Opna þarf fyrir hringleið um Hengilinn og þá má byrja með stuttum vegspotta frá Nesjavallarvegi

Opna þarf fyrir hringleið um Hengilinn og þá má byrja með stuttum vegspotta frá Nesjavallarvegi yfir að nýju Hellisheiðarvirkjuninni.

Nesjavallarvegur, horft til norðurs (klikkið á mynd til að sjá fleiri myndir)

Þegar er búið að leggja 4 km veg út að svo kölluðum Bolavöllum og þarf því aðeins að bæta við 5.3 km vegi samkvæmt leið A eða 7.2 km vegi samkvæmt leið B (frá Bolavöllum inn á Nesjavallaleiðina)

Mynd þar sem horft er til norðurs eftir veginum sem liggur út á Bolavelli

Núverandi vegur út á Bolavelli (klikkið á mynd til að sjá fleiri myndir)

Hér endar vegurinn sem liggur út á Bolavelli. Nú þarf bara að halda áfram með þessa leið inn á Nesjavallaleiðina til að klára hringleiðina um Hengilssvæðið

Hér endar vegurinn út á Bolavelli (klikkið á mynd til að sjá fleiri myndir)

Hér má sjá þrjár nýjar leiðir um Hengilssvæðið

Kort af Hengilssvæðinu (klikkið á mynd til að sjá fleiri myndir)

Og fyrst að maður er farin að skoða Hengilssvæðið, þá er fullt af skemmtilegum göngu- og jeppaleiðum á svæðinu. Það nýjasta sem að ég er búinn að upplifa af svæðinu er að aka upp á toppinn rétt fyrir ofan Hamragil. Þegar þangað er upp komið, þá blasir við eitt það fallegasta útsýni norðan Alpafjalla. En það má sjá Heklu, Vestmannaeyjar, Surtsey, Hellisheiðina, Vífilfell, Reykjavík, Esjuna ... og verð ég að segja að samgönguyfirvöld ættu að reyna að leggja áherslu á leið um þetta svæði fyrir ferðamenn. Samkvæmt hugmynd eða leið C, þá gæti verið gaman að hafa möguleika á að aka eftir fjallstoppnum og svo niður og klára hringleiðina. Með þessu móti er auðvelt að skoða 2 gufuaflsvirkjanir í sömu ferðinni. Ekki væri nú verra að bæta við vegaspotta D en frá honum er lítt greinilegur slóði inn á Hellisheiðina.

Á svæðinu er mikið af heitum laugum sem ferðahópar hafa verið að nýta sér.

Hér er horft inn Miðdal, Hengladali, Innstadal og rennur Hengladalaá niður dalinn. Yfir hana liggur svo slóði sem kallaður er 1000 vatna leiðin

Miðdalur, Hengladalir, Innstadalur, Hengladalaá (klikkið á mynd til að sjá fleiri myndir)

Ef myndin er skoðuð betur, þá má sjá í fjarska hvar sprunga hefur klofið sjálfan Hengilinn. Svipað fyrirbæri má sjá í fjallinu Þorbirni í Grindavík.

Kjartan
WWW.PHOTO.IS

Athugasemdir

[Þorsteinn Sverrisson, 13.8.2007 kl. 21:13]

Sæll Kjartan. Já Hengilssvæðið er náttúruperla. Ég fór í gönguferð með vinnufélögum mínum þangað í vor. 

Var að skoða myndasafnið þitt.  Mikið og flott safn.  Hefur þú flogið yfir Úthlíð með myndavélina? 
(Við eigum sumarbústað í Úthlíð og konan mín er ættuð þaðan, við rekum Ferðaþjónustuna þar ásamt fjölskyldunni)

[Kjartan Pétur Sigurðsson, 14.8.2007 kl. 06:57]

Sæll Þorsteinn, ég er með eitthvað af myndum af svæðinu en þær eru bara ekki allar komnar inn á vefinn hjá mér. Það sem að ég fann sem komst næst þínum bæ er þetta hér:

http://www.photo.is/austur1/index_2.html

og

http://www.photo.is/austur6/index_7.html

[Þorsteinn Sverrisson, 14.8.2007 kl. 18:49]

Takk fyrir þetta Kjartan, þú mátt láta mig vita ef það kemur eitthvað inn af Úthlíðarmyndum.  [e-mail]