SPILLUM EKKI SVÆÐINU Í KRINGUM ÖLKELDUHÁLS !!!

Ég hef átt þess kost að fara nokkrar ferðir með ferðamenn upp á Ölkelduháls sem er rétt austan við Hengilinn.

Um svæðið liggur þekkt gönguleið niður í Reykjadal þar sem endað er rétt fyrir ofan Hveragerði.

Svæðið allt er ægifagurt og hefur upp á margt að bjóða. Vinsældir svæðisins má meðal annars rekja til þess að um það rennur heitur lækur/á sem vinsælt er að baða sig í.

Sumir vilja jafnvel halda því fram að það sé meira gaman að koma á þetta svæði og baða sig heldur en inn í sjálfar Landmannalaugar og er þá mikið sagt.

Einn megin kostur við þetta svæði er að þangað er ekki hægt að komast á bíl og þarf því að fara allar ferðir um svæðið gangandi eða á hestum. Og er það ótvíræður kostur í samfélagi þar sem allir fara orðið sínar ferðir á einhverskonar farartækjum.

Leirmyndanir á svæðinu geta verið gríðarlega fallegar eins og sjá má á þessari mynd hér:

Heitur lækur rennur í gegnum Reykjadal (smellið á mynd til að sjá fleiri myndir)

Litir náttúrunnar geta stundum verið ótrúlegir eins og sjá má á þessari mynd hér:

Fallegir litir í heitavatnsuppsprettu sem rennur út í lækinn í Reykjadal (smellið á mynd til að sjá fleiri myndir)

Innst í Reykjadal rétt við Ölkelduháls er svo þessi fallegi foss sem rennur í gegnum soðið berg sem er með ótrúlega fallegum litbrigðum og myndunum.

Foss innst í Reykjadal (smellið á mynd til að sjá fleiri myndir)

Hér er svo annað mjög virkt hverasvæði innst í Reykjadal þar sem gengið er upp vestan megin við Ölkelduháls.

Virkt hverasvæði innst í Reykjadal (smellið á mynd til að sjá fleiri myndir)

Ef litið er á framkvæmdir við Hengilinn í dag, þá má sjá athafnasvæði Hellisheiðarvirkjunar á næstu mynd. Þegar myndin er skoðuð nánar, þá ber að hafa það í huga að það á að reisa tvær sambærilegar virkjanir til viðbótar við þær tvær sem fyrir eru við Hengilinn.

Hér má svo sjá panorama mynd af Hengilssvæðinu þar sem horft er til austurs. Smellið á mynd til að skoða myndina enn stærri.

Ljósmynd af Hellisheiðarvirkjun ú lofti (smellið á mynd til að sjá myndina enn stærri)

!!! Það hafa komið athugasemdir á þessa panorama mynd að hún væri að einhverju leiti óeðlileg. En víðmyndin er unnin úr 7 stökum loftmyndum sem settar hafa verið saman.

Sjá má upprunalegar myndir, teknar í maí 2006, hér: http://www.photo.is/06/05/7/index_14.html

Ég þróaði þessa samsetningartækni árið 1996 þegar ég gaf út Íslandsbókina. Ef myndin er skoðuð nánar, þá má sjá að ég hef ekki náð að ljúka samsetningunni 100% en myndin er þó nógu góð til að gefa hugmynd af umfangi Hellisheiðarvirkjunar. Ég á fleiri svona myndir teknar seinna en þar sem svona samsetning tekur mikinn tíma og ekki eru djúpir vasar til að greiða úr fyrir þá vinnu, þá verður það að bíða betri tíma.

Á svona panoramamynd eða víðmynd eins og það heitir á Íslensku, þá verða línur sem eru beinar, bognar, en það lagast ef myndin væri prentuð út og sett í hring utan um þann sem skoðar myndina.

Á þessari loftmynd má sjá niður Reykjadal til suðurs þar sem fólk er að baða sig í ánni.

Reykjadalur fyrir ofan Hveragerði (smellið á mynd til að sjá fleiri myndir)

Eftir Reykjadal rennur heitur lækur þar sem vinsælt er að baða sig í. Vinsæl gönguleið liggur frá Hveragerði inn þennan dal og upp á Ölkelduháls og er mikill jarðvarmi á þessari leið.

Ég hef farið mikið með ferðamenn um þetta svæði og má sjá nánar kort frá Orkuveitu Reykjavíkur af gönguleiðum um svæðið hér:
http://www.or.is/Forsida/Gestiroggangandi/Utivistarsvaedi/Hengilssvaedid/

Eins og sjá má á þessum myndum þá er vinsælt að baða sig í ánni sem rennur í gegnum Reykjadal og er nánast hægt að baða sig hvar sem er.

Erlendir ferðamenn að baða sig í heitri ánni (smellið á mynd til að sjá fleiri myndir)

Hér er ungt par frá Danmörku að baða sig í ánni. Daman horfir hugfangin á kærastann sinn svolgra af áfergju á ísköldu lindarvatninu sem rennur út í heita ánna. Enda nóg til af hreinu íslensku fjallavatni.

Drukkið íslenskt kalt vatn úr hliðarlæk (smellið á mynd til að sjá fleiri myndir)

Það sem fékk pínu á mig var að Daninn var ekki mikið hrifin af allri þeirri uppbyggingu sem átti sér stað á StórReykjavíkursvæðinu og fann borginni allt til foráttu! Hann vildi meina að íslendingar ættu að fara aðeins hægar í sakirnar. Aftur á móti vildi hann endilega fá að kaupa hús úti á landi og flytja hingað og búa í nokkur ár. Hans komment á staðin var að þetta væri NÁKVÆMLEGA náttúran sem hann væri að leita af. Ég þorði nú ekki að minnast á það við hann að það væru í bígerð stórar áætlanir um að virkja hluta af þessu svæði.

Virkjunin sem um ræðir verður við Ölkelduháls og er þessi myndasería tekin á því svæði.

Hér gengur hópur rétt hjá þeim stað þar sem virkjunin kemur til með að rísa

Mynd tekin ekki langt frá þeim stað þar sem virkjun kemur til með að rísa (smellið á mynd til að sjá fleiri myndir)

Það er stórt og mikið hverasvæði norðan við Ölkelduháls rétt hjá þar sem Bitruvirkjun kemur til með að rísa.

Einn af mörgum leirhverum norðan við Ölkelduháls (smellið á mynd til að sjá fleiri myndir)

Rústir af fjárrétt frá gömlum tíma

Gömul fjárrétt norðan við Ölkelduháls (smellið á mynd til að sjá fleiri myndir)

Risastór leirhver sem bullar og sýður í og mátti sjá rollur á svæðinu sem voru að ná sér í smá il frá hvernum

Stór leirhver rétt norðan við Ölkelduháls sem bullar og sýður í (smellið á mynd til að sjá fleiri myndir)

Hér má svo sjá kort af svæðinu í lokin ásamt litlum myndum

Kort af Ölkelduhálsi, Bitruvirkjun og Reykjadal

Fyrir þá sem vilja kynna sér málið nánar er bent á að skoða heimasíðu þeirra aðila sem vilja láta skoða virkjanamál á þessu svæði betur hér:

WWW.HENGILL.NU

Kjartan
WWW.PHOTO.IS

Telja að virkjun muni spilla ómetanlegri náttúruperlu

Athugasemdir

[Auður (IP-tala skráð) 30.10.2007 kl. 15:37]

Þetta er stórkostlega fallegt svæði og unun að skoða það. Ég hef tvisvar farið þarna um. Í fyrra skiptið gangandi en hitt skiptið á hesti mínum.  Þetta er svæði sem bara hreinlega má alls ekki eyðileggja. Það væri hræðileg skammsýni og ég get varla hugsa til þess að slíkt gerist.  Nóg er komið samt.  Flottar myndir, sem þú sýnir okkur.  Takk og  baráttukveðjur.

[Lára Hanna Einarsdóttir, 30.10.2007 kl. 15:54]

Stórkostlegar myndir!
Slík og þvílík auðævi eru ómetanleg og það má aldrei snerta við svona perlum!

Kynnið ykkur málið á www.hengill.nu og sendið inn athugsemdir.

Baráttukveðja,
Lára Hanna

[Kjartan Pétur Sigurðsson, 30.10.2007 kl. 15:55]

Þetta er því miður svæði sem ekki allt of margir vita af. Og þeir sem vita um þetta svæði vilja helst hafa það útaf fyrir sig. Aukin átroðningur með umfjöllun um svona svæði getur líka haft slæmar afleiðingar. En svæðið er viðkvæmt. En takk fyrir athugasemdirnar og innlitið.

[Lára Hanna Einarsdóttir, 30.10.2007 kl. 16:18]

Við getum að sjálfsögðu ekki ætlast til þess að hafa svona falleg svæði út af fyrir okkur.
Öllum sem áhuga hafa á að fara um þau er það vitaskuld velkomið, svo framarlega sem gengið er vel um.
Auk þess myndi það kannski vekja fleiri til vitundar um náttúrfegurðina þarna ef þeir sæju hana með eigin augum.

Og frekar vil ég þá fólk en fabrikkur með allri þeirri eyðileggingu sem þeim fylgir.

[Kjartan Pétur Sigurðsson, 30.10.2007 kl. 16:30]

Þetta var nú allt vel meint. En annars hitti ég einn þarna sem fer 2-3 í viku að baða sig á þessu svæði ásamt því að fá sér góðan labbitúr um svæðið. Hann sagðist vera búinn að stunda þetta svæði í mörg ár og væri ánægður með hvað fáir vissu að því. En aðstaðan er mjög góð þarna og er Orkuveitan með vel búinn opin skála uppi í hlíðinni innarlega austan megin í dalnum.

[Harpa Elín Haraldsdóttir (IP-tala skráð) 30.10.2007 kl. 18:41]

FRÁBÆRAR MYNDIR og greinilega ÓMETANLEG náttúruperla!

[Lára Hanna Einarsdóttir, 30.10.2007 kl. 19:18]

Þrátt fyrir að ferðaþjónusta sé orðin ein af mestu tekjulindum íslensku þjóðarinnar er einhver undarleg tregða við að taka mark á sérfræðingum í þeirri grein.  Hér er frétt sem ég fann á einum vefmiðlinum frá því í september 2006:

Samtök ferðaþjónustunnar (SAF) fallast ekki á jarðgufuvirkjanir á Hengilssvæði og Hellisheiði. Þau segja ófullnægjandi kannanir liggja að baki mati á umhverfisáhrifum. Það byggir á þremur könnunum en tilgangur þeirra er að athuga áhrif virkjananna á ferðaþjónustu og útivist. Með þessu gera samtökin athugasemdir við tillögur Orkuveitu Reykjavíkur að matsáætlunum fyrir jarðgufuvirkjun annars vegar á Ölkelduhálsi á Hengilssvæðinu og hins vegar við Hverahlíð á Hellisheiði.

Fyrsta athugasemdin er sú að meginkönnunin fjalli um aðra virkjun á öðrum stað. Þá taki hún einungis til almennings á Íslandi. Könnunin er fimm ára gömul. Þá er byggt á könnun meðal gesta á Nesjavöllum og segir í athugasemdum samtakanna að viðhorf gesta í orkuveri séu ekki líkleg til að endurspegla viðhorf almennra ferðamanna, hvað þá þeirra sem séu hingað komnir til að njóta útiveru og náttúruskoðunar. Loks er byggt á athugun meðal farþega í Leifsstöð sem eru að fara að landi brott. Hún mældi fjölda þeirra sem höfðu komið að Nesjavöllum en ekki var spurt um afstöðu til virkjana.

Fram kemur í athugasemdum samtakanna að rannsóknarsvæði Orkuveitunnar hafi verið sett í umhverfisflokk A en framkvæmdir í þeim flokki teljast hafa lítil umhverfisáhrif. Samtökin gagnrýna þetta og segja jarðhitakosti ekki hafa verið skoðaða fyrr en undir lok vinnunnar við matsáætlunina. Þá hafi verið mjög deilt um hver umhverfisáhrifin yrðu. Bent er á lagningu röra sem hafi mikil sjónræn áhrif. Samtökin gera þá kröfu að þegar áhrif eru metin liggi fyrir staðsetning mannvirkja - bygginga, borhola, röra, raflína og vega. Svæðið sem um ræðir sé mjög mikilvægt ferðaþjónustunni þar sem það sé í næsta nágrenni höfuðborgarinnar. Hópur þeirra sem fari í skemmri ferðir frá borginni vaxi stöðugt.

Hvenær ætla íslenskir ráðamenn að fara að hlusta á einn mesta vaxtasprotann í íslensku atvinnulífi?

[Kjartan Pétur Sigurðsson, 30.10.2007 kl. 20:23]

Ómar er að venju með skemmtilegar vangaveltur um þetta málefni hér:

http://omarragnarsson.blog.is/blog/omarragnarsson/entry/351828/

[R (IP-tala skráð) 30.10.2007 kl. 21:00]

Alveg hreint ótrúlega fallegar myndir. Það verður nú að hrósa þér fyrir það. Flinkur með vélina.....  Alveg synd að ætla að virkja á þessu svæði.

kveðja, ÉG

[Þórunn Þórarinsdóttir (IP-tala skráð) 30.10.2007 kl. 21:21]

Þessar myndir eru frábærar enda af gríðarlegu fallegu svæði.  Ég vona heitt og innilega að þetta fái að vera ósnert.

Maður er bara orðlaus yfir því hvernig stjórnvöld vinna að því að eyðileggja falleg ósnortin og ómetanleg svæði. Við Íslendingar erum aðilar að mörgum ráðum og nefndum sem hvetja til vistvænna aðgerða, verndunar  náttúru, sjálfbærrar ferðaþjónustu, minnka mengun osfrv. Við erum m.a.  meðlimir í Norðurskautsráðinu þar sem talað er um mikilvægi þess að vernda hin ósnortnu víðerni norðurskautsins sem þykja ómetanleg.  Hvað  á þá svona virkjana-fíflagangur að þýða?

[Petra Mazetti (IP-tala skráð) 30.10.2007 kl. 21:30]

Frábær viðbót við síðuna! Flottar myndir og kort sem sýnir greinilega hvað er um að vera! Höldum áfram að dreifa boðskapnum! Það er ekki nóg að vera sammála - það verður að vera sýnilegt!

[Gestur (IP-tala skráð) 30.10.2007 kl. 22:00]

Þetta er náttúruperla og það væri hreinlega enn ein óafturkræfu landspjöllin ef leyft verður að virkja á svæðinu. Ég held að það væri ráð að ráðamenn þjóðarinnar fengju sér göngutúr um þetta svæði áður en þeir veita leyfi fyrir eyðileggingu þess. Ég hef grun um að síðrassa stjórnmálamenn hafi ekki hugmynd um havað raunverulega er á þessu svæði, þeir sjá bara kort af engu og hlusta svo bara á virkjunar-offara sem vilja leggja hvað sem er undir svo framarlega sem gullið klingir í vösum þeirra. Ég kaus fólk sem ég treysti til að vernda náttúruna, hvernig væri nú að þeir sem sitja á sínu slöppu rössum á þingi vinni sína heimavinnu almennilega!!!

Frábærar myndir og frábært landssvæði og steinsnar frá borginni fyrir okkur öll að njóta. 

[Ragnar Lövdal (IP-tala skráð) 30.10.2007 kl. 22:31]

Ég hef verðið að fara með erlenda ferðamenn á þetta svæði síðast liðin 5 ár og hef því séð breytingarnar á. Mín skoðun er sú að OR hafi getað vaðið þarna um eins og þeim sýndist vegna þess að öll umræða hefur verið í kringum Kárajúkasvæðið. Pípur hafa verið lagðar í hlykkjum sem í umhverfismati voru beinar og eftir ýtarlega umfjöllun Mbl um svæðið sérst að ekki hefur verið farið eftir þeim gögnum sem lögð voru fyrir yfirvöld.

F jölmiðlar hafa ekki fylgt þessum framkvæmdum eftir og er best samlíkingin þegar Alfreð Þorsteinsson sagði í viðtali að Hellisheiðin yrði fallegri á eftir þegar framkvæmdum væri lokið.

[Kjartan Pétur Sigurðsson, 30.10.2007 kl. 22:34]

Er ekki málið að reyna að fá fjölmiðla til að vakna aftur til lífsins í þessu máli og fara aðeins betur ofan í saumana á þessu öllu saman. Ekki láta þetta fljóta í gegn athugasemdarlaust eins og margt sem þegar er búið að gerast í þessu máli. Það lyktar allt af svo miklu gullgrafaraæði þessa daganna að það fæst engin til að hugsa skýra hugsun lengur. Það liggur víst öllum svo mikið á að senda skurðgröfurnar, vörubílana og það sem til þarf áður en næsti maður nær svo mikið sem að snúa sér við. Ef það má ekki horfa á þessi mál með smá gagnrýnni hugsun á þessum síðustu dögum þá er eitthvað mikið að. Það verður erfitt að snúa við aftur þegar allt er búið og gert!

[Börkur (IP-tala skráð) 30.10.2007 kl. 23:30]

Ég veit ekki alveg hvað skal segja, en ég sé ekkert nema gott eitt við að virkja eins mikið og hægt er á Hengilssvæðinu, það er hvort eð er allt sundurgrafið og borað þarna, og ryðgaðar línur gnæfa við himinn, ef þær þá sjást í gegnum gufumekkina. Og línur til borgarinnar eru styttri þaðan en frá t.d. Torfajökulssvæðinu.

Að halda því fram, að þetta sé "náttúruperla, sem verður að bjarga" finnst mér fullseint nú.

Hvar voruð þið þegar framkvæmdir byrjuðu?, eins og Petra bendir á, þá heyrist ekkert í þessum blessuðu "náttúruverndarsinnum" fyrr en allt er orðið of seint, og hægt er að gera einhvern hasar og hávaða.

Ég held að það væri réttast að reyna að fullnýta þau svæði sem nú þegar er búið að taka undir virkjanir, eins og Hengilinn, og Þjórsá.

Hinsvegar er ekki of seint að berjast fyrir verndun Torfajökulssvæðisis og Trölladyngjusvæðið er í hættu, og svo mætti lengi telja upp svæði, sem orkufyrirtækin líta hýru auga til.

En ef þið teljið að brýnasta vekefni í náttúruvernd sé að vernda nokkra (fallega) drullupolla, sem eru umkringdir þjóðvegum, öskrandi borholum, og orkuverum, eru á svæði sem þegar hefur verið virkjað á, og sem eru ekki aðgengilegir nema fyrir gott göngufólk eða hestafólk, þá það.

En ég held að það sé tapað spil, vegna þess að of seint var af stað farið, en þið fáið athyglina, það sem þið viljið.

Beinið frekar kröftum ykkar að t.d. Reykjanesinu og hugsanlegum eldfjallagarði þar.

Þar er ennþá eitthvað til að bjarga !.

Hins vegar er ég alfarið á móti frekari virkjunum, hvar sem er. Við eigum ekki nóg vinnuafl til að vinna úr orkunni nú þegar, og of mikið er af ódýru innfluttu vinnuafli, sem grefur undan því þjóðfélagskerfi sem við höfum skapað á undangengnum áratugum.

[Diddi (IP-tala skráð) 31.10.2007 kl. 07:13]

Besta leiðin til að koma í veg fyrir svona umhverfisslys er í gegnum kosningar sem eru alltaf öðru hverju.

Veit ekki betur en að þið (ekki ég, ég er hættur) hafi kosið þetta yfir ykkur síðast, þar síðast og þar-þar síðast og fengið nákvæmlega það sem þið eigið skilið - drullusokka sem vaða yfir ykkur á skítugum skónnum.

Það eru kosningar næst eftir 4 ár. Þangað til, hættið þessu kjánavæli.

[Kjartan Pétur Sigurðsson, 31.10.2007 kl. 08:04]

Ubs!

Það eru sterk orð látin fjúka hér á blogginu :)

[Hrannar (IP-tala skráð) 31.10.2007 kl. 09:26]

Fallegar myndir! - Takk fyrir þetta!

[Petra (IP-tala skráð) 31.10.2007 kl. 09:34]

Það er greinilegt að Börkur hefur ekki mikið farið um þetta svæði! Þjóðvegurinn liggur mjög langt frá - hann hvorki sést nér heyrist!! Á umræddu svæði eru á einum stað tvær borholur og malarvegur að þeim sem gerir svæðið mjög aðgengilegt fyrir þá sem geta ekki gengið mikið. Ég hef farið í kringum Ölkelduháls með fólki sem hefur sennilega aldrei gengið nema einn kilometer í lífi sínu og það á malbikuðum vegum! Ef maður færir sig pínulítið frá þessum borholum t.d. Innstadal og í hina Hengladalina eða Reykjadal, Kattatjarnir og Grændal er ekkert einasta mannvirki að sjá og full ástaða til að bjarga þessu svæði því það er sannkölluð náttúruperla! Hér eru stikaðar leiðir og greinilegt göngukort með þessum leiðum á og gerir það fólki kleift að ganga um og njóta svæðisins án leiðsögumanns þó það hefur aldrei komið þangað áður!Mér finnst sjálfsagt að EF það þarf að vikrja á að nota svæðið sem eru eyðilögð fyrir - t.d. að efla Hellisheiðarvirkjun og ég er ekki að efla til mótmæli útaf Hverahlíðarvirkjun eða aðra fyrirhugaðra virkjun við Litla-Meitil sem báðar verða fyrir sunnan þjóðveginn en þær eru á röndum Hengilssvæðisins og ekki eins merkileg hvað varðar náttúrufegurð og útivist. Athyglin beinist fyrst og fremst að svæðinu fyrir norðan veg sem er full ástæða til að bjarga ennþá!Ég fór á einn fyrsta kynningarfund um virkjunaráform á þessu svæði veturinn 2001-2002 þar sem talað var um að Hellisheiðarvirkjun mundi ekki skemma náttúruperlur, það yrði tekið fullt tillit til útivist og ferðaþjónustu á svæðinu, gamlar þjóðleiðir yrðu varðveittar og virkjunin yrði ekki sett á Kolviðarhól (og það var ekki gert - nema 100 metrum til hliðar!). Ég bauð 3 forsvarsmönnum orkuveitunnar í þriggjadagaferðalag í kringum Hengilinn til að sýna þeim helstu náttúruperlur á svæðinu og þeir skemmtu sér mjög vel og mundu hafa þetta í huga við framkvæmdaskipulag. Þrátt fyrir þetta er búið að fara illa með þetta framkvæmdarsvæði og mér finnst full ástaða til að vekja athygli á þessu máli áður en lengra er haldið. Enda liggur frummatsskýrslan fyrir núna og heimilt að gera athugasemdir við hana. Þó svo að reynt verði að fela Bitruvirjkjun þá er það alveg ljóst að engin virkjun á heima á þessum stað!!!! Ekki gefast upp!!!!

[Katti (IP-tala skráð) 31.10.2007 kl. 13:56]

Have no icelandic letters on this computer - so I try English...

Sorry Börkur but I don't think that you get the point here... try go up there one day (obviously you haven't seen the area yourself since you can write something like this) and see for yourself that this particular area is just pure untouched nature, just as beautiful, maybe even more peaceful and much more easy to reach than for example Thórsmörk and Landmannalaugar. And of course the areas you pointed out are also worth protecting, but right now it is the area around Ölkelduháls (for example the colourful and beautiful valleys Innstidalur, Reykjadalur and Graendalur)  that is really endangered.

The athugasemd to Skipulagsstofnun has to be sent before 9 nóvember, so please, all of you that do NOT want to have the Bitruvirkjun: go to http://www.hengill.nu where you can find information about this - and also a letter that you can use to send to sveitafélag Ölfus and Skipulagsstofnun.

Baráttukvedjur,

Katti

[Maria (IP-tala skráð) 31.10.2007 kl. 19:58]

OH!!!!! What great pictures!

[Ása Björk (IP-tala skráð) 31.10.2007 kl. 20:05]

Mér er einstaklega hlýtt til þessa svæðis eftir óteljandi göngutúra þarna um. Fyrst fyrir u.þ.b. 30 árum með skólakrakka sem voru í snjólausu skíðaferðalagi. 

   Seinna gekk ég um Innstadal með vinkonum mínum og þegar við komum að heita læknum ákváðum við að fá okkur "náttúrubað" þar sem við vorum svo víðsfjærri mannabyggðum. Við vorum ekki fyrr orðnar berar en tólf kvenna skátaflokkur kom þrammandi og góndi á okkur. Við létum það ekkert á okkur fá.  Þar næst birtust tveir gamlir karlar með stafi, við reyndum með veikum mætti að fela helstu nekt. Þegar karlarnir höfðu hökt sína leið kom stór jeppi fullur af fólki.  Nú fórum við í tuskurnar.  Hér vorum við greinilega ekki víðsfjærri öllu fólki.  Þá þegar var þetta vinsælt útivistarsvæði og það hefur ekkert minnkað með árunum.  Göngu hópurinn minnhefur þrætt þetta svæði fram og aftur í gegn um árin og ég get ekki hugsað um þetta svæði á þess að fyllast hrygg ef það verður eyðilagt.

[Bergþóra Kristjásdóttir (IP-tala skráð) 31.10.2007 kl. 22:15]

Já manni sárnar alltaf þegar maður sér þá virðingu sem stjórnvöld (í þessu tilviki sveitastjórnin í Hveragerði) bera fyrir landinu.

[Lára Hanna Einarsdóttir, 1.11.2007 kl. 11:46]

Rányrkja á Hellisheiði
Skrifað af Framtíðarlandinu 30. okt. 07

Í tilefni af frummatsskýrslu um virkjanir OR á Hellsheiði vill Framtíðarlandið vekja máls á eftirfarandi:

Það er sláandi að í frummatsskýrslunni kemur fram að orkuvinnslan sé „ágeng“, eins og það er kallað. Á mannamáli heitir það að vinnslan stendur ekki undir sér til lengri tíma, heldur mun hitastig og vatnsborð fara stöðugt lækkandi. Í Bitruvirkjun er enda gert ráð fyrir að bora fyrst 27 vinnsluholur en síðan nýja holu á um það bil 3 ára fresti til að mæta minnkandi framleiðslugetu. Sambærileg vinnsla er einnig fyrirhuguð í Hverahlíðarvirkjun. Ef auðlindin sem um ræðir væri fiskur í sjónum væri þetta kallað rányrkja.

Þó er í skýrslunum staðhæft að um sjálfbæra vinnslu sé að ræða. Því er haldið fram að kynslóðir framtíðarinnar muni hafa aðgang að þróaðri tækni sem geri þeim kleift að sækja sjálfar orku í iður jarðar á þessum svæðum, þó svo að þessi tiltekna nýting éti sjálfa sig upp á einhverjum áratugum.

Á öðrum vettvangi hefur komið fram að þessi nýtingaraðferð – að nýta jarðvarma eingöngu til raforkuvinnslu – þýðir að um 88% orkunnar sem kemur upp er hent í formi varma út í umhverfið. Fari svo fram sem heldur verður Íslendingum æ erfiðara að rökstyðja að orkuvinnsla þeirra sé „sjálfbær“, en gagnrýnisraddir heyrast nú æ oftar um að þetta hugtak sé gróflega misnotað hér á landi, einkum í kynningarskini gagnvart hugsanlegum erlendum orkukaupendum.

Það má draga í efa að það sé almennt viðurkennd staðreynd í huga almennings að fyrirhugað sé að nýta jarðhitasvæði landsins þannig að mokað sé upp úr þeim eins og námu í 3-5 áratugi, 88% auðlindarinnar verði hent vegna aðstæðna, og að afgangnum sé ráðstafað í orkusölu til fáeinna álvera.

Góð ímynd Íslands er auðlind, en sé hún notuð án innistæðu verður hún fljótt uppurin, rétt eins og borholurnar á Hellisheiði.

Frummatsskýrslunar eru til skoðunar hér:
http://www.skipulag.is/focal/webguard.nsf/key2/frummatsskyrsla.html

Af vef Framtíðarlandsins: http://framtidarlandid.is/ranyrkja

[Petra Mazetti (IP-tala skráð) 1.11.2007 kl. 12:07]

Einhversstaðar hafa heyrst raddir um að fólk hefur ekki áhuga á þessu svæði fyrst það mætti ekki á kynningarfund hjá orkuveitunni. Bergur Sigurðsson hjá Landvernd hefur hugsanlegar skýringar á þessu máli og fleirum í áhugaverðu spjalli hér:
http://dagskra.ruv.is/streaming/ras2/?file=4320717/0

Bendi líka á heimsíðu Landverndar þar sem áhugaverður fróðleikur um þessi mál koma fram: www.landvernd.is

Einnig hafa heyrst raddir um að þessi barátta er of sein. En það er alls ekki of seint að grípa í taumana. Gera má athugasemd við virkjunaráætlanir  til skipulagsstofnunar til 9. nóv. sjá www.hengill.nu  Ennfremur á sveitarfélagið  Ölfus eftir að auglýsa breytingu á aðalskipulagi úr útivistarsvæði í iðnaðarsvæði og þegar sú auglýsig er komin hafa íbúar 6 vikur til að koma með athugasemdir við það. Mér finnst ekki faglegt af hálfu sveitarfélagsins að gefa út yfirlýsingar um að ætla að virkja í sveitarfélaginu áður en málið er komið i gegnum þetta ferli. 

Mér finnst einnig tvennt ólikt "að virkja" (t.d. þar sem ekki eftirsótt svæði verður lagt undir) og "að virkja í miðri náttúruperlu". Við erum einungis að leggjast á móti einu af FIMM virkjunum á Hellisheiði og viljum að svæðið fyrir norðan þjóveginn verði friðað til frambúðar.

Ég tek undir með þeim sem vilja að málið verði skoðað í stærra samhengi: verður álver í Helguvík? Þurfum við þessa orku? Verður hægt að flytja hana yfir útivistarsvæði allra þessara sveitarfélaga? Hvaða áhrif hefur loftmengunin á heilsu íbúa í framtíðinni?

[Petra Mazetti (IP-tala skráð) 1.11.2007 kl. 15:28]

Ég fékk góða ábendingu ígær um að það þurfi í breyta viðhorf töluvert margra íbúa landsins ídag því margir virðast hafa misst tengsl við náttúru og menningu landsins. Þess vegna langar mig að benda á grein eftir Gunnar Kristjánsson sem er að finna á http://www.hengill.nu undir "greinar". Gunnar segir: " Viljum við óbyggðir eða ekki? Um þetta verður að nást þjóðarsátt því landið er sameign þjóðarinnar". Greinin er alveg glimrandi vel skrifuð og mæli ég með því að allir lesi hana.

[karvel strømme (IP-tala skráð) 1.11.2007 kl. 19:34]

Dette må for enhver pris unngås !

Jeg støtter aksjonen av hele mitt hjerte

Karvel Strømme

norsk/islandsk leidsøgumadur 

[Villi Asgeirsson, 3.11.2007 kl. 12:43]

Lára spurði: Hvenær ætla íslenskir ráðamenn að fara að hlusta á einn mesta vaxtasprotann í íslensku atvinnulífi?

Svarið er einfalt. Þegar sett verður á stofn fyrirtækið Landsferð og ríkjandi flokkar hafa þar sína menn við völd. Það myndi svo ekki skemma fyrir ef risa ferðaskrifstofur erlendis sendu nokkra lobbíista til landsins með einhvern slatta af gjaldeyri. 

Ekki fara ráðamennirnir að hlusta á rök vegna ástar sinnar á landinu. 

[Soffía Sigurðardóttir, 12.11.2007 kl. 11:47]

Frábærar myndir og gott að hafa kortið líka til að fólk átti sig á hvar þessti Bitruvirjkun er fyrirhuguð. Set hlekk á þessa síðu af minni.

[Kjartan Pétur Sigurðsson, 14.11.2007 kl. 23:41]

Takk Soffía og fleiri.

Í upphafi voru þetta bara saklausar myndi sem að ég setti hér inn á bloggið hjá mér úr göngu- og flugferðum um Bitru- og Reykjadalssvæðið. Síst átti ég nú von á svona sterkum viðbrögðum vegna þeirra. En myndirnar tala sínu máli og svo er það annarra að meta hvað þeim finnst um.

En annars vil ég þakka fyrir allar þær góðu athugasemdir sem komið hafa fram út af þessu stóra máli og greinilegt er að það er fullt af fólki sem er ekki alveg fisja sama um hvað við gerum við landið okkar.

[Ólafur Þórðarson, 21.11.2007 kl. 00:42]

Glæsimyndir. Hélt ég hefði nú séð margt fallegt á landinu góða en þetta kemur mér á óvart!