Brimketill - Reykjanesvirkjun - Swiming in Iceland

 

Var að lesa á blogginu hjá Agli Helgasyni pælingar um að setja upp sundlaug í miðbæ Reykjavíkur og fór þá að velta fyrir mér ýmsum hugmyndum í framhaldinu.

Í góðu veðri má finna ákjósanlega baðstaði úti á Reykjanesi, einn er "of kaldur" og hinn er "of heitur"!

Skammt frá Grindavík við Kvennagöngubása nálægt Staðarbergi má finna brimketil nokkurn. Brimketillinn er skemmtileg skálaformuð grjótarmyndun í sjávarborðinu og er einn af vinsælustu náttúruperlum á Reykjanesi. Ketillinn hefur myndast í hrauninu við ströndina. Dýpið er mest um 2 metrar og botninn bæði sléttur og þægilegur. Sagan segir að kvennfólk hafi baðað sig þarna fyrr á öldum.

Ekki langt frá þessum stað, rennur ótakmarkað af heitu vatni sem er svipað að stærðagráðu og Elliðará - ónýtt beint í sjóinn! Þar er líka hægt að baða sig - en þó aðeins á vissum stöðum!
 
En heita vatnið frá Reykjanesvirkjun rennur ónýtt beint í sjóinn. Lítið mál ætti að vera að útbúa flotta sundlaug fyrir ferðamenn við sjávarsíðuna með því að veita hitu vatni í þennan brimketil.

Ég útbjó smá video í morgunsárið sem sýnir vel aðstæður á þessum stöðum sem skoða má á Youtube hér (hægt að skoða í HD gæðum):

http://www.youtube.com/watch?v=6n4wUvfRZQ4

Það mætti hugsa sér að útbúa svona laugar við sjáfvarsíðuna í kringum Reykjavík og nágrenni þar sem hlaupafólk og fl. gætu fengið sér bað á góðum degi, en auðvelt er að láta umfram vatn renna í slíkar laugar svipað og gert er í Nauthólsvíkinni.

Nóg ætti svo að vera til af heitu vatni þegar leiðslan frá Hellisheiðarvrkjun verður komin í gagnið.

 

Kjartan P. Sigurðsson
WWWW.PHOTO.IS

Athugasemdir

[Óskar Þorkelsson, 11.8.2009 kl. 13:17]

góð hugmynd eins og svo margar úr þínum ranni.. þessi með lestakerfið þó langbest ;)

Já því ekki það að hafa potta hingað og þangað meðfram ægisbrautinni ! nóg eigum við af umframvatni sem rennur beint í sjóinn.

[Kjartan Pétur Sigurðsson, 11.8.2009 kl. 20:57]

Takk Óskar fyrir ávalt góð komment frá þér. Lestakerfið er að sjálfsögðu stór draumur sem verður vonandi að veruleika. Stjórnvöld eru líklega að átta sig á því hversu góð mjólkurkýr ferðamannabransinn í raun er. Annað sem mætti gera í sambandi við þessar laugar, er að bora fyrir heitu vatni á sem flestum stöðum og reyna að útbúa laugar fyrir ferðamenn sem víðast. Núna nýlega kom heitt vatn í Skaftafell og mun það gjörbreyta allri aðstöðu á svæðinu.

[Helga Kristjánsdóttir, 11.8.2009 kl. 23:24]

Fór að hugsa um vatn,hvað það spilar milkla rullu í heiminum,svo mikla að olía "bliknar"(ef rétt er að orða það svo)í samanburðinum. Vísindamenn leita að vatni á öllum tunglum og hnöttum sem þeir rannsaka,enda ekki ráð nema í tíma sé tekið,að leita nýrra búsetuskilyrða. Sagt er að tunglið fjarlægist um 3cm á ári,en eins og við vitum hefur það áhrif á sjávarföll. Eftir Xbillj.ár er það hætt að hafa áhrif á möndulhallann. Þá verður miðbaugur ísilagður a.m.k. hluta úr ári. Þetta er endursagt eftir minni,er svo skemmtilegt að heyra strákana á útv.Sögu,fræða okkur um gang himintungla. En vatn,kalt heitt eða frosið,er að verða mönnum viðráðanlegt að beysla og stýra okkur til hagsbóta.   (Læt vera að nefna þær hamfarir og neyð,sem það getur orsakað,en það er önnur saga.) Takk fyrir eitt enn skemmtilega myndskeiðið.             P.S.Okkur kom saman um að fysið kæmi okkur ekki uppfyrir girðingastaur,værum við farþegar hjá þér,þú veist hverjar,kveðja.

[Kjartan Pétur Sigurðsson, 12.8.2009 kl. 01:31]

Hæ Helga,

Við erum víst að stórum hluta úr vatni.

Þið þurfið ekki að hafa áhyggjur af þyngdinni. Ég hef flogið með farþega um 130 kg og það á gamla mótordrekanum. Þessi er með enn öflugri mótor og ætti að leika sér að því að fljúga með svona "fis"-lettar dömur eins og þig og .... :)

[Helga Kristjánsdóttir, 12.8.2009 kl. 03:10]

 Fis, auðvitað,heilinn laug að mér þótt ég hafi oft skrifað þetta rétt. Damen,er gal i hoveded.  Reyndi að hringja í gamla,auðvitað að heiman á afmælisdaginn.Ætla bara að fljúga með þér á blogginu kallinn minn, góða nótt.