Allt það besta kemur frá Ameríku :)

Íslendingar er greinilega á góðri leið með að Ameríkusera allt sem hægt er hér á fróni.

Nú þegar getum við státað okkur af fínni ruslfæðumenningu, sjónvarpsglápi og bruðli eins og gerist best í henni Ameríku.

Þá er ekki nema eitt eftir og það er að Ameríkuvæða dómskerfið líka sem margir vilja meina að við séum nú þegar á góðri leið með.

Réttarhöldin yfir O.J. Simpson er líklega eitt frægasta dómsmál sögunar sem sýnir hversu lágt dóms- og réttarkerfi í einu landi getur lagst.

Við skulum vona að þeir sem sækja fyrirlesturinn á einn helgasta stað Íslendinga, í sjálfu Skálholti, muni ná að sækja eins og eina messu til að fá smá mótvægi við þann vísdóm sem stjörnulögfræðingurinn muni predika.

Það verður þá ekki fyrsta skiptið sem Íslendingar beygja sig og bugta gagnrýnislaust fyrir því sem útlent er!

Má til með að koma með þennan aftur :)

Hvenær ljúga lögmenn?

.... þegar þeir opna munninn!

Verjandi O.J. Simpson með námskeið á Íslandi

Athugasemdir

[Lára Hanna Einarsdóttir, 3.2.2008 kl. 12:08]

Mjög athyglisverðar viðbótarupplýsingar um kauða má lesa hér.

[Sigurbjörg Sigurðardóttir, 3.2.2008 kl. 13:34]

Mjög rétt hjá þér,góð hugsun. fjégstu mindirnar frá Róm??? sorry er skelfileg að nota tölfu en þú ert frábær ljósmindari

[Kjartan Pétur Sigurðsson, 3.2.2008 kl. 14:32]

Ég er búinn að skoða þessa flottu kvöldmyndaseríu frá Róm sem þú sendir mér - Þó virðist ljósmyndarinn hafa farið aðeins yfir strikið þegar hann bætir tunglinu inn á allar myndirnar, sem er heldur stórt á sumum myndanna :)

Það er ekki spurning að Ítalía er ofarlega á listanum hjá mér yfir staði sem að mig langar til að skoða. Var á Grikklandi fyrir nokkrum vikum og byggingarlistin minnir mikið á það sem að ég sá þar - enda hertóku Rómverjar Grikkland ef ég man rétt.

Ég sé á textanum hjá þér að Íslenskan er eitthvað að vefjast fyrir þér. En þú hefur víst góða afsökun þar sem þú hefur ekki búið hér á klakanum lengi. Bloggið er frábær miðill til að þjálfa sig upp í tungumálinu.

Ég mæli hiklaust með vefnum

ttp://vefur.puki.is/vefpuki/

til að láta fara yfir texta fyrir sig og svo er

http://www.hexia.net/styles/mockup/raggatexti.html

er sniðugur til að láta lesa textann fyrir sig á okkar ilhýra og erfiða tungumáli. Þar er framburður Ragneiðar ótrúlega góður þrátt fyrr að það sé tölva sem sé að búa til hljóðið.

En varðandi O.J. Simpson málið, þá er það oft sem dómstóll götunar hittir naglann á höfuðið varðandi ýmis málefni. Í þeim dómstól situr ólöglært venjulegt fólk eins og þú og ég.

Í sumum málum eru staðreyndir málsins oft svo augljósar eins og í þessum fáránlegum skrípaleik sem minnir meira á nýju föt keisarans en einhvern raunveruleika.

Það merkilega er að þarna koma sprenglærðir lögmenn til sögunar sem virðast geta þvælt með málið fram og til baka eins og köttur um heitan graut og komið með niðurstöðu sem er algjörlega á skjön við heilbrigða skynsemi.

Það er í svona tilfellum sem lýðræðinu stendur mesta ógnun af.

En er það ekki þessi gerviveröld sem að við erum öll að leita eftir og reyna að lifa í?

Pólitíkin síðustu vikur er gott dæmi um það.

[Hilmar (IP-tala skráð) 3.2.2008 kl. 15:30]

Það var tvennt í greininni hjá þér hér að ofan, sem fékk mig til að skrifa þessa athugasemd og hvorugt snertir Alan eða OJ beint. Annars vegar talar þú um yfirgengilegt bruðl í henni Ameríku og hins vegar hvernig við Íslendingar beygjum okkur og buktum fyrir öllu sem útlent er. Ég get tekið undir margt af því sem þú segir með þessum fyrirvörum þó.

Eftir því sem ég skoða og kynnist Amerísku þjóðfélagi betur og ber það saman við hið íslenska á gagnrýninn hátt þá veit ég vart á hvorn hallar. Það er margt slæmt í USA og ekki til eftirbreytni, en það er einnig margt mjög gott sem við Íslendingar mættum gjarnan taka til fyrirmyndar að mínu áliti.

Ef við tökum fyrst bruðlið, þá blöskrar mér flottræfilsháttur okkar Íslendinga æ meir. Við þurfum að "eiga" flottustu húsin, bílana osfrv. og auðvitað mest allt á íslenskum banka"vildar"kjörum. Þetta ölum við upp í krökkunum til að geta síðan lesið um fjárhagsvandræði ungs fólks sem skuldar tugi milljóna króna og ekki aðeins í húsnæðislánum, heldir einnig í bíla- og öðrum neyslulánum. Það eru takmörk fyrir því hversu mörg ungmenni geta fengið starf hjá íslensku bönkunum á mannsæmandi launum eða þannig.

Ekki er þetta betra hjá mörgum sem eldri eru og ekki voru það foreldrar þeirra sem ólu þetta upp í þeim nema í undantekningatilfellum. Ef við horfum til opinberrar stjórnsýslu þá sjáum við þetta yfirgengilega bruðl hvarvetna t.d. má vart vera til það fjall að ekki þurfi að bora göng í gegnum það til að þjóna örfáum einstaklingum og hver á að borga göngin? Mér finnst að gjarnan megi taka spurninguna; Myndir þú gera þetta heima hjá þér þ.e.a.s. ef þú þyrftir sjálfur að borga þetta? inn í umræðuna áður en menn taka margmilljarða ákvarðanir sem aðrir eiga að borga.

Fyrir nokkrum árum þurfti að byggja nýjan grunnskóla í bæjarfélaginu sem ég bý í. Bæjarbúum var sagt að hann yrði eins og annar skóli í nágrannasveitarfélagi. Af þessum sökum kom það mér verulega á óvart að eytt skyldi 60-70 milljónum króna, að mig minnir, í hönnun nýja skólans. Jú nokkrir neysluglaðir Íslendingar voru búnir að sitja á löngum fundum með verkfræðingum, arkitektum omfl. fræðingum til að ákveða hvort þessi eða hin kennslustofan í nýja skólanum ætti að vera 2 fm. stærri eða minni, en í hinum skólanum sem er "eins" og okkar skóli. Það hefði verið hægt að gera margt nytsamlegra við aurinn í þessu tilfelli, án þess að það kæmi niður á kennsluháttum eða vellíðan barnanna í nýja flotta skólanum okkar. Veit einhver hvað PS124 þýðir í bandaríska neysluþjóðfélaginu?

Við Íslendingar getum tekið margt jákvætt og skynsamlegt til fyrirmyndar frá USA ofl. ríkjum, þó við séum auðvitað langflottust. Á sama hátt geta þenkjandi og gagnrýnir Amerkanar tekið ýmislegt héðan og þaðan sér til fyrirmyndar.

 Lifið heil og ég tek undir með síðasta ræðumanni að ljósmyndirnar á vefnum þínum eru margar frábærar. 

[Ásdís Sigurðardóttir, 3.2.2008 kl. 16:05]

Innlitskvitt.

[Sigrún Sól (IP-tala skráð) 4.2.2008 kl. 14:44]

Var að skoða síðuna þína flottar myndi sem þú tekur sá flotta loftmynd af sveitabænum mínum bóndinn man eftir þegar þú varst á ferðinni skemmtilegt að sjá þetta úr lofti