VEIÐISTAÐIR - RANGÁ - MYNDIR

Ég var á flugi um Suðurlandið við Hellu og m.a. við Rangárnar fyrir stuttu. Í leiðinni tók ég þessar myndir hér:

Hér má sjá tvo veiðimenn að veiða á stað sem er rétt fyrir neðan Hellu á móts við svæðið þar sem hestamannamótið var um daginn

Enn sem komið er er ekki neinn lax búin að bíta á. Pictures from Rangá salmon river close to town Hella. (smellið á mynd til að sjá fleiri myndir)

Spurning hvort að það sé einhver lax nálægur á þessari mynd. En færið er greinilega alveg nógu langt úti

Eitt af vandamálunum með Rangárnar er að þær geta verið kaldar og svo bætir ekki úr skák að botninn er víðast hvar bara sandur. Sandurinn fer ekki vel í tálknin á fisknum eða laxinum sem svamlar um árnar. Lítið æti er líka að finna á svona sandbotni enda lítið um gróður þar sem sandur er. Greinilegt er að eyðimörk getur líka verið ofan í vatni :) Pictures from Rangá salmon river close to town Hella. (smellið á mynd til að sjá fleiri myndir)

árið 2007 gaf Eystri Rangá 7525 laxa og Ytri Rangá & Hólsá 6377 laxa eða samtals 13903 laxa!. Hér eru tveir veiðimenn búnir að koma sér vel fyrir á breiðunni

Á bakkanum má sjá 3 til viðbótar sem bíða spenntir eftir að fá að veiða lax í ánni. Líklega má sjá glitta í nokkra laxa á árbakkanum. The salmon season for 2007 produced some of 50.000 salmon (3 best season from 1974) but  less than record year from 2005 produced over 55.000 salmon. Rangá rivers gave "only" in total 13903 salmons in 2007! (smellið á mynd til að sjá fleiri myndir)

Á öðrum stað og mun neðar í ánni rétt áður en komið er í Þykkvabæinn, þá mátti sjá þessa félaga að veiðum

Minnismerki virðist hafa verið reyst á bakkanum. Veit einhver fyrir hverju það stendur? Pictures from Rangá salmon river close to town Þykkvibaer. (smellið á mynd til að sjá fleiri myndir)

Rangárós er stór og mikill enda Rangáin stórt og mikið fljót.

Í framtíðinni gæti hugsanlega brúarstæði komið til með að liggja hér um. En hugmyndir hafa verið uppi um að leggja nýjan suðurstrandarveg og þá meðfram ströndinni. Pictures from Rangá salmon river close to town Thykkvibaer. (smellið á mynd til að sjá fleiri myndir)

Sumir vilja meina að það eigi að friða selinn, enda sé hann með falleg augu eins og ... Talað er um að selurinn hafi fjölgað sér mikið og getur verndun á einni dýrategund umfram aðra haft stundum slæm áhrif á jafnvægið í lífríkinu.

Við marga ósa og jafnvel eitthvað upp eftir ám, má sjá mikið af sel sem býður eftir að laxfiskurinn syndi upp árnar. Hvað ætli lendi margir laxfiskar í kjafti selsins með þessum hætti? How many salmons fish end in the seals mouth? Pictures from Glacier lagoon in Iceland, a salmon eaten by seals. Picture of Arctic Seals eating. (smellið á mynd til að sjá fleiri myndir)

Á Rangárbökkum má finna veiðihús sem geta verið í dýrari kantinum og hér má sjá tvo veiðimenn á veiðum fyrir framan Hótel Rangá með eldfjallið Heklu í baksýn

Ætli það veiðist vel þar sem Hótel Rangá er? :) En hótelið er verið að stækka þessa dagana eins og sjá má á myndunum. Hotel Ranga can sometimes be the fisherman’s lodge. (smellið á mynd til að sjá fleiri myndir)

Hér er horft upp eftir Rangánni þar sem hún hlykkjast í átt að upptökum sínum. Vegslóðar eru greinilegir sem lagðir hafa verið fyrir veiðimenn sem þurfa að komast ferðar sinnar um árnar.

Í baksýn má sjá inn að syðra Fjallabaki, Þríhnjúka og svo örlar líklega í Eyjafjallajökul lengst til hægri á myndinni. Picture of Ranga salmon river with glacier Eyjafjallajökull, Thritindar in background. (smellið á mynd til að sjá fleiri myndir)

Hér er svo mynd af veiðihúsum veiðifélagsins Lax-Á sem er sá aðili sem hefur með reksturinn á Rangánum að gera

Mörg veiðihúsin eru oft mörg hver af miklum gæðum og eru ekki síðri en fínustu hótel hvað varðar mat og drykk. Ranga fisherman’s lodge. (smellið á mynd til að sjá fleiri myndir)

Hér er önnur mynd með eldfjallið Heklu í baksýn á góðum degi

Hvernig ætli standi á því að árnar sumar hverjar geti ekki runnið beina leið til sjávar í stað þess að fara alla þessa hlykki? Long winding river Ranga. (smellið á mynd til að sjá fleiri myndir)

Hér er svo horft niður með Eystri Rangá á leið til sjávar. Þar má m.a. sjá Hótel Rangá

Hinn hluti Rangár rennur svo í gegnum Hellu og eins og sjá má, þá sameinast þessar tvær ár rétt fyrir ofan ósinn við ströndina. Picture of long winding river Ranga on way to the coastline. (smellið á mynd til að sjá fleiri myndir)



Kjartan
WWW.PHOTO.IS

Mokað úr Rangánum

Athugasemdir

[JEG, 1.8.2008 kl. 09:34]

Alltaf sami slappleikinn í myndunum hjá þér ......not.  Frábærar myndir að venju.

Kveðja úr þokunni og kuldanum í sveitinni sem gleymdist þegar úthlutað var góðaveðrinu.

[Lára Hanna Einarsdóttir, 1.8.2008 kl. 09:52]

Mér sýnist JEG búa á Ströndum... 

Myndirnar eru snilld - að venju!

[Kjartan Pétur Sigurðsson, 1.8.2008 kl. 10:21]

Ég sem hélt að hún ætti heima innarlega í Hrútafirði eða í botni Hrútafjarðar rétt hjá Brú, en það er hugsanlega hægt að kalla það norður Standir með austlægu ívafi ... :)

[Lára Hanna Einarsdóttir, 1.8.2008 kl. 10:24]

Ja...  kannski hefur þokan náð alla leið suður í botn Hrútafjarðar.

[Kjartan Pétur Sigurðsson, 1.8.2008 kl. 10:34]

Hún gerði það heldur betur síðast þegar ég var á ferð þarna um, en þá flugum við einmitt um strandirnar.

Magnið af myndum var það mikið að ég skipti ferðinni niður í 3 hluta

Reykjavík - Norðurárdalur - Brú - Hrútafjörður http://www.photo.is/08/07/3/index.html

GPS track http://www.wikiloc.com/wikiloc/view.do?id=160009

Brú - Hólmavík - Gjögur - Norðurfjörður - Drangajökull - Steingrímsfjörður - Hvammstangi http://www.photo.is/08/07/4/index.html

GPS track http://www.wikiloc.com/wikiloc/view.do?id=160011

Laugarbakki - Húsafell - Glymur - Reykjavík http://www.photo.is/08/07/5/index.html

GPS track http://www.wikiloc.com/wikiloc/view.do?id=160012

En á síðustu 2 linkunum má sjá fullt af þoku sem að við vorum að fljúga í :|

[JEG, 2.8.2008 kl. 10:16]

Já ég er á Ströndunum.  Fyrsti bær eða síðasti hvort sem þú vilt. 

Og hér hefur ekkrt sést af þessu geggjða veðri sem verið hefur síðustu daga   bara ósanngjarnt.  Því það var sannarlega spáð góðu allstaðar nema ÚT til strandanna en ég held að Siggi stormur hafi eitthvað lesið vitlaust í kortin. 

Kveðja úr þokunni.

[Addý (IP-tala skráð) 6.8.2008 kl. 12:29]

Ekki verður það af þér skafið að þú ert listamyndasmiður mikill.

"Hvernig ætli standi á því að ..." - Bugður eru einkenni á "gömlum" ám. Sjá hér mjög áhugaverða glærusýningu:

http://www.msund.is/Kennarar/JonGauti/Leidsogn/11-fyrirlestur-nem.ppt#398,39,Þroskað landslag