Krókur, Þingvallavatni og Úlfljótsvatni (smellið á mynd til að sjá fleiri myndir)