KJÓSUM RÉTT - STRIKUM ÚT

KJÓSUM RÉTT - STRIKUM ÚT

Ljósið í myrkrinu - Við getum enn haft áhrif - Ef við viljum!

Kjósendur hafa enn möguleika á að raða á lista flokkanna, ekki er öll von úti enn:


Hvernig á að kjósa í komandi kosningum?

Var að stofna áhugamannahóp á Facebook um málefnið:

http://www.facebook.com/group.php?gid=59606301394&ref=nf

Hvernig á að skipta út "gömlum" stjórnmálamönnum sem eru beinlínis valdir að hruni þjóðarinnar?

Aðferðin er ofur einföld. Það þarf að myndast þverpólitískur vilji og ALLIR sem kjósa þurfa að taka þátt!

Það er fullt af fólki sem vil gjarna veita sínum flokki stuðning áfram, það er til fullt af góðu hugsjónarfólki í öllum flokkum sem situr yfirleitt neðarlega á þessum listum.

Því legg ég til að þjóðin taki sig saman og striki út "AÐEINS" þá sem eru í þeim flokki sem viðkomandi "ÆTLAR" að kjósa EKKI má strika út fólk í öðrum flokkum, ef það er gert, þá verður kjörseðilinn ógildur.

Þetta er eina raunhæfa leiðin til að koma nýju "ÓSKEMMDU" fólki inn á þing.

Þetta þýðir að sama hvaða flokk þú kýst, að ef þú hefur einhvern grun um að viðkomandi einstaklingur hafi vísvitandi orðið valdur af hruni þjóðarinnar með sofandhætti, aðgerðarleysi eða vegna brenglaðs hugafars, að þá einfaldlega strika viðkomandi út.

Þannig er með einföldum hætti hægt að tryggja að þetta fólk axli ábyrgð.

Þjóðin hefur VAL

Strikaðu yfir Afglapa Hrunsson í þínum eigin flokki, ekki hjá öðrum flokkum til að gera kjörseðilinn EKKI ógildan!

MARKMIÐ: Að fá betra fólk inn á Alþingi Íslendinga

TILGANGUR: Að draga úr áhrifum ráðandi afla í flokkum landsins. Koma nýju fólki að og láta þá sem eru valdir að hruni þjóðarinnar axla ábyrgð.

AÐFERÐ: Strika út á kjörseðli þá einstaklinga AÐEINS í þeim flokk sem þú ert að kjósa og urðu valdir að hruni þjóðabúsins.

GREINARGERÐ: Mjög stuttur tími er til stefnu og erfitt að koma nýju fólki að. Þegar eru margir þingmenn sem áttu beinan þátt í hruni þjóðabúsins sem þegar eru búnir að tryggja sér örugg þingsæti.

Við getum enn haft áhrif.

Siðleysi úr stjórnmálum.

Hér má svo lesa smá samantekt með ýmsum góðum hugmyndum um stjórnmál.

http://photo.blog.is/blog/photo/entry/689386/

Í 100. grein laga um kosningar til Alþingis, nr. 24/2000, segir:

Atkvæði skal meta ógilt:

a. ef kjörseðill er auður

b. ef ekki verður séð við hvern lista er merkt eða ef ekki verður séð með vissu hvort það sem stendur á utankjörfundarseðli getur átt við nokkurn af listum sem í kjöri eru

c. ef merkt er við fleiri listabókstafi en einn eða tölumerkt nöfn á fleiri listum en einum eða skrifaðir fleiri en einn listabókstafur á utankjörfundarseðil

d. ef áletrun er á kjörseðli fram yfir það sem fyrir er mælt eða annarleg merki sem ætla má að sett séu af ásettu ráði til að gera seðilinn auðkennilegan

e. ef í umslagi með utankjörfundarseðli er annað eða meira en einn kjörseðill

f. ef kjörseðill er annar en kjörstjórn eða kjörstjóri hefur löglega afhent

Kjartan WWW.PHOTO.IS

Fleiri munu skila auðu og strika yfir

Athugasemdir

[Teitur Atlason (IP-tala skráð) 21.4.2009 kl. 12:17]

Hvað má strika marga út af kjörseðlinum? 

[Kjartan Pétur Sigurðsson, 21.4.2009 kl. 12:53]

Það er góð spurning. Til að byrja með má aðeins strika út í þeim flokki sem verið er að kjósa og hef ég hvergi séð neina takmörkun á fjölda.

Ég sé því ekkert til fyrirstöðu að strika út alla sem eru listaðir á kjörseðlinum undir viðkomandi flokki. Það verður einhver annar að svara því sem þekkir betur þessi lög.

Annað ber að hafa í huga að stjórnmálaflokkar hafa því miður útbúið reglurnar þannig að það þarf gríðarlega margar útstrikanir til að þær hafi einhver áhrif. Þetta er meira táknræn mótmæli sem segðu viðkomandi þingmanni að hypja sig, þó svo að það hafi ekki virkað á Björn Bjarnason og Árna Johnsen. Er þá bara ein leið í stöðunni og það er að kjósa eitthvað annað sem er í raun mun áhrifameira en útstrikun.